[᭗᭕ 75B]
᭗᭕
ᬯᬄᬢᬓᬸᬢ᭄᭞ᬲᬓ᭄ᬱᬢ᭄ᬧᬗᬸᬢ᭄ᬕᬸᬢ᭄ᬳᬶᬖᭂᬦᬶ᭞ᬫᬶᬯᬄᬫᬸᬲᬸᬄᬭᬘᬸᬦ᭄ᬯᬶᬱ᭄ᬬ᭞ᬧᬢᭂᬮᬦ᭄ᬧᬘᬂᬜᬓᬶᬢᬶᬦ᭄᭞ᬧᬫᬸᬧᬸᬢ᭄ᬦᬾ ᬫᬲᬶᬄᬢᭂᬮᬄ᭞ᬓ᭄ᬭᬡᬫᬢᬗᬭᬦ᭄ᬳᬸᬕᬶ᭟ᬲᬂᬧᬡ᭄ᬥᬶᬢᬢ᭄ᬯᬭᬘᬸᬫ᭄ᬧᬸ᭞ᬫᬦᬸᬗ᭄ᬕᬮ᭄ᬭᬶᬂ
ᬳᬦᬓ᭄ᬳᬶᬲ᭄ᬢ᭄ᬭᬶ᭞ᬭᬢᬸᬲᬃᬧ᭄ᬧᬯᬶᬤ᭄ᬬᬪ᭄ᬬᬱ᭞ᬜᬾᬯᬓᬭᬶᬂᬰᬢ᭄ᬭᬸᬰᬓ᭄ᬢᬶ᭞ᬢ᭄ᬯᬭᬧᬕᭂᬄᬓᬲᬫ᭄ᬩ᭄ᬭᬫ᭞ᬤᬾᬦᬶᬂᬫᬫᬦᭂᬲᬶᬦ᭄ᬳᬸᬭᬶᬧ᭄᭟ᬭᬸᬧᬦᬶᬂᬳᬶᬚᬦ᭄ᬫᬳᬶᬤᬸᬧ᭄᭞ᬓᬢᬸᬢᬸᬕ᭄ᬩᬦ᭄ᬲᬃᬯ᭄ᬯᬲᬓᬶᬢ᭄᭞ᬢᬸᬳᬲᭂᬩᭂᬢ᭄᭞
ᬫ᭄ᬯᬄᬤᬸᬄᬓᬶᬢ᭞ᬯᬶᬭᬾᬄᬲᬓᬶᬂᬲᬸᬓᬲᬫᬶ᭞ᬦᬾ ᬢ᭄ᬯᬭᬜᬦ᭄ᬤᬂᬲᬸᬓᬬᬂ᭞ᬩᬓᬢ᭄ᬍᬕᬬᬂᬲᬲᬳᬶ᭟ᬳᬶᬮᬶᬂᬲᬂᬧᬵᬦ᭄ᬥᬶᬢᬧᬸᬢᬸᬲ᭄᭞ᬭᬶᬂᬓᬢᬢ᭄ᬯᬦ᭄ᬲ᭄ᬯᬃᬕ᭄ᬕᬲᬫᬶ᭞ᬫᬶᬯᬄᬳᬶᬦ᭄ᬤᬶᬓ᭄ᬫᬥ᭄ᬬᬧᬤ᭞ᬳᭂᬦ᭄ᬢᭀᬢ᭄ᬯᬭᬲᬸ
ᬓᬲᬫᬶ᭞ᬓ᭄ᬭᬡᬳᬶᬤᬫᬫ᭄ᬯᬢᬂ᭞ᬫᬸᬓ᭄ᬱᬫᬃᬕ᭄ᬕᬦᬾ ᬓᬧᭂᬭᬶᬄ᭟ᬳᬸᬭᬶᬧ᭄ᬰᬭᬶᬭᬫᬤᬸᬮᬸᬃ᭞ᬳᬮᬳᬬᬸᬩᬋᬂᬲᬳᬶ᭞ᬓ᭄ᬭᬡ᭄ᬳᬳᬤᬳᬶᬰᬭᬶᬭ᭞ᬲᬗ᭄ᬳ᭄ᬬᬂᬳᬸᬭᬶᬧ᭄ᬫᬶᬓᬸᬓᬸᬳᬶᬦ᭄᭞ᬧᬫᬕᭂᬄᬳᬸᬭᬶᬧ᭄ᬰᬭᬶᬭᬫᬓ
[᭗᭖ 76A]
ᬤᬤ᭄ᬯᬲᬮᬶᬂᬢᬶᬦ᭄ᬤᬶᬄ᭟ᬧᭂᬲᬸᬳᬸᬭᬶᬧ᭄ᬤᬾᬯᬾᬓ᭄ᬧᭂᬲᬸ᭞ᬬᬦᬶᬂᬳᬶᬰᬭᬶᬭᬫᬢᬶ᭞ᬳᬸᬭᬶᬧᬾ ᬬᬲᬶᬦᬄᬳᬶᬮᬂ᭞ᬫᬓᬤᬤ᭄ᬯᬩᬋᬂᬫᬢᬶ᭞ᬲᬮᬄᬢᬸᬗ᭄ᬕᬮ᭄ᬢ᭄ᬯᬭᬓᭂᬘᬕ᭄᭞ᬧᬥᬫᬦᬸᬢᬸᬕ᭄ᬫᬕᭂᬤᬶ᭟ᬧᬕᬦᬾ ᬳᬮᬳᬬᬸ᭞ᬳᬶᬰᬭᬶᬭ
ᬫᬦᬲᬭᬶᬦ᭄᭞ᬳᭂᬦ᭄ᬢᭀᬓ᭄ᬭᬡᬳᬶᬰᬭᬶᬭ᭞ᬭᬶᬯᭂᬓᬲ᭄ᬧᬘᬂᬫᬫᬸᬓ᭄ᬢᬶ᭞ᬰᬭᬶᬭᬦ᭄ᬢᬮᬶᬦ᭄ᬲᬂᬰᬭ᭞ᬳᬲᬶᬂᬲᬸᬓᬤᬸᬄᬓᬢᬫ᭄ᬧᬶ᭟ᬳᬓᬾᬢᭀᬳᬶᬚᬦ᭄ᬫᬢᬸᬫ᭄ᬩᬸᬄ᭞ᬓᬢᬶᬢᬄᬩᬳᬦ᭄ᬲᬃᬯ᭄ᬯᬲᬓᬶᬢ᭄᭞ᬲᬂᬰᬭᬳᬕᬸᬂᬓᬢᬫ᭞
ᬳᭂᬤᬳᬫ᭄ᬧᬄᬩᬸᬓᬚᬦᬶ᭞ᬋᬕᭂᬧᬂᬳᬶᬫᭀᬓ᭄ᬱᬫᬃᬕ᭄ᬕ᭞ᬯᬶᬭᬾᬄᬳᭂᬦ᭄ᬢᭀᬲᬸᬓᬵᬳᬚᬵᬢᬶ᭟ᬤᬤ᭄ᬯᬳᬶᬫᬃᬕ᭄ᬕᬧᬶᬢᬸᬳᬸ᭞ᬳᬤᬧᬶᬢ᭄ᬭᬬᬡᬍᬯᬶᬄ᭞ᬩᬸᬯᬶᬦ᭄ᬳᬤᬤᬾᬯᬬᬦ᭞ᬲᬂᬕᬺᬳᬲ᭄ᬢᬗᬫᬃᬕ᭄ᬕᬶᬦᬶᬦ᭄᭞ᬭᬶᬂᬧᬶᬢ᭄ᬭᬬᬡᬳᬶᬦᬸ
ᬘᬧ᭄᭞ᬯᬶᬭᬾᬄᬧᬜ᭄ᬘᬬᬚ᭄ᬜᬗᬯᬶᬢ᭄᭟ᬤᬾᬯᬬᬚ᭄ᬜᬓᬚᬸᬚᬸᬃ᭞ᬭᬶᬂᬲᬂᬦᬶᬲ᭄ᬢᬺᬱ᭄ᬡᬫᬓᬤᬶ᭞ᬭᬾᬄᬢᬢᬲ᭄ᬭᬶᬂᬧᬭᬶᬕ᭄ᬭᬳ᭞ᬫᬢᬶᬢᬶᬲ᭄ᬢᭀᬯᬄᬳᬩᭂᬲᬶᬓ᭄᭞ᬓ᭄ᬭᬡ᭄ᬳᬫᬗ᭄ᬕᬶᬄᬤᬾᬯᬬᬡ᭞ᬓᬢᬸᬳᬸᬢ᭄ᬳᬶᬫᬃᬕ᭄ᬕᬍᬯᬶᬄ᭟
Kaca:Bali-lontar-gaguritan-paparikan-sarasamuscaya-300ppi.pdf/76
Kaca puniki sampun kauji-wacén