[᭔᭓ 43B]
᭔᭓
ᬲᬃ᭞ᬳᭂᬦ᭄ᬢᭀᬫᬤᬦ᭄ᬢᬶᬯᬲ᭄ᬢᬸᬳᬸ᭟ᬧᬵᬢᬹᬢ᭄ᬫᬤᬵᬦᬧᬶᬮᬶᬳᬶᬦ᭄᭞ᬢᬸᬃᬢᬶᬫ᭄ᬩᬗᬂ᭞ᬳᬧᬂᬳᭂᬤ᭄ᬳᬜᬮᬄᬳᬗ᭄ᬓᬸᬄ᭞ᬢᬶᬗ᭄ᬓᬳᬾᬜᬮᬦᬂᬧᬢᬹᬢ᭄᭞ᬳᭂᬜ᭄ᬘᬾᬦ᭄ᬜᬦ᭄ᬤᬂᬫᬜᬸᬓᬦᬶᬦ᭄᭞ᬳᭂᬦ᭄ᬢᭀᬳᬸᬕᬶᬚ᭄ᬯᬢᬶᬯᬓᬂ᭞
ᬫᬗ᭄ᬤᬾᬦᬾ ᬫᬗ᭄ᬕᬸᬄᬭᬳᬬᬸ᭞ᬲᬂᬫᬦᬫ᭄ᬧᬶᬤᬤᬶᬍᬕ᭞ᬍᬕᬨᬮᬦᬾᬓᬢᬫ᭄ᬧᬶ᭞ᬫᬦᬫ᭄ᬧᬶᬲ᭄ᬯᬃᬕ᭄ᬕᬫᭀᬢ᭄ᬢᬫ᭞ᬢᬦ᭄ᬧᭂᬕᬢ᭄ᬫᬫᬗ᭄ᬕᬶᬄᬳᬬᬸ᭟ᬬᬦ᭄ᬲᬶᬤ᭄ᬥᬲᬓᬶᬂᬗᬢᬸᬭᬶᬦ᭄᭞ᬫᬶᬯᬄᬗᬸᬦ᭄ᬤᬂ᭞ᬤᬵᬦᬧᬸᬡ᭄ᬬᬦᬾ ᬓᬳ
ᬢᬸᬃ᭞ᬢᬸᬭᬶᬂᬫᬲᬵᬓ᭄ᬱᬶᬲᬂᬯᬶᬓᬸ᭞ᬲᬳᬩᬩᬦ᭄ᬢᭂᬘᬸᬫᬯᬶᬲ᭄᭞ᬳᭂᬦ᭄ᬢᭀᬤᬵᬦᬳᬸᬢ᭄ᬢᬫ᭞ᬬᬦᬶᬂᬲᬓᬶᬂᬳᬦᬓ᭄ᬭᬯᬸᬄ᭞ᬭᬯᬸᬄᬲᬓᬶᬂᬢᬦ᭄ᬳᬶᬦᬸᬦ᭄ᬤᬂ᭞ᬤᬵᬦᬫᬥ᭄ᬬᬓᬯᬱ᭄ᬝᬦᬶᬦ᭄᭞ᬤᬵᬦᬫᬥ᭄ᬬᬨᬮᬫᬥ᭄ᬬ᭞ᬍᬯᬶᬄᬤᬵ
ᬦᬍᬯᬶᬄᬢᭂᬧᬸᬓ᭄᭟ᬬᬦ᭄ᬳᬶᬤᭂᬧᬾ ᬳᭀᬩᬄᬤᬓᬶ᭞ᬫᬯᬾᬄᬤᬵᬦ᭞ᬳᬶᬥᭂᬧᬾᬢᬦ᭄ᬲᬄᬳᬶᬩᬸᬓ᭄᭞ᬪ᭄ᬭᬡᬢᭂᬮᬄᬲᬳᬶᬳᬶᬢᬸᬂᬯᭂᬢᬸᬲᭂᬩᭂᬂᬫᬺᬗᬸᬲ᭄ᬲᬳᬶ᭞ᬢ᭄ᬯᬭᬗᬸᬕᬸᬓᬃᬫ᭄ᬫᬨᬮ᭞ᬤᬵᬦᬦᬶᬱ᭄ᬝᬯᬱ᭄ᬝᬦ᭄ᬳᬶᬧᬸᬦ᭄᭞
[᭔᭔ 44A]
ᬲᬶᬦᬄᬦᬶᬱ᭄ᬝᬨᬮᬩᬓᬢ᭄᭞ᬧᬗᬸᬘᬧ᭄ᬲᬂᬯᬶᬓᬸᬍᬯᬶᬄ᭞ᬓᭂᬦᬫᬢᬗᬭᬦ᭄ᬧᬶᬲᬦ᭄᭞ᬫᬸᬮᬲᭂᬗ᭄ᬓᬗᬮᬶᬄᬳᬬᬸ᭟ᬳᬲᬶᬂᬲᭀᬮᬳᬾ ᬤᬶᬕᬸᬫᬶ᭞ᬢ᭄ᬯᬭᬮᬾᬦᬦ᭄᭞ᬳᬶᬥᭂᬧ᭄ᬍᬕᬦᬾ ᬫᬦᬸᬗ᭄ᬕᬸ᭞ᬬᬤᬶᬦ᭄ᬢᬧᬥᬃ
ᬫ᭄ᬫᬲᬥᬸ᭞ᬳᭂᬦ᭄ᬢᭀᬢ᭄ᬯᬄᬢ᭄ᬯᬭᬫᬮᬸᬤᬶᬄ᭞ᬬᬦ᭄ᬢᬦ᭄ᬫᬢᬢᬓᬦ᭄ᬥᬃᬫ᭄ᬫ᭞ᬤᬶᬚᬗᬮᬶᬄᬨᬮᬳᬬᬸ᭞ᬤᬤᬶᬦᬶᬱ᭄ᬝᬬᬫᬓᭂᬚᬂ᭞ᬫᬢᬶᬳᬶᬤᬸᬧ᭄ᬢᬦ᭄ᬫᬫᬗ᭄ᬕᬶᬄ᭞ᬨᬮᬦᬾ ᬓᭀᬘᬧ᭄ᬳᬸᬢ᭄ᬢᬫ᭞ᬯᬶᬭᬾᬄᬳᬶᬩᬸᬓᬾ ᬫᬫᬸᬳᬸᬦ᭄᭟
ᬬᬦᬶᬂᬲᬂᬫᬢᬓᬶᬢᬓᬶ᭞ᬤᬵᬦᬥᬃᬫ᭄ᬫ᭞ᬢᬦ᭄ᬲᬄᬧᬫᬸᬗ᭄ᬕᭂᬮᬶᬦ᭄ᬓᬬᬸᬦ᭄᭞ᬫᬦᬶᬗ᭄ᬕᬮᬂᬢᬺᬱ᭄ᬦᬳᬶᬩᬸᬓ᭄᭞ᬫᬶᬯᬄᬓ᭄ᬭᭀᬥᬚ᭄ᬭᭀᬦᬶᬂᬳᬢᬶ᭞ᬬᬦ᭄ᬳᭂᬦ᭄ᬢᭀᬲᬸᬩᬫᬢᬶᬗ᭄ᬕᬮ᭄᭞ᬳᬸᬧᬫᬳᬶᬳᭂᬩᬸᬦ᭄ᬓᬬᬸ᭞ᬳᭂᬤᭀᬦ᭄ᬘᬭᬗᭂᬜᬦᬾ ᬚᬸᬯᬂ
ᬬᬤᬶᬦ᭄ᬧᬸᬜᬦ᭄ᬜᬦᬾ ᬓᬡ᭄ᬥᬶᬓ᭄᭞ᬲᭂᬩᭂᬗᬾ ᬢ᭄ᬯᬭᬫᬫᬶᬦ᭄ᬤᬄ᭞ᬓᬾᬢᭀᬮᬓ᭄ᬱᬦᬦᬾᬮᬸᬳᬸᬂ᭟ᬬᬤᬶᬦ᭄ᬳᬦᬓ᭄ᬤᬵᬦᬫᬸᬜᬶ᭞ᬲᭀᬓ᭄ᬦᬸᬢᬸᬭᬂ᭞ᬢᬶᬗ᭄ᬓᬳᬾ ᬫᬤᬵᬦᬧᬢᬹᬢ᭄᭞ᬦᬸᬦ᭄ᬤᬾᬦ᭄ᬳᬦᬓ᭄ᬤᬳᬢ᭄ᬮᬚᬸ᭞ᬫᬗ᭄ᬤ
Kaca:Bali-lontar-gaguritan-paparikan-sarasamuscaya-300ppi.pdf/44
Kaca puniki sampun kauji-wacén
