[᭗᭔ 74B]
᭗᭔
ᬮᬦᬶᬦ᭄᭞ᬢ᭄ᬯᬭᬮᬾᬦ᭄ᬢ᭄ᬯᬄᬳᬶᬧ᭄ᬭᬚ᭄ᬜᬦ᭄᭞ᬳᭂᬦ᭄ᬢᭀᬳᬗ᭄ᬕᭀᬦ᭄ᬓᬦ᭄ᬢᬶᬰᬓ᭄ᬢᬶ᭟ᬢᬦ᭄ᬘᬭᬶᬢᬢᭂᬓᭂᬤ᭄ᬤᬶᬢᬸ᭞ᬯᭂᬢᬸᬳᭂᬗ᭄ᬲᬧ᭄ᬳᬤᬶᬧᬮᬶᬂ᭞ᬫᬢᬗᬤᭂᬕ᭄ᬦᭂᬮᬾᬧ᭄ᬳᭂᬗ᭄ᬲᬧ᭄᭞ᬘᭂᬓᬸᬢᬦ᭄ᬳᬗ᭄ᬓ᭄ᬬᬦᬾ ᬧᬮᬶᬂ᭞ᬫᬗ᭄ᬭᬜ᭄ᬚᬶᬂᬤᬶᬧᭂᬢᭂᬂᬧᭂ
ᬲᬦ᭄᭞ᬤᬶᬚᬲᭀᬫᬄᬧᬦᬓ᭄ᬯᬃᬕ᭄ᬕᬶ᭟ᬧᬤᬶᬤᬶᬳᬶᬮᬸᬯᬲ᭄ᬗᬮᬮᬸ᭞ᬢᬦ᭄ᬧᬓᬤᬂᬢᬦ᭄ᬧᬓᬦ᭄ᬢᬶ᭞ᬦᬫᬤᬸᬳ᭄ᬓᬧᬤᬶᬤᬶᬬᬦ᭄᭞ᬳᭂᬜᬾᬦ᭄ᬳᬦᬓᬾ ᬓᬯᬸᬓᬶᬦ᭄᭞ᬳᬚᬓ᭄ᬤᬶᬢᬸᬫᬧᬦᭂᬫᬦ᭄᭞ᬤᬾᬦᬶᬂᬢᭀᬗᭀᬲ᭄ᬲᬸᬳᬸᬂᬚ
ᬫ᭄ᬧᬶ᭟ᬢᬸᬯᬸᬄᬢᬸᬯᬸᬦᬾ ᬫᬦᬸᬢᬸᬕ᭄᭞ᬢᬸᬯᬸᬄᬩᬚᬂᬳᬶᬮᬂᬤᬤᬶ᭞ᬢᬸᬯᬦᬾᬗᬶᬮᬗᬂᬩᬚᬂ᭞ᬓ᭄ᬭᬡᬭᬕᬭᬸᬲᬓ᭄ᬤᬤᬶ᭞ᬳᬾᬯᬲᬭᬦ᭄ᬤᬸᬦᬶᬂᬳᬯᬓ᭄᭞ᬕᬸᬬᬸᬮ᭄ᬗᭂᬢᭀᬃᬢᬸᬦᬰᬓ᭄ᬢᬶ᭟ᬲᬓ᭄ᬢᬶᬭᬸᬧᬳᬶᬮᬂᬳᬜᬸᬤ᭄᭞ᬳ
ᬜᬸᬤ᭄ᬭᬸᬲᬓ᭄ᬧᬥᬮᬶᬮᬶᬄ᭞ᬳᬶᬤᬤᬦᬾᬲᬸᬩᬦᬯᬂ᭞ᬢᬸᬯᬩᬚᬂᬦᬫ᭄ᬧᬶᬫᬢᬶ᭞ᬓ᭄ᬭᬡᬚᬦᬶᬳᬧᬂᬢᬗᬃ᭞ᬫᬗ᭄ᬭᬓ᭄ᬱᬳᬶᬩᬸᬤ᭄ᬥᬶᬧᬮᬶᬂ᭟ᬳᬶᬫᬲ᭄ᬫᬡᬶᬓ᭄ᬢᬮᬶᬓᬸᬓᬸᬄ᭞ᬪ᭄ᬭᬡᬫᬵᬲ᭄ᬫᬡᬶᬓ᭄ᬓᬓᬮᬶᬄ᭞ᬲᭂᬓ
[᭗᭕ 75A]
ᬮᬯᬦ᭄ᬦᬶᬲ᭄ᬓᬮ᭞ᬪ᭄ᬭᬡᬳᭂᬗ᭄ᬓᬾᬦᬵᬲᭂᬧᭂᬮᬂᬚᬦᬶ᭞ᬫᬶᬯᬄᬳᭂᬗ᭄ᬓᬾᬦ᭄ᬧᬤᬵᬦᬬᬂ᭞ᬳᬗ᭄ᬕᭀᬦ᭄ᬩᭂᬓᭂᬮ᭄ᬓᭂᬫᬫᬳᬶ᭟ᬬᬤᬶᬦ᭄ᬗᭂᬮᬄᬪ᭄ᬭᬡᬮᬶᬬᬸ᭞ᬬᬦᬶᬂᬢ᭄ᬯᬭᬩᬶᬲᬗᬶᬲᬶ᭞ᬢᭀᬲᬶᬂᬧᬶᬲᬦ᭄ᬫᬜᬶᬤ᭄ᬥᬬᬂ᭞ᬜᬧᬸᬳᬂ
ᬳᬶᬮᬭᬲᬓᬶᬢ᭄᭞ᬪ᭄ᬭᬡᬫᬕᬸᬡᬲᭂᬓᬮ᭞ᬤᬶᬦᬶᬲ᭄ᬓᬮᬢᬦ᭄ᬧᬳᬚᬶ᭟ᬢ᭄ᬯᬭᬮᬦᬢ᭄ᬯᬭᬓᬸᬓᬸᬄ᭟ᬳᬶᬪ᭄ᬭᬡᬫ᭄ᬯᬄᬭᬸᬧᬩᭂᬘᬶᬓ᭄᭞ᬬᬤᬶᬦ᭄ᬳᬕᬸᬂᬲᬸᬓᬵᬩᬸᬗᬄ᭞ᬧᬶᬢᬸᬯᬶᬦᬾ ᬲᬗ᭄ᬳ᭄ᬬᬂᬳᬸᬭᬶᬧ᭄᭞ᬓᬢᭂᬓᬾᬂᬲᬸᬓᬵ
ᬲᬂᬕᬫ᭞ᬢ᭄ᬯᬭᬢᭂᬳᭂᬃᬦᬸᬗ᭄ᬕᬸᬤᬶᬦᬶ᭟ᬫᬓ᭄ᬭᬡᬲᬂᬯᬶᬓᬸᬧᬸᬢᬸᬲ᭄᭞ᬓᬸᬭᬂᬧᬶᬢᭂᬍᬩ᭄ᬗᬲ᭄ᬢᬶᬢᬶ᭞ᬭᬶᬂᬕᬸᬡᬲᬸᬓᬵᬯᬶᬪᬯ᭞ᬢ᭄ᬯᬭᬲᬬᬂᬢᭂᬓᬾᬦ᭄ᬲᬸᬕᬶᬄ᭞ᬢ᭄ᬯᬭᬗᬾᬫᬦ᭄ᬳᬶᬧ᭄ᬭᬫᬡ᭞ᬲᬦ᭄ᬢᭀᬱᬳᬶᬤᬫᬫᬃᬕ᭄ᬕᬶ᭞
ᬳᭂᬤᬳᬫ᭄ᬧᬄᬳᭂᬤᬳᬚᬸᬫ᭄᭞ᬫᬜᭂᬗ᭄ᬕᬸᬳᬂᬢ᭄ᬯᬭᬫᬢᬶ᭞ᬫᬜᭂᬗ᭄ᬕᬸᬳᬂᬢᬦ᭄ᬲᭂᬗ᭄ᬓᬮ᭞ᬫᬶᬯᬄᬢ᭄ᬯᬭᬓᬤᬾᬦ᭄ᬲᬓᬶᬢ᭄᭞ᬲᬸᬕᬶᬄᬓᬤᬾᬦ᭄ᬢ᭄ᬯᬭᬢᬶᬯᬲ᭄᭞ᬲᭂᬗ᭄ᬕᬸᬄᬮᬶᬜᭀᬓ᭄ᬫᬓᬲᬫᬶ᭟ᬲᬓᬶᬂᬳᬗᭀᬩ᭄ᬫᬶ
Kaca:Bali-lontar-gaguritan-paparikan-sarasamuscaya-300ppi.pdf/75
Kaca puniki sampun kauji-wacén
