[᭕᭙ 59B]
᭕᭙
ᬘᭂᬦᬶᬓ᭄ᬢᬸᬯᬩᬚᬂ᭞ᬤᭀᬄᬧᬭᬲᬸᬓᬓᬢᬫ᭄ᬧᬶ᭞ᬲᬶᬦᬄᬤᬸᬄᬓᬶᬢᬲᬲᬳᬶ᭞ᬬᬦ᭄ᬚᬸᬫᬄᬗᬦ᭄ᬢᬶᬭᬳᬬᬸ᭞ᬳᬧᬢᬓᬸᬢᬶᬦ᭄ᬤᬶᬳᬮᬲ᭄᭞ᬜᬾᬦ᭄ᬧᬘᬂᬩᬾᬜ᭄ᬚᬸᬮ᭄ᬳᬾᬮᬶᬓ᭄᭞ᬲᬶᬦᬄᬍᬩᬸᬃ᭞ᬳᬮᬦᬾ ᬩᬦ᭄ᬢ
ᬧᬩ᭄ᬭᬢ᭟ᬳᬸᬧᬫᬳᬶᬓᬬᬸᬳᬮᬲ᭄᭞ᬲᬾᬦ᭄ᬤᬾᬄᬧᬸᬋᬢ᭄ᬢᬸᬭᬶᬂᬘᭂᬭᬶᬓ᭄᭞ᬳᬸᬍᬤ᭄ᬲᬸᬩᬢᬄᬫᬗᬫᬄ᭞ᬫᭂᬦ᭄ᬢᬶᬓ᭄ᬤᬶᬩᬢᬸᬓᬭᬶᬓᬶᬮ᭄᭞ᬓᬸᬮᬶᬢ᭄ᬩᬩᬓ᭄ᬢᬸᬄᬕᬭᬶᬂ᭞ᬳᬧᬶᬦ᭄ᬳᬮᬲᬾ ᬫᬗᭂᬜ᭄ᬚᬸᬢ᭄᭞ᬤᬶᬩᭀᬗ᭄ᬓᭀᬮ᭄ᬲᭂ
ᬫᬸᬢ᭄ᬫᬳᬸᬫᬄ᭞ᬳᬶᬢᬶᬯᬲ᭄ᬓᬾᬢᭀᬳᬸᬧᬫᬶ᭞ᬦᬕᬶᬄᬳᬬᬸ᭞ᬜᭀᬯᬓᬫᬧ᭄ᬭᬶᬄᬓᬲᬸᬓᬦ᭄᭟ᬲᬗ᭄ᬳ᭄ᬬᬂᬩ᭄ᬭᬳ᭄ᬫᬮᬶᬦ᭄ᬢᬂᬲᬸᬯᬾᬘ᭄ᬙ᭞ᬫᬗ᭄ᬮᬸᬕ᭄ᬭᬵᬫᬳᬸᬭᬶᬧ᭄᭞ᬓᬦ᭄ᬢᬶᬫᬭᬸᬧᬫᬗᬾᬦ᭄ᬤᬄ᭞ᬭᬹᬧᬲᬮ᭄ᬯᬶᬭᬶᬂᬢᬸᬫᬶᬢᬶᬲ᭄᭞
ᬢ᭄ᬯᬭᬢᬸᬗ᭄ᬕᬮ᭄ᬲᭀᬮᬄᬩᬸᬤ᭄ᬥᬶ᭞ᬕᬸᬡᬭᬸᬧᬧᬥᬮᬶᬬᬸ᭞ᬳᬲᬶᬂᬓᬢᬸᬦᬲ᭄ᬓᬲ᭄ᬯᬾᬘ᭄ᬙᬦ᭄᭞ᬫᬤᬲᬃᬢᬶᬮᬶᬗᬶᬂᬩᬸᬤ᭄ᬥᬶ᭞ᬲᬶᬦᬄᬢᭂᬧᬸᬓ᭄᭞ᬦᬗᬶᬂᬢ᭄ᬯᬭᬤᬤᬶᬳᭀᬩᬄ᭟ᬓᬾᬢᭀᬫᬲᬶᬄᬲᬗ᭄ᬳ᭄ᬬᬂᬩ᭄ᬭᬳ᭄ᬫ᭞ᬫ
[᭖᭐ 60A]
ᬗᭂᬲᭂᬂᬲᬃᬯ᭄ᬯᬫᬳᬸᬭᬶᬧ᭄᭞ᬢ᭄ᬯᬭᬫᬧᬶᬮᬶᬄᬭᬶᬂᬭᬹᬧ᭞ᬳᬶᬥᭂᬧ᭄ᬲᭀᬮᬄᬫᬶᬯᬄᬫᬸᬜᬶ᭞ᬕᬫ᭄ᬧᬂᬳᬦ᭄ᬢᬸᬓ᭄ᬳᬶᬤᬲᬫᬶᬓᬕᭂᬲᭂᬂᬫᬦᬤᬶᬳᬯᬸ᭞ᬦᬾ ᬳᬩᭂᬲᬶᬓ᭄᭞ᬢᭀᬂᬜᬶᬤ᭄ᬤᬬᬂ᭞ᬳᬶᬤ᭄ᬳᬧ᭄ᬭᬶᬓᭀᬱᬫᬫᬲ᭄ᬫᬶ᭞ᬲᬫᬶ
ᬓᬸᬓᬸᬄ᭞ᬢ᭄ᬯᬭᬤᭂᬕᬕ᭄ᬫᬜᬾᬯᬓ᭟ᬦᬄᬓᬾᬦᬾᬩᬳᬦ᭄ᬦᬸᬢᬸᬭᬂ᭞ᬲᬂᬲᬗᭂᬢ᭄ᬫᬫ᭄ᬯᬢᬂᬧᭂᬭᬶᬄ᭞ᬬᬦ᭄ᬲᬯᬗᬂᬢ᭄ᬯᬭᬪᬶᬦ᭞ᬓᬤᬶᬳᬦᬓ᭄ᬗᬦ᭄ᬢ᭄ᬬᬂᬫᬢᬶ᭞ᬲᬸᬩᬤᬶᬓᬡ᭄ᬝᬳᬶᬳᬸᬭᬶᬧ᭄᭞ᬳᬸᬬᬂᬩᬸᬓᬫᭂᬮᬲ᭄ᬩᬮᬸᬂ᭞ᬫᬸᬜᬶ
ᬦᬾ ᬫᬫᭂᬕᬢ᭄ᬫᭂᬕᬢ᭄᭞ᬗᭂᬢᭀᬃᬧᭂᬮᬸᬄᬧᬓᬸᬭᬶᬢᬶᬲ᭄᭞ᬓ᭄ᬢᬸᬕ᭄ᬓᭂᬢᬸᬕ᭄ᬳᬘᬸᬫ᭄᭞ᬳᬸᬭᬶᬧᬾ ᬧᬘᬂᬫᬢᬶᬗ᭄ᬕᬮ᭄᭟ᬲᭂᬍᬕᬂᬢᬸᬢᬸᬃᬲᬯᬶᬢ᭄ᬭ᭞ᬳᬩᭀᬢ᭄ᬢᬶᬗ᭄ᬓᬄᬗᬮᬶᬄᬓᬦ᭄ᬢᬶ᭞ᬲᭀᬮᬄᬕᬸᬦᬫᬲᬯᬶᬢ᭄ᬭ᭞ᬮᬶᬯᬢ᭄ᬕᬢᬶᬫ
ᬗ᭄ᬮᬮᬳᬶᬦ᭄᭞ᬳᬸᬧᬫᬶᬳᬶᬲᭂᬓᬃᬫᬶᬬᬶᬓ᭄᭞ᬳᭂᬩᭀᬦ᭄ᬜᬦᬾ ᬳᬾᬗ᭄ᬕᬮ᭄ᬜᬸᬲᬸᬧ᭄᭞ᬭᬶᬂᬧᬗᬗ᭄ᬕᭀᬬᬦ᭄ᬳᬤᬸᬓᬂ᭞ᬳᬶᬬᬾᬄᬢᬦᬄᬫᬶᬯᬄᬍᬗᬶᬲ᭄᭞ᬓᬤᬶᬳᬸᬓᬸᬧ᭄᭞ᬬᬦ᭄ᬤᬶᬢᬸᬧᬸᬮᬂᬳᬶᬩᬸᬗ᭟ᬳᬾᬦᬵᬕ᭄ᬕᬮ᭄ᬓᬕᭂᬩᬸᬕ᭄ᬳᬶᬫᬦᬄ᭞
Kaca:Bali-lontar-gaguritan-paparikan-sarasamuscaya-300ppi.pdf/60
Kaca puniki sampun kauji-wacén
