[᭕᭔ 54B]
᭕᭔
ᬓᬤᬾᬦ᭄ᬲᬚᬧᬹᬡ᭄ᬬᬫᭂᬮᬄ᭞ᬳᬸᬮᬶᬂᬳᬮᬸᬄᬫ᭄ᬩᬳᬦ᭄ᬗᬶᬤᬶᬄ᭞ᬧᬦᬃᬓ᭄ᬓᬦᬾᬫᬗ᭄ᬤᬢᬢᬲ᭄᭞ᬗᬶᬤᬶᬄᬪ᭄ᬭᬡᬫᬶᬯᬄᬦᬸᬤᬸᬓ᭄᭟ᬧᬶᬢ᭄ᬯᬶᬦᬾᬫᬩᬗ᭄ᬰᬩᭂᬘᬶᬓ᭄᭞ᬤᬤᬶᬚᬦ᭄ᬫ᭞ᬬᬦᬶᬂᬫᭂᬍᬤᬾᬓᬮᬗ᭄ᬓᬸᬂ᭞ᬢᭂᬓᬾᬦ᭄ᬩᬭᬂ
ᬢᬦ᭄ᬧᬳᬸᬦ᭄ᬤᬸᬓ᭄᭞ᬢ᭄ᬯᬄᬢᬦᬶᬫᭂᬍᬤ᭄ᬫᭂᬍᬤᬶᬦ᭄᭞ᬳᬶᬓᬧ᭄ᬭᬚ᭄ᬜᬦ᭄ᬲᬶᬦᬄᬳᬶᬮᬂ᭞ᬩᬳᬦ᭄ᬮᭀᬪᬦᬾᬫᬦᬸᬳᬸᬓ᭄᭞ᬬᬦ᭄ᬳᬶᬧ᭄ᬭᬚ᭄ᬜᬦ᭄ᬲᬸᬩᬳᬶᬮᬂᬳᬲᬶᬂᬫᭂᬮᬄᬫᬶᬮᬸᬮᬶᬮᬶᬄ᭞ᬳᬕᬸᬂᬯᬗ᭄ᬲᬯᬶᬃᬬ᭄ᬬᬪ᭄ᬭᬡ᭞ᬯᬃᬡ᭄ᬦᬯᬃ
ᬡ᭄ᬦᬶᬳᬶᬮᬂᬳᬜᬸᬤ᭄᭟ᬢᬢᭂᬮᬸᬨᬮᬦᬶᬂᬳᬸᬭᬶᬧ᭄᭞ᬢ᭄ᬯᬭᬮᬾᬦᬦ᭄᭞ᬥᬃᬫ᭄ᬫᬳᬃᬣᬓᬵᬫᬫᬢᬸᬳᬸ᭞ᬦᬵᬗ᭄ᬳᬶᬂᬳᬶᬥᬃᬫ᭄ᬫᬧᬫᬸᬘᬸᬓ᭄᭞ᬢᬸᬯᬄᬜᬦ᭄ᬤᬂᬫᬦᬲᬭᬶᬦ᭄᭞ᬳᭂᬤᬧᬶᬲᬦ᭄ᬗᬸᬢᬂᬥᬃᬫ᭄ᬫ᭞ᬳᬧᬂᬳᭂᬤᬜᬮᬄ
ᬳᬗ᭄ᬓᬸᬄ᭞ᬨᬮᬦ᭄ᬳᬸᬭᬶᬧᬾᬲᬓᬮ᭞ᬳᬃᬣᬓᬵᬫᬢᬦ᭄ᬧᬓᬶᬃᬢ᭄ᬢᬶ᭞ᬬᬦᬶᬂᬓᬳᬶᬮᬗᬦ᭄ᬥᬃᬫ᭄ᬫ᭞ᬳᬲᬶᬂᬕᬯᬾᬜᬮᬄᬳᬗ᭄ᬓᬸᬄ᭟ᬳᭂᬤᬗᬸᬢᬂᬢᬸᬯᬸᬄᬤᬶᬦᬶ᭞ᬤᬶᬲᭂᬓᬮ᭞ᬨᬮᬦᬶᬦ᭄ᬳᬶᬤᬶᬦᬤᬯᬸᬄ᭞ᬳᬧᬂᬳᬤ
[᭕᭕ 55A]
ᬕᬯᬾ ᬢᬸᬳᬸ᭞ᬮᬯᬸᬢᬂᬢᭂᬫᬸᬯᬂᬚᬦᬶ᭞ᬥᬃᬫ᭄ᬫᬳᬃᬣᬫᬶᬯᬄᬓᬫ᭞ᬫᬸᬂᬧᬸᬂᬳᬸᬭᬶᬧᬾ ᬭᬳᬬᬸ᭞ᬳᬧᬂᬤᬵ ᬚ᭄ᬯᬓᬲᬾᬧᬦ᭄᭞ᬳᬾᬗ᭄ᬕᬮᬦ᭄ᬓᬮᬳᬶᬦ᭄ᬫᬢᬶ᭞ᬤᬾᬯᬾᬓᬾᬲᬵᬓ᭄ᬱᬢ᭄ᬧᬧᭂᬗᬦ᭄᭞ᬭᬶᬂᬳᬶᬤᬳ᭄ᬬᬂ
ᬓᬮᬫᭂᬃᬢ᭄ᬬᬸ᭟ᬕᬢᬶᬬᬂᬳᬸᬕᬶᬦᬾᬚᬦᬶ᭞ᬮᬓ᭄ᬱᬦᬬᬂ᭞ᬳᬃᬣᬦᬾ ᬤᬵᬦᬬᬂᬫᬮᬸ᭞ᬤᬵᬦᬬᬂᬭᬶᬂᬲᬂᬓᬧᬢᬹᬢ᭄᭞ᬪᭀᬕᬧᬭᬶᬪᭀᬕᬍᬯᬶᬄ᭞ᬫᬶᬯᬄᬲᬮ᭄ᬯᬶᬭᬶᬂᬳᬶᬦ᭄ᬤ᭄ᬭᬶᬬ᭞ᬧᬸᬧᬸᬦᬶᬦ᭄ᬫᬗ᭄ᬓᬾᬓᬧᬵᬢᬹᬢ᭄᭞
ᬫᬶᬯᬄᬳᬲᬶᬂᬕᬯᬾ ᬲᬸᬓ᭞ᬫᬶᬯᬄᬲᬮ᭄ᬯᬶᬭᬶᬂᬧᬶᬦ᭄ᬭᬶᬄ᭞ᬳᬲᬶᬂᬚᬳᭂᬦ᭄ᬦᬾ ᬓᭂᬘᬧᬂ᭞ᬯᬶᬭᬾᬄᬲᬂᬳ᭄ᬬᬂᬓᬵᬮᬵᬦᬸᬗ᭄ᬕᬸ᭟ᬢᬶᬗ᭄ᬓᬄᬳᬶᬚᬦ᭄ᬫᬦᬸᬫᬶᬢᬶᬲ᭄᭞ᬫᬪᬶᬦᬬᬦ᭄᭞ᬳᬤᬚᬦᬶᬲᬸᬓᬢᭂᬧᬸᬓ᭄᭞ᬤᬸᬄᬓᬜᬦᬾᬓ
ᬧᬸᬗ᭄ᬓᬸᬃ᭞ᬳᬤᬤᬸᬄᬓᬢᭂᬧᬸᬓ᭄ᬚᬦᬶ᭞ᬲᬸᬓᬦ᭄ᬜᬦᬾ ᬩᬸᬯᬶᬦ᭄ᬓᬯᭂᬓᬲ᭄᭞ᬤᬸᬄᬓᬚᬦᬶᬤᬸᬄᬓᬧᬸᬗ᭄ᬓᬸᬃ᭞ᬲᬸᬓᬚᬦᬶᬲᬸᬓᬯᭂᬓᬲ᭄᭞ᬢ᭄ᬯᬶᬓᬾᬢᭀᬚᬢᬶᬚᬢᬶ᭞ᬦᬾᬚᬦᬶᬩ᭄ᬯᬶᬦ᭄ᬢᭂᬕᭂᬲᬂ᭞ᬩᭂᬲᬶᬓ᭄ᬩᭂᬲᬶᬓ᭄ᬳ
Kaca:Bali-lontar-gaguritan-paparikan-sarasamuscaya-300ppi.pdf/55
Kaca puniki sampun kauji-wacén
