[᭖᭗ 67B]
᭖᭗
ᬦᬶᬂᬳᬶᬤᬹᬃᬚ᭄ᬚᬦᬩᬸᬤ᭄ᬥᬶ᭞ᬦᬾ ᬢᬢᭂᬮᬸᬗ᭄ᬕᬯᬾ ᬩᬶᬗᬸᬂ᭞ᬦᬗ᭄ᬳᬶᬂᬬᬦ᭄ᬲᬂᬓᬲᬸᬚ᭄ᬚᬦᬦ᭄᭞ᬓᬩᬯᭀᬲᬂᬫᬺᬢ᭄ᬢᬍᬯᬶᬄ᭞ᬗ᭄ᬕᬯᬾᬳᬬᬸ᭞ᬤᬾᬦᬶᬂᬫᬤᬲᬃᬩᬵᬦ᭄ᬥᬃᬫ᭄ᬫ᭟ᬩᬸᬤ᭄ᬥᬶᬦ᭄ᬜᬦᬾ ᬳᬶᬤᬸᬃᬚᬦ᭞ᬓᬸᬓᬸᬄᬜᬦᬾ ᬲᬓ᭄ᬱᬢ᭄ᬩᭂ
ᬲᬶ᭞ᬩᭂᬲᬶᬦᬾ ᬬᬾᬦ᭄ᬢᬫ᭄ᬩᬸᬲ᭄ᬩᭀᬃᬩᭀᬃ᭞ᬓᬦ᭄ᬢᬶᬩᬭᬓ᭄ᬬᬫᬦᭂᬲᬶᬦ᭄᭞ᬫᬭᬲᬶᬤ᭄ᬥᬮᬸᬫᬄᬤᬤᬶ᭞ᬍᬫᭂᬢ᭄ᬮᬾᬕ᭄ᬮᭀᬕ᭄ᬢ᭄ᬯᬭᬓᬸᬓᬸᬄ᭞ᬓᬾᬢᭀᬳᬫ᭄ᬩᭂᬓ᭄ᬳᬶᬤᬹᬃᬚ᭄ᬚᬦ᭞ᬬᬦ᭄ᬮᬘᬸᬃᬲᬓᬶᬢ᭄ᬓᬢᬫ᭄ᬧᬶ᭞ᬩᬶᬲᬗᬬᬸᬄ᭞ᬫᬦᬸᬢᬸ
ᬭᬂᬳᬯᬓ᭄ᬓᬮᬄ᭟ᬳᬗᭀᬩ᭄ᬧᬶᬲᬦ᭄ᬫᬫᬶᬦᭂᬳᬂ᭞ᬳᬶᬥᭂᬧ᭄ᬜᬦᬾ ᬲᬂᬤᬸᬃᬩᬸᬤ᭄ᬥᬶ᭞ᬧ᭄ᬭᬚ᭄ᬜᬦ᭄ᬲᬾᬗᭂᬄᬢᭂᬓᬾᬦ᭄ᬤᬵᬬ᭞ᬤᬸᬱ᭄ᬝᬘᭀᬭᬄᬤᬤᬶᬳᬶᬮᬶᬤ᭄᭞ᬩᬦ᭄ᬤᬸᬯᭂᬕᬾᬫᬜᬧᬸᬢᬶᬦ᭄᭞ᬲᭀᬮᬄᬳᬮᬦᬾ ᬓᬢᬸᬢᬸᬧ᭄᭞
ᬓᬤᬶᬩᭂᬦᬶᬦ᭄ᬳᬶᬢᬩᬸᬦᬦ᭄᭞ᬢ᭄ᬯᬭᬓᬤᬾᬦ᭄ᬫᬫᬸᬳᬸᬦᬶᬦ᭄᭞ᬤᬤᬶᬫᬸᬭᬸᬩ᭄᭞ᬓᬾᬯᬮᬗᬦ᭄ᬢᬶᬧᬗᬸᬫ᭄ᬧᬦ᭄᭟ᬩᬧᬳᬗᭀᬩ᭄ᬫᬗᭂᬦᭂᬳᬂ᭞ᬤᬶᬦᬶᬤᬶᬕᬸᬫᬶᬦᬾ ᬚᬦᬶ᭞ᬜᬮᬦᬂᬲᬥᬸᬲᬚ᭄ᬚᬦ᭞ᬧᬥ
[᭖᭘ 68A]
ᬳᬾᬭᬵᬳᬂᬫᬗ᭄ᬮᬓᭀᬦᬶᬦ᭄᭞ᬤᬳᬢ᭄ᬓᬓᬦ᭄ᬢᭂᬦᬶᬦ᭄᭞ᬩᬵᬲ᭄ᬲᬗᭂᬢ᭄ᬗᭂᬢᬹᬢ᭄ᬳᬬᬸ᭞ᬳᬶᬤᬹᬃᬚ᭄ᬚᬦᬫᬗᬸᬘᬧᬂ᭞ᬳᭂᬦ᭄ᬢᭀᬳᬦᬓ᭄ᬤᭂᬫᭂᬦ᭄ᬧᬸᬚᬶ᭞ᬲ᭄ᬯᬃᬕ᭄ᬕᬢᭂᬧᬸᬓ᭄᭞ᬦᬗ᭄ᬳᬶᬂᬲᬳᬶᬩᬩᬓᭀᬘᬧ᭄᭟ᬳᬶᬤᬹᬃᬚ᭄ᬚᬦᬬᬦ᭄ᬗᬦ᭄ᬢᭂ
ᬦᬂ᭞ᬳᬶᬯᬂᬲᬂᬲᬥᬸᬳᬓᬶᬤᬶᬓ᭄᭞ᬳᬸᬧᬫᬶᬩᬦ᭄ᬢᭂᬲ᭄ᬳᬫᭂᬤᬂ᭞ᬢᭂᬓᬢᬶᬗ᭄ᬮᬲ᭄ᬓᬢᬶᬗ᭄ᬳᬮᬶᬦ᭄᭞ᬳᭂᬦ᭄ᬢᭀᬢ᭄ᬯᬭᬓᬳᭂᬗ᭄ᬲᬧᬶᬦ᭄᭞ᬦᬵᬗ᭄ᬳᬶᬂᬬᬾᬦ᭄ᬤᬾᬯᬾᬓ᭄ᬦᬾ ᬲᬶᬕᬸᬕ᭄᭞ᬕᭂᬤᬾᬕᭂᬤᬾ ᬗᭂᬮᬄᬤᭀᬱ᭞ᬲᬶᬦᬄᬢ᭄ᬯᬭᬓ
ᬓᬦᭂᬳᬶᬦ᭄᭞ᬢᭀᬂᬓᬭᬹᬗᬹ᭞ᬫᬧᬶᬫᬧᬶᬢ᭄ᬯᬭᬦᬯᬂ᭟ᬲᬂᬲᬸᬚ᭄ᬚᬦᬫᬳᬸᬢ᭄ᬢᬫ᭞ᬭᬶᬂᬧᬵᬡ᭄ᬥᬶᬢᬤᬳᬢ᭄ᬪᬓ᭄ᬢᬶ᭞ᬳᬶᬤᬹᬃᬚ᭄ᬚᬦᬢ᭄ᬯᬭᬓᬾᬢᭀ᭞ᬮᬶᬯᬢ᭄ᬓᬾᬯᭂᬄᬫᬗᭂᬦᭀᬢᬶᬦ᭄᭞ᬲᬂᬧᬵᬡ᭄ᬥᬶᬢᬤᬳᬢ᭄ᬍ
ᬯᬶᬄ᭞ᬬᬦ᭄ᬲᬶᬤ᭄ᬥᬩᬳᬦ᭄ᬫᬗ᭄ᬤᬳᬸᬯᬸᬕ᭄᭞ᬳᬲᬶᬂᬳᬲᬶᬂᬫᬫ᭄ᬩᭂᬓ᭄ᬥᬃᬫ᭄ᬫ᭞ᬧᬕᭂᬄᬧᬸᬭᬸᬱᬓᬪᬱ᭄ᬫᬶ᭞ᬳᬘᭂᬧ᭄ᬳᬶᬧᬸᬦ᭄᭞ᬕᬸᬫᬶᬦᬾ ᬳᬧᬂᬕᭂᬫ᭄ᬩᬸᬭ᭟ᬓᬢᬢ᭄ᬯᬦ᭄ᬳᬶᬫᬸᬤᬢᬸᬢᬸᬭᬂ᭞ᬬᬦᬶᬂᬳᬤᬳᬦᬓ᭄ᬲᬸᬕᬶᬄ᭞
Kaca:Bali-lontar-gaguritan-paparikan-sarasamuscaya-300ppi.pdf/68
Kaca puniki sampun kauji-wacén
