[᭔᭗ 47B]
᭔᭗
ᬧᬵᬢᬹᬢ᭄᭞ᬳᭂᬦ᭄ᬢᭀᬓᬭᬗ᭄ᬲᬸᬓᬂᬲᬳᬶ᭞ᬓᬾᬢᭀᬘᬘᬓᬦ᭄ᬳᬶᬘᭀᬭᬄ᭞ᬦᬾ ᬦᬾ ᬢ᭄ᬯᬭᬜᬦ᭄ᬤᬂᬕᬸᬕᬸ᭞ᬫᬶᬯᬄᬳᭂᬤᬗᬚᬓ᭄ᬚᬸᬫᬄ᭞ᬳᭂᬤᬲᬸᬤᬶᬫᬗᭂᬦᭂᬫᬶᬦ᭄᭞ᬳᬧᬂᬤᬵᬓᬢᬶᬡ᭄ᬥᬸᬲᬦ᭄᭞ᬓᭂᬦᬳᬸᬚᬃᬢ᭄ᬯᬭ
ᬧᬵᬢᬹᬢ᭄᭟ᬧᬫᬃᬕ᭄ᬕᬦ᭄ᬲᬂᬯᬶᬓᬸᬍᬯᬶᬄ᭞ᬦᬾ ᬭᬶᬂᬚᬕᬢ᭄᭞ᬢ᭄ᬯᬶᬢ᭄ᬯᬭᬳᬮᬫ᭄ᬭᬶᬂᬓᬳ᭄ᬬᬸᬦ᭄᭞ᬢᬦ᭄ᬲᬄᬫᬗᬚᬶᬫᬜᬸᬚᬸᬃ᭞ᬗᬸᬜ᭄ᬘᬃᬋᬕ᭄ᬯᬾᬥᬦᬾ ᬰᬓ᭄ᬢᬶ᭞ᬳᬶᬤᬜᭂᬦᭂᬂᬫ᭄ᬧᬸᬭᭀᬳᬶᬢᬵ᭞ᬫᬰᬶᬱ᭄ᬬᬫᬓᬤᬂᬧᬵ
ᬢᬹᬢ᭄᭞ᬢᬢᬲ᭄ᬭᬶᬂᬲᬗ᭄ᬬᬂᬰᬵᬲ᭄ᬢ᭄ᬭ᭞ᬰᬶᬱ᭄ᬯᬘᬭᬫᬶᬦᬓᬤᬶ᭞ᬳᭂᬦ᭄ᬢᭀᬜᬦ᭄ᬤᬂᬓᬧᬕᭂᬳᬂ᭞ᬭᬶᬂᬳᬶᬤᬲᬂᬯᬶᬓᬸᬧᬸᬢᬸᬲ᭄᭟ᬳᬤ᭄ᬳᬩᬸᬯᬶᬦ᭄ᬤ᭄ᬭᭀᬳᬓᬳᬶᬭᬶ᭞ᬭᬶᬂᬧᬕᬸᬭᬦ᭄᭞ᬫᬓᬤᬶᬭᬶᬂᬬᬬᬄᬳᬶᬩᬸ᭞ᬫ
ᬫᬸᬜᬶᬫᬫᬸᬜᬶᬳᬮ᭄ᬧᬓᬩᬗ᭄ᬮᬸᬲ᭄᭞ᬲᭀᬮᬄᬜᬕᬸᬃᬫᬦᬫ᭄ᬧᬾᬮᬶᬦ᭄᭞ᬳᬶᬤᭂᬧᬾ ᬧᬢᬸᬢ᭄ᬲᬄᬓ᭄ᬭᭀᬥ᭞ᬬᬾᬦ᭄ᬓᬾᬢᭀᬦᬾᬦᬾ ᬢᬢᭂᬮᬸ᭞ᬳᭂᬦ᭄ᬢᭀᬓᬸᬤ᭄ᬬᬂᬫᬦᬸᬢᬸᬭᬂ᭞ᬧᬧᬳᬕᬸᬗᬾᬓᬧᬗ᭄ᬕᬶᬄ᭞ᬧᬥ
[᭔᭘ 48A]
ᬭᬶᬂᬧᬵᬧᬪ᭄ᬭᬸᬡᬳ᭞ᬗᬭᬦ᭄ᬫᬜᬤᬓ᭄ᬫᬫᬸᬕ᭄ᬧᬸᬕ᭄᭟ᬓᬾᬦᬾᬓᬢᬢ᭄ᬯᬦᬾ ᬚᬢᬶ᭞ᬲᬂᬭᬹᬧᬓ᭞ᬦᬾᬫᬵᬤᬦ᭄ᬬᬬᬄᬳᬶᬩᬸ᭞ᬧᬦᬗ᭄ᬓᬦ᭄ᬤᬾᬯᬾᬓᬾ ᬢᬸᬳᬸ᭞ᬢ᭄ᬯᬭᬮᬦᬦᬸᬗ᭄ᬕᬸᬤᬶᬦᬶ᭞ᬬᬦᬶᬂᬕᬸᬭᬸᬧ
ᬗᬤ᭄ᬬᬦ᭄᭞ᬳᬶᬤᬚᬵᬢᬶᬬᬬᬄᬳᬶᬩᬸ᭞ᬮᬦᬤᬤᬶᬲᬸᬗ᭄ᬲᬸᬂᬲᭂᬫ᭄ᬩᬄ᭞ᬲᬗ᭄ᬳ᭄ᬬᬂᬅᬢ᭄ᬫᬢᬦ᭄ᬲᬄᬗᬶᬭᬶᬂ᭞ᬳᭂᬦ᭄ᬢᭀᬕᬸᬭᬸᬦᬾ ᬳᬸᬢ᭄ᬢᬫ᭞ᬲᬮᬓᬸᬦᬾ ᬩᬋᬂᬦᬸᬢᬸᬕ᭄᭞ᬫᬶᬯᬄᬲᬂᬫᬗᬸᬭᬸᬓ᭄ᬲᬳᬶ᭞ᬳ᭄ᬬᬂᬮᭀᬓᬶᬓ᭞
ᬫᬯᬭᬄᬯᬶᬥ᭄ᬬᬧᬶᬢᬸᬢᬸᬃ᭞ᬓᬢᭂᬓᬾᬦᬵᬕ᭄ᬤ᭄ᬬᬢ᭄ᬫᬶᬓᬧᬸᬢᬸᬲ᭄᭞ᬚᬧᬬᭀᬕᬯᬾᬥᬲᬶᬤ᭄ᬥᬶ᭞ᬳᬶᬤ᭄ᬳᬢ᭄ᬯᬄᬕᬸᬭᬸᬧᬗᬚ᭄ᬬᬦ᭄᭞ᬜᬦ᭄ᬤᬂᬲᭂᬫ᭄ᬩᬄᬧᬶᬦᬶᬄᬧᬸᬘᬸᬓ᭄᭞ᬢ᭄ᬯᬄᬳᬸᬢ᭄ᬢᬫᬦᬶᬂᬳᭂᬤᬳᬶᬫᬢᭂᬓᬾᬦ᭄ᬪᬓ᭄ᬢᬶ᭞ᬪᬓ᭄ᬢᬶᬦᬾ ᬳᬸᬕᬶᬲᭂ
ᬓᭂᬦᬂ᭞ᬢᬸᬯᭂᬓᬂᬤᬶᬚ᭄ᬭᭀᬦᬶᬂᬓᬳ᭄ᬬᬸᬦ᭄᭟ᬤᬄᬳᭂᬦᬾ ᬳᬶᬗᭂᬢᬂᬕᬶᬲᬶ᭞ᬳᭂᬤ᭄ᬳᬧᬶᬲᬦ᭄᭞ᬢᬸᬗ᭄ᬓᬲ᭄ᬭᬶᬂᬳᬶᬤᬲᬂᬕᬸᬭᬸ᭞ᬢᬦ᭄ᬲᬄᬫᬗᬶᬭᬶᬂᬫᬲᬳᬸᬃ᭞ᬧᬶᬢ᭄ᬯᬶᬦᬾ ᬲᬗᭂᬢ᭄ᬩ᭄ᬭᬗ᭄ᬢᬶ᭞ᬬᬤᬶᬦ᭄ᬳᬶᬤ᭄ᬳᬤᬸᬓᬫᬢ᭄ᬩᬢ᭄᭞
Kaca:Bali-lontar-gaguritan-paparikan-sarasamuscaya-300ppi.pdf/48
Kaca puniki sampun kauji-wacén
