[᭖ 6B]
᭖
ᬕᬓᬦ᭄᭞ᬫ᭄ᬯᬄᬪᬸᬱᬦᬳᭂᬦ᭄ᬢᭀᬧᬵᬢᬸᬢ᭄ᬫᬗ᭄ᬭᬯᬸᬳᬶᬦ᭄᭞ᬭᬶᬂᬮᬶᬗ᭄ᬕᬶᬄᬲᬂᬥᬃᬫ᭄ᬫᬲᬥᬸ᭞ᬯᬶᬭᬾᬄᬳᬶᬤᬫᬦ᭄ᬭᬸᬯᬾᬦᬂ᭞ᬬᬦ᭄ᬳᬸᬧᬫᬶᬳᬶᬓᬢᬓ᭄ᬫᬗᬸᬗ᭄ᬲᬶᬲᬸᬫᬸᬃ᭞ᬳᭂᬦ᭄ᬢᭀᬓ᭄ᬭᬡᬤᬵᬗᬾᬯᭂᬳᬂᬢᬶᬯᬲ᭄ᬩ
ᬳᬦ᭄ᬳᭂᬫᬲ᭄ᬧᬶᬧᬶᬲ᭄᭟ᬓᬲᭂᬗ᭄ᬕᬸᬄᬫᬢᬸᬯᬸᬄᬮᬦ᭄ᬢᬂ᭞ᬬᬦᬶᬂᬲᬸᬩᬓᬢᬸᬗ᭄ᬕᬸᬦ᭄ᬳᬯᬓᬾ ᬲᬸᬕᬶᬄ᭞ᬪ᭄ᬭᬡᬮᬶᬬᬸᬧᬜ᭄ᬚᬓ᭄ᬧᭂᬦᬸᬄ᭞ᬓᬤᬾᬦᬵᬳᭂᬦ᭄ᬢᭀᬗᭂᬫᬶᬢᬵᬢ᭄ᬫ᭞ᬬᬦ᭄ᬳᬶᬥᬃᬫ᭄ᬫᬓᬲᭂᬗ᭄ᬕᬸᬄᬳ᭄ᬬᬂᬓᬮᬫᬺᬢ᭄ᬬᬸ᭞
ᬯᬶᬭᬾᬄᬲᬓᬶᬢᬾᬓᬮᬶᬯᬢ᭄᭞ᬫᬲᬶᬄᬧᬬᬸᬩᬜᬧᬢᬶ᭟ᬲᬗ᭄ᬳ᭄ᬬᬂᬓᬮᬫᬳᬶᬍᬳᬦ᭄᭞ᬗᬶᬦ᭄ᬢᬶᬧ᭄ᬲᬳᬶᬤᬶᬢᭂᬡ᭄ᬥᬲ᭄ᬳᬶᬤᬫᬮᬶᬗ᭄ᬕᬶᬄᬫᬜᬦ᭄ᬢᭀᬲᬂᬳᬶᬯᬂᬧᬵᬢᬹᬢ᭄᭞ᬤᬶᬚᬵᬳᬶᬯᬂᬳᬶᬥᬦᬤᬄ᭞ᬬ
ᬦᬶᬂᬧᬵᬢᬸᬢ᭄ᬓᬾᬯᬮᬓᬚᬦ᭄ᬢᭀᬲ᭄ᬫᬮᬸ᭞ᬢᭀᬂᬤᬤᬶᬧᬘ᭄ᬦᬕ᭄ᬯᬗ᭄ᬤᬾᬬᬂ᭞ᬲᬗ᭄ᬳ᭄ᬬᬂᬓᬮᬗᬫ᭄ᬩᬶᬮ᭄ᬲᬫᬶ᭟ᬫᬸᬂᬧᬸᬂᬳᬢᬸᬗ᭄ᬕᬸᬦ᭄ᬩᬦ᭄ᬩᬚᬂᬧᬦᭂᬥᭂᬗᬾ ᬚᬦᬶᬜᬦ᭄ᬤᬂᬮᬓ᭄ᬱᬡᬳᬶᬦ᭄᭞ᬗᭂᬢᬸᬢ᭄ᬓᬥᬃᬫᬦᬾ
[᭗ 7A]
ᬳᬬᬸ᭞ᬳᬸᬭᬶᬧᬾᬳᬗ᭄ᬕᭀᬦ᭄ᬲᬭᬦ᭞ᬤᬾᬦᬶᬂᬪᬶᬦᬳᬶᬭᬭᬾᬢᬦ᭄ᬤᬶᬗᬂᬫᬮᬸ᭞ᬭᬶᬂᬳᬶᬢᬸᬯᬤᬶᬯᬶᬰᬾᬱ᭞ᬳᬮᬗᬾᬳᬗ᭄ᬕᭀᬦ᭄ᬳᬸᬧᬫᬶ᭟ᬳᬸᬧᬲᬫᬦᬾᬢᬸᬢᬸᬭᬂ᭞ᬭᬶᬂᬳᬶᬭᬭᬾᬳᭂᬦ᭄ᬢᭀᬜᬦ᭄ᬤᬂᬓᬳᬶᬯᬓᬶᬦ᭄᭞
ᬭᬶᬂᬯᭀᬂᬢᬸᬳᬢ᭄ᬯᬭᬧᬵᬢᬹᬢ᭄᭞ᬤᬾᬦᬶᬂᬳᬶᬢ᭄ᬯᬲᬗ᭄ᬲᬭ᭞ᬧᬘᬂᬫᭂᬥᬮ᭄ᬫᬧᭂᬮᬶᬲ᭄ᬗᬾᬗᬾᬲᬦ᭄ᬓᬩᬸᬃ᭞ᬳᬯᬓ᭄ᬢᬸᬳᬗᭂᬢᭀᬃᬳᬸᬩᬦ᭄᭞ᬳᬓ᭄ᬯᬾᬄᬤᬸᬳ᭄ᬓᬶᬣᬦᬾᬢᬫ᭄ᬧᬶ᭟ᬳᭂᬦᬾᬩ᭄ᬯᬶᬦ᭄ᬢᬶᬗ᭄ᬓᬄᬲᬚ᭞ᬢ᭄ᬯᬄ
ᬳᬶᬘᭂᬭᬶᬓ᭄ᬢᬸᬯᬸᬄᬩᬚᬗᬾ ᬫᬗᬦ᭄ᬢᬶ᭞ᬳᬶᬩᬚᬂᬢᬸᬳᬵᬫᬜᬸᬦ᭄ᬤᬸᬮ᭄᭞ᬤᬶᬢ᭄ᬯᬦᬾᬢ᭄ᬯᬭᬮᬾᬦᬦ᭄᭞ᬲᬸᬩᬲᬶᬦᬄᬤᬶᬧᬗ᭄ᬓᭀᬦᬦ᭄ᬲᬗ᭄ᬳ᭄ᬬᬂᬫᬺᬢ᭄ᬬᬸ᭞ᬬᬦᬶᬂᬲᬸᬩᬧᬳᬶᬗᬦᬦ᭄᭞ᬫᬗᬸᬗ᭄ᬲᬶᬦᬾ ᬢ᭄ᬯᬄᬤᬶᬫᬢᬶ᭞
ᬓ᭄ᬭᬡᬚᬦᬶᬧᬶᬲᭂᬓᭂᬦᬂ᭞ᬗᬮᬶᬄᬧᬵᬢᬹᬢ᭄ᬲᬳᭂᬦᬸᬦ᭄ᬩᬚᬗᬾᬢᬫ᭄ᬧᬶ᭞ᬓᬃᬥᬶᬦᬶᬦ᭄ᬳᬶᬥᬃᬫ᭄ᬫᬳᬬᬸ᭞ᬳᭂᬤᬳᬶᬫᬵᬫᬡᬵᬮᬦᬂ᭞ᬤᬵᬦᬦ᭄ᬤ᭄ᬭᬸᬳᬂᬫᬜ᭄ᬚᬦ᭄ᬫᬫᬳᬶᬓᬳᬸᬢᬸᬲ᭄᭞ᬓᬳᬸᬢᬸᬲ᭄ᬗᭂᬦ᭄ᬢᭀᬲᬶᬦ᭄ᬕᬮᬂ
Kaca:Bali-lontar-gaguritan-paparikan-sarasamuscaya-300ppi.pdf/7
Kaca puniki sampun kauji-wacén
