[᭗᭓ 73B]
᭗᭓
ᬥᬃᬫ᭄ᬫᬦᬾ ᬧᬕᭂᬳᬂ᭟ᬢ᭄ᬯᬭᬩᬸᬳᬸᬂ᭞ᬲᬗ᭄ᬳ᭄ᬬᬂᬓᬵᬮᬳᬶᬤ᭄ᬳᬜᬩᬸᬢ᭄᭞ᬳᬸᬭᬶᬧᬾ ᬫᬓᭂᬚᬂ᭞ᬳᬶᬤᬤᬳᬢ᭄ᬗᬯᬾ ᬚᭂᬭᬶᬄ᭞ᬕᬮᬓ᭄ᬗᭂᬧᬸᬂ᭞ᬓ᭄ᬭᬸᬭᬯᬃᬡ᭄ᬦᬫᬤᬳᬶᬭᬯ᭟ᬳᬸᬭᬶᬧ᭄ᬲᬸᬭᬸᬤ᭄᭞ᬓᬤᬶᬩᬸᬗᬩᬸᬯᬄᬓᬬᬸ᭞ᬬᬦᬶᬂᬲᬸᬩᬯ
ᬬᬄ᭞ᬲᬶᬦᬄᬳᬸᬮᬸᬂᬫᬓᬲᬫᬶ᭞ᬩᬺᬓ᭄ᬧᬬᬸ᭞ᬤᬶᬢᬦᬳᬾ ᬫᬓᬘᬓᬦ᭄᭟ᬲᬗ᭄ᬳ᭄ᬬᬂᬫᬺᬢ᭄ᬬᬸ᭞ᬗᬩᬧᬳᬶᬗᬦᬦ᭄ᬧᬵᬢᬹᬢ᭄᭞ᬬᬦᬶᬂᬤᬸᬭᬸᬂᬢᬶᬢᬄ᭞ᬲᬵᬃᬯ᭄ᬯᬲᬜ᭄ᬚᬢᬗᬦᬶᬦᬶᬦ᭄᭞ᬭᬕᬋᬫᬸᬓ᭄᭞ᬲᬗ᭄ᬳ᭄ᬬᬂᬓᬵᬮ᭞ᬳ
ᬜᬦ᭄ᬢᭀᬲᬂ᭟ᬬᬦᬶᬂᬭᬯᬸᬄ᭞ᬲᬫᬬᬦ᭄ᬳᬸᬭᬶᬧᬾ ᬢᬸᬢᬸᬕ᭄᭞ᬢᭂᬓᬕᬫ᭄ᬧᬂᬧᬶᬲᬦ᭄᭞ᬧᬶᬢᬸᬯᬶᬧᬤᬂᬳᬓᬢᬶᬄ᭞ᬩᬶᬲ᭄ᬳᬜᬩᬸᬢ᭄᭞ᬲᬗ᭄ᬳ᭄ᬬᬂᬳᬸᬭᬶᬧ᭄ᬧᬬᬸᬮᬸᬗ᭟ᬚᬦᬶᬳᬶᬤᬸᬧ᭄᭞ᬓᬲᬭᬢᬦ᭄ᬲᬓᬶᬢ᭄ᬳᬶᬩᬸᬓ᭄᭞ᬫᬢᬶᬧ
ᬬᬸᬩᬓᬢ᭄᭞ᬦᬄᬓᬾᬢᬵᬳᭀᬢᬶᬗ᭄ᬓᬄᬦᬸᬫᬤᬶ᭞ᬲᬶᬮᬃᬲᬶᬮᬸᬃ᭞ᬕᬦ᭄ᬢᬶᬕᬶᬦᬦ᭄ᬢᬶᬫᬦᬶᬫ᭄ᬩᬮ᭄᭟ᬕᬶᬦᬦ᭄ᬢᬶ᭟ᬢᬶᬗ᭄ᬓᬄᬫᬸᬂᬧᬸᬂᬳᬯᬓ᭄ᬳᬶᬤᬸᬧ᭄᭞ᬳᭂᬤᬳᬫ᭄ᬧᬄᬩᬸᬓᬚᬦᬶ᭞ᬳᭂᬤᬫᬦ᭄ᬤᭂᬮ᭄ᬫᬧᬶᬩᬶᬲ᭞ᬳᭂᬤᬍᬕᬗᬸ
[᭗᭔ 74A]
ᬮᬄᬦᬫ᭄ᬧᬶ᭞ᬦᬾ ᬢ᭄ᬯᬭᬜᬦ᭄ᬤᬂᬍᬕᬬᬂ᭞ᬤᬾᬦᬶᬂᬲᬸᬓᬢ᭄ᬯᬭᬚᬵᬢᬶ᭟ᬯᬶᬭᬾᬄᬲᬗ᭄ᬳ᭄ᬬᬂᬓᬮᬦᬸᬢᬸᬕ᭄᭞ᬓᬶᬚᬮᬸᬯᬲ᭄ᬢ᭄ᬯᬄᬓᬳᬶᬦ᭄ᬢᬶᬧ᭄᭞ᬧᬶᬢᬸᬯᬶᬭᬶᬂᬧᬢᬸᬭᭀᬦᬦ᭄᭞ᬬᬤᬶᬦ᭄ᬍᬕᬦ᭄ᬫᬲᬶᬄᬓᬶᬦ᭄ᬢᬶᬧ᭄᭞ᬗᬶᬦᬸᬫ᭄ᬢᭂᬓᬦᬶᬂᬫᬤᬳᬃ᭞ᬳᬶᬤ
ᬦᬸᬢᬸᬕ᭄ᬓᭂᬫᬫᬳᬶ᭟ᬳᬧᬓ᭄ᬭᬡᬳᬾᬦᬓᬢᬸᬭᬸ᭞ᬗᬸᬮᬄᬍᬕᬩᬸᬓᬚᬦᬶ᭞ᬢ᭄ᬯᬭᬢᬳᬸᬢᭂᬓᬾᬦ᭄ᬳᬯᬓ᭄᭞ᬲᬓ᭄ᬱᬢ᭄ᬳᭂᬩᬾ ᬘᭂᬦᬶᬓ᭄ᬘᭂᬦᬶᬓ᭄᭞ᬤᬶᬘᭀᬩᬓ᭄ᬲᬸᬩᬫᬕᭂᬦᬄ᭞ᬢ᭄ᬯᬭᬩᬸᬳᬸᬂᬧᬘᬂᬫᬢᬶ᭟ᬲᭂᬍᬕᬂᬚᬮᬦᬶᬦ᭄ᬭᬸᬭᬸᬄ᭞ᬦᬾ
ᬦᬾ ᬭᬸᬭᬸᬄᬮᬶᬯᬢ᭄ᬲ᭄ᬭᬶᬧᬶᬢ᭄᭞ᬢᬸᬲᬶᬂᬤᬤᬶᬩ᭄ᬯᬶᬦ᭄ᬭᬾᬭᬾᬦᬦ᭄᭞ᬢᬦ᭄ᬧᬢᬗᬦ᭄ᬢᬦ᭄ᬧᬩᬢᬶᬲ᭄᭞ᬢᬦ᭄ᬧᬢᬸᬗ᭄ᬓᭂᬤ᭄ᬢᬦ᭄ᬧᬕᬶᬲ᭄ᬬᬦ᭄᭞ᬢ᭄ᬯᬭᬳᬤᬦᬾ ᬢᬓᭀᬦᬶᬦ᭄᭞ᬧᭂᬢᭂᬂᬤᭂᬤᭂᬢ᭄ᬢᬦ᭄ᬧᬢᬗ᭄ᬕᬸ᭞ᬢ᭄ᬯᬭᬳᬤᬗᭂᬦᬄᬕᬸᬫᬶ᭞ᬓᭂ
ᬫᬤᬾᬯᬮᬓᬃᬮᬸᬯᬲ᭄᭞ᬢ᭄ᬯᬭᬳᬤᬫᬦᬶᬫ᭄ᬧᬮᬶᬦ᭄᭞ᬦᬄᬓᬾᬦ᭄ᬓᬾᬦ᭄ᬩᬦ᭄ᬫᬤᬬ᭞ᬳᬧᬂᬲᬶᬤ᭄ᬥᬫᬫᬭᬦᬶᬦ᭄᭟ᬳᬧᬧᬧᬶᬦᭂᬳᬾ ᬤᬶᬢᬸ᭞ᬫᬚᬮᬦ᭄ᬓᭂᬫᬧᬤᬶᬤᬶ᭞ᬓ᭄ᬭᬡᬚᬦᬶᬧᬶᬲᭂᬓᭂᬦᬂ᭞ᬧᬹᬡ᭄ᬬᬓᬃᬫ᭄ᬫᬦᬾ
Kaca:Bali-lontar-gaguritan-paparikan-sarasamuscaya-300ppi.pdf/74
Kaca puniki sampun kauji-wacén
