[᭖᭑ 61]
᭖᭑
ᬢ᭄ᬯᬭᬓᬧᬶᬦᭂᬳᬶᬦ᭄᭞ᬧᬭᬶᬘᬘᬤ᭄ᬫᬲᬶᬄᬢᬸᬲᬶᬂ᭞ᬕᬸᬡᬲᭀᬮᬄᬳᬦᬓ᭄ᬮᬶᬬᬸ᭞ᬦᭀᬭᬳᬬᬸᬓᬳᬶᬮᬶᬗᬶᬂ᭞ᬧᬕᭂᬄᬦᬶᬃᬫ᭄ᬫᬮᬦᬶᬂᬩᬸᬤ᭄ᬥᬶ᭞ᬍᬯᬶᬄᬲᬥᬸ᭞ᬫᬗᬭᬦ᭄ᬧᬸᬭᬸᬱᭀᬢ᭄ᬢᬫ᭟ᬲᬂᬲᬥᬸᬢ᭄ᬯᬄ
ᬳᬸᬧᬰᬫ᭞ᬮᬶᬬᭂᬧ᭄ᬫᬗᬸᬦ᭄ᬢᬸᬮ᭄ᬭᬶᬂᬫᬃᬕ᭄ᬕᬶ᭞ᬤᬾᬦᬶᬂᬳᬶᬤᬲᬭᬢ᭄ᬧᬶᬲᬦ᭄᭞ᬳᬦ᭄ᬢᬸᬓ᭄ᬕᬸᬡᬧ᭄ᬭᬚ᭄ᬜᬦ᭄ᬍᬯᬶᬄ᭞ᬳᬸᬧᬫᬶᬬᬂᬓᬤᬶᬧᬤᬶ᭞ᬳᬶᬲᬶᬳᬓ᭄ᬯᬾᬄᬓ᭄ᬭᬡᬗᬸᬦ᭄ᬢᬸᬮ᭄᭞ᬘᬭᬂᬓᬬᬸᬫᬲᬶᬄᬲ
ᬭᬢ᭄᭞ᬫᬜᭀᬬᭀᬃᬫᬗᬸᬦ᭄ᬢᬸᬮ᭄ᬲᬳᬶ᭞ᬤᬾᬦᬶᬂᬢᬸᬬᬸᬄ᭞ᬩᬲ᭄ᬮᬶᬬᬸᬫᬗᬩᬩᬸᬯᬄ᭟ᬲᬂᬲᬥᬸᬢᬦ᭄ᬓᬄᬬᬸᬦ᭄ᬗᬸᬘᬧ᭄᭞ᬓᬤᭀᬱᬦ᭄ᬳᬦᬓ᭄ᬤᬶᬤᬸᬭᬶ᭞ᬬᬦᬶᬂᬫᬫᬗ᭄ᬕᬶᬄᬯᭀᬂᬮᬭ᭞ᬳᬕᬾ ᬳᬶᬤᬫᬦᬸᬮᬸᬗᬶ
ᬦ᭄᭞ᬳᬶᬤᬢ᭄ᬯᬭᬳᬾᬯᬾᬃᬚᬳᬶᬮ᭄᭞ᬫ᭄ᬭᬕᬓᬦ᭄ᬢᬶᬫ᭄ᬭᬕᬳᬸᬮᬸᬂ᭞ᬓ᭄ᬭᬡᬳᬶᬤᬜᬦ᭄ᬤ᭄ᬦᬕ᭄ᬧᬶᬲᬦ᭄᭞ᬲᬾᬯᬓᬳᬶᬦ᭄ᬢᬗ᭄ᬓᬶᬮᬶᬦ᭄ᬲᬳᬶ᭞ᬳᭂᬤᬢᬦ᭄ᬤ᭄ᬭᬸᬄ᭞ᬧᬶᬢ᭄ᬯᬶᬫᬓᭂᬦ᭄ᬢᬢᬳᬦᬂ᭟ᬓᬧᬗ᭄ᬕᬶᬄᬳᬕᬸᬂᬯᬶᬪᬯ
[᭖᭒ 62A]
ᬲᬓᬶᬂᬳᬸᬦᬶᬗᬫᬗᬚᬶ᭞ᬯᬶᬪᬯᬦᬾᬓᬲᬬᬗᬂ᭞ᬓᬢᬓᬸᬢᬶᬦ᭄ᬓᬪᬓ᭄ᬢᬶᬦᬶᬦ᭄᭞ᬩ᭄ᬯᬶᬦ᭄ᬫᬢᬗᬭᬦ᭄ᬲᬳᬶ᭞ᬢ᭄ᬯᬭᬲᬾᬧᬦ᭄ᬳᬤᬾᬂᬳᬮᬸᬲ᭄᭞ᬳᭂᬦ᭄ᬢᭀᬢ᭄ᬯᬄᬓᬧᭂᬰᬾᬗᬂ᭞ᬲᬂᬧᬡ᭄ᬥᬶᬢᬫᬳᬲᬓ᭄ᬢᬶ᭞ᬮᬶᬦ᭄ᬢᬂᬧᬸ
ᬢᬸᬲ᭄᭞ᬧᬗᭂᬦ᭄ᬢᬲ᭄ᬧᬗᭂᬦᬶᬂᬳᬚ᭄ᬜᬡ᭞ᬓᬾᬯᭂᬄᬧᬶᬲᬦ᭄ᬫᬢᬸᬯᬸᬓᬦ᭄᭞ᬭᬶᬂᬲᬂᬓᬧᬸᬭᬸᬱᬚᬵᬢᬶ᭞ᬤᬾᬦᬶᬂᬩᬲ᭄ᬓᬓ᭄ᬯᬾᬳᬦ᭄ᬭᬫ᭄ᬩᬂ᭞ᬳᬶᬧᬕᭂᬄᬢ᭄ᬯᬄᬫᬫᬦᭂᬲᬶᬦ᭄᭞ᬧᬶᬢ᭄ᬯᬶᬤᬹᬃᬕ᭄ᬕᬫᬲ᭄ᬭᬶᬧᬶᬢ᭄᭞ᬲᬭᬢᬂᬳᬸᬕᬶᬧᬶᬢᬸ
ᬳᬸᬢ᭄᭞ᬯᬶᬭᬾᬄᬳᭂᬦ᭄ᬢᭀᬫᬤᬦ᭄ᬫᬺᬢ᭄ᬢ᭞ᬫᬺᬢ᭄ᬢᬧᬗᭂᬦ᭄ᬢᬲᬦ᭄ᬤᬓᬶ᭞ᬢ᭄ᬯᬄᬧᬗᬼᬩᬸᬃ᭞ᬮᬭᬦᬾ ᬲᬓᬾᬂᬦᬭᬓ᭟ᬩᭀᬬᬚᬳᬶᬚᬦ᭄ᬫᬤᭀᬯᬂ᭞ᬩᬶᬱᬢᬺᬱ᭄ᬡᬮᬸᬯᬶᬄᬪᬓ᭄ᬢᬶ᭞ᬧᬶᬢ᭄ᬯᬶᬦᬾ
ᬲᬗ᭄ᬳ᭄ᬬᬂᬳᬢ᭄ᬫ᭞ᬮᬶᬯᬢ᭄ᬢᬺᬱ᭄ᬡᬯᭂᬮᬲ᭄ᬳᬲᬶᬄ᭞ᬭᬶᬂᬳᬶᬤᬲᬂᬲᬥᬸᬚᬵᬢᬶ᭞ᬰᬸᬤ᭄ᬥᬰᬶᬮᬘᬵᬭᬳᬬᬸ᭞ᬲᬗ᭄ᬳ᭄ᬬᬂᬓᬵᬮᬤᬾᬯᬪᬸᬢ᭞ᬳᬲᬶᬂᬳᬲᬶᬂᬢ᭄ᬯᬭᬚ᭄ᬯᬭᬶ᭞ᬮᬶᬦ᭄ᬢᬂᬫᬸᬭᬸᬕ᭄᭞ᬲᬂᬲᬸᬤ᭄ᬥᬰᬶᬮᬲᬸᬘᬭ᭟
Kaca:Bali-lontar-gaguritan-paparikan-sarasamuscaya-300ppi.pdf/62
Kaca puniki sampun kauji-wacén
