[᭔᭘ 48B]
᭔᭘
ᬳᬲᭀᬭᬂᬢᬶᬗ᭄ᬓᬳᬾ ᬫᬢᬸᬃ᭞ᬦᬄᬓᬾᬦᬵᬓᬾᬦᬵᬩᬳᬦ᭄ᬫᬤᬬ᭞ᬫᬗ᭄ᬤᬳᬶᬤᬮᬾᬤᬂᬲᬳᬶ᭞ᬧᬗᬲᬶᬄᬳᬲᬶᬳᬾ ᬤᬩ᭄ᬤᬩ᭄᭞ᬲᬸᬰᬶᬮᬦᬶᬂᬳᬸᬚᬃᬳᬭᬹᬫ᭄᭟ᬳᭂᬤᬧᬶᬲᬦ᭄ᬗᭀᬧᭂᬢ᭄ᬚᬮᬶᬄ᭞ᬭᬶᬂᬧᬕᬸᬃᬯᬦ᭄᭞ᬬ
ᬤᬶᬦ᭄ᬳᬶᬯᬂᬬᬤᬶᬦ᭄ᬧᬵᬢᬹᬢ᭄᭞ᬧᬫᬃᬕ᭄ᬕᬦ᭄ᬳᬶᬤᬲᬂᬕᬸᬭᬸ᭞ᬬᬢ᭄ᬦᬳᬶᬦ᭄ᬳᬸᬕᬶᬗᬬᬳᬶᬦ᭄᭞ᬲᬶᬤ᭄ᬥᬬᬂᬳᬸᬕᬶᬜᬾᬯᬓ᭞ᬬᬦ᭄ᬜᬘᬤ᭄ᬳᬶᬤᬲᬂᬕᬸᬭᬸ᭞ᬫᬓ᭄ᬭᬡᬦᬾᬦᭂᬫᬸᬧᬵᬧ᭞ᬘᭂᬦ᭄ᬤᭂᬓ᭄ᬢᬸᬯᬸᬄᬲ᭄ᬭᬶᬂᬲᬓᬶᬢ᭄᭞ᬳᬲᬶᬂ
ᬚᭂᬫᬓ᭄ᬤᬤᬶᬯᬶᬱ᭄ᬬ᭞ᬫᬗ᭄ᬭᬡᬬᬂᬭᬸᬲᬓ᭄ᬩᬬᬸ᭟ᬬᬦᬶᬂᬚᬵᬢᬶᬫᬗᬃᬤ᭄ᬥᬶᬦᬶᬦ᭄᭞ᬧᬹᬚᬲᭂᬫ᭄ᬩᬄ᭞ᬭᬶᬂᬳᬶᬤᬲᬂᬬᬬᬄᬳᬶᬩᬸ᭞ᬲᬳᬶᬲᬳᬶᬧᬕᭂᬄᬧᬸᬕᬸᬄ᭞ᬳᭂᬦ᭄ᬢᭀᬢᬧᬓ᭄ᬓᬯᬱ᭄ᬝᬦᬶᬦ᭄᭞ᬓᬲᬢ᭄ᬬᬦ᭄ᬫ᭄ᬯᬂᬥᬃᬫ᭄ᬫᬲᬵ
ᬥᬸ᭞ᬢᭀᬚᬵᬢᬶᬢ᭄ᬯᬭᬪᬶᬦ᭞ᬲᬂᬢᬶᬮᬶᬂᬧᬕᭂᬄᬳᬲ᭄ᬢᬶᬢᬶ᭞ᬭᬶᬂᬳᬶᬫᬾᬫᬾ ᬫ᭄ᬯᬄᬳᬶᬩᬧ᭞ᬢᬦ᭄ᬯᬗ᭄ᬤᬾᬫᬗ᭄ᬕᬸᬄᬭᬳᬬᬸ᭟ᬬᬦ᭄ᬢᬶᬫ᭄ᬩᬂᬲᬗ᭄ᬳ᭄ᬬᬂᬧ᭄ᬭᬣᬶᬯᬶ᭞ᬢ᭄ᬯᬶᬓᬸᬘᬶᬯ᭞ᬲᬗᭂᬢ᭄ᬓᬩ᭄ᬭᬢᬦ᭄ᬲᬂᬳᬶᬩᬸ᭞
[᭔᭙ 49A]
ᬳᬦ᭄ᬢᬸᬓ᭄ᬪᬓ᭄ᬢᬶᬦᬾ ᬓᬮᬗ᭄ᬓᬸᬂ᭞ᬫᬓᬯᬶᬢᬦ᭄ᬢᬦ᭄ᬧᬢᬦ᭄ᬤᬶᬂ᭞ᬢ᭄ᬯᬭᬤᬤᬶᬳᬮᬫ᭄ᬳᬮᬫ᭄᭞ᬳᬶᬮᬗᬶᬢ᭄ᬢᭂᬕᭂᬳᬾ ᬫᬸᬧᬸᬢ᭄᭞ᬩ᭄ᬯᬶᬦ᭄ᬲᬗᭂᬢ᭄ᬚ᭄ᬯᬳᬦ᭄ᬤᬧ᭄᭞ᬭᬶᬂᬳᬶᬩᬧᬩ᭄ᬯᬢᬶᬂᬪᬓ᭄ᬢᬶ᭞ᬳᬗᬶᬦ᭄ᬢᬭᬶᬓ᭄ᬢ᭄ᬯᬄᬓᬸᬘᬶᬯ᭞ᬬᬦ᭄ᬢ
ᬦ᭄ᬤᬶᬂᬭᬶᬂᬳᬶᬩᬬᬸ᭟ᬧᬧᬶᬦᭂᬳᬾᬬᬦ᭄ᬯᬶᬮᬗᬶᬦ᭄᭞ᬢ᭄ᬯᬭᬲᬶᬤ᭄ᬥ᭞ᬧᬤᬗᬾᬳᬶᬦᬸᬘᬧ᭄ᬮᬬᬸ᭞ᬳᭂᬦᬸᬲᬗᭂᬢ᭄ᬩᬸᬯᬶᬦ᭄ᬮᬗ᭄ᬓᬸᬂ᭞ᬳᬶᬫᬦᬄᬤᬳᬢ᭄ᬲᬭᬶᬧᬶᬢ᭄᭞ᬬᬦ᭄ᬪᬓ᭄ᬢᬶᬦᬾ ᬫᬓᬯᬶᬢᬦ᭄᭞ᬗ᭄ᬕᬯᬾ ᬭᬳᬬᬸᬓᬧᬸᬗ᭄ᬓᬸᬃ᭞ᬳᬶᬲᭂᬦ᭄ᬢᬦ
ᬤᬤᬶᬫᭂᬮᬄ᭞ᬫᬦᬸᬮᬓ᭄ᬬᬰᬦᬾᬚᬦᬶ᭞ᬦᬾ ᬚᬦᬶᬲᬓ᭄ᬱᬢ᭄ᬫᬫᬸᬮ᭞ᬭᬶᬯᭂᬓᬲᬦ᭄ᬧᬘᬂᬧᬸᬧᬸ᭟ᬳᬶᬩᬧᬢᬢᭂᬮᬸᬚᬵᬢᬶ᭞ᬚᬦᬶᬘᬘᬓ᭄᭞ᬳᬶᬤᭂᬧᬾᬦᬾ ᬳᭂᬦᬶᬂᬫᬸᬮᬸᬲ᭄᭞ᬫᬧᬸᬡ᭄ᬬᬳᬸᬭᬶᬧ᭄ᬧᬶᬢᬸᬳᬸ᭞ᬫᬯᬾᬄᬧ
ᬗᬦ᭄ᬭᬶᬂᬯᭀᬂᬫᬶᬲ᭄ᬓᬶᬦ᭄᭞ᬳᭂᬦ᭄ᬢᭀᬘᬘᬓᬦ᭄ᬳᬶᬩᬧ᭞ᬫᬯᬶᬮᬂᬲᬸᬩᬢᬢᬮᬸ᭞ᬩᭂᬲᬶᬓ᭄ᬩᭂᬲᬶᬓ᭄ᬚ᭄ᬯᬳᬶᬗᭂᬢᬶᬦ᭄᭞ᬳᭂᬤᬗᭂᬗ᭄ᬲᬧᬂᬤᬶᬳᬢᬶ᭞ᬩᬸᬗ᭄ᬲᬶᬮ᭄ᬩᬸᬢᬶᬢᬶᬂᬢᭂᬓᭂᬓᬂ᭞ᬤᬾᬦᬵᬳᬶᬂᬫᬭᬕᬲᬲᬸᬯᬸᬓ᭄᭟ᬲᬂᬲᬚᬵ
Kaca:Bali-lontar-gaguritan-paparikan-sarasamuscaya-300ppi.pdf/49
Kaca puniki sampun kauji-wacén
