[᭔᭖ 46B]
᭔᭖
ᬢ᭄ᬯᬄᬜᬮᬦᬂ᭞ᬫᬓᬓᬦ᭄ᬢᬶᬦ᭄ᬲᬂᬧ᭄ᬭᬪᬸ᭞ᬬᬦᬶᬂᬲᬥᬸᬲᬓ᭄ᬢᬶᬢᬸᬳᬸ᭞ᬕᬸᬡᬧᬦᬸᬮᬸᬂᬲᬂᬰᬓ᭄ᬢᬶ᭞ᬳᬲᬶᬂᬫᬫᬗ᭄ᬕᬶᬄᬲᬗ᭄ᬲᬭ᭞ᬳᬶᬭᬚᬪ᭄ᬭᬡᬫᬧᬸᬡ᭄ᬥᬸᬄ᭞ᬕᬸᬡᬦ᭄ᬜᬦᬾ ᬧᬤᬵᬦᬬᬂ᭞ᬳᬶᬢᬶᬯᬲ᭄ᬧᬢᬸᬢᬶᬂ
ᬓᬸᬮᬶ᭞ᬫᬶᬯᬄᬫᬓᬤᬶᬧᬗᬬᬄ᭞ᬬᬦ᭄ᬧᬸᬢ᭄ᬭᬍᬯᬶᬄᬧᬶᬢᬸᬳᬸ᭞ᬳᬶᬫᬦᬸᬱᬢ᭄ᬯᬄᬫᬓᬓᬦ᭄ᬢᬶ᭞ᬭᬶᬂᬳᬶᬓᬥᬂ᭞ᬮ᭄ᬯᬶᬃᬲᬗ᭄ᬳ᭄ᬬᬂᬳᬶᬦ᭄ᬤ᭄ᬭᬓᬃᬲᬥᬸᬦ᭄᭞ᬲᬃᬯ᭄ᬯᬳᬸᬭᬶᬧᬾ ᬓᬢᬸᬮᬸᬂ᭞ᬳᬶᬓᬬᬸᬳᬸᬧᬫᬶᬫᬮᬶᬄ᭞ᬫᬦᬸ
ᬮᬸᬂᬳᬶᬓᭂᬤᬶᬲ᭄ᬫᬓᭂᬚᬂ᭞ᬦᬄᬓᬾᬢᭀᬳᬶᬧᬸᬢ᭄ᬭᬢᬸᬳᬸ᭞ᬧᬢᬸᬢ᭄ᬦᬸᬮᬸᬂᬳᬶᬓᬥᬂᬯᬃᬕ᭄ᬕ᭞ᬳᬲᬶᬂᬲᬂᬲᬭᬢᬸᬮᬸᬗᬶᬦ᭄᭞ᬓᬾᬢᭀᬧᬮᬦᬶᬂᬲᬦ᭄ᬢᬦ᭞ᬲᬦ᭄ᬢᬦᬚᬢᬶᬦᬾ ᬢᬸᬭᬸᬦ᭄᭟ᬬᬦᬶᬂᬳᬤ᭄ᬳᬳᬦᬓ᭄ᬱᬸ
ᬕᬶᬄ᭞ᬓᬾᬯᬾᬄᬧᬶᬲᬦ᭄᭞ᬬᬦ᭄ᬳᬓᬥᬂᬭᬯᬸᬄ᭞ᬦᬾ ᬦᬾᬭᬯᬸᬄᬮᬶᬯᬢ᭄ᬮᬘᬸᬃ᭞ᬤᬤᬶᬫᬓᬤᬤ᭄ᬯᬲᬓᬶᬢ᭄᭞ᬳᬸᬧᬫᬓᬤᬶᬳᬶᬓᬤᬂ᭞ᬫᬱ᭄ᬭᬬᬭᬶᬂᬳᬮᬲ᭄ᬧᬸᬳᬸᬦ᭄᭞ᬧᬥᬕᭂᬲᭂᬂᬓᬢᬸᬦᬸᬯᬦ᭄᭞ᬳᭂᬦ᭄ᬢᭀ
[᭔᭗ 47A]
ᬫᬤᬦ᭄ᬲᬸᬕᬶᬄᬫᬢᬶ᭞ᬢ᭄ᬯᬭᬜᬦ᭄ᬤ᭄ᬦᬕ᭄ᬓᬸᬫᬦ᭄ᬤᭂᬮᬂ᭞ᬲᬸᬕᬶᬄᬫᬮᬳᬸᬮᬶᬄᬍᬢᬸᬄ᭟ᬦᬾ ᬦᬾ ᬜᬦ᭄ᬤᬂᬳᬚᬓ᭄ᬫᬸᬮᬶᬄ᭞ᬳᬶᬓᬤᬂᬲᭂᬦ᭄ᬢᬦᬮᬘᬸᬃ᭞ᬫᬶᬢ᭄ᬭᬢᬶᬯᬲ᭄ᬫᬗ᭄ᬕᬸᬄᬲᬸᬗ᭄ᬲᬸᬢ᭄᭞ᬧᬜ᭄ᬚᬓ᭄ᬮᬭᬓᬲᬶᬄᬳ
ᬲᬶᬄ᭞ᬲᬂᬫᬯᬗ᭄ᬰᬓᬲᬂᬰᬭᬦ᭄᭞ᬳᭂᬦ᭄ᬢᭀᬦᬾ ᬧᬢ᭄ᬧᬢ᭄᭞ᬚ᭄ᬯᬤᬸᬤᬸᬓ᭄᭞ᬜᬦ᭄ᬤᬂᬓᭂᬜ᭄ᬘᬦᬶᬦ᭄ᬤᬶᬚᬸᬫᬄ᭞ᬧ᭄ᬮᬧᬦᬶᬦ᭄ᬲᬳᬶᬲᬳᬶ᭞ᬳᭂᬤᬳᬸᬕᬶᬦᬸᬮᬾᬫᬦᬂ᭞ᬓᬾᬢᭀᬢᬶᬗ᭄ᬓᬄᬚᬦ᭄ᬫᬢᬸᬳᬸ᭟ᬦᬾ ᬢ᭄ᬯᬭᬜᬦ᭄ᬤᬂᬳᬸᬩᬸ
ᬳᬶᬦ᭄᭞ᬧᭂᬚᬂᬚᬸᬫᬄ᭞ᬓᬾᬦᬾ ᬘᬘᬓᬦᬾ ᬳᬶᬢᬸᬂ᭞ᬚᬦ᭄ᬫᬗᭂᬓᭀᬄᬢᬶᬯᬲ᭄ᬲᬶᬕᬸᬕ᭄᭞ᬚᬦ᭄ᬫᬤᭂᬕᬕ᭄ᬫᬶᬯᬄᬚᬳᬶᬮ᭄᭞ᬯ᭄ᬯᬂᬦᬶᬭᬃᬣᬤᭀᬬᬦ᭄ᬗᬫᬄ᭞ᬯ᭄ᬯᬂᬫᭂᬜ᭄ᬘᬦᬾᬦ᭄ᬢᬶᬫ᭄ᬧᬮ᭄ᬧᬢᬹᬢ᭄᭞ᬚᬦ᭄ᬫᬓᬕᭂᬤᭂᬕᬶᬦ᭄ᬢᬶ
ᬫ᭄ᬧᬮ᭄᭞ᬢ᭄ᬯᬭᬗᭂᬮᬄᬳᬾᬭᬂᬲᬳᬶ᭞ᬫᬶᬯᬄᬯ᭄ᬯᬂᬢᬦ᭄ᬳᬭᬶᬫ᭄ᬪᬯ᭞ᬓᬮᬦᬾ ᬰᬢᬦ᭄ᬓᬮᬶᬗᬸ᭟ᬩᬸᬯᬶᬦ᭄ᬳᬤᬚᬦ᭄ᬫᬩᬗ᭄ᬕᬶ᭞ᬗ᭄ᬕᬯᬾᬕᭀᬩ᭞ᬫᬗ᭄ᬕᬯᬾᬕᭀᬩᬫᬜᬭᬸ᭞ᬕᭀᬩᬲᭀᬮᬳᬾ ᬢᬦ᭄
Kaca:Bali-lontar-gaguritan-paparikan-sarasamuscaya-300ppi.pdf/47
Kaca puniki sampun kauji-wacén
