[᭗᭖ 76B]
᭗᭖
ᬬᬦ᭄ᬧᬶᬢ᭄ᬭᬬᬡᬓᬢᬸᬳᬸᬢ᭄᭞ᬫᬜᬮᬦᬂᬢᬧᬵᬗᬸᬦᬶ᭞ᬢᬧᬦᬶᬂᬬᬫᬦᬶᬬᬫ᭞ᬲᬶᬱ᭄ᬝᬘᬵᬭᬩ᭄ᬭᬢᬍᬯᬶᬄ᭞ᬳᭂᬦ᭄ᬢᭀᬓ᭄ᬭᬡᬫᬗ᭄ᬕᬶᬄᬲ᭄ᬯᬃᬕ᭄ᬕ᭞ᬦᬗᬶᬂᬫᬦᬸᬫᬶᬢᬶᬲ᭄ᬩᬸᬯᬶᬦ᭄᭟ᬬᬦ᭄ᬓᬫᭀᬓ᭄ᬱᬦᬾ ᬭᬸᬭᬸᬄ᭞ᬢ᭄ᬯᬭᬩᬸᬯᬶ
ᬦ᭄ᬫᬦᬸᬫᬶᬢᬶᬲ᭄᭞ᬢᬦ᭄ᬓᬢᬫᬦ᭄ᬲᬸᬓᬤᬸᬳ᭄ᬓ᭞ᬢᬦ᭄ᬓᭂᬦᬭᬶᬂᬢᬸᬳᬧᬢᬶ᭞ᬓᬾᬢᭀᬧᬫ᭄ᬭᬶᬳᬾᬲᬂᬧ᭄ᬭᬚ᭄ᬜᬦ᭄᭞ᬦᬗ᭄ᬳᬶᬂᬲᭂᬗ᭄ᬓᬲᬂᬫᬫᬗ᭄ᬕᬶᬄ᭟ᬓᬾᬦᬾ ᬤᬸᬄᬓᬶᬢᬦᬾ ᬢᭂᬧᬸᬓ᭄᭞ᬬᬦ᭄ᬢᬶᬩᬤᬶᬲ᭄ᬯᬃᬕ᭄ᬕᬕᬸᬫᬶ᭞ᬬᬦᬶᬂᬲᬸᬩᬓᬦ᭄ᬢᬶᬢᭂ
ᬮᬄ᭞ᬨᬮᬓᬃᬫ᭄ᬫᬦᬾ ᬓᬪᬸᬓ᭄ᬢᬶ᭞ᬤᬶᬢᬸᬤᬶᬲ᭄ᬯᬃᬕ᭄ᬕᬪᬸᬯᬦ᭞ᬲᬶᬦᬄᬫᬦᬸᬫᬶᬢᬶᬲ᭄ᬩᬸᬯᬶᬦ᭄᭟ᬳᬸᬧᬫᬶᬳᬶᬲᭂᬓᬃᬳᬮᬸᬫ᭄᭞ᬲᬶᬦᬄᬳᬮᬲ᭄ᬳᬸᬮᬸᬃᬲᬫᬶ᭞ᬫᬗ᭄ᬮᬯᬸᬢ᭄ᬓᬲᬸᬭᬮᭀᬓ᭞ᬤᬶᬢᬸᬲᭂᬩᭂᬢᬾ ᬦᬾ ᬓᬧᬗ᭄ᬕᬶᬄ᭞ᬫᬗ᭄ᬭ
ᬭᬶᬲ᭄ᬓᬩ᭄ᬭᬳ᭄ᬫᬮᭀᬓ᭞ᬢᬍᬃᬤᬸᬳ᭄ᬓᬶᬢᬦᬾ ᬢᬫ᭄ᬧᬶ᭟ᬓᬫᬥ᭄ᬬᬧᬥᬢᬸᬫᬸᬭᬸᬦ᭄᭞ᬤᬸᬄᬓᬶᬢᬳᬕᬸᬂᬓᬢᬫ᭄ᬧᬶ᭞ᬫᬗ᭄ᬕᬯᬾᬦᬶᬂᬚᭂᬚᭂᬄᬫᬦᬄ᭞ᬫᬸᬲᬸᬄᬢᬦ᭄ᬓᭂᬦᬾᬂᬯᬶᬮᬗᬶᬦ᭄᭞ᬬᬦ᭄ᬢᬸᬫ᭄ᬩᬸᬄᬤᬤᬶᬫᬦᬸᬱ᭞ᬧᬶᬢᬸᬯᬶᬓ
[᭗᭗ 77A]
ᬳᬸᬘᬧ᭄ᬩᭂᬘᬶᬓ᭄᭟ᬤᬶᬲ᭄ᬯᬃᬕ᭄ᬕᬮᭀᬓᬓᬢᭂᬧᬸᬓ᭄᭞ᬤᬸᬄᬓᬶᬢᬧᬘᬂᬦᬸᬫᬶᬢᬶᬲ᭄᭞ᬬᬦᬶᬂᬤᬶᬓᬯᬳᬾ ᬓᭀᬘᬧ᭄᭞ᬢᬦ᭄ᬜᬦ᭄ᬤᬂᬳᬸᬘᬧᬂᬫᬮᬶᬄ᭞ᬤᬸᬄᬓᬶᬢᬦᬾ ᬲᬦᬾ ᬢᬫ᭞ᬧᬶᬤᭂᬡ᭄ᬥᬦ᭄ᬲᬂᬬᬫᬧᬢᬶ᭟ᬓᬲᬸᬯᬾ
ᬦ᭄ᬲᬂᬰᬭᬤᬶᬢᬸ᭞ᬓᬢᬸᬤᬸᬄᬧ᭄ᬭᬬᬦᬸᬫᬶᬢᬶᬲ᭄᭞ᬫᬦᬤᬶᬲᬃᬯ᭄ᬯᬢᬶᬃᬬᬓ᭄᭞ᬲᬃᬯ᭄ᬯᬧᬰᬸᬚᬭᬦ᭄ᬲᬫ᭄ᬧᬶ᭞ᬲᬃᬯ᭄ᬯᬓᬳᬫᬄᬩᬦ᭄ᬢᬶᬫ᭄ᬧᬮ᭄᭞ᬫᬶᬯᬄᬕᬸᬫᬢᬢ᭄ᬕᬸᬫᬶᬢᬶᬢ᭄᭟ᬓᬾᬢᭀᬤᬸᬳ᭄ᬓᬶᬢᬦᬾ ᬢᭂᬧᬸᬓ᭄᭞ᬤᬶᬢᬸ
ᬤᬶᬓᬯᬄᬬᬫᬦᬶ᭞ᬢᬶᬦ᭄ᬤᬶᬄᬓᬢᬶᬦ᭄ᬤᬶᬄᬲᬂᬰᬭ᭞ᬳᭂᬦ᭄ᬢᭀᬤᬤᬶᬲᬃᬯ᭄ᬯᬬᭀᬦᬶ᭞ᬫᬦᬸᬢᬸᬕ᭄ᬓᬫᬺᬘ᭄ᬙᬧᬤ᭞ᬧᭂᬲᬸᬲᭀᬮᬄᬤᬕᬤᬶᬕᬶ᭟ᬤᬤᬶᬚᬦ᭄ᬫᬮᬶᬯᬢ᭄ᬢᬸᬬᬸᬄ᭞ᬧᬲᭂᬫᭂᬗᬦ᭄ᬲᬸᬩᬲᬓᬶᬢ᭄᭞ᬫᭂᬚᬸᬫᬜᬸᬄᬫ
ᬜᬗ᭄ᬲᬭ᭞ᬢᭂᬗᬳᬶᬦᭀᬲᬓᬶᬢ᭄᭞ᬩᬸᬯᬶᬦ᭄᭞ᬓᬕᭂᬩᬸᬕ᭄ᬩᬦ᭄ᬩᭂᬥᬓ᭄ᬮᬬᬄ᭞ᬫᬳᬦ᭄ᬲᬗᬸᬫᬭᬩᭂᬲᬶᬓ᭄᭟ᬳᭂᬗ᭄ᬲᭂᬩ᭄ᬲᬹᬃᬬ᭄ᬬᬲᭀᬭᬾᬜᬮᬸᬓ᭄᭞ᬫᬢᬓᬶᬬᬧ᭄ᬫᬜᬓᬶᬢᬶᬦ᭄᭞ᬩᬸᬯᬶᬦ᭄ᬮᬶᬬᬸᬳᬶᬕᬕᭀᬤᬦ᭄᭞
Kaca:Bali-lontar-gaguritan-paparikan-sarasamuscaya-300ppi.pdf/77
Kaca puniki sampun kauji-wacén
