[᭕᭒ 52B]
᭕᭒
ᬚᬵᬢᬶ᭞ᬢᬦ᭄ᬭᬲᬗ᭄ᬰ᭞ᬫᬶᬯᬄᬳᬭᬶᬫ᭄ᬪᬯᬓᬸᬫ᭄ᬧᬸᬮ᭄᭞ᬫᬓᬤᬤ᭄ᬯᬳᬃᬣᬶᬧᬢᬸᬄ᭞ᬫᬫᬦ᭄ᬢᭂᬲᬂᬭᬕᬲᬵᬳᬶ᭞ᬓ᭄ᬱᬫᬩᬋᬂᬲᬶᬓ᭄ᬮᬦ᭄᭞ᬫᬤᬦ᭄ᬯᬲᬓ᭄ᬱᬢ᭄ᬧᬢᬸᬄ᭞ᬧᬦᬲ᭄ᬢᬶᬲᬾᬓᬢᬭᬶᬫ᭞ᬲ
ᬢ᭄ᬬᬦᬾ ᬢᭂᬕᭂᬲᬂᬫᬮᬶᬄ᭞ᬢᬗᬃᬢ᭄ᬯᬭᬩᬶᬲᬳᬫ᭄ᬧᬄ᭞ᬜᬸᬓᬦᬶᬦ᭄ᬲᬃᬯ᭄ᬯᬢᬸᬫᬸᬯᬸᬄ᭟ᬥᬫ᭄ᬫᬦᬾ ᬢᭂᬕᭂᬲᬂᬩᬸᬯᬶᬦ᭄᭞ᬳᬸᬧᬰᬫ᭞ᬭᬶᬂᬓᬬᬸᬦ᭄ᬩᬶᬱᬫᬶᬢᬸᬢᬸᬃ᭞ᬳᬃᬚ᭄ᬚᬯᬵᬫᬢᭂᬕᭂᬲ᭄ᬩᬮᬸᬢ᭄᭞ᬚᬵᬢᬶᬩᭂᬦᭂᬂᬢ᭄ᬯᬭ
ᬕᬶᬗ᭄ᬲᬶᬃ᭞ᬧ᭄ᬭᬶᬢᬶᬫᬢᭂᬕᭂᬲ᭄ᬓᬭᬸᬡ᭞ᬧ᭄ᬭᬲᬤᬵᬳᭂᬦᬶᬂᬭᬶᬂᬓᬬᬸᬦ᭄᭞ᬫᬥᬸᬃᬬ᭄ᬬᬫᬢᭂᬕᭂᬲ᭄ᬫᬥᬸᬭ᭞ᬲᭀᬮᬄᬢᬶᬗᬮ᭄ᬫᬶᬯᬄᬫᬸᬜᬶ᭞ᬫᬃᬤ᭄ᬥᬯᬦᬾ ᬧᬶᬢᭂᬕᭂᬲᬂ᭞ᬩᬶᬲᬫᬜᭂᬦᬶᬓᬂᬓᬳ᭄ᬬᬸᬦ᭄᭟
ᬳᬤᬩ᭄ᬭᬢᬦᬶᬬᬫᬵᬫᬮᬶᬄ᭞ᬤᬰᬧᬮᬲ᭄᭞ᬩ᭄ᬭᬢᬤᬵᬦᬳᬶᬚ᭄ᬬᬳᬬᬸ᭞ᬢᬧᬤ᭄ᬬᬦᬫᬮᬶᬄᬳᬶᬢᬸᬂ᭞ᬲ᭄ᬯᬥ᭄ᬬᬬᬳᬸᬧᬲ᭄ᬢᬦᬶ᭞ᬩ᭄ᬭᬢᬕ᭄ᬭᬳᬳᬸᬧᬯᬵᬲ᭞ᬫᭀᬦᬲ᭄ᬦᬦᬧᬶᬢᬸᬳᬸ᭞ᬧ᭄ᬭᬕᬢ᭄ᬦᬶᬬᬫᬳᬤᬰ᭞
[᭕᭓ 53A]
ᬮᬓ᭄ᬱᬡᬦᬾᬯᬶᬮᬂᬫᭂᬮᬄ᭞ᬩᭂᬲᬶᬓ᭄ᬩᭂᬲᬶᬓ᭄ᬧᬶᬢᭂᬕᭂᬲᬂ᭞ᬳᬧᬂᬫᭂᬮᬄᬩᬦ᭄ᬫᬗ᭄ᬭᬗ᭄ᬲᬸᬓ᭄᭟ᬤᬦᬵᬯᬾᬯᬾᬄᬩᬭᬾᬲ᭄ᬚᬵᬢᬶ᭞ᬫᬳᬸᬢ᭄ᬢᬫ᭞ᬳᬶᬚ᭄ᬬᬪᬓ᭄ᬢᬶᬭᬶᬂᬳ᭄ᬬᬂᬢᬸᬳᬸ᭞ᬧᬹᬚᬧᬶᬢ᭄ᬭᬤᬾᬯᬳᬬᬸ᭞ᬢᬧᬢ᭄ᬯᬭᬗᬾ
ᬫᬦ᭄ᬲᬓᬶᬢ᭄᭞ᬩᬦᬶᬫᬜᬓᬶᬢᬶᬦ᭄ᬭᬕ᭞ᬲ᭄ᬯᬥ᭄ᬬᬬᬯᬾᬥᬓᬚᬸᬚᬸᬃ᭞ᬲᬗ᭄ᬳ᭄ᬬᬂᬯᬾᬥᬓᬤ᭄ᬬᬱᬬᬂ᭞ᬳᬸᬧᬲ᭄ᬢᬧᬗᬺᬢ᭄ᬧᬰ᭄ᬘᬤᬶ᭞ᬥ᭄ᬬᬦᬰᬶᬯᬲ᭄ᬫᬭᬡ᭞ᬩ᭄ᬭᬢᬧᬗᬺᬢ᭄ᬧᬗᬦ᭄ᬓᬶᬦᬸᬫ᭄᭟ᬫᭀᬦᭀᬦᬾᬢᭂᬕᭂᬲᬂᬫ
ᬮᬶᬄ᭞ᬧᬗᬺᬢ᭄ᬳᬸᬚᬃ᭞ᬫᬸᬜᬶᬦᬾᬫᬧᬶᬬᭂᬃᬤᬶᬢᬸ᭞ᬲ᭄ᬦᬵᬦᬫᬩᬺᬱᬶᬄᬫᬦ᭄ᬤᬸᬲ᭄᭞ᬳᬦ᭄ᬤ᭄ᬭᬶᬲᬦ᭄ᬤ᭄ᬬᬫᬪᬓ᭄ᬢᬶ᭞ᬫᬦ᭄ᬤᬸᬲ᭄ᬭᬶᬂᬓᬵᬮᬦᬶᬂᬲᬜ᭄ᬚ᭞ᬓᬾᬢᭀᬓᬳᬸᬘᬧ᭄ᬭᬶᬂᬢᬸᬢᬸᬃ᭞ᬳᭂᬦ᭄ᬢᭀᬧᬶᬢᬢᬲᬂᬧᬶᬲᬦ᭄᭞ᬩ᭄ᬭᬢᬦᬾ
ᬲᬶᬦᬮᬶᬄᬢᬸᬗ᭄ᬕᬶᬮ᭄᭞ᬳᭂᬤᬢ᭄ᬯᬭᬫᬦᬸᬦᬲᬂ᭞ᬭᬶᬂᬳᬶᬤᬲᬂᬳᬤᬶᬕᬸᬭᬸ᭟ᬳᬶᬥᬃᬫ᭄ᬫᬧᬕᭂᬳᬂᬳᬸᬕᬶ᭞ᬫᬓᬤᬲᬃ᭞ᬳᬲᬶᬂᬕᬯᬾᬗᭂᬢᬹᬢ᭄ᬧᬢᬹᬢ᭄᭞ᬫᬤᬵᬦᬧᬹᬡ᭄ᬬᬧᬫᬸᬘᬸᬓ᭄᭞ᬬᬦᬶᬂᬗᭂᬮᬄᬪ᭄ᬭ
Kaca:Bali-lontar-gaguritan-paparikan-sarasamuscaya-300ppi.pdf/53
Kaca puniki sampun kauji-wacén
