[᭗᭗ 77B]
᭗᭗
ᬳᬶᬦ᭄ᬤ᭄ᬭᬶᬬᬢᬺᬱ᭄ᬡᬜᬓᬶᬢᬶᬦ᭄᭞ᬫᬓᭂᬚᬂᬫᬦᬕᬶᬄᬍᬕ᭞ᬦᬾᬫᭂᬦ᭄ᬢᬶᬓ᭄ᬤᬶᬳᬯᬓ᭄ᬱᬫᬶ᭟ᬮᬶᬬᬸᬲᬂᬰᬭᬦᬾ ᬢᬸᬫ᭄ᬩᬸᬄ᭞ᬫᭂᬦ᭄ᬢᬶᬓ᭄ᬓᬫᬵᬦᬸᬱᬦ᭄ᬤᬶᬦᬶ᭞ᬫᬓ᭄ᬭᬡᬚᬦᬶᬳᭂᬦ᭄ᬢᬲᬂ᭞ᬳᬧᬂᬳᭂᬤᬦᬫᬲᬓᬶᬢ᭄᭞ᬤᬾᬦᬶᬂᬳᭂᬦᬾ
ᬢ᭄ᬯᬄᬳᬶᬳᬯᬓ᭄᭞ᬫᬯᬓ᭄ᬫᬶᬢ᭄ᬭᬰᬢ᭄ᬭᬸᬲᬓ᭄ᬢᬶ᭟ᬓᬶᬦ᭄ᬓᬶᬦᬂᬫᬗᭂᬢᬹᬢ᭄ᬳᬬᬸ᭞ᬳᬶᬓᬫᭀᬓ᭄ᬱᬦ᭄ᬭᬸᬭᬸᬄᬳᬮᬶᬄ᭞ᬬᬦ᭄ᬳᬯᬓ᭄ᬢ᭄ᬯᬭᬢᬺᬱ᭄ᬡ᭞ᬢᭂᬓᬾᬦ᭄ᬳᬯᬓ᭄ᬩᬸᬓᬚᬦᬶ᭞ᬢᭀᬓᬸᬤ᭄ᬬᬂᬫᬦᭂᬫᬸᬫᭂᬮᬄ᭞ᬳᬶᬗᬦᬶᬦ᭄ᬫᬦᬫ᭄ᬧᬶᬧᭂᬜᬓᬶᬢ᭄
ᬢᬦ᭄ᬳᬸᬭᬸᬂᬳᬶᬩᬸᬤ᭄ᬥᬶᬮᬘᬸᬃ᭞ᬦᬫ᭄ᬧᬶᬲᬂᬰᬭᬳᬸᬕᬶ᭞ᬬᬦ᭄ᬳᬧᬫᬗ᭄ᬭᬓᭂᬢᬂ᭞ᬫᬮᬦ᭄ᬳᬶᬦ᭄ᬤ᭄ᬭᬶᬬᬫᬗ᭄ᬮᬶᬮᬶᬢ᭄᭞ᬲᬶᬦᬄᬲᬂᬰᬭᬳᬶᬫᬦᬄ᭞ᬧᬤᬍᬫ᭄ᬬᬓᬸᬤᬚᬦᬶ᭟ᬬᬦ᭄ᬳᬶᬦ᭄ᬤ᭄ᬭᬶᬬᬢ᭄ᬯᬭᬗᬸᬢ᭄ᬕᬸᬢ᭄᭞ᬳᬶᬮᬂᬢ᭄ᬯᬭᬫᬜᬓᬶ
ᬢᬶᬦ᭄᭞ᬤᬶᬚᬢᭀᬗᭀᬲᬾ ᬲᭂᬗ᭄ᬓᬮ᭞ᬲᬸᬩᬫᬗ᭄ᬮᬶᬯᬢᬶᬦ᭄ᬧᬲᬶᬄ᭞ᬳᬾᬮᬄᬫᬦᬫ᭄ᬧᬶᬓᬫᭀᬓ᭄ᬱᬦ᭄᭞ᬳᬶᬓᬫᭀᬓ᭄ᬱᬦ᭄ᬚᬦᬶᬢᬶᬦ᭄ᬤᬶᬄ᭟ᬳᬶᬧᬸᬗ᭄ᬕᬸᬂᬢ᭄ᬯᬄᬲᬢ᭄ᬭᬸᬯᬶᬪᬸᬄ᭞ᬰᬓ᭄ᬢᬶᬢᭀᬂᬳᬤᬫᬤᬦᬶᬦ᭄᭞ᬲᬶᬦᬄ
[᭗᭘ 78A]
ᬧᬘᬂᬫᬗ᭄ᬕᬸᬄᬭᬸᬲᬓ᭄᭞ᬬᬦᬶᬂᬳᬶᬧᬸᬗ᭄ᬕᬸᬂᬫᬗ᭄ᬮᬶᬮᬶᬢ᭄᭞ᬳᬲᬶᬂᬕᬯᬾᬤᬤᬶᬲᬲᬃ᭞ᬢᬦ᭄ᬭᬳᬬᬸᬳᬲᬶᬂᬓᬃᬤ᭄ᬥᬶ᭟ᬓ᭄ᬭᬡᬲᬸᬓᬤᬸᬄᬓᬢᭂᬧᬸᬓ᭄᭞ᬲᬓᬶᬂᬧᬸᬗ᭄ᬕᬸᬂᬫᬗ᭄ᬭᬯᬸᬳᬶᬦ᭄᭞ᬳᬶᬧᬸᬗ᭄ᬕᬸᬂᬫᬦᬗ᭄ᬓᬦ᭄ᬮᭀᬩ᭞ᬳᬶᬮᭀᬪᬧᬸᬗ᭄ᬕᬸᬂᬤᬤᬶ᭞ᬳᬶᬧᬸᬗ᭄ᬕᬸᬂ
ᬢ᭄ᬯᬄᬫᬗ᭄ᬭᬡᬬᬂ᭞ᬲᬂᬰᬭᬳᬕᬸᬂᬓᬢᬫ᭄ᬧᬶ᭟ᬓ᭄ᬭᬡᬳᭂᬤᬳᬫ᭄ᬧᬄᬧᬸᬗ᭄ᬕᬸᬂ᭞ᬢᬢᬲᬂᬤᭀᬱᬦᬾ ᬚᬦᬶ᭞ᬓᬯᬗᬸᬦ᭄ᬩᬳᬦ᭄ᬳᬶᬮᭀᬩ᭞ᬫᬶᬯᬄᬲᬂᬳᬚ᭄ᬜᬦᬧᭂᬮᬶᬄ᭞ᬩᬸᬤ᭄ᬥᬶᬳᬗ᭄ᬓᬭᬫᬓ᭄ᬭᬡ᭞ᬢ᭄ᬯᬭᬗᬤᬾᬦ᭄ᬳᬯᬓ᭄ᬧᭂᬮᬶᬄ᭟
ᬜᬾᬦ᭄ᬦᬸᬫᬶᬢᬶᬲ᭄ᬫᬳᬶᬢᬸᬫ᭄ᬩᬸᬄ᭞ᬓ᭄ᬭᬡᬦᭂᬫᬸᬩᬸᬓᬚᬦᬶ᭞ᬳᭂᬦ᭄ᬢᭀᬢ᭄ᬯᬭᬚᬓᬢᬯᬂ᭞ᬧᬕᭂᬄᬧᬕᬯᬾᬦᬾ ᬗᬸᬦᬶ᭞ᬫᬜᭂᬮ᭄ᬲᭂᬮᬂᬧᬸᬭᬓᭂᬃᬢ᭄ᬢ᭞ᬲᬓᬶᬂᬧᬸᬗ᭄ᬕᬸᬂᬭᬯᬸᬄᬲᬫᬶ᭟ᬭᬭ᭄ᬬᬦᬂᬳᬸᬕᬶᬳᬶᬧᬸᬗ᭄ᬕᬸᬂ᭞ᬳᭂᬤ᭄ᬳᬧᬶᬲᬦ᭄ᬫᬗᬃᬤ᭄ᬥᬶᬦᬶᬦ᭄᭞ᬳᬯᬓ᭄ᬮ
ᬘᬸᬃᬧᬢᬶᬍᬲᬂ᭞ᬧᬕᬯᬾᬦᬾ ᬮᬶᬬᬸᬧᭂᬮᬶᬄ᭞ᬳᭂᬤᬗᬤᬾᬦ᭄ᬢ᭄ᬯᬭᬤᭀᬱ᭞ᬓ᭄ᬭᬡᬦᬥᬓ᭄ᬦᬥᬓ᭄ᬢᬫ᭄ᬧᬶ᭟ᬳᭂᬦ᭄ᬢᭀᬢ᭄ᬯᬄᬳᬶᬲᭀᬮᬄᬧᬸᬗ᭄ᬕᬸᬂ᭞ᬜᬦ᭄ᬤᬂᬚᬦᬶᬧᬕᬯᬾᬦᬶᬦ᭄᭞ᬳᬶᬧ᭄ᬭᬚ᭄ᬜᬦ᭄ᬳᬗ᭄ᬕᭀᬦ᭄ᬲᬥᬦ᭞ᬢᬸᬢᬸᬢ᭄ᬧᬵᬢᬹ
Kaca:Bali-lontar-gaguritan-paparikan-sarasamuscaya-300ppi.pdf/78
Kaca puniki sampun kauji-wacén
