[᭕᭖ 56B]
᭕᭖
ᬢᬶᬯᬲ᭄ᬓᬳᬤᬦᬶᬦ᭄᭞ᬢᬶᬯᬲᬾ ᬓᬮᬶᬯᬢ᭄ᬮᬶᬯᬢ᭄᭞ᬮᬶᬯᬢ᭄ᬳᬶᬬᬢᬦ᭄ᬧᬢᬸᬯᬸᬄ᭞ᬢᬸᬯᬸᬄᬜᬦᬾ ᬢᬦ᭄ᬧᬕᬸᬡ᭞ᬕᬸᬡᬳᬶᬮᬂᬲᬸᬩᬮᬶᬮᬶᬄ᭞ᬮᬶᬮᬶᬄᬩᬳᬦ᭄ᬓᬫᭀᬫᭀᬳᬦ᭄᭞ᬫᭀᬫᭀᬦᬾ ᬫᬗ᭄ᬕ
ᬯᬾᬮᬘᬸᬃ᭟ᬢᬶᬃᬣᬬᬢ᭄ᬭᬤᬳᬢ᭄ᬰᬸᬘᬶ᭞ᬫᬳᬸᬢ᭄ᬢᬫ᭞ᬳᭂᬦᬶᬗᭂᬜᬦᬾ ᬮᬶᬦ᭄ᬢᬂᬫᬸᬮᬸᬲ᭄᭞ᬨᬮᬦ᭄ᬬᬚ᭄ᬜᬦ᭄ᬜᬦᬾᬮᬸᬳᬸᬂ᭞ᬳᭂᬦ᭄ᬢᭀᬗᬸᬘᬶᬯᬬᬂᬲᬫᬶ᭞ᬲᬂᬢᬶᬯᬲ᭄ᬜᬦ᭄ᬤᬂᬜᬮᬦᬂ᭞ᬢᬶᬃᬣᬬᬢ᭄ᬭᬦ ᬳᬾᬧᬶᬓᬸᬓᬸᬄ᭞
ᬫᬤᬲᬃᬩᬦ᭄ᬓᬢᬸᬬᬸᬳᬦ᭄᭞ᬢ᭄ᬯᬭᬗᬗ᭄ᬕᭀᬳᭂᬫᬵᬲ᭄ᬧᬶᬧᬶᬲ᭄᭞ᬤᬲᬃᬧᬕᭂᬄᬳᭂᬦᬶᬂᬫᬦᬄ᭞ᬲᬶᬦᬄᬭᬳᬬᬸᬓᬢᭂᬧᬸᬓ᭄᭟ᬳᬶᬢᬶᬯᬲ᭄ᬓᬵᬤᬦᬶᬦ᭄ᬫᬢᬶ᭞ᬢᬦ᭄ᬧᬕᬸᬡ᭞ᬳᬶᬳᬮᬲ᭄ᬳᬶᬚᬕᬢ᭄ᬳᬕᬸᬂ᭞ᬤᬾᬰᬩᬜ᭄ᬚᬃᬢ
ᬦ᭄ᬧᬭᬢᬸ᭞ᬫᬢᬶᬫᬲᬶᬄᬓᬳᬤᬦᬶᬦ᭄᭞ᬓᬾᬢᭀᬳᬶᬧᬶᬢ᭄ᬭᬢᬃᬧ᭄ᬧᬡ᭞ᬫᬲᬶᬄᬫᬢᬶᬯᬱ᭄ᬝᬦ᭄ᬳᬶᬧᬸᬦ᭄᭞ᬬᬦ᭄ᬢᬦ᭄ᬰ᭄ᬭᬸᬢᬶᬫᬓᬤᬲᬃ᭞ᬧᬫᬸᬧᬸᬢ᭄ᬳ᭄ᬬᬂᬯᬾᬥᬍᬯᬶᬄ᭞ᬫᬢᬶᬲᬓᬜ᭄ᬘᬳᬶᬬᬚ᭄ᬜ᭞ᬬᬦ᭄ᬢᬦ᭄ᬥ
[᭕᭗ 57A]
ᬓ᭄ᬱᬶᬡᬦᬾ ᬓᭀᬢᬸᬃ᭟ᬬᬦᬶᬂᬢᬶᬯᬢᬦ᭄ᬧᬓᬶᬃᬢ᭄ᬢᬶ᭞ᬢᬦ᭄ᬧᬥᬃᬫ᭄ᬫ᭞ᬧᬵᬧᬧᬵᬧᬦᬶᬂᬳᬧᬸᬗ᭄ᬕᬸᬂ᭞ᬍᬢᬸᬄᬍᬢᬸᬳᬶᬂᬳᬍᬢᬸᬄ᭞ᬋᬕᭂᬤᬺᬕᭂᬤᬾ ᬓᬧᬗ᭄ᬕᬶᬄ᭞ᬧᬗ᭄ᬕᬶᬄᬪᬬᬦᬶᬂᬳᬪᬬ᭞ᬪᬬᬢᬓᬸᬢᬶᬂᬳᬢᬓᬸᬢ᭄᭞ᬢᬓᬸᬢᬺᬲᬺᬲ᭄
ᬓᬋᬲᬺᬲᬦ᭄᭞ᬋᬲᬺᬲ᭄ᬫᬢᬶᬦᬶᬂᬳᬫᬢᬶ᭞ᬫᬢᬶᬧ᭄ᬭᬕᬢ᭄ᬓᬤᬦᬦ᭄᭞ᬩᬶᬦ᭄ᬧᬶᬤᬦ᭄ᬫᬯᬮᬶᬢᬸᬫ᭄ᬩᬸᬄ᭞ᬬᬦ᭄ᬢᬶᬯᬲ᭄ᬢᬸᬯᬶᬭᬶᬭᬶᬄ᭞ᬫᬶᬯᬄᬧ᭄ᬭᬚ᭄ᬜᬦ᭄᭞ᬳᭂᬜᬾᬦ᭄ᬲᬾᬦ᭄ᬤᭂᬫ᭄ᬫᬗᬭᬸᬍ᭞ᬧᬗᬸᬘᬧ᭄ᬳᬶᬢᬶᬯᬲ᭄ᬦᬸᬢᬸᬃ᭞ᬬᬤᬶᬦ᭄ᬫ
ᬗ᭄ᬕᬶᬄᬓᬮᬩᭂᬘᬶᬓ᭄᭞ᬫᬦᬸᬢᬸᬭᬂᬓ᭄ᬭᬡᬓ᭄ᬭᬡ᭞ᬲᬶᬦᬄᬢ᭄ᬯᬭᬳᬤᬗ᭄ᬭᬸᬗᬸ᭞ᬳᭂᬤᭀᬄᬳᬤᬳᬦᬓ᭄ᬯᭂᬮᬲ᭄᭞ᬳᭂᬜᬾᬦ᭄ᬧᬘᬂᬫᬗᭂᬦᭂᬫᬶᬦ᭄᭞ᬳᬯᬓ᭄ᬢᬶᬯᬲ᭄ᬢᬦ᭄ᬧᬬᬰ᭞ᬢᬸᬭᬶᬦ᭄ᬫᬤᬲᬃᬩᬳᬦ᭄ᬧᭂᬗ᭄ᬓᬸᬂ᭟
ᬳᬶᬢᬶᬯᬲ᭄ᬓᬢᬸᬦᬳᬚᬶ᭞ᬢ᭄ᬯᬶᬫᬕᬸᬡ᭞ᬢ᭄ᬯᬶᬓᬩᬶᬲᬦᬾ ᬮᬶᬬᬸ᭞ᬲᬶᬦᬄᬢ᭄ᬯᬭᬧᬢᬶᬓᬲᬸᬩ᭄᭞ᬢ᭄ᬯᬭᬳᭂᬜᬓ᭄ᬧ᭄ᬭᬕᬢ᭄ᬩᭂᬘᬶᬓ᭄᭞ᬤᬾᬦᬵᬳᬶᬂᬯᬶᬪᬯᬫᬓ᭄ᬭᬡ᭞ᬫᭂᬮᬳᬾ ᬓᬳᬸᬘᬧ᭄ᬧᬸᬧᬸᬢ᭄
Kaca:Bali-lontar-gaguritan-paparikan-sarasamuscaya-300ppi.pdf/57
Kaca puniki sampun kauji-wacén
