[᭖᭖ 66B]
᭖᭖
ᬫᬦᬶᬗᭂᬄᬫᬸᬜᬶᬦᬾ ᬫᬦᬶᬲ᭄᭞ᬩᬸᬗ᭄ᬳᬧᭂᬲᬸ᭞ᬓᭂᬫ᭄ᬩᬂᬫᬶᬬᬶᬓ᭄ᬢ᭄ᬯᬭᬫᬲᬵ᭟ᬬᬦᬶᬂᬗᬮᬶᬄᬓᬚᬢᬶᬬᬦ᭄᭞ᬭᬶᬂᬲᬂᬫᬫ᭄ᬯᬢᬂᬫᬫᭂᬭᬶᬄᬲᬶᬦᬄᬫᬜᬮᬦᬂᬘᭂᬭᭀᬮ᭄᭞ᬤᬶᬳᬋᬧ᭄ᬫᬗᬸᬘᬧ᭄ᬫᬦᬶᬲ᭄᭞ᬦᬗᬶᬂ
ᬲᬸᬩᬦᬾ ᬤᬶᬤᬸᬭᬶ᭞ᬧᬗ᭄ᬭᬯᭀᬲᬾ ᬧᬢᬶᬓᬘᬸᬄ᭞ᬬᬤᬶᬦ᭄ᬫᬳᬦ᭄ᬬᬤᬶᬦ᭄ᬢ᭄ᬯᬭ᭞ᬩᬸᬓᬧᬫ᭄ᬭᬶᬄᬳᬶᬩᬸᬤ᭄ᬥᬶ᭞ᬓᬾᬢᭀᬢᬸᬳᬸ᭞ᬥᬃᬫ᭄ᬫᬜ᭄ᬘᭂᬭᭀᬮᬾ ᬫᬚᬮᬦ᭄᭟ᬮᬶᬬᬸᬩᬳᬦ᭄ᬗᬸᬧᬫᬶᬬᬂ᭞ᬳᬸᬧᬫᬶᬳᬶᬓᬦ᭄ᬢᬯᬮᬶ᭞ᬧᬶ
ᬢᬸᬯᬶᬦᬾᬳᬩᬲ᭄ᬧᭀᬢᭀᬂ᭞ᬬᬤᬶᬦ᭄ᬫᭂᬮᬄᬳᭂᬜᬓ᭄ᬫᭂᬦ᭄ᬢᬶᬓ᭄᭞ᬬᬲᬶᬦᬄᬫᬲᬶᬄᬧᬳᬶᬢ᭄᭞ᬯᬶᬭᬾᬄᬫᬸᬮᬤᬲᬃᬳᬶᬧᬸᬦ᭄᭞ᬩᬸᬓᬳᬶᬬᬾᬳᬾᬤᭂᬕ᭄ᬤᭂᬕᬂ᭞ᬦᬾᬦᬾ ᬧᬸᬯᭂᬓ᭄ᬳᭂᬜᬓ᭄ᬳᭂᬦᬶᬂ᭞ᬧᬸᬯᭂᬓ᭄ᬧᭂᬲᬸ᭞
ᬬᬦ᭄ᬩᬸᬯᬶᬦ᭄ᬩᬓᬢ᭄ᬓᭀᬘᭀᬓᬂ᭟ᬬᬤᬶᬦ᭄ᬮᬾᬧᬫᬥᬸᬕᬸᬮ᭞ᬓᭂᬤᬧᬦ᭄ᬳᬶᬓᬦ᭄ᬢᬯᬮᬶ᭞ᬧᬢᬶᬓᬩᬵᬦ᭄ᬫᬦᬶᬲᬦ᭄᭞ᬢᭀᬓᬸᬤ᭄ᬬᬂᬗᬶᬮᬗᬂᬧᬳᬶᬢ᭄᭞ᬲᬃᬯ᭄ᬯᬩᬸᬗᬦᬾ ᬫᬶᬬᬶᬓ᭄᭞ᬫᬶᬬᬶᬓ᭄ᬫᬶᬬᬶᬓ᭄ᬫᬭᬢᬸᬲ᭄᭞ᬳ
[᭖᭗ 67A]
ᬤᭀᬄᬧᬳᬶᬢ᭄ᬜᬦᬾ ᬳᬶᬮᬂ᭞ᬓᬾᬢᭀᬲᬂᬤᬸᬃᬚᬦᬩᬸᬤ᭄ᬥᬶ᭞ᬓᬾᬯᭂᬄᬦᬸᬢᬸᬕ᭄᭞ᬦᬶᬯᬓᬶᬦ᭄ᬥᬃᬫ᭄ᬫᬲᬥᬦ᭟ᬕᬸᬡᬦ᭄ᬳᬶᬤᬲᬗ᭄ᬳ᭄ᬬᬂᬰᬵᬲ᭄ᬢ᭄ᬭ᭞ᬲᬃᬯ᭄ᬯᬵᬢᬢ᭄ᬯᬳᬚᬶᬍᬯᬶᬄ᭞ᬗᬶᬮᬗᬂᬤᭂᬕᬕ᭄ᬳᬗ᭄ᬓᬭ᭞ᬦᬵᬗ᭄ᬳᬶᬂᬬᬫᬩᬮᬶᬓ᭄ᬤ
ᬤᬶ᭞ᬫᬯᬸᬯᬸᬄᬳᬗ᭄ᬓᬭᬚᬳᬶᬮ᭄᭞ᬳᬶᬤᬹᬃᬚᬦᬳᬶᬘ᭄ᬙᬾᬦᬵᬢᬸᬢᬸᬃ᭞ᬳᬶᬥᭂᬧ᭄ᬜᬦᬾ ᬓᬧᭂᬢᭂᬗᬦ᭄᭞ᬢ᭄ᬯᬭᬦᬯᬂᬢᬦᬄᬮᬗᬶᬢ᭄᭞ᬧᭂᬢᭂᬂᬳᬶᬩᬸᬢ᭄᭞ᬫᬯᬸᬯᬸᬄᬫᭀᬫᭀᬳᬂᬓᬭ᭟ᬓᬤᬶᬳᬶᬤᬲᬗ᭄ᬳ᭄ᬬᬂᬲᬹᬃ
ᬬ᭄ᬬ᭞ᬗ᭄ᬕᬯᬾᬕᬮᬗᬾ ᬤᬶᬕᬸᬫᬶ᭞ᬗᬶᬮᬗᬂᬧᭂᬢᭂᬂᬲᬚᬕᬢ᭄᭞ᬲᬸᬩᬓᭂᬩᬸᬲ᭄ᬓᬘᬬᬦᬶᬦ᭄᭞ᬳᬦ᭄ᬢᬸᬓ᭄ᬘᬬᬦ᭄ᬲᬹᬃᬬ᭄ᬬᬍᬯᬶᬄ᭞ᬳᬧᬓ᭄ᬭᬡᬧᭂᬢᭂᬂᬳᬶᬩᬸᬢ᭄᭞ᬫᬣᬦ᭄ᬜᬦᬾ ᬧᬥᬳᬸᬮᬧ᭄᭞ᬫᬗ᭄ᬭᬡ
ᬬᬂᬩᬸᬢᬤᬤᬶ᭞ᬲᬗ᭄ᬓᬦ᭄ᬳᬾᬯᬸᬄ᭞ᬗᬸᬘᬧᬂᬢᬸᬢᬸᬃᬳᬸᬢ᭄ᬢᬫ᭟ᬭᬚᬪ᭄ᬭᬡᬲᬗ᭄ᬳ᭄ᬬᬂᬰᬵᬲ᭄ᬢ᭄ᬭ᭞ᬯᬶᬪᬯᬳᬕᬸᬂᬤᬶᬕᬸᬫᬶ᭞ᬳᭂᬦ᭄ᬢᭀᬢᬸᬯᬄᬲᬓ᭄ᬱᬢ᭄ᬯᬶᬱ᭄ᬬ᭞ᬗ᭄ᬕᬯᬾᬧᬸᬜᬄᬗ᭄ᬕᬯᬾᬲᬓᬶᬢ᭄᭞ᬢᭂᬓᬾ
Kaca:Bali-lontar-gaguritan-paparikan-sarasamuscaya-300ppi.pdf/67
Kaca puniki sampun kauji-wacén
