[᭖᭓ 63B]
᭖᭓
ᬫᬮᬶᬓᬂ᭞ᬳᬮᬦᬾ ᬳᭂᬤᬫᬶᬦᭂᬳᬶᬦ᭄᭞ᬢ᭄ᬯᬭᬩᬸᬳᬸᬂ᭞ᬕᬯᬾ ᬳᬮᬳᬮᬩᬓᬢ᭄᭟ᬳᭂᬤᬢ᭄ᬯᬭᬫᬢᬗᬭᬦ᭄᭞ᬢᬶᬗ᭄ᬓᬳᬾ ᬫᬳᬶᬦᬸᬫᬶᬢᬶᬲ᭄᭞ᬦᬾ ᬦᬾ ᬫᭂᬦᬾᬓ᭄ᬚ᭄ᬯᬳᬸᬗ᭄ᬲ᭄ᬬᬂ᭞ᬳᬧᬂᬲᬶᬤ᭄ᬥᬫᭂᬦᬾᬓ᭄
ᬩᬸᬯᬶᬦ᭄᭞ᬬᬦᬶᬂᬫᭂᬦᬾᬓ᭄ᬲᭂᬗ᭄ᬓᬵᬲ᭄ᬭᬶᬧᬶᬢ᭄᭞ᬬᬦ᭄ᬦᬸᬳᬸᬦᬂᬲᬚᬳᬮᬸᬄ᭞ᬩᬸᬓᬳᬶᬩᬢᬸᬳᭂᬦ᭄ᬢᬸᬗᬂ᭞ᬤᬶᬩᬗ᭄ᬓ᭄ᬬᬂᬕᬸᬦᬸᬂᬢᬶᬯᬓᬶᬦ᭄᭞ᬫᭂᬦᬾᬓ᭄ᬢᬸᬳᬸᬦ᭄᭞ᬓᬶᬚᬓᭂᬢᬶᬮ᭄ᬓᬶᬚᬳᬶᬮᬂ᭟ᬬᬦ᭄ᬜᬮᬦᬂᬲᭀᬮᬄᬫᭂᬮᬄ᭞ᬓᬭ
ᬯᭀᬲ᭄ᬤᬶᬲ᭄ᬯᬃᬕ᭄ᬕᬦ᭄ᬩᭂᬘᬶᬓ᭄᭞ᬳᭀᬃᬢᬦᬾ ᬫᬮᬶᬫ᭄ᬧᬤ᭄ᬮᬶᬫ᭄ᬧᬤ᭄᭞ᬳᭂᬦ᭄ᬢᭀᬲᬸᬩᬫᬤᬦ᭄ᬓᭂᬃᬢ᭄ᬢᬶ᭞ᬬᬦ᭄ᬳᬸᬘᬧᬾᬧᬤ᭄ᬥᬩᭂᬘᬶᬓ᭄᭞ᬭᬯᬸᬄᬕᬯᬾ ᬲᬓᬾᬂᬳᬬᬸ᭞ᬲᬮᬯᬲᬾ ᬤᬤᬶᬜᬫ᭞ᬧᬕᬯᬾᬦᬾ ᬮᬫᬤᬶᬦᬶ᭞ᬳᬮ
ᬳᬬᬸ᭞ᬤᬶᬦᬶᬳᬤᬤᬶᬢᬸᬳᬤ᭟ᬳᭂᬦ᭄ᬢᭀᬳᬶᬓᬶᬃᬢ᭄ᬢᬶᬳᬸᬢ᭄ᬢᬫ᭞ᬲᬵᬓ᭄ᬱᬢ᭄ᬫᬾᬫᬾᬫᬶᬦᬓᬤᬶ᭞ᬤᬶᬓᬧᬦ᭄ᬳᬶᬓᬶᬃᬢ᭄ᬢᬶᬳᬶᬮᬂ᭞ᬬᬤᬶᬦ᭄ᬲᬂᬫᬓᬾᬃᬢ᭄ᬢᬶᬫᬢᬶ᭞ᬲᬓ᭄ᬱᬢ᭄ᬳᬶᬤᬸᬧ᭄ᬲᬂᬫᬓᬾᬃᬢ᭄ᬢᬶ᭞ᬭᬾᬄ
[᭖᭔ 64A]
ᬧᬓᬾᬃᬢ᭄ᬢᬶᬦᬾ ᬳᭂᬦᬸ᭞ᬬᬦᬶᬂᬦᬸᬫᬶᬢᬶᬲ᭄ᬤᬸᬃᬬᬰ᭞ᬳᭂᬦᬸᬳᬶᬤᬸᬧ᭄᭞ᬲᬸᬩᬫᬢᬶ᭞ᬢᬦ᭄ᬧᬢᬗ᭄ᬕᬸ᭞ᬜᬾᬦ᭄ᬳᬦᬓᬾ ᬗᭀᬃᬣᬬᬂ᭟ᬓᬾᬦᬾᬢᬶᬗ᭄ᬓᬄᬗᭂᬫᬶᬢ᭄ᬬᬰ᭞ᬳᭂᬤᬤ᭄ᬭᭀᬯᬓᬭᬶᬂᬓᬦ᭄ᬢᬶ᭞ᬫᬶᬯᬄᬭᬶᬂᬲᬂᬓᬧᬃᬘ᭄ᬘᬬ
ᬦ᭄᭞ᬳᭂᬤᬤ᭄ᬭᭀᬯᬓᬢᬸᬃᬫᬶᬧᬶᬢ᭄᭞ᬭᬶᬂᬲᬂᬗᬸᬕᬸᬳᬯᬓ᭄ᬱᬳᬶ᭞ᬫᬶᬯᬄᬲᬂᬗᬶᬤᬶᬄᬢᬸᬮᬸᬂ᭞ᬤ᭄ᬭᭀᬯᬓᬦᬾ ᬳᭂᬤᬧᬶᬲᬦ᭄᭞ᬭᬶᬂᬲᬂᬳᭀᬮᬲ᭄ᬳᬯᬾᬄᬦᬲᬶ᭞ᬯᬱ᭄ᬝᬦ᭄ᬳᬶᬧᬸᬦ᭄᭞ᬓᬺᬢ᭄ᬢᬖ᭄ᬦᬢ᭄ᬯᬭᬲᬸᬓ᭟ᬳᬤᬫᬤ
ᬦ᭄ᬩ᭄ᬭᬳ᭄ᬫᬖ᭄ᬦ᭞ᬲᬂᬩ᭄ᬭᬳ᭄ᬫᬡᬧᬢᬾᬦᬶᬦ᭄᭞ᬫᬗ᭄ᬭᬸᬲᬓᬂᬩ᭄ᬭᬳ᭄ᬫᬦ᭄ᬢ᭄ᬭ᭞ᬳᬫ᭄ᬧᬄᬢᬶᬗ᭄ᬓᬳᬾ ᬫᬗᬶᬭᬶᬂ᭞ᬮᬶᬗ᭄ᬕᬶᬄᬲᬂᬩ᭄ᬭᬳ᭄ᬫᬡᬚᬢᬶ᭞ᬲᬶᬦᬄᬧᬧᬦ ᬳᬾᬓᬢᭂᬧᬸᬓ᭄᭞ᬳᬤ᭄ᬳᬩᬸᬯᬶᬦ᭄ᬪᬖ᭄ᬦᬩ᭄ᬭᬢ᭞ᬲᬂᬫᬗᭂᬍ
ᬩᬸᬃᬩ᭄ᬭᬢᬓᬾᬃᬢ᭄ᬢᬶ᭞ᬧᬧᬢᭂᬧᬸᬓ᭄᭞ᬦᬗᬶᬂᬳᭂᬦᬸᬤᬤᬶᬮᬸᬓᬢ᭄᭟ᬦᬗ᭄ᬳᬶᬂᬩ᭄ᬯᬢ᭄ᬳᬶᬓᬺᬢ᭄ᬢᬵ ᬖ᭄ᬦ᭞ᬢ᭄ᬯᬭᬤᬤᬶᬩ᭄ᬯᬶᬦ᭄ᬢᬫ᭄ᬩᬦᬶᬦ᭄᭞ᬧ᭄ᬭᬬᬰ᭄ᬘᬶᬢ᭄ᬢᬢᬦ᭄ᬓᬯᭂᬦᬂ᭞ᬓ᭄ᬭᬡᬫᬢᬗᬭᬶᬜ᭄ᬚᬦᬶ᭞ᬳᬧᬂᬳᭂᬤ᭄ᬳᬓᬤᭀᬂᬧᭂᬮᬶᬄ
Kaca:Bali-lontar-gaguritan-paparikan-sarasamuscaya-300ppi.pdf/64
Kaca puniki sampun kauji-wacén
