[᭔᭕ 45B]
᭔᭕
ᬳᭂᬦ᭄ᬢᭀᬨᬮᬲ᭄ᬯᬃᬕ᭄ᬕᬩᭂᬘᬶᬓ᭄᭞ᬭᬶᬯᭂᬓᬲ᭄ᬫᬗ᭄ᬕᬶᬳᬂᬲᬸᬓ᭞ᬰᬸᬪᬓᬃᬫ᭄ᬫᬦᬾ ᬫᬦᬸᬢᬸᬕ᭄᭞ᬬᬦᬶᬂᬳᬤᬳᬦᬓ᭄ᬲᬓᬶᬢ᭄᭞ᬢᬶᬯᬲ᭄ᬩᭂᬭᬕ᭄᭞ᬫᬫᬗ᭄ᬕᬶᬄᬚᭂᬗᬳᬾᬳᬕᬸᬂ᭞ᬓᬸᬭᬂᬧᬗᬦ᭄ᬫᬶᬯᬄᬓᬶᬦᬸᬫ᭄
ᬳᭂᬦ᭄ᬢᭀᬳᬾᬦᬵᬕ᭄ᬕᬮᬂᬚᬕ᭄ᬚᬕᬶᬦ᭄᭞ᬮᬭᬦ᭄ᬜᬦᬾ ᬚ᭄ᬯᬲᬧᬸᬢᬂ᭞ᬳᬸᬩᬸᬗᬶᬦ᭄ᬩᬦ᭄ᬧᬗᬦ᭄ᬓᬶᬦᬸᬫ᭄᭞ᬬᬦᬶᬂᬲᬶᬤ᭄ᬥᬳᬫᭀᬦ᭄ᬢᭀᬯᬂ᭞ᬢᬦ᭄ᬧᬧᬥᬲᬸᬓᬧᬗ᭄ᬕᬶᬄ᭞ᬲᬓᬮᬫᬶᬯᬄᬦᬶᬲ᭄ᬓᬮ᭞ᬢᬦ᭄ᬳᬶᬦᬸᬘᬧ᭄ᬲᬸᬓᬵᬧᬗ᭄ᬕᬸᬄ
ᬳᭂᬦ᭄ᬢᭀᬢᬢᬲᬂᬦᬾ ᬚᬦᬶ᭞ᬲᬂᬫᬤᬵᬦ᭞ᬫᬶᬯᬄᬲ᭄ᬦᬕ᭄ᬫᬦᬫ᭄ᬧᬶᬫᬮᬸ᭞ᬚᬦᬶᬢᭂᬦᬸᬂᬳᬮᬳᬬᬸ᭞ᬓ᭄ᬭᬡᬳᬤᬢᬶᬯᬲ᭄ᬲᬸᬕᬶᬄ᭞ᬩᭀᬘᭀᬓ᭄ᬩᬕᬸᬲ᭄ᬢᬦ᭄ᬯᬶᬦᬶᬮᬂ᭞ᬳᭂᬦ᭄ᬢᭀᬢᬸᬯᬄᬧᬕᬯᬾᬫᬮᬸ᭞ᬳᬶᬦᬸᬘᬧᬂᬨᬮᬓᬃᬫ᭄ᬫ᭞
ᬳᭂᬦ᭄ᬢᭀᬦᬸᬢᬸᬕ᭄ᬓᬬᬂᬚᬦᬶ᭞ᬦᬾ ᬚᬦᬶᬧᬥᬓᬢᬫ᭞ᬦᬫᬳᬮᬫᬶᬯᬄᬳᬬᬸ᭟ᬦᬾ ᬢᬢᬮᬸᬳᬤᬚᬢᬶ᭞ᬭᬶᬂᬲᬂᬥᬃᬫ᭄ᬫ᭞ᬦ ᬳᬾᬧᬘᬂᬫᬗ᭄ᬕᬾᬦ᭄ᬫᬢᬫ᭄ᬬᬸ᭞ᬫᬓᬤᬶᬲᬃᬯ᭄ᬯᬢᬸᬫᬸᬯᬸᬄ᭞ᬫᬶᬯᬄᬯᬘᬡᬳᬫᬦᬶᬲ᭄᭞
[᭔᭖ 46A]
ᬓᬢᭂᬓᬾᬦᬵᬕ᭄ᬢᭀᬬᬫᭀᬢ᭄ᬢᬫ᭞ᬳᭂᬦ᭄ᬢᭀᬳᬤ᭄ᬳᬫᬓᬢᭂᬮᬸ᭞ᬭᬶᬂᬰ᭄ᬭᬫᬦ᭄ᬲᬂᬲᬚ᭄ᬜᬦ᭞ᬤᬾᬦᬶᬂᬳᬶᬤᬤᬳᬢ᭄ᬫᬶᬲ᭄ᬓᬶᬦ᭄᭞ᬢᬸᬯᬶᬓᬸᬭᬵᬂᬭᬚᬪ᭄ᬭᬡ᭞ᬓᬾᬢᭀᬧᬵᬢᬹᬢᬾᬲᬂᬯᬶᬓᬸ᭟ᬬᬦ᭄ᬲᬂᬫᬫ᭄ᬩᭂᬓ᭄ᬲᬶᬕᬸᬕ᭄ᬩᭂᬕᬶᬕ᭄
ᬢᬦ᭄ᬗᬶᬢᬸᬗᬂ᭞ᬤᬾᬯᬭᬭᬾᬢᬸᬳᬢᬫ᭄ᬬᬸ᭞ᬥᬃᬫ᭄ᬫᬧᬡ᭄ᬥᬶᬢᬢᬦ᭄ᬓᬳᬶᬢᬸᬂᬗᬸᬮᬄᬩᭂᬢᭂᬓ᭄ᬧᬤᬶᬤᬶᬬᬶᬦ᭄᭞ᬢ᭄ᬯᬭᬩᬶᬲᬫᬢᬜ᭄ᬚᬳᬦ᭄᭞ᬭᬶᬓᬮᬫᬗᬦ᭄ᬳᬗᬶᬦᬸᬫ᭄᭞ᬳᭂᬦ᭄ᬢᭀᬚᬦ᭄ᬫᬓᬭᬓ᭄ᬱᬲᬦ᭄᭞ᬢ᭄ᬯᬭ
ᬦᬯᬂᬫᬦ᭄ᬢ᭄ᬭᬍᬯᬶᬄ᭞ᬢᬦ᭄ᬗᬶᬢᬸᬗᬂᬥᬃᬫ᭄ᬫᬰᬲ᭄ᬢ᭄ᬭ᭞ᬢᬦ᭄ᬦᬶᬫ᭄ᬩᬗᬂᬤᬾᬯᬢᬸᬳᬸ᭟ᬬᬓ᭄ᬢᬶᬗ᭄ᬓᬳᬶᬂᬧᬸᬢ᭄ᬭᬚᬵᬢᬶ᭞ᬳᭂᬤᬦᬶᬡ᭄ᬥ᭞ᬭᬶᬂᬲᬂᬬᬬᬄᬫ᭄ᬯᬄᬳᬶᬩᬸ᭞ᬭᬶᬂᬭᬹᬧᬓᬳᭂᬤᬦᬸᬤᬸᬄ᭞ᬳᭂᬤᬳᬮ᭄ᬧᬢᬸᬮᬓ᭄ᬩᬦᬶ᭞ᬬᬦ᭄ᬭᬶᬓ
ᬮᬫᬦᬥᬄ᭞ᬳᬲᬶᬂᬧᬗᬦ᭄ᬫᬸᬯᬄᬫ᭄ᬓᬶᬦᬸᬫ᭄᭞ᬧᬵᬢᬹᬢᬾᬯᬦ᭄ᬢᬄᬢᬸᬦᬲᬂ᭞ᬬᬦ᭄ᬲᬶᬤ᭄ᬥᬫᬗ᭄ᬮᬸᬗ᭄ᬲᬸᬃᬲᬳᬶ᭞ᬓᬾᬢᭀᬧᬢᬹᬢᬾᬳᬶᬧᬸᬢ᭄ᬭ᭞ᬲ᭄ᬯᬃᬕ᭄ᬕᬧᬮᬯᭂᬓᬲ᭄ᬢᭂᬧᬸᬓ᭄᭟ᬧᬓᬃᬤ᭄ᬥᬶᬦ᭄ᬳᬶᬧ᭄ᬬᬦᬓ᭄ᬩᬸᬯᬶᬦ᭄᭞
Kaca:Bali-lontar-gaguritan-paparikan-sarasamuscaya-300ppi.pdf/46
Kaca puniki sampun kauji-wacén
