[᭗᭐ 70B]
᭗᭐
ᬓᬧᬸᬧᭀᬦᬶᬦ᭄᭞ᬫᬸᬮᬧᭂᬗ᭄ᬓᬸᬂ᭞ᬢ᭄ᬯᬭᬳᭂᬜᬓ᭄ᬧᬘᬂᬢᬶᬗ᭄ᬕᬮ᭄᭟ᬢᭀᬂᬓᬲ᭄ᬮᬶᬫᬸᬃ᭞ᬢ᭄ᬯᬭᬤᬤᬶᬲᬭᬸᬲᬭᬸ᭞ᬧᬮᬶᬂᬢ᭄ᬯᬭᬩᬶᬲ᭞ᬳᬸᬧᬫᬶᬬᬂᬕᭀᬤᬾᬮ᭄ᬲᬫ᭄ᬧᬶ᭞ᬲᬫ᭄ᬧᬶᬲᬢᬸᬲ᭄᭞ᬳᬤᭀᬄᬕᭀᬤᬾ
ᬮ᭄ᬜᬦᬾ ᬳᬶᬮᬂ᭟ᬫᬲᬦ᭄ᬧᭂᬲᬸ᭞ᬢᬸᬯᬸᬳ᭄ᬜᬦᬾ ᬢ᭄ᬯᬄᬓᬢᬸᬚᬸ᭞ᬢ᭄ᬯᬭᬳᭂᬜᬓ᭄ᬗᬯᬕ᭄᭞ᬳᬶᬨᬮᬓᬃᬫ᭄ᬫᬫᬗᬦ᭄ᬢᬶ᭞ᬓᬤᬶᬓᬬᬸ᭞ᬩᬸᬗᬩᬸᬯᬄᬗᬮᬶᬄᬫᬵᬲ᭟ᬦᬾᬦᬾ ᬫᬮᬸ᭞ᬤᬸᬓ᭄ᬫᬗᬯᬾ ᬳᬮᬳᬬᬸ᭞
ᬭᬭᬾᬩᬚᬂᬢᬸᬳ᭞ᬭᬭᬾᬩᬚᬂᬢᬸᬳᬦᬫ᭄ᬧᬶ᭞ᬢ᭄ᬯᬭᬩᬸᬳᬸᬂ᭞ᬳᬮᬳᬬᬸᬲᬶᬦᬄᬩᬓᬢ᭄᭟ᬳᬤ᭄ᬳᬩᬕᬸᬲ᭄᭞ᬲᬸᬕᬶᬄᬧ᭄ᬭᬚ᭄ᬜᬦ᭄ᬢᬸᬃᬓᬲᬸᬫ᭄ᬩᬸᬂ᭞ᬓᬾᬩᭂᬓ᭄ᬭᬶᬂᬯᬶᬯᬾᬓ᭞ᬤᬤᬶᬓᬧᬜ᭄ᬚᬓᬂᬚᬦᬶ᭞ᬩᬦ᭄ᬳᬶ
ᬲᬶᬕᬸᬕ᭄᭞ᬫᬶᬯᬄᬢᬶᬯᬲᬾ ᬩᭂᬮᭀᬕᬦ᭄᭟ᬚᬢᬶᬢᬸᬳᬸ᭞ᬢ᭄ᬯᬄᬨᬮᬓᬃᬫ᭄ᬫᬦᬾ ᬫᬮᬸ᭞ᬳᭂᬦ᭄ᬢᭀᬫᬗ᭄ᬭᬡᬬᬂ᭞ᬳᬸᬢᬂᬧᬶᬳᬸᬢᬗᬾᬗᬹᬦᬶ᭞ᬓ᭄ᬭᬡ᭄ᬳᬢᭂᬧᬸᬓ᭄᭞ᬳᬶᬚᭂᬮᬾᬓ᭄ᬗᬮᬳᬂᬫᭂᬮᬄ᭟
[᭗᭑ 71A]
ᬕᬯᬾ ᬫᬮᬸ᭞ᬳᭂᬦ᭄ᬢᭀᬳᬸᬕᬶᬧ᭄ᬭᬬᬦᬸᬢᬸᬕ᭄᭞ᬦᬾ ᬚᬦᬶᬳᬯᬲ᭄ᬦᬕ᭄᭞ᬭᬶᬂᬲᬂᬦᭂᬕᭂᬦ᭄ᬜᬸᬯᬸᬦ᭄ᬤᬶᬦᬶ᭞ᬳᬲᬶᬂᬮᬓᬸ᭞ᬳᭂᬦᬸᬫᬲᬶᬄᬫᬕ᭄ᬭᬾᬦ᭄ᬤᭀᬗᬦ᭄᭟ᬢ᭄ᬯᬭᬢᭂᬧᬸᬓ᭄᭞ᬬᬦ᭄ᬫᬩᬸᬤ᭄ᬥᬶᬲᬸᬓᬵᬧᬢᬸᬄ᭞ᬦᬾᬚᬦᬶ
ᬤᬶᬚᬕᬢ᭄᭞ᬓᬃᬫ᭄ᬫᬨᬮᬤᬳᬢ᭄ᬰᬓ᭄ᬢᬶ᭞ᬦᬶᬢᬄᬦᬸᬤᬸᬄ᭞ᬢ᭄ᬯᬭᬤᬤᬶᬩᬵᬳᬦ᭄ᬫᬗᭀᬩᬄ᭟ᬬᬦ᭄ᬢᬦ᭄ᬦᬦ᭄ᬤᬸᬃ᭞ᬲᬶᬦᬄᬢ᭄ᬯᬭᬧᬘᬂᬫᬸᬧᬸ᭞ᬤᬶᬚᬧᬘᬂᬜᭂᬫᬓ᭄᭞ᬬᬦ᭄ᬫᬸᬮᬢ᭄ᬯᬭᬗᭂᬚᬗᬶᬦ᭄᭞ᬢᬸᬬᬸᬄᬗᭂᬧᬸᬂ
ᬫᬲᬶᬄᬧᬬᬸᬢ᭄ᬯᬭᬩᬓᬢ᭄᭟ᬬᬦᬶᬂᬤᬶᬢᬸ᭞ᬤᬶᬲ᭄ᬯᬃᬕ᭄ᬕᬦᬾ ᬦᬾᬦᬾ ᬢᭂᬧᬸᬓ᭄᭞ᬲᬓᬾᬯᭂᬄᬲᬲᬸᬓ᭞ᬬᬦᬶᬂᬤᬶᬓᬯᬄᬬᬫᬦᬶ᭞ᬦᬾᬦᬾ ᬧᬸᬧᬸ᭞ᬓᬾᬯᬮᬤᬸᬄᬓᬲᬢᬢ᭟ᬤᬶᬦᬶᬳᬶᬤᬸᬧ᭄᭞ᬤᬶᬕᬸᬫᬶᬦᬾ
ᬦᬾᬦᬾ ᬧᬸᬧᬸ᭞ᬲᬸᬓᬫᬶᬯᬄᬤᬸᬄᬓ᭞ᬬᬦ᭄ᬭᬶᬂᬫᭀᬓ᭄ᬱᬧᬤᬦᬫ᭄ᬧᬶ᭞ᬲᬸᬓᬢᭂᬧᬸᬓ᭄᭞ᬢ᭄ᬯᬭᬫᬢᬸᬮᬓ᭄ᬓᬤᬸᬄᬓ᭟ᬚᬦᬶᬳᬶᬢᬸᬂ᭞ᬮᬮᬶᬫᬓ᭄ᬭᬡᬫᬫᬗ᭄ᬕᬸᬄ᭞ᬲ᭄ᬯᬃᬕ᭄ᬕᬳᬸᬢ᭄ᬢᬫ᭞ᬳᬶᬧᬕᭂᬄ
Kaca:Bali-lontar-gaguritan-paparikan-sarasamuscaya-300ppi.pdf/71
Kaca puniki sampun kauji-wacén
