[᭖᭘ 68B]
᭖᭘
ᬢ᭄ᬯᬭᬫᬜᬮᬦᬂᬧᬹᬡ᭄ᬬ᭞ᬩ᭄ᬯᬶᬦ᭄ᬳᬦᬓ᭄ᬢᬶᬯᬲ᭄ᬚᭂᬤᬶᬕ᭄᭞ᬜᬮᬦᬂᬳᬗ᭄ᬓᬭᬩᬸᬤ᭄ᬥᬶ᭞ᬩᬸᬯᬶᬦ᭄ᬳᬤ᭄ᬳᬚᬦ᭄ᬫᬢᬸᬫ᭄ᬩᬸᬄ᭞ᬢ᭄ᬯᬭᬤᭂᬫᭂᬦ᭄ᬢᭂᬓᬾᬦ᭄ᬰᬲ᭄ᬢ᭄ᬭ᭞ᬫᬓᬢᭂᬮᬸᬫᬸᬥᬚᬵᬢᬶ᭞ᬢ᭄ᬯᬭᬩᬸᬯᬸᬂ᭞ᬫᬦᬸᬫᬶᬢᬶᬲ᭄ᬤᬤᬶ
ᬢᬶᬃᬬ᭄ᬬᬓ᭄᭟ᬳᬤᬳᬦᬓ᭄ᬓᬺᬂᬫᬜᬘᬤ᭄᭞ᬫ᭄ᬯᬄᬧᬢᬶᬓ᭄ᬭᭀᬥᬓ᭄ᬭᭀᬥᬳᬶᬦ᭄᭞ᬳᬲᬶᬂᬲᭀᬮᬄᬫᬸᬜᬶᬦ᭄ᬳᬦᬓ᭄᭞ᬓᬭᬯᭀᬲᬂᬩᬶᬕ᭄ᬩᬶᬕ᭄ᬲᬳᬶ᭞ᬩᬸᬯᬶᬦ᭄ᬳᬦᬓ᭄ᬫᬗ᭄ᬭᭀᬤᬳᬶᬦ᭄᭞ᬦᬾᬦᬾ ᬢ᭄ᬯᬭᬲᬶᬤ᭄ᬥᬳ
ᬦ᭄ᬢᬸᬓ᭄᭞ᬫᬦᬶᬢᬄᬧᬘᬂᬗᭂᬭᬸᬲᬓ᭄᭞ᬳᭂᬦ᭄ᬢᭀᬫᬤᬦ᭄ᬫᬹᬥᬚᬵᬢᬶ᭞ᬚᬦ᭄ᬫᬲᬶᬕᬸᬕ᭄᭞ᬢ᭄ᬯᬭᬫᬢᬶᬍᬲᬂᬳᬯᬓ᭄᭟ᬤᬾᬦᬶᬂᬳᬶᬧᬵᬧᬤᬸᬃᬚᬦ᭞ᬬᬦᬶᬂᬩᬳᬂᬫᬸᬜᬶᬫᬦᬶᬲ᭄᭞ᬲᬃᬯ᭄ᬯᬢᬸᬢᬸᬃᬫᬳᬸᬢ᭄ᬢᬫ᭞ᬳ
ᬤᭀᬄᬧᬭᬳᬶᬧᬸᬦ᭄ᬳᬾᬮᬶᬂ᭞ᬯᬶᬭᬾᬄᬲᬲᬃᬲᭀᬮᬄᬩᬸᬤ᭄ᬥᬶ᭞ᬤᬶᬓᬧᬦ᭄ᬧᬘᬂᬓᬭᬸᬗᬸ᭞ᬳᬸᬧᬫᬶᬬᬂᬓᬤᬶᬳᭂᬫᬵᬲ᭄᭞ᬲᬶᬦᬄᬓᬮᬄᬩᬳᬦ᭄ᬳᭂᬫᬶᬲ᭄᭞ᬳᬓᬄᬤᬯᬸᬦ᭄᭞ᬫᬓ᭄ᬭᬡᬦ᭄ᬳᭂᬫᬲᬾ ᬳᬶᬮᬂ᭟
[᭖᭙ 69A]
ᬳᬶᬢᬦ᭄ᬲᬥᬶᬫᬫᬸᬯᬢᬂ᭞ᬭᬶᬂᬲᬂᬲᬥᬸᬧ᭄ᬭᬬᬦᬗ᭄ᬓᬶᬮ᭄᭞ᬦᬸᬦᬲ᭄ᬢᬢ᭄ᬯᬥ᭄ᬬᬢ᭄ᬫᬶᬓ᭞ᬲᬂᬲᬵᬥᬸᬳᬳᬾ ᬦᬸᬢᬸᬭᬶᬦ᭄᭞ᬢᬸᬢᬸᬃᬲᬢ᭄ᬯ᭄ᬳᬲᬃᬯ᭄ᬯᬍᬯᬶᬄ᭞ᬳᬓ᭄ᬯᬾᬄᬓᬫᭂᬥᬮᬂᬲᬵᬫ᭄ᬧᬸᬦ᭄᭞ᬳᬶᬢᬦ᭄ᬲᬥᬸᬢ᭄ᬯᬭᬮᬶᬬᬂ᭞ᬓᬭᬯᭀ
ᬲᬂᬢᬸᬦᬓᬭᬶ᭞ᬫᬗᬭᬸᬫᬸᬦ᭄᭞ᬤᬾᬦᬶᬂᬳᬶᬥᭂᬧ᭄ᬫᬸᬮᬕᬯᬂ᭟ᬬᬦ᭄ᬲᬂᬲᬚᬓᬧᬡ᭄ᬥᬶᬢᬦ᭄᭞ᬫ᭄ᬬᬃᬱᬳᬸᬚᬃᬓᬯᭀᬦ᭄ᬩᭂᬘᬶᬓ᭄᭞ᬲᬸᬩᬲᬶᬦᬄᬫᬸᬜᬶᬤᬤ᭄ᬯ᭞ᬓᬋᬗᬵᬢᬸᬯᬄᬳᬩᭂᬲᬶᬓ᭄᭞ᬫᬸᬜᬶᬳᬬᬸᬓᬳᬲ᭄ᬢᬶᬢᬶ᭞ᬓ
ᬲᬶᬫ᭄ᬧᭂᬦ᭄ᬲᬚ᭄ᬭᭀᬦᬶᬂᬓᬬᬸᬦ᭄᭞ᬫᬸᬜᬶᬳᬮᬦᬾ ᬓᬓᬸᬢᬂ᭞ᬓᬤᬶᬳᬗ᭄ᬲᬵᬩᬾᬩᬾᬓ᭄ᬫᭂᬲᬶᬓ᭄᭞ᬜᭀᬮ᭄ᬲᭀᬮ᭄ᬳᭂᬦ᭄ᬤᬸᬢ᭄᭞ᬫᬺᬢ᭄ᬢᬩᬓᬢ᭄ᬯᬶᬱ᭄ᬬᬓᬸᬢᬂ᭟ᬬᬦᬚᬲᬵᬥᬸᬳᬸᬢ᭄ᬢᬫ᭞ᬧᬶᬢᬸᬯᬶᬦ᭄ᬳᬶᬤᬳᬢᬸᬭᬶᬦ᭄᭞ᬲᬃ
ᬯ᭄ᬯᬮᬓ᭄ᬱᬡᬦᬾ ᬓᬯᭀᬦ᭄᭞ᬳᬤᭀᬄᬧᬭᬓᬢᬶᬦᬸᬢᬶᬦ᭄᭞ᬦᬗ᭄ᬳᬶᬂᬳᬶᬤᬸᬃᬚᬦᬩᬸᬤ᭄ᬥᬶ᭞ᬧᬶᬢᭂᬢᬶᬦ᭄ᬳᬶᬘ᭄ᬙᬾᬦᬵᬧᬶᬢᬸᬢᬸᬃ᭞ᬳᬧᬂᬤᬵᬗᬭᬸᬗᬸᬯᬂ᭞ᬲᬃᬯ᭄ᬯᬲᭀᬮᬄᬳᬶᬥᭂᬧ᭄ᬫᬸᬜᬶ᭞ᬦᬾᬦᬾ ᬍᬢᬸᬄ᭞ᬫᬸᬮᬤᭂᬫᭂᬦ᭄ᬫ
Kaca:Bali-lontar-gaguritan-paparikan-sarasamuscaya-300ppi.pdf/69
Kaca puniki sampun kauji-wacén
