[᭖᭕ 65B]
᭖᭕
ᬲᬾᬗᭂᬳᬂᬫᬗ᭄ᬕᬯᬾᬤᬵᬬ᭞ᬳᬶᬩᬢᬶᬲ᭄ᬜᬦ᭄ᬤᬂᬤᬸᬧᬓᬶᬦ᭄᭞ᬧᬮᬶᬂᬫᭂᬮᬄᬬᬲᬫ᭄ᬧᬶᬗᬶᬦ᭄᭞ᬳᭂᬦ᭄ᬢᭀᬤᬬᬗᬸᬮᬄᬳᬮᬸᬄ᭞ᬓᬾᬢᭀᬳᬸᬩᬤ᭄ᬢ᭄ᬯᬄᬤᬤ᭄ᬯ᭞ᬳᬶᬗᭂᬢᬂᬲᬳᬶᬲᬳᬶᬧᬶᬮᬶᬄ᭞ᬳᭂᬤᬩᬶ
ᬗᬸᬂ᭞ᬗᬋᬧᬶᬦ᭄ᬳᬦᬓ᭄ᬤᬸᬃᬚ᭄ᬚᬦ᭟ᬳᭂᬤᬗᬸᬕᬸᬳᬶᬤᬸᬃᬚ᭄ᬚᬦ᭞ᬧᬶᬢᬸᬯᬶᬜᭀᬯᬗᬸᬪᬓ᭄ᬢᬶ᭞ᬦᬸᬗ᭄ᬓᬸᬮ᭄ᬫᬜᭂᬭᬳᬂᬳᬯᬓ᭄᭞ᬳᬢᬸᬃᬜᬦᬾ ᬗᬲᬶᬄᬳᬲᬶᬄ᭞ᬳᭂᬦ᭄ᬢᭀᬜᬦ᭄ᬤᬂᬧᬶᬦᭂᬳᬶᬦ᭄᭞ᬳᬸᬧᬫᬮᬮᬶᬧᬶᬳᬸ
ᬩᬸᬄ᭞ᬲᬸᬩᬳᭂᬩᭀᬄᬫᬳᬸᬭᬸᬓᬂ᭞ᬯᬶᬱ᭄ᬬᬦ᭄ᬜᬦᬾ ᬢ᭄ᬯᬭᬮᬮᬶ᭞ᬗᬸᬢᬶᬮ᭄ᬜᭂᬕᬸᬢ᭄᭞ᬳᬶᬧᬗᬗᭀᬦ᭄ᬧᬬᬸᬭᬸᬲᬓ᭄᭟ᬲᭀᬮᬄᬳᬶᬦᬶᬱ᭄ᬝᬤᬸᬃᬚ᭄ᬚᬦ᭞ᬓᬮᬓᬘᬸᬦ᭄ᬤᬸᬓ᭄ᬓᬧ
ᬗ᭄ᬕᬶᬄ᭞ᬭᬶᬂᬳᬶᬤᬲᬂᬓᬲᬸᬚ᭄ᬚᬦᬦ᭄᭞ᬫᬮᬶᬬᬢ᭄ᬗᬸᬦ᭄ᬢᬸᬓ᭄ᬳᬚᭂᬭᬶᬄ᭞ᬲᬯᬂᬓᬤᬶᬲᬚᬪᬓ᭄ᬢᬶᬗᬦ᭄ᬢᭂᬦᬂᬳᬶᬲᭀᬮᬄᬳᬬᬸ᭞ᬓᬤᬶᬚᬕᬳᬾ ᬫᬭᬳᬂ᭞ᬫᬮᬶᬬᬢ᭄ᬗᬸᬦ᭄ᬢᬸᬓ᭄ᬭᬶᬂᬫᬃᬕ᭄ᬕᬶ᭞ᬢ᭄ᬯᬭᬩᬸᬳᬸᬂ᭞
[᭖᭖ 66A]
ᬢᬸᬫ᭄ᬮᬾᬮᬾᬩᬢᬶᬲ᭄ᬫᬚᬮᬦ᭄᭟ᬓ᭄ᬭᬡᬲᬂᬲᬥᬸᬲᬚ᭄ᬚᬦ᭞ᬳᬶᬤ᭄ᬳᬢ᭄ᬯᬭᬗᬸᬕᬸᬚᬵᬢᬶ᭞ᬭᬶᬂᬲᬂᬫᬳᬫ᭄ᬩᭂᬓ᭄ᬤᬸᬃᬚ᭄ᬚᬦ᭞ᬧᬶᬢᬸᬯᬶᬜᬸᬫ᭄ᬩᬄᬗᬸᬪᬓ᭄ᬢᬶ᭞ᬤᬾᬦᬶᬂᬳᬤ᭄ᬳᬩᬸᬯᬢ᭄ᬳᬮᬶᬄ᭞ᬓᬤᬯᭂᬕᬂᬧᬘᬂᬮᬸᬗ᭄ᬲᬸᬃ᭞
ᬳᬸᬧᬫᬶᬓᬤᬶᬳᬶᬲᬶᬗ᭄ᬳ᭞ᬳᭂᬜᬾᬦ᭄ᬢᬳᬾᬦ᭄ᬫᬦᭂᬧᬸᬓᬶᬦ᭄᭞ᬲᬶᬗ᭄ᬳᬗᬸᬦ᭄ᬢᬸᬓ᭄᭞ᬬᬦ᭄ᬢᬦ᭄ᬗᬶᬦᬸᬫ᭄ᬓᬓᬬᭂᬳᬂ᭟ᬳᬶᬤᬤᬦᬾ ᬳᭂᬤᬍᬕ᭞ᬫᬭᬢ᭄ᬯᬭᬓᬤᭂᬕᬕᬶᬦ᭄᭞ᬭᬱᬳᬯᬓ᭄ᬓᬲᬬᬗᬂ᭞ᬩᬳᬦ᭄ᬳᬶᬤᬸᬃ
ᬚᬦᬩᬸᬤ᭄ᬥᬶ᭞ᬳᬸᬧᬫᬶᬓᬤᬶᬮᬮᬶᬧᬶ᭞ᬍᬘᭂᬃᬫᬚᬮᬦ᭄ᬦᬮᬸᬚᬸ᭞ᬓᭀᬦ᭄ᬤᬾᬦᬾᬜ᭄ᬚᬳᬤ᭄ᬳᬗᭂᬲ᭄ᬬᬩᬂ᭞ᬬᬦ᭄ᬲᬸᬩᬓᭂᬲ᭄ᬬᬩᬂᬧᬮᬶᬂ᭞ᬮᬶᬓᬓ᭄ᬮᬶᬓᬸᬓ᭄᭞ᬧᬚᬮᬦᬾ ᬫᬳᬶᬍᬳᬦ᭄᭟ᬯᬘᬦᬦ᭄ᬲᬂᬓᬧᬡ᭄ᬥᬶ
ᬢᬦ᭄᭞ᬬᬦᬶᬂᬳᬶᬤᬸᬃᬚᬦᬩᬸᬤ᭄ᬥᬶ᭞ᬫᬗᬸᬘᬧ᭄ᬫᬦᬶᬲ᭄᭞ᬧᬗ᭄ᬭᬸᬫ᭄ᬭᬸᬫᬾ ᬲᬃᬯ᭄ᬯᬩᭂᬘᬶᬓ᭄᭞ᬋᬫ᭄ᬧᬸᬄᬢᬦ᭄ᬲᬄᬗᬲᬶᬄᬳᬲᬶᬄ᭞ᬗᬲᭀᬭᬂᬳᬶᬕᬸᬮᬚᬸᬭᬸᬄ᭞ᬤᬶᬢᬸᬩᬧᬓᬾᬯᭂᬄᬧᬶᬲᬦ᭄᭞
Kaca:Bali-lontar-gaguritan-paparikan-sarasamuscaya-300ppi.pdf/66
Kaca puniki sampun kauji-wacén
