[᭖᭐ 60B]
᭖᭐
ᬭᬶᬂᬳᬶᬦᬶᬱ᭄ᬝᬬᬦ᭄ᬫᬓᬦ᭄ᬢᬶ᭞ᬬᬦ᭄ᬫᬓᬦ᭄ᬢᬶᬭᬶᬂᬳᬶᬫᬥ᭄ᬬ᭞ᬤᬤᬶᬫᬥ᭄ᬬᬓᬮᬮᬳᬶᬦ᭄᭞ᬭᬶᬂᬯ᭄ᬯᬂᬳᬸᬢ᭄ᬢᬫᬫᬓᬦ᭄ᬢᬶ᭞ᬳᬸᬢ᭄ᬢᬫᬩᬸᬤ᭄ᬥᬶᬓᬭᬗ᭄ᬲᬸᬓ᭄᭞ᬲᬸᬩᬮᬶᬬᬸᬳᬤ᭄ᬳᬳᬶᬫ᭄ᬩ᭞ᬳᬮᬳᬬᬸᬩᬳᬦ᭄ᬓᬦ᭄ᬢᬶ᭞ᬓ᭄ᬭᬡᬤᬶᬢᬸ᭞ᬳᭂᬤ᭄ᬳᬳᬫ᭄ᬧᬄᬗ
ᬮᬶᬄᬫᬶᬢ᭄ᬭ᭟ᬬᬤᬶᬦ᭄ᬢᬸᬦᬵᬕᬸᬡᬦ᭄ᬳᬯᬓ᭄᭞ᬬᬦ᭄ᬫᬓᬦ᭄ᬢᬶᬕᬸᬡᬍᬯᬶᬄ᭞ᬲᬶᬦᬄᬕᬸᬡᬦᬾ ᬫᬵᬳᬗ᭄ᬮᬶᬫ᭄ᬩᬓ᭄᭞ᬫᬯᬸᬯᬸᬄᬕᬸᬡᬦᬾ ᬲᬳᬶ᭞ᬩᬸᬓᬳᬶᬬᬾᬳᬾᬧᬸᬮᬗᬶᬦ᭄᭞ᬩᬳᬦ᭄ᬍᬗᬶᬲ᭄ᬫᬶᬬᬶᬓ᭄ᬜᬗ᭄ᬮᬸᬄ᭞ᬳᬶᬬᬾᬄᬦᬾᬲᬶᬦᬄᬳᬶᬮᬂ᭞
ᬓᬢᭂᬓᭂᬧ᭄ᬩᬳᬦ᭄ᬳᬶᬍᬗᬶᬲ᭄᭞ᬫᬶᬬᬶᬓ᭄ᬜᬗ᭄ᬮᬸᬄ᭞ᬘᬬᬦ᭄ᬳᬶᬬᬾᬄᬤᬤᬶᬳᬶᬮᬂ᭟ᬬᬤᬶᬦ᭄ᬮᬶᬬᬸᬗᭂᬮᬄᬕᬸᬡ᭞ᬭᬶᬂᬲᬂᬦᬶᬃᬕᬸᬡᬫᬓᬦ᭄ᬢᬶ᭞ᬩ᭄ᬯᬶᬦ᭄ᬢ᭄ᬯᬭᬗᭂᬮᬄᬓᬩᬶᬲᬦ᭄᭞ᬕᬸᬡᬫᭂᬗ᭄ᬓᭂᬩ᭄ᬲᬶᬦᬄᬤᬤᬶ᭞ᬤᬤᬶᬯᬶᬭᬱᬦᬾ ᬳᬶᬮᬶ
ᬤ᭄᭞ᬳᬸᬧᬫᬶᬳᬶᬮᬯᬢ᭄ᬮᬸᬯᬸᬂ᭞ᬓᬢᬗ᭄ᬓᭂᬩᬦ᭄ᬕᬸᬍᬫ᭄ᬲᬫᬄ᭞ᬓᬤᬶᬮᬯᬢ᭄ᬕᬚᬄᬫᬮᬶᬄ᭞ᬧᭂᬚᬂᬤᬶᬢᬸ᭞ᬤᬶᬫᭂᬓᬦ ᬳᬾᬘᭂᬦᬶᬓ᭄ᬧᬶᬲᬦ᭄᭟ᬳᭂᬤ᭄ᬳᬢ᭄ᬯᬭᬫᬦᭂᬍᬩᬂ᭞ᬳᬶᬕᬸᬡᬓᬳᬸᬘᬧ᭄ᬍᬯᬶᬄ᭞ᬢᬓᬶᬢᬓᬶᬬᬂᬭᬶᬂ
[᭖᭑ 61A]
ᬫᬦᬄ᭞ᬫ᭄ᬯᬢᬂᬳᬸᬕᬶᬳᬲ᭄ᬢᬶᬢᬶ᭞ᬳᭂᬤᬓᬦ᭄ᬢᬶᬫ᭄ᬩᬢᬂᬧᭂᬮᬶᬄ᭞ᬓ᭄ᬭᬡᬳᬤᬳᬦᬓ᭄ᬲᬶᬕᬸᬕ᭄᭞ᬤᬾᬦᬵᬳᬶᬂᬩᬸᬤ᭄ᬥᬶᬦ᭄ᬜᬦᬾ ᬳᬶᬮᬂ᭞ᬢᬦ᭄ᬧᬕᬸᬡᬢᬦ᭄ᬧᬓᬦ᭄ᬢᬶ᭞ᬤᬤᬶᬫᬸᬲᬸᬄ᭞ᬤᬾᬯᬾᬓᬾ ᬲᬳᬶᬫᬗ᭄ᬭᬸᬲᬓ᭄᭟ᬧᬶᬢᬸᬯᬶ
ᬦ᭄ᬦᬾ ᬓᬶᬚᬮᬸᬯᬲ᭄᭞ᬩᬸᬯᬢᬂᬲᬂᬲᬥᬸᬳᬶᬭᬶᬂ᭞ᬫᬓᬓᬦ᭄ᬢᬶᬦᬾ ᬲᬢᬢ᭞ᬳᬶᬤᬳᬗ᭄ᬕᬾᬦ᭄ᬓᬤᬂᬲᬳᬶ᭞ᬬᬤᬶᬦ᭄ᬢᬸᬗ᭄ᬓᬲ᭄ᬳᬶᬤᬳᬶᬭᬶᬂ᭞ᬫᬯᬶᬭᬱᬗᬮᬶᬄᬧᬵᬢᬹᬢ᭄᭞ᬲᬂᬲᬥᬸᬢ᭄ᬯᬄᬳᬗ᭄ᬕᭀᬦ᭄ᬫᬶᬢ᭄ᬭ᭞ᬳᭂᬤᭀᬄᬧᬭᬗᬶᬘ᭄ᬙᬾᬦᬵᬧᭂ
ᬮᬶᬳ᭄᭞ᬬᬤᬶᬦ᭄ᬩᭂᬦ᭄ᬤᬸ᭞ᬢ᭄ᬯᬭᬩᬸᬳᬸᬂᬗᬶᬘ᭄ᬙᬾᬦᬵᬫᭂᬮᬄ᭟ᬦᬾ ᬚᬦᬶᬩᬸᬯᬶᬦ᭄ᬢᬸᬢᬸᬭᬂ᭞ᬧᬫᬃᬕ᭄ᬕᬦ᭄ᬲᬂᬲᬥᬸᬚᬢᬶ᭞ᬳᬶᬤᬢ᭄ᬯᬭᬧᬢᬶᬮᬾᬤᬂ᭞ᬬᬤᬶᬦ᭄ᬳᬍᬫ᭄ᬧᬹᬚᬶᬧᬹᬚᬶ᭞ᬬᬤᬶᬦ᭄ᬫᭂᬗ᭄ᬕᬄᬫᬲᬶᬄᬢᬸᬲᬶᬂ᭞ᬬᬜ᭄ᬘᬘᬤ᭄ᬳᬶᬤᬲᬂ
ᬲᬥᬸ᭞ᬳᬤᭀᬄᬧᬭᬧᬘᬂᬤᬸᬓ᭞ᬮᬗ᭄ᬕᭂᬂᬥᬶᬭᬩᬸᬤ᭄ᬥᬶᬳᭂᬦᬶᬂ᭞ᬢ᭄ᬯᬭᬮᬚᬸ᭞ᬧᬘᬂᬗᬸᬘᬧ᭄᭞ᬯᬵᬓ᭄᭞ᬧᬭᬸᬱ᭄ᬬ᭟ᬲᬂᬤᬥᬸᬢ᭄ᬯᬭᬫᬶᬦᭂᬳᬂ᭞ᬗ᭄ᬕᬯᬾᬳᬦᬓ᭄ᬳᬧᬂᬧᭂᬮᬶᬄ᭞ᬧᬶᬢᬸᬯᬶᬦ᭄ᬦᬾᬤᭀᬱᬦ᭄ᬳᬦᬓ᭄᭞ᬲᬶᬦᬄ
Kaca:Bali-lontar-gaguritan-paparikan-sarasamuscaya-300ppi.pdf/61
Kaca puniki sampun kauji-wacén
