[᭔᭔ 44B]
᭔᭔
ᬫᬤᬵᬦᬦᬸᬳᬸᬢᬶᬦ᭄᭞ᬦᬗᬶᬂᬬᬤᭂᬫᬶᬢ᭄ᬧᬶᬲᬦ᭄᭞ᬗᬸᬢᬂᬪ᭄ᬭᬡᬤᬳᬢ᭄ᬢᬓᬸᬢ᭄᭞ᬳᭂᬦ᭄ᬢᭀᬚᬦ᭄ᬫᬤᬳᬢ᭄ᬦᬶᬱ᭄ᬝ᭞ᬢᬦᬸᬭᬸᬂᬫᬦᬤᬶᬩᬜ᭄ᬘᬶᬄ᭞ᬨᬮᬦ᭄ᬤᬦᬦᬾᬳᬲᬶᬩᬓ᭄᭞ᬳᬲᬶᬂᬲᬤ᭄ᬬᬢ᭄ᬯᬭᬓᬢᭂᬧᬸᬓ᭄᭟ᬧᬹᬚᬭᬶᬂ
ᬲᬗ᭄ᬳ᭄ᬬᬂᬅᬖ᭄ᬦᬶ᭞ᬫᬓᬫᬶᬯᬄ᭞ᬫᬹᬚᬭᬶᬂᬖ᭄ᬦᬶᬢᬢᭂᬮᬸ᭞ᬤᬵᬦᬭᬶᬂᬓᬸᬡ᭄ᬥᬓᬧᬵᬢᬹᬢ᭄᭞ᬳᭂᬦ᭄ᬢᭀᬳᬶᬱ᭄ᬝᬓᬳᬤᬦᬶᬦ᭄᭞ᬳᬶᬱ᭄ᬝᬦᬾᬚᬦᬶᬚᬮᬦᬂ᭞ᬫᬮᬭᬦ᭄ᬫᬗ᭄ᬕᬶᬄᬭᬳᬬᬸ᭞ᬳᬧᬂᬤᬵᬫᬗᬤᭀᬯᬂ᭞ᬓᬳᬸᬢᬸᬲ᭄ᬫ
ᬳᬶᬦᬸᬫᬶᬢᬶᬲ᭄᭞ᬬᬦ᭄ᬢᬦ᭄ᬦᬗᬸᬦ᭄ᬢᬧᬪᬺᬢ᭞ᬳᬸᬭᬶᬧ᭄ᬮ᭄ᬯᬶᬃᬢᬦ᭄ᬧᬢᬸᬯᬸᬄ᭟ᬧᬹᬡ᭄ᬬᬢᬮᬕᬵᬢᬦᬮᬶ᭞ᬫᬓᬫᬶᬯᬄ᭞ᬓᬢᭂᬓᬾᬂᬫᬧᬸᬡ᭄ᬬᬲᬸᬫᬸᬃ᭞ᬤᬾᬯᬕᬺᬳᬫᬶᬯᬄᬳᬸᬮᬸᬮ᭄᭞ᬫᬶᬯᬄᬫᬧᬸᬡ᭄ᬬᬦᬲᬶ᭞ᬧᬹᬡ᭄ᬬ
ᬮᬕᬸᬧᬯᬶᬭᬫᬦ᭄᭞ᬲᬧ᭄ᬭᬓᬵᬭᬦᬾᬳᬸᬫᬸᬭᬸᬩ᭄᭞ᬧᬢᬦᬶᬕᬶᬮᬂᬕᬸᬫᬶᬮᬂ᭞ᬲᬫᬶᬧᬹᬃᬢ᭄ᬢᬓᬢᬤᬦᬶᬦ᭄᭞ᬧᬹᬃᬢ᭄ᬢᬦᬾ ᬮᬶᬯᬢ᭄ᬳᬸᬢ᭄ᬢᬫ᭞ᬧᬹᬃᬢ᭄ᬢᬦᬾ ᬜᬦ᭄ᬤᬂᬧᬶᬢᬸᬳᬸ᭟ᬬᬦ᭄ᬳᬶᬚᬦ᭄ᬫᬢᭀᬦ᭄ᬤᬾᬦ᭄ᬧᬲ᭄ᬢᬶ᭞ᬭᬶᬂᬓ
[᭔᭕ 45A]
ᬧ᭄ᬭᬚ᭄ᬜᬦᬦ᭄᭞ᬓᬺᬢ᭄ᬢᬓᬺᬢ᭄ᬬᬦᬾᬲᬸᬭᬸᬤ᭄᭞ᬘᬢᬹᬃᬯᬃᬕ᭄ᬕᬫᬲᬶᬄᬲᬸᬭᬸᬤ᭄᭞ᬤᬸᬭᬸᬂᬲᬫᬶᬓᬳᬸᬦᬶᬗᬶᬦ᭄᭞ᬳᭂᬦ᭄ᬢᭀᬲᬶᬦᬄᬕᭂᬢᬧ᭄ᬧᬶᬲᬦ᭄᭞ᬬᬾᬦᬵᬫᬢᬶᬮᬯᬢᬶᬂᬢᬓᬸᬢ᭄᭞ᬬᬦᬶᬂᬳᬶᬤ᭄ᬳᬲᬂᬧ᭄ᬭᬚ᭄ᬜᬦ᭄᭞ᬲᬾᬤᬦᬾᬢ᭄ᬯᬄ
ᬓᬳᬢᬶᬳᬢᬶ᭞ᬓᬺᬢ᭄ᬢ᭄ᬬᬘᬢᬹᬃᬯᬃᬕ᭄ᬕᬢᬢᬲ᭄᭞ᬲᬂᬳᬶᬱ᭄ᬝᬫᬗᬦ᭄ᬢᬶᬤᬶᬢᬸ᭟ᬬᬦᬶᬂᬍᬓᬶᬕ᭄ᬫᬗᬃᬤ᭄ᬥᬶᬦᬶᬦ᭄᭞ᬳᬶᬓᬥᬃᬫ᭄ᬫᬦ᭄᭞ᬢ᭄ᬯᬭᬳᭂᬜᬓ᭄ᬗᭂᬢᬸᬢ᭄ᬧᬵᬢᬹᬢ᭄᭞ᬢᬦ᭄ᬲᬄᬫᬸᬭᬂᬫᬸᬭᬂᬮᬓᬸ᭞ᬳᭂᬦ᭄ᬢᭀᬲᬶᬦᬄᬲᬳᬶᬗᬶ
ᬧᬶ᭞ᬧᬸᬍᬲ᭄ᬜᬦᬾ ᬢ᭄ᬯᬭᬫᭂᬮᬄ᭞ᬳᬲᬶᬂᬮᬶᬓᬤᬾ ᬓᬢᬸᬚᬸ᭞ᬫᬦᬸᬚᬸᬯᬂᬓᬦᭂᬭᬓᬦ᭄᭞ᬤᬶᬓᬯᬳᬾ ᬧᬘᬂᬫᬸᬓ᭄ᬢᬶ᭞ᬫᬸᬓ᭄ᬢᬶᬲᬓᬶᬢ᭄ᬓᬲᬗ᭄ᬲᬭᬦ᭄᭞ᬦᬸᬫᬶᬢᬶᬲ᭄ᬫᬗ᭄ᬕᬶᬄᬧᬓᬾᬬᬸᬄ᭟ᬬᬦ᭄ᬫᬤᬵᬦᬩᬳ
ᬦ᭄ᬦᬲᬶ᭞ᬢᬸᬃᬫᬘᬤᬂ᭞ᬤᬶᬫᬃᬕ᭄ᬕᬫᬃᬕ᭄ᬕᬓᬢᬸᬗ᭄ᬕᬸ᭞ᬓᬲᬶᬫ᭄ᬧᬗᬂᬳᬲᬶᬂᬭᬯᬸᬄ᭞ᬫᬤᬲᬃᬫᬦᬳᬾ ᬳᭂᬦᬶᬂ᭞ᬩᭀᬬᬲᬓᬶᬂᬓᬲᬓᬶᬢᬦ᭄᭞ᬢᬶᬗ᭄ᬓᬳᬾᬧᬘᬂᬲᬲᬸᬕᬸᬄ᭞ᬧᬦᬫ᭄ᬬᬸᬦᬾ ᬲᬓᬶᬂᬳᬾᬮᬄ
Kaca:Bali-lontar-gaguritan-paparikan-sarasamuscaya-300ppi.pdf/45
Kaca puniki sampun kauji-wacén
