[᭔᭙ 49B]
᭔᭙
ᬧᬸᬢ᭄ᬭᬓᬤᬤᬶᬦ᭄᭞ᬦᬾ ᬳᬸᬢ᭄ᬢᬫ᭞ᬫᬗ᭄ᬕᬯᬾᬢᬺᬧ᭄ᬢᬶᬦᬶᬂᬕᬸᬭᬸ᭞ᬗ᭄ᬕᬯᬾᬦᬶᬦ᭄ᬭᬹᬧᬓ᭞ᬳᬬᬸᬫᬶᬯᬄᬳᬶᬭᬭᬫᬚᬢᬶ᭞ᬢᬦ᭄ᬲᬄᬳᬶᬩᬧᬗᬃᬬ᭄ᬬᬦᬂ᭞ᬓᬲᬸᬓᬦ᭄ᬳᬶᬧ᭄ᬬᬦᬓ᭄ᬢᬸᬳᬸ᭞ᬳᬲᬶᬂᬧᬦᬕᬶᬄᬳᬶᬧ᭄ᬬᬦᬓ᭄᭞
ᬳᬶᬩᬧᬢ᭄ᬯᬭᬫᬶᬢᭂᬢᬶᬦ᭄᭞ᬬᬤᬶᬦ᭄ᬳᬗ᭄ᬕᬦᬾ ᬓᬢᬸᬦᬲ᭄᭞ᬳᬶᬭᬭᬵᬫᬮᬸᬕ᭄ᬭᬧᬵᬢᬹᬢ᭄᭟ᬢᬺᬱ᭄ᬦᬦ᭄ᬳᬶᬫᬾᬫᬾ ᬦᬾᬚᬢᬶ᭞ᬭᬶᬂᬳᬶᬧ᭄ᬬᬦᬓ᭄᭞ᬬᬤᬶᬦ᭄ᬳᬶᬯᬂᬬᬤᬶᬦ᭄ᬧᬵᬢᬹᬢ᭄᭞ᬬᬤᬶᬦ᭄ᬳᬮᬬᬤᬶᬦ᭄ᬳᬬᬸ᭞ᬬᬤᬶᬦ᭄ᬢᬶᬯ
ᬲ᭄ᬬᬤᬶᬦ᭄ᬲᬸᬕᬶᬄ᭞ᬩ᭄ᬮᭀᬕ᭄ᬭᬶᬭᬶᬄᬦᬾ ᬳᬶᬧ᭄ᬬᬦᬓ᭄᭞ᬳᬶᬫᬾᬫᬾ ᬢ᭄ᬯᬭᬗᬮᬶᬗᬹ᭞ᬲᭀᬓ᭄ᬢᬺᬱ᭄ᬦᬦᬾ ᬫᬧ᭄ᬬᬦᬓ᭄᭞ᬓᬶᬗᭀᬦᬶᬦ᭄ᬲᬳᬶᬓᬓᭂᬫᬶᬢ᭄᭞ᬲᬬᬂᬳᬶᬫᬾᬫᬾᬦᬾ ᬮᬶᬯᬢ᭄᭞ᬳᬮᬳᬬᬸᬦᬾ ᬢᬦ᭄ᬓᬾᬢᬸᬂ
ᬳᬶᬧ᭄ᬬᬦᬓ᭄ᬢ᭄ᬯᬄᬫᬗᬃᬤ᭄ᬥᬶᬦᬶᬦ᭄᭞ᬭᬶᬂᬳᬶᬩᬧ᭞ᬬᬸᬲᬦ᭄ᬮᬶᬗ᭄ᬲᬶᬭᬾᬓᬢᬸᬗ᭄ᬕᬸ᭞ᬢᬦ᭄ᬫᬗᬶᬢᬸᬂᬳᬮᬳᬬᬸ᭞ᬧᬶᬢᬸᬯᬶᬦ ᬳᬾᬢᬶᬯᬲ᭄ᬲᬸᬕᬶᬄᬬᬤᬶᬦ᭄ᬢᬾᬳᬶᬩᬧᬢᬶᬯᬲ᭄᭞ᬢᬦ᭄ᬲᬄᬫᬧᬶᬦᭂᬄᬭᬶᬂᬓᬬᬸᬦ᭄᭞ᬫᬦᬸᬧ᭄ᬢᬸᬧᬂ
[᭕᭐ 50A]
ᬢᬢᬫ᭄ᬬᬦ᭄᭞ᬳᬧᬂᬳᬤᬩᭂᬓᭂᬮ᭄ᬯᬭᬶᬲ᭄᭞ᬢᬦ᭄ᬲᬄᬳᬶᬩᬧᬫᬶᬦᭂᬳᬂ᭞ᬢ᭄ᬯᬭᬗᬾᬫᬦ᭄ᬲᬸᬗ᭄ᬓᬦ᭄ᬢᬸᬬᬸᬄ᭟ᬬᬦᭂᬳᬤᬧ᭄ᬬᬦᬓ᭄ᬪᬓ᭄ᬢᬶ᭞ᬭᬶᬂᬭᬭᬵᬫ᭞ᬲᬸᬓᬤᬸᬄᬓᬩᬋᬂᬓᬸᬫ᭄ᬧᬸᬮ᭄᭞ᬫᬩᬋᬗᬦ᭄ᬳᬲᬶᬂᬮᬓᬸ᭞ᬢ᭄ᬯᬭᬳᭂ
ᬜᬓᬫᬫᭂᬮᬲᬶᬦ᭄᭞ᬳᬶᬫᬾᬫᬾ ᬓᬳᬗ᭄ᬕᬾᬦ᭄ᬤᬾᬯ᭞ᬢᬦ᭄ᬯᬗ᭄ᬤᬾ ᬫᬗ᭄ᬕᬶᬄᬭᬳᬬᬸ᭞ᬨᬮᬦ᭄ᬜᬦᬾ ᬤᬶᬃᬖᬬᬸᬱ᭞ᬲ᭄ᬯᬃᬕ᭄ᬕᬫᭀᬢ᭄ᬢᬫᬓᬧᬗ᭄ᬕᬶᬄ᭞ᬨᬮᬦᬶᬂᬳᬶᬧᬸᬢ᭄ᬭᬫᭂᬮᬄ᭞ᬫᬶᬯᬄᬳᬸᬢ᭄ᬢᬫᬦ᭄ᬲᬂᬳᬶᬩᬸ᭟ᬬᬦ᭄ᬳᬶᬧ᭄ᬬᬦᬓ᭄
ᬓᬓᬮᬳᬶᬦ᭄᭞ᬩᬦ᭄ᬭᬭᬵᬫ᭞ᬲᬓᬶᬂᬳᬶᬭᬭᬵᬫᬗᬫ᭄ᬩᬸᬮ᭄᭞ᬤᬾᬦᬶᬂᬧ᭄ᬬᬦᬓ᭄ᬜᬦᬾ ᬲᬶᬕᬸᬕ᭄᭞ᬤᭂᬕᬕ᭄ᬳᬮ᭄ᬧᬓᬩᬦᬶ᭞ᬢᭂᬓᬾᬦᬶᬂᬳᬶᬫᬾᬫᬾ ᬩᬧ᭞ᬓᬭᬡᬢᭂᬮᬲ᭄ᬫᬗᬫ᭄ᬩᬸᬮ᭄᭞ᬳᭂᬦ᭄ᬢᭀᬫᬤᬦ᭄ᬳᬦᬓ᭄ᬢᬶᬯᬲ᭄᭞ᬓᬳᬶᬮ
ᬗᬦ᭄ᬫᬵᬲ᭄ᬫᬡᬶᬓ᭄᭞ᬢᭀᬤᬶᬚᬗᬮᬶᬄᬓᬲᬸᬓᬵᬦ᭄᭞ᬲᬚᬯᬶᬦᬶᬂᬤᬸᬄᬓᬢᭂᬧᬸᬓ᭄᭟ᬓ᭄ᬭᬡᬤᬩ᭄ᬤᬩᬂᬳᬧᬶᬓᬶᬦ᭄᭞ᬫᬮᬓ᭄ᬱᬡ᭞ᬲᭂᬍᬕᬂᬳᬸᬕᬶᬫᬗᭂᬫ᭄ᬧᬸ᭞ᬢᭂᬓᬾᬦᬶᬂᬳᬶᬢᬸᬳᬢᬸᬳᬸ᭞ᬳᬋᬧᬂᬳᬶᬰᬶᬮ
Kaca:Bali-lontar-gaguritan-paparikan-sarasamuscaya-300ppi.pdf/50
Kaca puniki sampun kauji-wacén
