[᭖᭙ 69B]
᭖᭙
ᬜᬮᬦᬂ᭟ᬧᬶᬢᬸᬯᬶᬦ᭄ᬦᬾᬲᬸᬩᬧ᭄ᬭᬚ᭄ᬜᬦ᭄᭞ᬢᬢᬲ᭄ᬭᬶᬂᬢᬢ᭄ᬯᬧᬗᬚᬶ᭞ᬬᬦ᭄ᬳᬶᬲᭀᬮᬄᬳᭂᬦᬸᬲᬲᬃ᭞ᬢᬦ᭄ᬧᬕᬸᬡᬲᬗ᭄ᬳ᭄ᬬᬂᬳᬚᬶ᭞ᬫᬓᬲᬸᬦ᭄ᬤᬃᬲᭀᬮᬄᬳᬬᬸ᭞ᬩᬸᬓᬳᭂᬫᬵᬲ᭄ᬧᬶᬧᬶᬲ᭄ᬲᭂᬧᭂᬮᬂ᭞ᬫᬕᭀᬩ
ᬦᬶᬃᬕᬯᬾ ᬲᬫᬶ᭞ᬕᬸᬡᬦ᭄ᬳᬶᬧᬸᬦ᭄᭞ᬳᬸᬢ᭄ᬢᬫᬤᬶᬤᬵᬦᬧᬹᬡ᭄ᬬ᭟ᬚᬦ᭄ᬫᬢᬶᬯᬲ᭄ᬍᬓᬶᬕ᭄ᬧᬶᬲᬦ᭄᭞ᬳᭂᬦ᭄ᬢᭀᬢᬶᬯᬲ᭄ᬢᬦ᭄ᬧᬓᬾᬃᬢ᭄ᬢᬶ᭞ᬤᬤᬶᬳᬸᬭᬶᬧᬾᬓᬦᬶᬃᬤᭀᬦ᭄᭞ᬩᬸᬯᬶᬦ᭄ᬳᬤᬳᬦᬓ᭄ᬰᬓ᭄ᬢᬶ᭞ᬫᬮᬦ᭄ᬜᬦᬾ ᬢᬦᬶ
ᬓᬶᬓᬶᬢ᭄᭞ᬦᬶᬃᬕᬯᬾ ᬳᬶᬰᬓ᭄ᬢᬶᬓᬲᬸᬩ᭄᭞ᬤᬾᬦᬶᬂᬲᬂᬲᬥᬸᬳᬶᬦᬸᬘᬧ᭄᭞ᬧᬓᭂᬫᬶᬢ᭄ᬳᬶᬰᬓ᭄ᬢᬶᬍᬯᬶᬄ᭞ᬫᬗ᭄ᬕᬸᬄᬳᬬᬸ᭞ᬕᬸᬡᬦ᭄ᬜᬦᬾ ᬧᬢᬶᬢᬶᬲᬂ᭟ᬲᬗ᭄ᬳ᭄ᬬᬂᬳᬚᬶᬫᬳᭀᬢ᭄ᬢᬫ᭞ᬬᬦ᭄ᬭᬶᬂᬤᬸᬃᬰᬶᬮᬫᬮᬶᬗ᭄ᬕᬶᬄ᭞ᬲᬶᬦᬄ
ᬲᬸᬩᬲᬮᬄᬗ᭄ᬕᭀᬦ᭄᭞ᬤᬶᬚᬗᬮᬶᬄᬲᬸᬘᬶᬳᭂᬦᬶᬂ᭞ᬧᬯᬶᬢ᭄ᬭᬦ᭄ᬳᬶᬢᬶᬃᬣᬍᬯᬶᬄ᭞ᬕᭂᬦᬳᬂᬤᬶᬢᬸᬤᬶᬓ᭄ᬮᬸᬓᬸᬄ᭞ᬢᬸᬃᬓ᭄ᬮᬸᬓᬸᬄᬳᬚᬶᬩ᭄ᬮᬸᬮᬂ᭞ᬩ᭄ᬮᬸᬮᬂᬓᬫ᭄ᬩᬶᬂᬓᬸᬮᬶᬢ᭄ᬘᬶᬘᬶᬂ᭞ᬳᬦ᭄ᬤᬶᬄᬳᬗᬸᬲ᭄᭞ᬤᬶᬕᭂᬮᬶᬲ᭄ᬧᬸᬘᬸᬂᬫᬦᬶᬫ᭄ᬩᬮ᭄᭞
[᭗᭐ 70A]
᭞ᬫᬸᬘᬸᬂ᭞ᬢᬶᬃᬣᬫᬸᬮᬸᬲ᭄᭞ᬬᬤᬶᬦ᭄ᬲᬸᬘᬶᬳᭂᬦᬶᬂᬢᭂᬭᬸᬲ᭄᭞ᬢᭀᬗᭀᬲ᭄ᬜᬦᬾ ᬳᬶᬯᬂ᭞ᬤᬤᬶᬍᬢᬸᬄᬓᬯᬲ᭄ᬝᬦᬶᬦ᭄᭞ᬢᬦ᭄ᬓᬕᬸᬕᬸ᭞ᬲᬗ᭄ᬳ᭄ᬬᬂᬳᬚᬶᬭᬶᬂᬤᬸᬃᬚᬦ᭟ᬕᬸᬡᬳᬜᬸᬤ᭄᭞ᬲᬂᬲᬸᬚ᭄ᬚᬦᬬᬦ᭄ᬫᬮᬸᬗ᭄ᬕᬸᬄ᭞ᬭᬶᬂᬲᬂ
ᬓᬤᬸᬃᬚᬦᬦ᭄᭞ᬫᬳᬫ᭄ᬩᭂᬓ᭄ᬘᭀᬭᬄᬲᬲᬳᬶ᭞ᬳᭂᬤᬩᬶᬗᬸᬂ᭞ᬫᬢᬶᬢᬶᬲ᭄ᬗᬶᬗᭂᬢᬶᬦ᭄ᬕᭂᬦᬄ᭟ᬚᬕᬢ᭄ᬳᬕᬸᬂ᭞ᬗᭂᬮᬄᬓᬮᬶᬮᬶᬮᬶᬭᬦ᭄ᬧᬵᬢᬹᬢ᭄᭞ᬓᬮᬶᬮᬶᬭᬦ᭄ᬤᬤ᭄ᬯ᭞ᬳᬮᬳᬬᬸᬫᬶᬦᬓᬤᬶ᭞ᬢ᭄ᬯᬭᬩᬸᬳᬸᬂ᭞ᬲᬮᬄ
ᬢᬸᬗ᭄ᬕᬮ᭄ᬧᬘᬂᬢᬫ᭟ᬜᭂᬫ᭄ᬩᬄᬜᬸᬂᬲᬸᬂ᭞ᬲᭀᬮᬄᬤᬤ᭄ᬯᬦᬾ ᬫᬦᬸᬢᬸᬕ᭄᭞ᬦᬾᬚᬦᬶᬩᬓᬢᬂ᭞ᬧᬗᬢᬕ᭄ᬳᬶᬲᭀᬮᬄᬗᬸᬦᬶ᭞ᬲᬶᬦᬄᬢᭂᬧᬸᬓ᭄᭞ᬧᬕᬯᬾᬦ᭄ᬳᬯᬓᬾ ᬲᬸᬩ᭟ᬚᬢᬶᬦ᭄ᬳᬶᬧᬸᬦ᭄᭞ᬳᭂᬦᬾ ᬢᬾᬳᬶ
ᬕᬸᬫᬶᬳᬕᬸᬂ᭞ᬨᬮᬓᬃᬫ᭄ᬫᬦᬶᬢᬄ᭞ᬢᭀᬂᬲᬶᬤ᭄ᬥᬩᬳᬦ᭄ᬗᭂᬮᬶᬤᬶᬦ᭄᭞ᬓᬶᬢᬓ᭄ᬓᬶᬢᬸᬓ᭄᭞ᬫᬓᬶᬢᬸᬓᬦ᭄ᬫᬲᬶᬄᬩᬓᬢ᭄᭟ᬓᬃᬫ᭄ᬫᬫᬮᬸ᭞ᬬᬤᬶᬦ᭄ᬳᬮᬬᬤᬶᬦ᭄ᬳᬬᬸ᭞ᬢᬸᬲᬶᬂᬧᬶᬲᬦ᭄ᬳᭂᬜᬓ᭄᭞ᬧᬘᬂᬢ᭄ᬯᬭ
Kaca:Bali-lontar-gaguritan-paparikan-sarasamuscaya-300ppi.pdf/70
Kaca puniki sampun kauji-wacén
