[᭕᭓ 53B]
᭕᭓
ᬡᬍᬯᬶᬄ᭞ᬧᬵᬢᬹᬢᬾᬫᬩᬕᬶᬢᬶᬕᬵ᭞ᬤᬲᬭᬶᬦ᭄ᬳᬶᬥᭂᬧ᭄ᬭᬳᬬᬸ᭞ᬥᬃᬫ᭄ᬫᬦᬾ ᬳᬸᬕᬶᬢᬢᬓᬦ᭄᭞ᬭᬶᬓᬵᬮᬧᬘᬂᬫᬫᬃᬕ᭄ᬕᬶ᭞ᬳᬶᬥᭂᬧ᭄ᬫᬯᬓ᭄ᬧᬦᬶᬫ᭄ᬩᬗᬦ᭄᭞ᬦᬶᬫ᭄ᬩᬗᬶᬦ᭄ᬳᬮᬳᬬᬸ᭟ᬓᬾᬦᬾᬧᬗᭂᬤᬸᬫ᭄ᬦᬾ
ᬚᬵᬢᬶ᭞ᬩᬕᬶᬢᬶᬕ᭞ᬲᬓ᭄ᬯᬾᬄᬦᬾᬪ᭄ᬭᬡᬦᬾ ᬓᬳᭂᬤᬸᬫ᭄᭞ᬦᬾ ᬳᬩᬕᬶᬲᬶᬫ᭄ᬧᭂᬦ᭄ᬫᬮᬸ᭞ᬳᬗ᭄ᬕᬾᬦ᭄ᬫᬲᬸᬓᬦ᭄᭞ᬓᬾᬢᭀᬢᬶᬗ᭄ᬓᬄᬫᬕᬶᬢᭂᬮᬸ᭞ᬳᭂᬤᬳᬸᬕᬶᬫᬜᬬᬗᬂ᭞
ᬓᬾᬯᬮᬢᬗᬭᬶᬦ᭄ᬳᬸᬕᬶ᭞ᬳᭂᬤᬳᬫ᭄ᬧᬄᬫᬜᬮᬦᬂ᭞ᬫᬸᬮᬲᭂᬗ᭄ᬓᬗᬮᬶᬄᬳᬬᬸ᭟ᬬᬦᬶᬂᬫᬫᬸᬦ᭄ᬤᬸᬳᬂᬧᬶᬧᬶᬲ᭄᭞ᬳᭂᬤᬮᬾᬫᬵᬧᬲ᭄᭞ᬢᭂᬓᬾᬦᬵᬤᬲᬃᬥᬃᬫ᭄ᬫᬧᬵᬢᬹᬢ᭄᭞ᬬᬦ᭄ᬲᬚᬳᬶᬥᬃᬫ᭄ᬫᬧᬸᬘᬸᬓ᭄᭞ᬲᬶ
ᬦᬄᬲᬸᬮᬦᬓᬧᬗ᭄ᬕᬶᬄ᭞ᬫᬶᬯᬄᬲᬸᬓᬦᬾ ᬓᬢᬫ᭞ᬤᬾᬦᬶᬂᬳᬶᬥᬃᬫ᭄ᬫᬫᬦᬸᬦ᭄ᬢᬸᬦ᭄᭞ᬦᬗᬶᬂᬬᬦ᭄ᬢᬦ᭄ᬳᬤᬥᬃᬫ᭄ᬫ᭞ᬲᬶᬦᬄᬮᬘᬸᬃᬓᬧᬗ᭄ᬕᬶᬄ᭞ᬮᬶᬯᬢ᭄ᬫᬮᬦᬾ ᬩᬓᬢᬂ᭞ᬫᬢᬶᬳᬶᬤᬸᬧ᭄ᬧ᭄ᬭᬬᬢᭂᬧᬸᬓ᭄᭟
[᭕᭔ 54A]
ᬬᬦ᭄ᬥᬃᬫ᭄ᬫᬲᬶᬤ᭄ᬥᬦᬲᬭᬶᬦ᭄᭞ᬗᬮᬶᬄᬳᬃᬣ᭞ᬧᬶᬢ᭄ᬯᬶᬦᬾ ᬫᬗ᭄ᬕᬶᬄᬳᬃᬣᬮᬶᬬᬸ᭞ᬲᬶᬤ᭄ᬥᬩᬳᬦ᭄ᬳᬫᬧᬸᬦ᭄ᬤᬸᬄ᭞ᬳᭂᬦ᭄ᬢᭀᬲᬶᬦᬄᬪᬬᬧᬗ᭄ᬕᬶᬄ᭞ᬍᬢᭂᬳᬾᬢᬦ᭄ᬓᬸᬭᬂᬓᬸᬭᬂ᭞ᬲᬓᬶᬂᬘᭀᬭᬳᬾᬫᬤᬸᬕ᭄ᬤᬸᬕ᭄᭞ᬧᬶᬢ᭄ᬯᬶᬳᭂᬦ᭄ᬢ
ᬲ᭄ᬳᬩᬾᬦᬂ᭞ᬲᬶᬦᬄᬢ᭄ᬯᬭᬲᬶᬤ᭄ᬥᬩᬺᬱᬶᬄ᭞ᬳᬢ᭄ᬫᬵᬦᬾᬫᬗᬦ᭄ᬤᭀᬂᬫᬮ᭞ᬫᬢᬶᬳᬶᬤᬸᬧ᭄ᬫᬗ᭄ᬕᬶᬄᬍᬢᬸᬄ᭟ᬧᬩᬺᬱᬶᬳᬦ᭄ᬢ᭄ᬯᬄᬮᬶᬬᬸᬤᬶᬦᬶ᭞ᬫᬳᬾᬦᬵᬤᬳᬦ᭄᭞ᬯᬱ᭄ᬝᬜᬦᬾ ᬘᬘᬓ᭄ᬫᬮᬸ᭞ᬧᬢ᭄ᬭᬰᭀᬘᬳᬶᬢᬸᬂᬫᬮᬸ᭞
ᬫᬶᬯᬄᬫᬺᬢ᭄ᬲᭀᬘᬦᬾ ᬫᬮᬶᬄ᭞ᬚᬮᬲᭀᬘᬪᬲ᭄ᬫᬰᭀᬘ᭞ᬳᬃᬣᬰᭀᬘᬧᬶᬦᬶᬄᬳᬬᬸ᭞ᬳᭂᬦ᭄ᬢᭀᬦᬾ ᬲᬸᬘᬶᬳᬶᬦᬸᬘᬧ᭄᭞ᬦᬗ᭄ᬳᬶᬂᬳᭂᬤᬳᬃᬣᬦᬓᬶ᭞ᬳᬃᬣᬘᭀᬭᬳᬾᬫᬓ᭄ᬭᬡ᭞ᬫᬗᭂᬍᬩᬸᬃ
ᬳᬶᬥᭂᬧ᭄ᬭᬳᬬᬸ᭟ᬳᬤᬍᬢᬸᬄᬢᭂᬓᬜᬶᬮᬶᬩ᭄᭞ᬲᬓᬶᬂᬳᬃᬣ᭞ᬬᬦᬶᬂᬳᬤᬰᬢ᭄ᬭᬸᬭᬯᬸᬄ᭞ᬫᬗᬢᬸᬭᬂᬪ᭄ᬭᬡᬮᬶᬬᬸ᭞ᬳᭂᬦ᭄ᬢᭀᬢᬗᬭᬶᬦ᭄ᬦᬫ᭄ᬧᬶ᭞ᬢᬦᬸᬭᬸᬂᬫᬮᬦᬾ ᬢᭂᬓ᭞ᬤᬭᭀᬧᭀᬦᬾᬩᬲ᭄ᬓᬮᬗ᭄ᬓᬸᬂ᭞
Kaca:Bali-lontar-gaguritan-paparikan-sarasamuscaya-300ppi.pdf/54
Kaca puniki sampun kauji-wacén
