[᭕᭑ 51B]
᭕᭑
ᬫᬶ᭞ᬓᬪ᭄ᬬᬰᬦᬶᬂᬲᬶᬱ᭄ᬝᬘᬵᬭ᭞ᬫᬓᬧᬗᬜᬸᬢᬦ᭄ᬍᬢᬸᬄ᭟ᬰᬶᬱ᭄ᬝᬘᬭᬵᬦᬾᬬᬦ᭄ᬫᬭᬶ᭞ᬢᬦ᭄ᬧᬕᬸᬡ᭞ᬧᬕᬯᬾᬦ᭄ᬳᬶᬥᬃᬫ᭄ᬫᬲᬥᬸ᭞ᬲᬶᬦᬄᬢ᭄ᬯᬭᬩᬓᬢ᭄ᬧᬸᬧᬸ᭞ᬨᬮᬦ᭄ᬜᬦᬾ ᬳᬶᬮᬂᬲᬫᬶ᭞ᬬᬦ᭄ᬧᬕᭂᬄᬳᬶᬰᬶᬱ᭄ᬝᬘᬵ
ᬭ᭞ᬳᬶᬥᬃᬫ᭄ᬫᬫᬗ᭄ᬕᬸᬄᬭᬳᬬᬸ᭞ᬨᬮᬦ᭄ᬜᬦᬾ ᬪᬸᬓ᭄ᬢᬶᬯᭂᬓᬲᬦ᭄᭞ᬧᬥᬫᬫᬗ᭄ᬕᬸᬳᬂᬩᭂᬘᬶᬓ᭄᭞ᬳᭂᬦ᭄ᬢᭀᬓ᭄ᬭᬡᬚ᭄ᬯᬲᭂᬓᭂᬦᬂ᭞ᬰᬶᬱ᭄ᬝᬘᬵᬭᬦᬾᬧᬶᬓᬸᬓᬸᬄ᭟ᬳᬤᬩ᭄ᬭᬢᬮᬶᬯᬢ᭄ᬧᬶᬗᬶᬢ᭄᭞ᬭᬶᬂᬩ᭄ᬭᬳ᭄ᬫᬡ᭞ᬬᬦ᭄ᬢᬗ᭄ᬕᬮ᭄ᬧᬶᬂ
ᬧᬢ᭄ᬧᬶᬂᬓᬸᬢᬸᬲ᭄᭞ᬫ᭄ᬯᬄᬧᬶᬂᬧᬢ᭄ᬩᭂᬮᬲ᭄ᬫᬦᭂᬫᬸ᭞ᬢᭂᬓᬾᬂᬧᬹᬃᬡ᭄ᬦᬫᬗᬭᬭᬶᬲ᭄᭞ᬢ᭄ᬯᬭᬤᬤᬶᬫᬲᬂᬕᬫ᭞ᬭᬶᬂᬳᬶᬭᬩᬶᬳᭂᬤᬧᭂᬗ᭄ᬓᬸᬂ᭞ᬩ᭄ᬭᬢᬳᬫᬺᬢᬲᬦᬢᬓᬵ᭞ᬓᬾᬢᭀᬋᬓᬾ ᬓᬯᬱ᭄ᬝᬦᬶᬦ᭄᭞ᬩ᭄ᬭᬢᬓᬮᬶᬯᬢ᭄ᬳᬸ
ᬢ᭄ᬢᬫ᭞ᬧᬕᭂᬳᬂᬧᬶᬢᬸᬳᬸ᭟ᬢᬦ᭄ᬓᬯᭂᬦᬂᬗᭂᬮᬧ᭄ᬭᬩᬶ᭞ᬫᬭᬶᬓᭀᬱ᭞ᬬᬦ᭄ᬢᬦ᭄ᬫᬲᬫᬬᬳᬤᬸᬂ᭞ᬫᬶᬦ᭄ᬤᬸᬫ᭄ᬢᬸᬯᬓ᭄ᬢᬦ᭄ᬓᬧᬵᬢᬹᬢ᭄᭞ᬢᬦ᭄ᬯᭂᬦᬂᬗᬫᬢᬶᬫᬢᬶ᭞ᬳᭂᬤᬫᬶᬢ᭄ᬬᬭᬶᬂᬯᬘᬦ᭞ᬳᭂᬤᬩᭀ
[᭕᭑ 52A]
ᬩᬤ᭄ᬗᬓᬸᬗᬓᬸ᭞ᬧᬭᬥᬃᬫ᭄ᬫᬤᬵᬫᬶᬦᭂᬳᬂ᭞ᬓᬾᬢᭀᬧᬫᬵᬢᬹᬢ᭄ᬲᬂᬍᬯᬶᬄ᭞ᬦᬾᬲᬚᬧᬘᬂᬫᬸᬯᬢᬂ᭞ᬲ᭄ᬯᬃᬕ᭄ᬕᬫᭀᬢ᭄ᬢᬫᬓᬚᬸᬚᬸᬃ᭟ᬧᬫᬗᬦᬾ ᬓᬧᬶᬢᭂᬢᬶᬢ᭄᭞ᬳᬲᬶᬂᬘᬫᬄ᭞ᬢᬦ᭄ᬓᬯᭂᬦᬂᬗᬶᬕᭂ
ᬮ᭄ᬗᬶᬤᬸᬂ᭞ᬢᬦ᭄ᬓᬮᬸᬕ᭄ᬭᬵᬫᬓᬮᬗᬸᬦ᭄᭞ᬢᬦ᭄ᬯᭂᬦᬂᬲᭂᬓᬃᬳᬶᬦᬗ᭄ᬕᬶᬢ᭄᭞ᬳᭂᬤᬫᬕᬡ᭄ᬥᬮᬾᬧᬦ᭞ᬢᬦ᭄ᬯᭂᬦᬂᬗᬮᬓᬸᬮᬓᬸ᭞ᬳᭂᬤᬓᬤᬮᭀᬦ᭄ᬭᬶᬂᬲᬸᬓ᭞ᬢᬸᬭᬹᬦᬾ ᬧᬵᬢᬹᬢ᭄ᬧᬶᬢᭂᬢᬶᬦ᭄᭞ᬬᬦ᭄ᬲᬶ
ᬤ᭄ᬥᬳᬫᭀᬦ᭄ᬢᭀᬯᬦ᭄᭞ᬢᬦ᭄ᬳᬶᬦᬸᬘᬧ᭄᭞ᬲ᭄ᬯᬃᬕ᭄ᬕᬢᭂᬧᬸᬓ᭄᭟ᬦᬾ ᬳᬤᬩ᭄ᬯᬶᬦ᭄ᬓᬤᬤᬶᬦ᭄᭞ᬩ᭄ᬭᬢᬬᬫ᭞ᬫᬘᬘᬓ᭄ᬳᬤᬰᬵᬘᬸᬓᬸᬧ᭄᭞ᬚᬦᬶᬳᬸᬘᬧ᭄ᬯᬱ᭄ᬝᬦ᭄ᬳᬶᬧᬸᬦ᭄ᬓ᭄ᬱᬫᬲᬢ᭄ᬬᬓ᭄ᬮᬦ᭄ᬧ᭄ᬭᬶᬢᬶ
ᬫᬶᬯᬄᬳᬳᬶᬗ᭄ᬲᬳᬃᬚ᭄ᬚᬯ᭞ᬧ᭄ᬭᬲᬤᬫᬤᬹᬃᬬ᭄ᬬᬫᬸᬯᬸᬄ᭞ᬳᬭᬶᬫ᭄ᬪᬵᬯᬫ᭄ᬯᬄᬫᬃᬤ᭄ᬥᬯ᭞ᬲᬶᬓ᭄ᬮᬦ᭄ᬧᬗᬸᬦ᭄ᬢᬢ᭄ᬫᬮᬶᬄ᭞ᬦᬄᬓᬾᬢᭀᬲᬸᬩᬳᬤᬰ᭞ᬳᭂᬦ᭄ᬢᭀᬧᬶᬢᭂᬕᭂᬲᬂᬫᬮᬸ᭟ᬢᬦ᭄ᬤ᭄ᬭᬲᬗ᭄ᬰᬫᬓ
Kaca:Bali-lontar-gaguritan-paparikan-sarasamuscaya-300ppi.pdf/52
Kaca puniki sampun kauji-wacén
