[᭖᭒ 62B]
᭖᭒
ᬢ᭄ᬯᬶᬢ᭄ᬯᬭᬳᬤᬘᬶᬄᬦ᭞ᬲᬂᬲᬚ᭄ᬚᬦᬫᬧᬓᬃᬤ᭄ᬥᬶ᭞ᬢ᭄ᬯᬭᬫᬧᬶᬮᬶᬄᬤᬾᬯᬰ᭞ᬤᬾᬦᬶᬂᬲᬸᬩᬲᬃᬯ᭄ᬯᬚᬵᬢᬶ᭞ᬧ᭄ᬭᬢᬺᬢ᭄ᬢᬶᬦ᭄ᬲᬂᬲᬤ᭄ᬥᬸᬢᬸᬯᬶ᭞ᬳᬶᬧᬸᬭᬸᬱᬢ᭄ᬯᬄᬧᬶᬓᬸᬓᬸᬄ᭞ᬧᬧᬶᬦᭂᬳᬾ ᬢ᭄ᬯᬭᬮᬾᬦᬦ᭄᭞ᬢ᭄ᬯᬄ
ᬜᬦ᭄ᬤ᭄ᬦᬕ᭄ᬚᬦᬶᬚᬮᬦᬶᬦ᭄᭞ᬗ᭄ᬕᬯᬾᬳᬬᬸ᭞ᬬᬤᬶᬂᬢ᭄ᬯᬭᬳᬤᬗ᭄ᬭᬱ᭟ᬧ᭄ᬭᬢ᭟ᬧ᭄ᬭᬯᬺᬢ᭄ᬢᬶᬦ᭄ᬲᬂᬓᬲᬵᬚ᭄ᬜᬡᬦ᭄᭞ᬲᬭᬢᬂᬢᭂᬓᭂᬓᬂᬕᬶᬲᬶ᭞ᬬᬦᬶᬂᬢᭀᬳᬶᬭᬵᬚᬪ᭄ᬭᬡ᭞ᬢ᭄ᬯᬭᬜᬦ᭄ᬤ᭄ᬦᬕ᭄ᬧᬶᬓᬸᬓᬸᬳᬶᬦ᭄᭞ᬯᬶᬭᬾᬳᬶᬂ
ᬢᭀᬲᬵᬓ᭄ᬱᬢ᭄ᬢᬢᬶᬢ᭄᭞ᬢᭂᬓᬮᬸᬯᬲ᭄ᬕᬸᬡᬦ᭄ᬳᬶᬧᬸᬦ᭄ᬢ᭄ᬯᬭᬲᬶᬤ᭄ᬥ᭞ᬬᬦ᭄ᬲᬸᬩᬧᬭᬦᬶᬂᬕᬦ᭄ᬢᬶ᭞ᬳᬶᬮᬂᬧᬬᬸ᭞ᬢ᭄ᬯᬭᬩᬸᬳᬸᬂᬢᬶᬯᬲ᭄ᬢᭂᬓ᭟ᬧᬶᬢ᭄ᬯᬶᬦ᭄ᬦᬾᬢᬶᬯᬲ᭄ᬪ᭄ᬭᬡᬤᬳᬢ᭄ᬲᬸᬕᬶᬄᬓᬳ
ᬤᬦᬶᬦ᭄᭞ᬬᬦ᭄ᬲᬸᬕᬶᬄᬭᬶᬂᬓᬲᬸᬰᬶᬮᬦ᭄᭞ᬬᬤᬶᬲᬸᬕᬶᬄᬭᬶᬂᬫᬵᬲ᭄ᬧᬶᬧᬶᬲ᭄᭞ᬳᭂᬦ᭄ᬢᭀᬢᬶᬯᬲ᭄ᬓᬳᬤᬦᬶᬦ᭄᭞ᬬᬦ᭄ᬤᬹᬭᬵᬰᬶᬮᬲᬃᬯ᭄ᬯᬍᬢᬸᬄ᭞ᬲᬓ᭄ᬱᬢ᭄ᬫᬢᬶᬓᬳᬸᬘᬧᬂ᭞ᬬᬤᬶᬦ᭄ᬳᭂᬦᬸᬳᬸᬭᬶᬧ᭄ᬤᬶᬦᬶ᭞ᬳᬸᬭᬶ
[᭖᭓ 63A]
ᬧ᭄ᬮᬘᬸᬃ᭞ᬫᬫᬸᬯᬢᬂᬩᭂᬢᭂᬓ᭄ᬩᬲᬂ᭟ᬳᭂᬦ᭄ᬢᭀᬓ᭄ᬭᬡᬳᭂᬤᬳᬶᬫᬵ᭞ᬫᬗᭂᬜ᭄ᬘᬦᬶᬦ᭄ᬲᬗ᭄ᬳ᭄ᬬᬂᬳᬸᬭᬶᬧ᭄᭞ᬚᬮᬦᬂᬳᬸᬕᬶᬳᬶᬳᬯᬓ᭄᭞ᬮᬓ᭄ᬱᬡᬬᬂᬲᬳᬶᬲᬳᬶ᭞ᬓᬾᬦᬾ ᬩᬳᬦ᭄ᬫᬶᬢᬸᬢᬸᬭᬶᬦ᭄᭞ᬘᬳᬶᬳᬯ
ᬓ᭄ᬮᬶᬯᬢ᭄ᬲᬶᬕᬸᬕ᭄᭞ᬲᬸᬓᬫᭂᬥᭂᬫ᭄ᬢᭂᬓᬾᬦᬵᬗᬫᬄ᭞ᬲᬓ᭄ᬱᬢ᭄ᬩᬩᬸᬭᭀᬦ᭄ᬦᬸᬫᬶᬢᬶᬲ᭄᭞ᬦᬄᬓᬾ ᬩᬗᬸᬦ᭄᭞ᬳᬯᬲ᭄ᬢᬶᬮᬤ᭄ᬲᬂᬧᬵᬡ᭄ᬥᬶᬢ᭟ᬧᬥᬫᬸᬓ᭄ᬢᬶᬓᬃᬫ᭄ᬫᬨᬮ᭞ᬲᬂᬫᬦᬸᬦ᭄ᬤᬾᬦ᭄ᬦᬗᬸᬦ᭄ᬓᬶᬃᬢ᭄ᬢᬶ᭞
ᬫᬶᬯᬄᬲᬂᬲᬸᬤ᭄ᬥᬶᬜᬮᬦᬂ᭞ᬫᬶᬯᬄᬳᬶᬤ᭄ᬳᬲ᭄ᬦᬕ᭄ᬫᬜ᭄ᬯᬾᬘ᭄ᬙᬦᬶᬦ᭄᭞ᬫᬫᬢᬸᬢᬂᬦᬗᬸᬦ᭄ᬓᬶᬃᬢ᭄ᬢᬶ᭞ᬧᬢᬸᬄᬧᬢᬸᬄᬫᬓᬢᭂᬮᬸ᭞ᬧᬥᬦᬫ᭄ᬧᬶᬓᬃᬫ᭄ᬫᬨᬮ᭞ᬬᬤᬶᬦ᭄ᬳᬮᬬᬤᬶᬦ᭄ᬩᭂᬘᬶᬓ᭄᭞ᬓᬜ᭄ᬘᬦ᭄ᬳᬶᬧᬸᬦ᭄᭞ᬢ᭄ᬯᬭᬤᬥᬶ
ᬧᬘᬂᬮᬾᬫ᭄ᬧᬲ᭄᭟ᬓ᭄ᬭᬡᬚᬦᬶᬧᬶᬲᬭᬢᬂ᭞ᬲᭀᬮᬄᬭᬳᬬᬸᬦᬾ ᬳᬮᬶᬄ᭟ᬬᬤᬶᬦ᭄ᬳᬤᬳᬦᬓ᭄ᬤᭂᬕᬕ᭄᭞ᬫᬦᬶᬯᬓᬶᬦ᭄ᬳᬮᬚᬳᬶᬮ᭄᭞ᬲᬭᬢᬂᬳᬬᬸᬦᬾ ᬧᬶᬮᬶᬄ᭞ᬯᬍᬲᬂᬳᬸᬕᬶᬦᬾ ᬳᬬᬸ᭞ᬳᭂᬤᬧᬶᬲᬦ᭄ᬫ
Kaca:Bali-lontar-gaguritan-paparikan-sarasamuscaya-300ppi.pdf/63
Kaca puniki sampun kauji-wacén
