[᭕᭘ 58B]
᭕᭘
ᬲᬳᬶᬲᬳᬶ᭞ᬩᬳᬦ᭄ᬳᬶᬦ᭄ᬤ᭄ᬭᬶᬬᬫᬗ᭄ᬭᭀᬜ᭄ᬚᭀ᭞ᬮᬫᬸᬦ᭄ᬢ᭄ᬯᬭᬘᬸᬓᬸᬧ᭄ᬪᬸᬓ᭄ᬢᬶ᭞ᬤᬾᬦᬵᬳᬶᬂᬤᬶᬧᬗᬦ᭄ᬫᬮᬶᬄ᭞ᬦᬗᬶᬂᬬᬦ᭄ᬳᬶᬢᬶᬯᬲ᭄ᬳᬮᬸᬄ᭞ᬳᬲᬶᬂᬤᬳᬃᬢᭂᬓᬫᭂᬮᬄ᭞ᬧᬶᬢᬸᬯᬶᬤᭀᬦ᭄ᬓᬬᬸᬧᬳᬶᬢ᭄᭞
ᬫᬲᬶᬄᬚᬳᭂᬦ᭄ᬓᬭᬲᬬᬂ᭟ᬲᭂᬤᬸᬓ᭄ᬮᬬᬳᬾ ᬫᬓ᭄ᬭᬡ᭞ᬢᭂᬓᬚᬳᭂᬦ᭄ᬳᬲᬶᬂᬳᬲᬶᬂ᭞ᬲᬃᬯ᭄ᬯᬫᭂᬮᬄᬳᬶᬧᭂᬗᬗ᭄ᬕᭀ᭞ᬬᬦ᭄ᬳᬶᬢᬶᬯᬲ᭄ᬫᬗᬦ᭄ᬢᭂᬦᬶᬦ᭄᭞ᬦᬗ᭄ᬳᬶᬂᬬᬦ᭄ᬲᬂᬫᬵᬫ᭄ᬩᭂᬓ᭄ᬲᬸᬕᬶᬄ᭞ᬲᬢᬢᬫᬗᬫᬸᬳᬫᬸ᭞ᬳᬲᬶᬂᬚᭂᬫ
ᬓ᭄ᬢ᭄ᬯᬭᬫᭂᬮᬄ᭞ᬧᬗᬦ᭄ᬓᬶᬦᬸᬫ᭄ᬢᬦ᭄ᬧᬮᬸᬤᬶᬄ᭞ᬲᬓᬶᬂᬢᬸᬳᬸ᭞ᬚᭂᬮᬾ ᬫᭂᬮᬄᬧᬥᬢᬸᬗ᭄ᬕᬮ᭄᭟ᬲᭂᬤᬸᬓ᭄ᬮᬬᬳᬾ ᬗᬶᬮᬗᬂ᭞ᬳᬶᬢᬗᬃᬫᬓ᭄ᬭᬡᬜᬫ᭄ᬧᬶᬂ᭞ᬫᬶᬯᬄᬳᬶᬥᬃᬫ᭄ᬫᬲᬥᬦ᭞ᬢ᭄ᬯᬭᬲᬭᬢ᭄ᬓᬕᬯᬾᬦᬶᬦ᭄᭞
ᬳᬶᬓᬥᬶᬭᬦ᭄ᬫᬲᬶᬄᬧᬮᬶᬂ᭞ᬮᬬᬄᬲᭂᬤᬸᬓᬾ ᬫᬗᬸᬗ᭄ᬕᬸᬮ᭄᭞ᬳᬶᬮᬶᬤᬄᬫᭂᬍᬤ᭄ᬭᬶᬂᬭᬱ᭞ᬳᬶᬫᭂᬍᬤ᭄ᬫᬗᬸᬫᬤ᭄ᬲᬳᬶ᭞ᬯᬋᬕ᭄ᬲᭂᬤᬸᬓ᭄᭞ᬳᬶᬭᬱᬚᬢᬶᬗᬮᬳᬂ᭟ᬧᬸᬗ᭄ᬕᬸᬂᬧᭂᬗ᭄ᬓᬸᬗᬾᬫᬓ᭄ᬭᬡ᭞ᬫᬜᭂᬮ᭄ᬲᭂᬮᬂ
[᭕᭙ 59A]
ᬧᬸᬭᬓᬺᬢ᭄ᬢᬶ᭞ᬭᬶᬓᬮᬫᬗ᭄ᬕᬶᬄᬤᬸᬄᬓᬶᬢ᭞ᬫᬗ᭄ᬭᬡᬬᬂᬤᬤᬶᬮᬮᬶ᭞ᬢᭂᬓᬾᬦ᭄ᬧᬕᬯᬾᬦᬾ ᬗᬸᬦᬶ᭞ᬫᬧᬕᬯᬾᬢ᭄ᬯᬭᬧᬵᬢᬹᬢ᭄᭞ᬫᬓ᭄ᬭᬡᬦ᭄ᬫᬗ᭄ᬕᬶᬄᬤᬸᬄᬓᬶᬢ᭞ᬓᬲ᭄ᬮᬶᬫᬸᬃᬫᬦᬳᬾ ᬧᬮᬶᬂ᭞ᬲᬮᬄᬲᭂᬗ᭄ᬕᬸᬄ᭞ᬤᬢ
ᬳᬦᬓᬾ ᬲᭂᬮ᭄ᬲᭂᬮᬂ᭟ᬬᬦᬶᬂᬲᬸᬩᬫᬜᬭᬢᬂ᭞ᬫᬫ᭄ᬯᬢᬂᬳᬧᬗᬲᬸᬕᬶᬄ᭞ᬫᬲᬶᬄᬢᭀᬂᬫᬜᬶᬤ᭄ᬥᬬᬂ᭞ᬫᬦᬫ᭄ᬩᬸᬦᬂᬳᭂᬫᬵᬲ᭄ᬧᬶᬧᬶᬲ᭄᭞ᬲᬶᬦᬄᬲᬸᬩᬢᬸᬤᬸᬄᬕᬦ᭄ᬢᬶ᭞ᬧᬕᬦ᭄ᬢᬶᬦ᭄ᬲᭀᬮᬳᬾ ᬫᬮᬸ᭞ᬢ᭄ᬯᬭᬢᬳᬾᬦ᭄ᬫ
ᬢᬦ᭄ᬤᬸᬭᬦ᭄᭞ᬲᬶᬦᬄᬢ᭄ᬯᬭᬳᬤᬢᬳᬾᬦ᭄ᬫᭂᬦ᭄ᬢᬶᬓ᭄᭞ᬚᬦᬶᬢᬸᬢᬸᬕ᭄᭞ᬮᬯᬸᬢᬂᬫᬦᬗᬸᬦ᭄ᬢᬧ᭟ᬳᬤ᭄ᬳᬳᬦᬓ᭄ᬮᬶᬯᬢ᭄ᬢᬶᬯᬲ᭄᭞ᬤᬬᬮᬶᬬᬸᬮᬶᬦ᭄ᬢᬂᬭᬶᬭᬶᬄ᭞ᬤᬬᬧᬵᬢᬹᬢᬾᬓᬳᬗ᭄ᬕᭀ᭞ᬫᬫ᭄ᬯᬢᬂᬳᬧᬂᬲᬸᬕᬶᬄ᭞ᬳᬲᬶᬂᬚᭂᬫᬓ᭄
ᬢᭂᬓᬧᭂᬮᬶᬄ᭞ᬦᬶᬃᬕ᭄ᬕᬯᬾᬤᬬᬦ ᬳᬾᬮᬵᬳᬶᬬᬸ᭞ᬲᬓᬶᬂᬢᬸᬯᬄᬨᬮᬓᬃᬫ᭄ᬫ᭞ᬧᬵᬢᬹᬢᬾᬚᬦᬶᬚᬮᬦᬶᬦ᭄᭞ᬧᬵᬢᬹᬢ᭄ᬜᬸᬲᬸᬧ᭄᭞ᬓᬕᬸᬦᬸᬂᬳᬮᬲ᭄ᬫᬬᬰ᭟ᬬᬦᬶᬂᬲᬸᬩᬨᬮᬓᬃᬫ᭄ᬫ᭞ᬮᬘᬸᬃᬢᬶᬯᬲᬾ ᬓᬢᬫ᭄ᬧᬶ᭞ᬲᬓᬶᬂ
Kaca:Bali-lontar-gaguritan-paparikan-sarasamuscaya-300ppi.pdf/59
Kaca puniki sampun kauji-wacén
