[᭕᭕ 55B]
᭕᭕
ᬧᬂᬢᭂᬧᬸᬓ᭄᭟ᬓᬾᬦᬾ ᬢ᭄ᬯᬄᬲᬂᬲᬸᬓᬚᬦᬶ᭞ᬤᬸᬄᬓᬯᭂᬓᬲ᭄᭞ᬳᬤᬳᬦᬓ᭄ᬲᬸᬕᬶᬄᬧᬘᬸᬮ᭄᭞ᬪ᭄ᬭᬡᬦᬾᬢᬓ᭄ᬓᭂᬦᬾᬂᬳᬶᬢᬸᬂ᭞ᬓᬾᬯᬮᬓᬳᬗ᭄ᬕᭀᬲᬳᬶ᭞ᬓᬭᬗ᭄ᬲᬸᬓ᭄ᬢᭂᬓᬾᬦ᭄ᬓᬳᬫᬄ᭞ᬤᭀᬄᬧᬭᬫᬗᭂᬢᬹᬢ᭄
ᬧᬵᬢᬹᬢ᭄᭞ᬧᬵᬢᬹᬢᬾᬫᬤᬵᬦᬧᬹᬡ᭄ᬬ᭞ᬢ᭄ᬯᬭᬲᬸᬤ᭄ᬥᬶᬦᬗᬸᬦ᭄ᬓᬶᬃᬢ᭄ᬢᬶ᭞ᬳᭂᬦ᭄ᬢᭀᬲᬸᬓᬳᬚᬦᬶᬬᬦ᭄᭞ᬤᬸᬄᬓᬯᭂᬓᬲᬾᬓᬢᭂᬧᬸᬓ᭄᭟ᬳᬤ᭄ᬳᬳᬦᬓ᭄ᬧᬕᭂᬄᬚᬵᬢᬶ᭞ᬦᬗᬸᬦ᭄ᬢᬧ᭞ᬫᬲᬵᬫᬥᬶᬧᬕᭂᬄᬧᬸᬕᬸᬄ᭞
ᬫᬓᬾᬃᬢ᭄ᬢᬶᬢᬓ᭄ᬓᭂᬦᬾᬂᬍᬲᬸ᭞ᬳᬶᬦ᭄ᬤ᭄ᬭᬶᬬᬫᬧᬸᬗ᭄ᬕᭂᬮ᭄ᬲᬳᬶ᭞ᬳᬲᬶᬄᬢᭂᬓᬾᬦ᭄ᬲᬃᬯ᭄ᬯᬲᬢ᭄ᬯ᭞ᬳᭂᬦ᭄ᬢᭀᬲᬸᬓᬦᬾ ᬓᬧᬸᬗ᭄ᬓᬸᬃ᭞ᬢ᭄ᬯᬶᬢ᭄ᬯᬭᬫᬫ᭄ᬯᬢᬂ᭞ᬲᬸᬓᬵᬳᬶᬦ᭄ᬤ᭄ᬭᬶᬬᬦᬾ ᬚᬦᬶ᭞ᬓ᭄ᬭᬡᬲᬸᬓᬦᬾ ᬓᬯᭂᬓᬲ᭄᭞ᬢ᭄ᬯᬭᬜ
ᬦ᭄ᬤᬂᬧᬘᬂᬳᬶᬢᬸᬂ᭟ᬬᬦ᭄ᬫᬫᭂᬭᬶᬄᬲᬸᬓᬚᬦᬶ᭞ᬲᬸᬓᬯᭂᬓᬲ᭄᭞ᬳᬶᬥᬃᬫ᭄ᬫᬳᬸᬕᬶᬓᬮᬕᬸ᭞ᬓᬕᬯᬾᬦᬶᬦ᭄ᬫᬗ᭄ᬤᬧᬸᬧᬸᬢ᭄᭞ᬬᬦᬶᬂᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬩᭂᬘᬶᬓ᭄᭞ᬫᬭᬗᬮᬶᬄᬭᬚᬪ᭄ᬭᬡ᭞ᬫᬶᬯᬄᬫᬭᬩᬶᬫᬗ᭄ᬮᬯᬸᬢ᭄᭞
[᭕᭖ 56A]
ᬫᬫᬸᬧᬸᬦᬶᬦ᭄ᬓᬳᬶᬦ᭄ᬤ᭄ᬭᬶᬬᬦ᭄᭞ᬫᬬᬚ᭄ᬜᬫᬢᬶᬃᬣᬓᬶᬃᬢ᭄ᬢᬶ᭞ᬳᬲᬶᬂᬳᬶᬦᬸᬘᬧᬂᬬᬚ᭄ᬜ᭞ᬓᬚᬮᬦᬶᬦ᭄ᬲᬓᬶᬂᬧᬢᬸᬢ᭄᭟ᬳᬤᬳᬦᬓ᭄ᬤᬸᬄᬓᬚᬦᬶ᭞ᬤᬸᬄᬓᬯᭂᬓᬲ᭄᭞ᬳᬲᬶᬂᬕᬯᬾᬮᬶᬯᬢ᭄ᬓᬶᬯᬸᬮ᭄᭞ᬤᬵᬦᬧᬹᬡ᭄ᬬᬢᬦ᭄ᬯᬶ
ᬦᬗᬸᬦ᭄᭞ᬢᬦ᭄ᬧᬬᬚ᭄ᬜᬢᬦ᭄ᬧᬗᬚᬶ᭞ᬓᬮᬶᬂᬓᬾ ᬫᬦᬗᬸᬦ᭄ᬢᬧ᭞ᬗ᭄ᬕᬯᬾᬦᬶᬦ᭄ᬘᭀᬭᬄᬲᬢᬸᬳᬸᬓ᭄᭞ᬢᬦ᭄ᬧᬕᬸᬡᬢᬦᬶᬲᬤ᭄ᬬ᭞ᬳᬯᬓ᭄ᬢᬶᬯᬲ᭄ᬢᬸᬭᬶᬂᬍᬓᬶᬕ᭄᭞ᬳᬲᬶᬂᬲᭀᬮᬄᬓᬤᬸᬄᬓᬶᬢᬦ᭄᭞ᬳᬤᭀᬄᬲᬸᬓᬦᬾ ᬓᬢᭂ
ᬧᬸᬓ᭄᭟ᬬᬦ᭄ᬳᬶᬚᬦ᭄ᬫᬲᬓᬶᬂᬚᬵᬢᬶ᭞ᬲᬸᬘᬶᬲᬢ᭄ᬬ᭞ᬳᬶᬓ᭄ᬭᭀᬥᬬᬲᬸᬩᬧᬸᬳᬸᬦ᭄᭞ᬫᬫᬕᭂᬳᬂᬪ᭄ᬭᬢᬳᬬᬸ᭞ᬯᭂᬮᬲ᭄ᬭᬶᬂᬲᬃᬯ᭄ᬯᬫᬳᬸᬭᬶᬧ᭄᭞ᬓᬧᬶᬦᭂᬳᬂᬢ᭄ᬯᬭᬪᬶᬦ᭞ᬲᬯᭂᬯᭂᬗ᭄ᬓᭀᬦ᭄ᬭᬶᬂᬚᬕᬢ᭄ᬳᬕᬸᬂ᭞ᬲᬚᬳᬸᬭᬶᬧ᭄ᬜᬦᬾ
ᬢᬸᬗ᭄ᬕᬮ᭄᭞ᬳᭂᬦ᭄ᬢᭀᬫᬤᬦ᭄ᬳᬶᬤᭂᬧ᭄ᬚᬢᬶ᭞ᬲᬓ᭄ᬱᬢ᭄ᬬᬚ᭄ᬜᬢᬶᬃᬣᬬᬢ᭄ᬭ᭞ᬧᬩᬺᬱᬶᬳᬦ᭄ᬳᬶᬦᬶᬂᬫᬸᬮᬸᬲ᭄᭟ᬬᬦᬶᬂᬢ᭄ᬯᬭᬦᬗᬸᬦ᭄ᬓᬶᬃᬢ᭄ᬢᬶ᭞ᬢᬶᬃᬣᬬᬢ᭄ᬭ᭞ᬳᬶᬪ᭄ᬭᬡᬢ᭄ᬯᬭᬓᬳᬶᬢᬸᬂ᭞ᬤᬵᬦᬧᬸᬡ᭄ᬬᬢᬦ᭄ᬯᬶᬦᬗᬸᬦ᭄᭞ᬳᭂᬦ᭄ᬢᭀ
Kaca:Bali-lontar-gaguritan-paparikan-sarasamuscaya-300ppi.pdf/56
Kaca puniki sampun kauji-wacén
