[᭖᭔ 64B]
᭖᭔
ᬓᬾᬯᭂᬄᬗᬮᬶᬄᬦᬾᬦᬾ ᬧᬵᬢᬹᬢ᭄᭞ᬳᬧᬂᬤᬵᬗᬦ᭄ᬢᬶᬧᬸᬜᬄ᭞ᬩᬲ᭄ᬢᭂᬍᬩ᭄ᬭᬶᬂᬢᬸᬯᬓ᭄ᬲᬳᬶ᭞ᬤᬤᬶᬗᬘᬸᬄ᭞ᬢ᭄ᬯᬭᬚᬦᬯᬂᬧᬚᬕᬢᬦ᭄᭟ᬳᬶᬚᬦ᭄ᬫᬫᬩᬸᬤ᭄ᬥᬶᬧᬵᬧ᭞ᬧᬕᬯᬾᬦᬾ ᬧᬵᬧᬲᬳᬶ᭞ᬬᬦ᭄ᬲᭀᬮᬳᬾ
ᬲᬳᬶᬓᬾᬢᭀ᭞ᬮᬶᬯᬢ᭄ᬫᬜᭂᬚᭂᬳᬶᬦ᭄ᬳᬢᬶ᭞ᬭᬶᬂᬲᬓ᭄ᬱᬢᬂᬳᬸᬮᬶᬂᬚᬦᬶ᭞ᬗ᭄ᬕᬳᬾᬫᬃᬕ᭄ᬕᬮᬶᬯᬢ᭄ᬓᬾᬯᬸᬄ᭞ᬫᬃᬕ᭄ᬕᬫᬗᬸᬗ᭄ᬲᬶᬓᬓᬯᬄ᭞ᬲᬶᬦᬄᬢ᭄ᬯᬭᬩᬶᬲᬧᭂᬮᬶᬄ᭞ᬢ᭄ᬯᬭᬩᬸᬳᬸᬂ᭞ᬫᬗᬸᬗ᭄ᬲᬶᬢᬶᬩᬭᬶᬂᬓᬯᬄ᭟ᬬᬦ᭄ᬫᬳᬶᬢᬸ
ᬫ᭄ᬩᬸᬄᬫᬜᬦ᭄ᬫ᭞ᬫᬗ᭄ᬕᬯᬾᬦᬶᬦ᭄ᬧᬵᬧᬩᬸᬤ᭄ᬥᬶ᭞ᬢᬸᬲᬶᬂᬲᬬᬂᬢᭂᬓᬾᬦᬵᬳᬯᬓ᭄᭞ᬧᬘᬂᬫᬫᬸᬧᭀᬦᬶᬦ᭄ᬲᬓᬶᬢ᭄᭞ᬬᬦ᭄ᬲᬸᬩᬦᬳᬦᬂᬲᬓᬶᬢ᭄᭞ᬤᬶᬢᬸᬫᬭᬢᬳᬸᬮᬘᬸᬃ᭞ᬫᬜᭂᬮ᭄ᬲᭂᬮᬂᬨᬮᬓᬃᬫ᭄ᬫ᭞ᬬᬦ᭄ᬦᬸᬫᬶᬢᬶ
ᬲ᭄ᬩᬸᬯᬶᬦ᭄ᬢᬫ᭄ᬧᬶ᭞ᬧᬵᬧᬢᭂᬧᬸᬓ᭄᭞ᬫᬸᬮᬕᭂᬮᬳᬾ ᬩᬓᬢᬂ᭟ᬳᬤᬲᭀᬮᬄᬢ᭄ᬯᬭᬫᭂᬮᬄ᭞ᬢ᭄ᬯᬭᬜᬦ᭄ᬤᬂᬳᬗ᭄ᬕᭀᬦ᭄ᬓᬦ᭄ᬢᬶ᭞ᬮᬸᬯᬶᬃᬜᬦᬾ ᬚᬦᬶᬘᬘᬓ᭄᭞ᬳᬦᬓ᭄ᬗᬯᬾ ᬲᬓᬶᬢ᭄ᬲᬳᬶ᭞ᬳᬦᬓ᭄ᬓᬸᬯᬮ᭄ᬗᬸ
[᭖᭕ 65A]
ᬲᬓ᭄ᬳᬲᬶᬓ᭄᭞ᬳᬦᬓ᭄ᬤᭂᬕᬕ᭄ᬳᬫ᭄ᬧᬄᬩᬾᬜ᭄ᬚᬸᬮ᭄᭞ᬫᬶᬯᬄᬳᬦᬓ᭄ᬲᬃᬯ᭄ᬯᬪᬓ᭄ᬱ᭞ᬳᬦᬓ᭄ᬓᬲ᭄ᬫᬭᬦ᭄ᬲᬳᬶ᭞ᬧᬸᬜᬄᬗᬶᬦᬸᬫ᭄᭞ᬢ᭄ᬯᬓ᭄ᬦᬶᬱ᭄ᬝᬳᭂᬤᬫᬗᬚᬓ᭄᭟ᬬᬦ᭄ᬫᬓᬦ᭄ᬢᬶᬢᭂᬓᬾᬦᬵᬘᭀᬭᬄ᭞
ᬲᬶᬦᬄᬩᬋᬂᬓᬢᬶᬩᬦᬶᬦ᭄᭞ᬤᭀᬱᬦ᭄ᬳᬶᬘᭀᬭᬄᬩᬓᬢ᭄᭞ᬳᭂᬦ᭄ᬢᭀᬩᬋᬂᬓᬧᬸᬧᬸᬦᬶᬦ᭄᭞ᬳᬸᬧᬫᬶᬓᬬᬸᬫᬳᬸᬭᬶᬧ᭄᭞ᬫᬓᬦ᭄ᬢᬶᬭᬶᬂᬓᬬᬸᬳᭂᬢᬸᬄ᭞ᬲᬶᬦᬄᬩᬋᬂᬧᬸᬳᬸᬦ᭄ᬭᬸᬭᬓ᭄᭞ᬬᬕᭂᬲᭂᬂᬢᭂ
ᬮᬄᬩᬱ᭄ᬫᬶ᭞ᬤᬤᬶᬳᬯᬸ᭞ᬢᬸᬓᬾ ᬲᬕᭀᬯᭀᬓ᭄ᬓᬳᬸᬘᬧ᭄᭟ᬳᭂᬦ᭄ᬢᭀᬓ᭄ᬭᬡᬳᭂᬤᬧᬶᬲᬦ᭄᭞ᬭᬶᬂᬲᬂᬤᬸᬃᬚᬦᬫᬓᬦ᭄ᬢᬶ᭞ᬳᭂᬤᬧᬶᬲᬦ᭄ᬫᬧᬳᭂᬓᬦ᭄᭞ᬫᬳᬶᬩᬸᬓᬦ᭄ᬳᭂᬤᬩᬦᬶ᭞ᬭᬶᬂᬲᬂᬘᭀᬭᬄᬲᬸᬚᬵᬢᬶ᭞
ᬳᬶᬫᬦᬸᬱᬢ᭄ᬯᬭᬧᬵᬢᬹᬢ᭄᭞ᬘᭂᬕᬸᬢ᭄ᬓᬸᬮᬸᬓ᭄ᬩᬸᬭᭀᬦ᭄ᬦᬶᬱ᭄ᬝ᭞ᬓᬲᬶᬮᬧᬶᬦ᭄ᬢ᭄ᬯᬭᬤᬤᬶ᭞ᬤᬳᬢ᭄ᬍᬢᬸᬄ᭞ᬓᬳᬸᬘᬧ᭄ᬭᬶᬂᬲᬗ᭄ᬳ᭄ᬬᬂᬰᬵᬲ᭄ᬢ᭄ᬭ᭟ᬳᬶᬤᬸᬃᬚᬚᬦᬬᬦ᭄ᬳᬸᬧᬫ᭞ᬳᬶᬤᬸᬯᬶᬲᬃᬯ᭄ᬯᬫᬮᬜᬶᬂ᭞
Kaca:Bali-lontar-gaguritan-paparikan-sarasamuscaya-300ppi.pdf/65
Kaca puniki sampun kauji-wacén
