[᭕ 5B]
᭕
ᬦ᭄ᬢᭂᬦ᭄ᬢᭂᬭᬂᬚᬢᬶ᭞ᬳᬶᬥᬃᬫ᭄ᬫᬫᬯᬓ᭄ᬧᬗᭂᬍᬩᬸᬃ᭞ᬫᬶᬯᬄᬫᬭᬕᬧᬗᭂᬦ᭄ᬢᬲ᭄᭞ᬧᬗᭂᬦ᭄ᬢᬲᬜ᭄ᬚᬕᬢ᭄ᬲᬫᬶ᭞ᬚᬕᬢᭂᬮᬸ᭞ᬲᬶᬤ᭄ᬥᬍᬧᬲ᭄ᬤᬾᬦᬵᬳᬶᬂᬥᬃᬫ᭄ᬫ᭟ᬳᬤ᭄ᬳᬚᬦ᭄ᬫᬢ᭄ᬯᬭᬮᬶᬫ᭄ᬩᬓ᭄᭞ᬧᬕᭂᬳᬶᬤᬾᬧᬾᬗ
ᬲ᭄ᬣᬶᬢᬶ᭞ᬓᬾᬯᬮᬗᭂᬢᬸᬢ᭄ᬓᬥᬃᬫ᭄ᬫᬫ᭄᭞ᬫᬗᭂᬢᬹᬢ᭄ᬮᬯᬸᬢ᭄ᬦᬶᬦᬸᬢᬶᬦ᭄᭞ᬧᬕᭂᬄᬫᬗ᭄ᬮᬯᬸᬢ᭄ᬗᬯᬾᬦᬶᬦ᭄᭞ᬫᬰ᭄ᬭᬡᬳᬶᬥᬃᬫ᭄ᬫᬧᬵᬢᬸᬢ᭄᭞ᬲᬥ᭄ᬬᬫᬦ᭄ᬢᬓᬳᬸᬘᬧᬂ᭞ᬲᬶᬂᬳᬶᬤᬲᬂᬯᬶᬓᬸᬍᬯᬶᬄ᭞ᬢ᭄ᬯᬭᬢᭂᬧᬸᬓ᭄᭞ᬲᬓᬶ
ᬢ᭄ᬲᬓᬶᬂᬓᬤᬂᬫᬶᬢ᭄ᬭ᭟ᬲᬶᬦᬄᬳᬤᬩ᭄ᬯᬶᬦ᭄ᬳᬸᬧᬫ᭞ᬓᬤᬶᬢᭀᬬᬫᬦᬶᬩᬦᬶᬦ᭄᭞ᬫᬭᬶᬂᬯᬶᬢᭂᬩᬸᬦᬾᬋᬓᭀ᭞ᬲᬶᬦᬄᬲᬫᬶᬓᬩᭂᬮᬸᬲᬶᬦ᭄᭞ᬳᭂᬩᬸᬦ᭄ᬧᬤᬂᬓᬢᬶᬩᬾᬦᬵᬳᬶᬦ᭄᭞ᬳᬲᬶᬂᬧᬳᬓ᭄ᬧᬤᬤᬶᬢᬸ᭞ᬭᬶᬂᬩᭀ
ᬗ᭄ᬓᭀᬮ᭄ᬢᭂᬩᬸᬫᬓᭂᬚᬂ᭞ᬓᬤᬬᬸᬳᬦ᭄ᬫᬓᬲᬫᬶ᭞ᬚᬵᬢᬶᬢᬸᬳᬸ᭞ᬲᬂᬥᬃᬫ᭄ᬫᬓᬾᬢᭀᬳᬸᬧᬫ᭟ᬢᬶᬗ᭄ᬓᬄᬳᬶᬚᬦ᭄ᬫᬫᬦᬸᬱ᭞ᬲᬂᬲᬶᬥᬗᬃᬤ᭄ᬥᬶᬦᬶᬦ᭄ᬩᬘᬶᬓ᭄᭞ᬢᬸᬭᬸᬦᬦ᭄ᬲᬓᬶᬂᬲ᭄ᬯᬃᬕ᭄ᬕᬦ᭄᭞ᬬᬤᬶ
[᭖ 6A]
ᬦ᭄ᬫᬦᬸᬫᬶᬢᬶᬲ᭄ᬫᬮᬶᬄ᭞ᬩᬕᬸᬲ᭄ᬳᬍᬧ᭄ᬢᬸᬃᬲᬸᬕᬶᬄ᭞ᬍᬯᬶᬄᬯᬗ᭄ᬰᬦᭂᬫ᭄ᬩᬂᬦᭂᬫ᭄ᬩᬸᬂ᭞ᬨᬮᬦ᭄ᬧᬕᬯᬾᬦᬾ ᬫᭂᬮᬄ᭞ᬭᬶᬂᬯᬰᬡᬧᬘᬂᬧᬗ᭄ᬕᬶᬄ᭞ᬢ᭄ᬯᬭᬩᬸᬯᬸᬂ᭞ᬫᬦᭂᬫᬸᬲᬸᬓᬫᭀᬢ᭄ᬢᬫ᭟ᬳᬶᬤ᭄ᬳᬲ᭄ᬦᬕ᭄ᬫᬭᬥᬃᬫ᭄ᬫ᭞
ᬓᬶᬚᬮᬸᬯᬲ᭄ᬢ᭄ᬯᬭᬚᭂᬭᬶᬄ᭞ᬧᬶᬢ᭄ᬯᬶᬓᬳᬮᬲ᭄ᬯᬬᬄ᭞ᬓᬭᬾᬚᬾᬂᬓᬢᬸᬓᬤ᭄ᬕᬶᬤᬶᬂ᭞ᬲᬶᬦᬄᬢ᭄ᬯᬭᬪᬬᬧᬗ᭄ᬕᬶᬄ᭞ᬯᬶᬭᬾᬄᬳᬶᬥᬃᬫ᭄ᬫᬫᬦᬸᬗ᭄ᬕᬸ᭞ᬧᬗᭂᬫᬶᬢ᭄ᬲᬮᬫ᭄ᬧᬄᬕᭂᬦᬄ᭞ᬳᬶᬤᬤᬾᬯᬢᬸᬤᬸᬄ
ᬰᬓ᭄ᬢᬶ᭞ᬗᬶᬘᬾᬦ᭄ᬳᬬᬸ᭞ᬳᬬᬸᬦᬾ ᬭᬭᬶᬲ᭄ᬫᬦᬦ᭄ᬤᬦ᭄᭟ᬳᬶᬲ᭄ᬢ᭄ᬭᬶᬳᬬᬸᬲᬦᬾ ᬤᭂᬳᬵ᭞ᬫᬶᬯᬄᬧᬸᬭᬲᬦᬾ ᬍᬯᬶᬄ᭞ᬳᬸᬫᬄᬚᭂᬭᭀᬫᬉᬢ᭄ᬢᬫ᭞ᬪᭀᬕᬪᭀᬕᬲᬃᬯ᭄ᬯᬩᭂᬘᬶᬓ᭄᭞ᬪᬹᬱ᭄ᬡᬧᬗ
ᬗ᭄ᬕᭀᬩᭂᬘᬶᬓ᭄᭞ᬤᬦᬧᬸᬦ᭄ᬬᬯᬱ᭄ᬝᬦ᭄ᬳᬶᬧᬸᬦ᭄᭞ᬲᬮ᭄ᬯᬶᬭᬶᬂᬫᬗᬼᬕᬦᬶᬦ᭄ᬫᬦᬄ᭞ᬧᬯᬶᬮᬗᬦ᭄ᬩᬭᬾ ᬲᬫᬶ᭞ᬳᬧᬂᬢᬳᬸ᭞ᬢᬶᬗ᭄ᬓᬳᬾ ᬧᬘᬂᬧᬸᬗ᭄ᬓᬸᬭᬦ᭄᭟ᬧᬗ᭄ᬓᬸᬃ᭟ᬧᬜ᭄ᬚᬓ᭄ᬪ᭄ᬭᬡᬫ᭄ᬯᬄᬢᭂ
Kaca:Bali-lontar-gaguritan-paparikan-sarasamuscaya-300ppi.pdf/6
Kaca puniki sampun kauji-wacén
