[᭕᭗ 57B]
᭕᭗
ᬳᬸᬧᬫᬶᬓᬤᬶᬳ᭄ᬬᬂᬲᬹᬃᬬ᭄ᬬ᭞ᬲᬓᬶᬂᬢᬾᬚᬓ᭄ᬭᬡᬗᭂᬦ᭄ᬤᬶᬄ᭞ᬳᬶᬢᬾᬚᬢ᭄ᬯᬂᬗ᭄ᬕᬯᬾ ᬕᬮᬂ᭞ᬗ᭄ᬕᬮᬗᬶᬦ᭄ᬲᬃᬯ᭄ᬯᬫᬬᬸ᭟ᬳᬶᬘᬡ᭄ᬥᬮᬫᬶᬦᬓᬤᬶ᭞ᬫ᭄ᬯᬄᬳᬶᬢᬶᬯᬲ᭄᭞ᬬᬦᬶᬂᬢᬃᬓ᭄ᬓᬓ᭄ᬭᬡᬳᬶᬤᬸᬧ᭄᭞ᬫᬓᬤᬤ᭄ᬯᬫᬶᬭᬶ
ᬩ᭄ᬧᬢᬸᬄ᭞ᬨᬮᬓᬃᬫᬦ᭄ᬜᬦᬾ ᬗᬸᬦᬶ᭞ᬢ᭄ᬯᬭᬗ᭄ᬕᬯᬾ ᬤᬵᬦ᭞ᬤᬵᬦᬦ᭄ᬳᬶᬘᭂᬡ᭄ᬥᬮᬦᬾᬧᬵᬢᬹᬢ᭄᭞ᬲᬶᬦᬄᬢ᭄ᬯᬭᬳᬤ᭄ᬳᬦᬗ᭄ᬕᬧ᭄᭞ᬳᬶᬢᬶᬯᬲ᭄ᬢᬸᬢᬸᬭᬂᬩᬸᬯᬶᬦ᭄᭞ᬤᬵᬦᬦ᭄ᬜᬦᬾ ᬤᭂᬫᬶᬢ᭄ᬧᬶᬲᬦ᭄᭞ᬨᬮᬦ᭄ᬲᬶ
ᬦᭀᬫᬾ ᬦᬸᬢᬸᬕ᭄᭟ᬲᬶᬦᭀᬫ᭄᭟ᬳᬸᬫᬄᬳᬶᬢᬶᬯᬲ᭄ᬢᬸᬢᬸᬭᬂ᭞ᬳᬸᬧᬫᬶᬬᬂᬬᬮ᭄ᬯᬶᬃᬫᬡᬶ᭞ᬤᬾᬦᬶᬂᬳᬸᬯᬸᬂᬭᭀᬗ᭄ᬕᬂᬭᬾᬗ᭄ᬕᭀᬂ᭞ᬲᬃᬯ᭄ᬯᬪ᭄ᬭᬡᬢ᭄ᬯᬭᬫᬶᬲᬶ᭞ᬢ᭄ᬯᬭᬫ᭄ᬩᬳᬦ᭄ᬳᬲᬶᬂᬳᬮᬶᬄ᭞ᬳᬲᬶᬂᬤᬶᬢᬸᬋᬕᭂᬤ᭄ᬍ
ᬢᬸᬄ᭞ᬫᬶᬗ᭄ᬓᬶᬦ᭄ᬓᬾᬳᬤ᭄ᬳᬧᬋᬓᬦ᭄᭞ᬳᬦᬓ᭄ᬫᭂᬦ᭄ᬢᬲ᭄ᬢ᭄ᬯᬭᬲᬸᬤ᭄ᬥᬶ᭞ᬲᬓᬶᬂᬳᬤᬸᬂ᭞ᬓᬯᬄᬦᬸᬢᬸᬕ᭄ᬫᬳᬶᬍᬳᬦ᭄᭟ᬳᬶᬢᬶᬯᬲ᭄ᬓᬲᭂᬗ᭄ᬕᬸᬄᬩᭂᬭᬕ᭄᭞ᬧᬶᬢ᭄ᬯᬶᬫᭀᬓᭀᬄᬫᬍᬗᬶᬲ᭄᭞ᬚᬦ᭄ᬫᬲᬓᬶᬢ᭄ᬓᬶᬭᬂᬢᬫ᭄ᬩ
[᭕᭘ 58A]
ᬢ᭄ᬯᬭᬳᬤᬫᬗᬸᬩᬤᬶᬦ᭄᭞ᬩ᭄ᬯᬶᬦ᭄ᬲᬚᬓᬸᬭᬂᬦᬲᬶ᭞ᬳᬤᭀᬄᬜᬶᬤᬬᬂᬫᬢᬫ᭄ᬬᬸ᭞ᬳᭂᬜᬾᬦ᭄ᬲᬾᬦ᭄ᬤᭂᬫ᭄ᬧᬘᬂᬢᭂᬓ᭞ᬓ᭄ᬭᬡᬩ᭄ᬭᬕ᭄ᬓᬳᬤᬦᬶᬦ᭄᭞ᬢ᭄ᬯᬭᬫᬫ᭄ᬧᬸᬄ᭞ᬳᬲᬶᬂᬕᬯᬾ ᬢ᭄ᬯᬭᬲᬶᬤ᭄ᬥ᭟ᬯᬶᬭᬾᬳᬶᬢᬶ
ᬲ᭄ᬢᬦ᭄ᬲᬄ᭞ᬕᭂᬮᬄᬫᬶᬢ᭄ᬭᬦᬾ ᬓᬪᬸᬓ᭄ᬢᬶ᭞ᬓᬲᬸᬕ᭄ᬬᬦ᭄ᬫᬶᬢ᭄ᬭᬦᬾ ᬳᬗ᭄ᬕᭀ᭞ᬬᬦ᭄ᬳᬶᬢᬶᬯᬲ᭄ᬓᬩᬸᬯᬢᬶᬦ᭄᭞ᬳᬤᭀᬄᬜᬶᬤ᭄ᬥᬬᬂᬗᬶᬲᬶᬦᬶᬦ᭄᭞ᬫᬗ᭄ᬯᬍᬲ᭄ᬭᬶᬂᬫᬶᬢ᭄ᬭᬭᬯᬸᬄ᭞ᬤᬾᬦᬶᬂᬢᬶᬯᬲᬾ ᬓᬮᬶᬯᬢ᭄᭞ᬫᬶᬯᬄᬓ
ᬲ᭄ᬫᬮᬦᬶᬂᬩᬸᬤ᭄ᬥᬶ᭞ᬮᭀᬪᬧᭂᬲᬸ᭞ᬓᬩᬢᭂᬓ᭄ᬩᬵᬦ᭄ᬩᬲᬂᬮᬬᬄ᭟ᬍᬳᭂᬃᬫᬢᬶᬲᬧᬶᬲᬦᬦ᭄᭞ᬳᬦ᭄ᬤᬶᬂᬢᭂᬓᬾᬦ᭄ᬢᬶᬯᬲ᭄ᬫᬸᬭᬶᬧ᭄᭞ᬜᬳᬦᬂᬲᬓᬶᬢ᭄ᬓᬮᬭᭀᬦ᭄᭞ᬓᬚᬦ᭄ᬢᬓᬦ᭄ᬓᬲᬶᬄᬳᬲᬶᬄ᭞ᬳᬲᬶᬂᬕᬯᬾᬧᬥ
ᬧᭂᬮᬶᬄ᭞ᬤᬶᬚᬗᬮᬶᬄᬢᭀᬗᭀᬲ᭄ᬧᬵᬢᬹᬢ᭄᭞ᬮᬭᬦ᭄ᬳᬶᬲᬸᬕᬶᬄᬢ᭄ᬯᬭᬪᬶᬦ᭞ᬢᭂᬓᬾᬦᬶᬂᬳᬶᬢᬶᬯᬲ᭄ᬕᬸᬤᬶᬕ᭄᭞ᬚᬦᬶᬳᬶᬢᬸᬂ᭞ᬪᬶᬦᬦ᭄ᬳᬶᬲᬸᬕᬶᬄᬳᬶᬢᬶᬯᬲ᭄᭟ᬧᬫᭂᬭᬶᬄᬳᬶᬲᬸᬕᬶᬄᬦᬶᬱ᭄ᬝ᭞ᬢᬸᬦᬵᬰᬓ᭄ᬢᬶ
Kaca:Bali-lontar-gaguritan-paparikan-sarasamuscaya-300ppi.pdf/58
Kaca puniki sampun kauji-wacén
