[᭕᭐ 50B]
᭕᭐
ᬧᬸᬚᬶ᭞ᬬᬦᬶᬂᬓᬯᬶᬢᬦᬾ ᬮᬸᬗ᭄ᬳ᭞ᬳᬶᬭᬶᬗᬂᬲᬮᬫ᭄ᬧᬄᬮᬓᬸ᭞ᬳᭂᬤᬧᭂᬲᬦ᭄ᬦᬸᬮᬾᬫᬦᬂ᭞ᬳᭂᬤᬳᬸᬕᬶᬫᬗᬮᬳᬶᬦ᭄᭞ᬳᭂᬫ᭄ᬩᬦ᭄ᬧᬶᬤᬩ᭄ᬤᬩᬂᬧᬶᬲᬦ᭄᭞ᬳᬧᬂᬳᭂᬤᬓᬦ᭄ᬢᬶᬩᭂᬦ᭄ᬤᬸ᭟ᬬᬦ᭄ᬳᬶᬭᬭᬾ ᬓᬧᬭᬦᬶᬦ᭄᭞ᬭᬶᬂ
ᬲᬂᬢᬸᬳ᭞ᬫᬗ᭄ᬭᬡᬬᬂᬋᬋᬤ᭄ᬢᬸᬯᬸᬄ᭞ᬲᬶᬦᬄᬢᬸᬯᬸᬳᬾᬫᬯᬦ᭄ᬢᬸᬦ᭄᭞ᬬᬾᬦ᭄ᬪᬓ᭄ᬢᬶᬳᬗ᭄ᬕᬾᬦᬵᬫᭂᬦ᭄ᬤᬓᬶᬦ᭄᭞ᬤᬸᬮᬸᬭᬶᬦ᭄ᬲᭀᬮᬄᬧ᭄ᬭᬡᬫ᭄ᬬ᭞ᬫᬗ᭄ᬭᬡᬬᬂᬢᬸᬯᬸᬄᬫᬸᬜ᭄ᬘᬸᬓ᭄᭞ᬫᬗ᭄ᬯᬦ᭄ᬢᬸᬦᬂᬦᬾᬦᬾ ᬳᬶᬮᬂ᭞ᬲᬶᬦᬄᬩᬸᬯᬶᬦ᭄ᬩᬸᬮ
ᬓ᭄ᬩᬮᬶᬓ᭄᭞ᬪᬓ᭄ᬢᬶᬢᬦ᭄ᬪᬓ᭄ᬢᬶᬫᬓ᭄ᬭᬡ᭞ᬢᬗᬭᬶᬦ᭄ᬳᬸᬕᬶᬫᬗᭂᬫ᭄ᬧᬸ᭟ᬨᬮᬦ᭄ᬳᬦᬓᬾ ᬳᬲ᭄ᬢᬶᬢᬶ᭞ᬭᬶᬂᬓᬯᬶᬢᬦ᭄᭞ᬫᬓᬤᬶᬭᬶᬂᬬᬬᬄᬳᬶᬩᬸ᭞ᬧᬢ᭄ᬧᬢ᭄ᬦᬾᬧᬘᬂᬓᬢᭂᬧᬸᬓ᭄᭞ᬬᬱᬩᬮᬬᬱᬓᬶᬃᬢ᭄ᬢᬶ᭞ᬩᬵᬮᬰᬓ᭄ᬢᬶᬬ
ᬦ᭄ᬢᭂᬕᭂᬲᬂ᭞ᬬᬰᬗᬭᬦᬶᬂᬭᬳᬬᬸ᭞ᬓᬶᬃᬢ᭄ᬢᬶᬧᬸᬚᬶᬳᬬᬸᬗᬭᬦ᭄᭞ᬳᬬᬸᬱᬫᬳᬤᬦ᭄ᬳᬸᬭᬶᬧ᭄᭞ᬓᬾᬢᭀᬨᬮᬦ᭄ᬜᬦᬾᬧᬢ᭄ᬧᬢ᭄᭞ᬬᬦ᭄ᬪᬓ᭄ᬢᬶᬦᬾ ᬳᭂᬦᬶᬂᬦᬸᬮᬸᬲ᭄᭟ᬳᬶᬰᬓ᭄ᬢᬶᬳᬤᬸᬗᬂᬫᬮᬶᬄ
[᭕᭑ 51A]
ᬯᬸᬳᬦᬾ ᬧᬸᬧᬸᬢ᭄᭞ᬳᬧᬂᬳᬤᬸᬂᬢᭂᬓᬾᬦᬵᬢᬸᬯᬸᬄ᭞ᬳᬧᬂᬳᭂᬤᬲᬮᬄᬮᬶᬗ᭄ᬕᬶᬄ᭞ᬩ᭄ᬯᬶᬦ᭄ᬳᬤᬸᬗᬂᬭᬶᬂᬳᬶᬩ᭄ᬭᬡ᭞ᬬᬦᬶᬂᬲᬸᬩᬳᬤᬸᬂᬤᬶᬢᬸ᭞ᬲᭂᬓᭂᬦᬂᬳᬸᬕᬶᬦᬶᬫ᭄ᬩᬗᬂ᭞ᬬᬦᬶᬂᬗᬗ᭄ᬕᭀᬢᬶᬫ᭄ᬩᬂᬫᭂᬮᬄ᭞ᬫᬗ᭄ᬭᬯᭀᬲ᭄ᬫᬶᬯᬄᬫᬧᬳ᭄ᬬᬲ᭄
ᬤᬶᬢᬸᬗᬮᬶᬄᬘᬶᬭᬶᬧᬵᬢᬹᬢ᭄᭞ᬦᬾᬦᬾᬜᬦ᭄ᬤᬂᬧᬶᬓᬾᬮᬶᬗᬶᬦ᭄᭞ᬚᬦᬶᬘᬘᬓ᭄᭞ᬳᬦᬓ᭄ᬲᬓᬶᬢ᭄ᬢᬶᬯᬲ᭄ᬍᬲᬸ᭞ᬳᬦᬓ᭄ᬱᭂᬤᬸᬓ᭄ᬫᬶᬯᬄᬢᬓᬸᬢ᭄᭞ᬳᬦᬓ᭄ᬲᬸᬗ᭄ᬲᬸᬢ᭄ᬓᬲᬶᬄᬳᬲᬶᬄ᭞ᬫ᭄ᬯᬄᬲᬮ᭄ᬯᬶᬭᬶᬂᬓᬾᬮᬗᬦ᭄᭞ᬓ
ᬧ᭄ᬭᬶᬳᬢᬶᬦ᭄ᬲᬮᬄᬲᭂᬗ᭄ᬕᬸᬄ᭞ᬳᬦᬓ᭄ᬧᬮᬶᬂᬫᬶᬯᬄᬳᭂᬗ᭄ᬲᬧ᭄᭞ᬳᭂᬦ᭄ᬢᭀᬜᬦ᭄ᬤᬂᬧᬶᬓᬾᬮᬶᬗᬶᬦ᭄᭞ᬧᬶᬢ᭄ᬯᬶᬦᬾᬓᬓ᭄ᬭᭀᬥᬳᬦ᭄ᬚ᭄ᬯᬗᬮᬶᬗᬹ᭟ᬋᬕᭂᬤ᭄ᬍᬢᬸᬳᬾᬲᬸᬦ᭄ᬤᬭᬶᬦ᭄᭞ᬦᬾᬤᬶᬳᬯᬓ᭄᭞ᬳᭂᬤᬵ
ᬜᭂᬧᭂᬮᬂᬗᭂᬓᭀᬄᬍᬢᬸᬄ᭞ᬳᬾᬤᬾᬗᬂᬳᬧᬗᬧᭂᬲᬸ᭞ᬲᬸᬦ᭄ᬤᬭᬶᬦ᭄ᬩᬵᬦ᭄ᬲᬗ᭄ᬳ᭄ᬬᬂᬅᬚᬶ᭞ᬓᬢᭂᬓᬾᬦᬵᬳᬶᬘᬢᬸᬃᬯᬃᬡ᭄ᬦ᭞ᬲᬮᬄᬢᬸᬗ᭄ᬕᬮ᭄ᬳᬗ᭄ᬕᭀᬦ᭄ᬢᬸᬗ᭄ᬕᬸᬮ᭄᭞ᬫᬰ᭄ᬭᬡᬩᬦ᭄ᬫᬦᬄᬥᬃᬫ᭄ᬫ᭞ᬳᭂᬦ᭄ᬢᭀᬳᬗ᭄ᬕᭀᬦ᭄ᬦᬸᬜ᭄ᬚᭂᬮ᭄ᬧ
Kaca:Bali-lontar-gaguritan-paparikan-sarasamuscaya-300ppi.pdf/51
Kaca puniki sampun kauji-wacén
