[᭗᭘ 78B]
᭗᭘
ᬢ᭄ᬧ᭄ᬭᬚ᭄ᬜᬦ᭄ᬚᬢᬶ᭞ᬳᬸᬢ᭄ᬢᬫᬢᬦ᭄ᬧᬢᬦ᭄ᬤᬶᬗᬦ᭄᭞ᬧ᭄ᬭᬚ᭄ᬜᬦ᭄ᬭᬶᬂᬢᬢ᭄ᬯᬦᬾ ᬍᬯᬶᬄ᭟ᬲᬂᬧᬵᬡ᭄ᬥᬶᬢᬧ᭄ᬭᬚ᭄ᬜᬦ᭄ᬧᬸᬢᬸᬲ᭄᭞ᬲᬶᬤ᭄ᬥᬗᭂᬦ᭄ᬢᬲ᭄ᬚᬦ᭄ᬫᬲᬫᬶ᭞ᬓᬤᬶᬳᬦ᭄ᬤᬾᬳᬶᬩᬡ᭄ᬥᬾᬕ᭞ᬲᬶᬤ᭄ᬥᬫᬗᭂᬮᬶᬦ᭄ᬢᬂᬧᬲᬶᬄ᭞ᬫᬰ᭄ᬭᬡᬩᬦ᭄ᬧ᭄ᬭᬳᬸᬓ
ᬨᬮ᭞ᬓᬯᬗᬸᬦ᭄ᬩᬦ᭄ᬧ᭄ᬭᬚ᭄ᬜᬜ᭄ᬚᬢᬶ᭟ᬬᬦᬶᬂᬗᬩᬲᭀᬮᬄᬧᬸᬗ᭄ᬕᬸᬂ᭞ᬢᬦ᭄ᬫᬫᭂᬓᭂᬮᬂᬧ᭄ᬭᬚ᭄ᬜᬜ᭄ᬚᬢᬶ᭞ᬢᭀᬓᬾᬦ᭄ᬓᬾᬦᬂᬧᬘᬂᬮᬶᬯᬢ᭄᭞ᬫᬮᬬᬃᬲᬚ᭄ᬭᭀᬦᬶᬂᬧᬲᬶᬄ᭞ᬧᬲᬶᬄᬤᬍᬫ᭄ᬢᬸᬭᬶᬂᬮᬶᬗ᭄ᬕᬄ᭞ᬲᬶᬦᬄᬓᬍᬩᬸᬭᬶᬂᬧᬲᬶᬄ᭟ᬲᬓ᭄ᬱᬢ᭄ᬳᬸᬮ
ᬫ᭄ᬳᬮᬶᬢ᭄ᬮᬶᬬᬸ᭞ᬮᬸᬯᬲ᭄ᬜᬦᬾᬧᬤᬶᬤᬶᬬᬦ᭄᭞ᬲᬶᬦᬄᬧᬘᬂᬫᬗ᭄ᬕᬶᬄᬪᬬ᭞ᬳᬶᬧᬸᬗ᭄ᬕᬸᬂᬓᬾᬢᭀᬳᬸᬧᬫᬶ᭞ᬲᬂᬰᬭᬳᬕᬸᬂᬳᬶᬦᬫ᭞ᬳᬲᬶᬂᬮᬸᬯᬲ᭄ᬲᭂᬗ᭄ᬓᬧᬗ᭄ᬕᬶᬄ᭟ᬫᬮᬶᬄᬲᬢ᭄ᬯᬬᬂᬳᬶᬧᬸᬗ᭄ᬕᬸᬂ᭞ᬲᬶᬦᬄᬫᬫᬗ᭄ᬕᬶᬄᬧ᭄ᬭᬶᬬᬢᬶᬦ᭄᭞ᬤᬾᬦᬵᬳᬶᬂᬳᬾ
ᬮᬶᬓᬾᬩᭂᬓᭂᬮᬂ᭞ᬲᬶᬦᬄᬳᬾᬮᬶᬓᬾ ᬓᬧᬗ᭄ᬕᬶᬄ᭞ᬬᬦ᭄ᬲᬸᬩᬩᭂᬮᬲ᭄ᬭᬶᬂᬲᭀᬫᬄ᭞ᬯᬶᬭᬾᬄᬳᬶᬧᬸᬗ᭄ᬕᬸᬂᬦᬲᬭᬶᬦ᭄᭟ᬮᬶᬬᬸᬓᬳᬸᬘᬧ᭄ᬤᬶᬢᬸᬢᬸᬃ᭞ᬧᬡ᭄ᬥᬾ ᬳᭂᬫᬲ᭄ᬬᬦ᭄ᬳᬸᬧᬫᬶ᭞ᬬᬦ᭄ᬫᬜᭂᬧᬸᬄᬲᬓᬶᬂᬳᬫ᭄ᬧᬄ᭞ᬗᭂᬓᭀᬄᬢᬶᬗ᭄ᬓ
[᭗᭙ 79A]
ᬫᬜᬗ᭄ᬮᬶᬂ᭞ᬢᭀᬓᬾᬦ᭄ᬓᬾᬦᬂᬤᬤᬶᬫᭂᬮᬄ᭞ᬲᬶᬦᬄᬢ᭄ᬯᬭᬳᭂᬜᬓ᭄ᬩᬺᬱᬶᬄ᭟ᬰᬭᬶᬭᬮ᭄ᬯᬶᬃᬳᭂᬫᬲ᭄ᬢᬸᬢᬸᬃ᭞ᬬᬦ᭄ᬲᬸᬩᬲᭂᬧᬸᬄᬳᬧᬶᬓᬶᬦ᭄᭞ᬢᬸᬭᬶᬂᬤᬤᬶᬧᬡ᭄ᬥᬾ ᬧ᭄ᬭᬚ᭄ᬜᬦ᭄᭞ᬲᬶᬦᬄᬗᭂᬮᬄᬳᬃᬘ᭄ᬙᬍᬯᬶᬄ᭞ᬳᬃᬘ᭄ᬙᬮᬸᬳᬸᬭᬶᬂᬳᬓ
ᬰ᭞ᬤᬾᬯᬦᬶᬂᬳᬤᬾᬯᬲᬸᬘᬶ᭟ᬳᬓᬾᬢᭀᬳᬸᬭᬶᬧᬾ ᬧᬢᬸᬄ᭞ᬬᬦ᭄ᬲᬸᬩᬲᬵᬳᬶᬩᬺᬱᬶᬳᬶᬦ᭄᭞ᬭᭀᬕᬤ᭄ᬯᬾᬱᬤᬤᬶᬳᬶᬮᬂ᭞ᬬᬢ᭄ᬦᬳᬶᬦ᭄ᬳᬸᬕᬶᬲᬂᬳᬸᬭᬶᬧ᭄᭞ᬲᬢᬸᬭᬸᬦᬦ᭄ᬤᬤᬶᬫᭂᬮᬄ᭞ᬢᬗᬭᬾ ᬫᬓ᭄ᬭᬡᬍᬯᬶᬄ᭟ᬲᬸᬓᬋ
ᬡᬩᬸᬤ᭄ᬥᬶᬫᬦ᭄ᬤᬸᬲ᭄᭞ᬢᭂᬍᬂᬢᬶᬗ᭄ᬓᬳᬾ ᬫᬩᬺᬱᬶᬄ᭞ᬫᬲᬶᬲᬶᬕ᭄ᬫᬵᬫ᭄ᬩᬸᬄᬲᬤᬶᬦ᭞ᬳᭂᬤᬳᬫ᭄ᬧᬄᬫᬶᬯᬄᬳᬾᬮᬶᬓ᭄᭞ᬫᬦᭂᬮᬳᬶᬦᬺᬕᭂᬤ᭄ᬳᬯᬓ᭄᭞ᬤᬾᬦᬶᬂᬋᬕᭂᬤ᭄ᬭᬯᬸᬄᬲᬳᬶ᭟ᬬᬦ᭄ᬍᬢᬸᬳᬾ ᬦᭂᬓᭂᬢ᭄ᬮᬶᬬᬸ᭞ᬭᬲᬲᬸᬓᬲᬳᬶᬲᬳᬶ
ᬤᬾᬦᬶᬂᬫᭀᬫᭀᬦᬾ ᬫᬓ᭄ᬭᬡ᭞ᬲᬸᬓᬫᬜᬮᬦᬂᬳᬾᬮᬶᬓ᭄᭞ᬓᬾᬯᭂᬄᬧᬘᬂᬫᬗᬶᬮᬗᬂ᭞ᬤᬾᬦᬶᬂᬫᬗᭂᬍᬕᬦᬶᬦ᭄ᬲᬫᬶ᭟ᬮᭀᬪᬳᬗ᭄ᬓᬭᬦᬾ ᬧᬵᬢᬹᬢ᭄᭞ᬫᬗ᭄ᬭᬦᬬᬂᬳᬬᬸᬲᬫᬶ᭞ᬳᭂᬦ᭄ᬢᭀᬢ᭄ᬯᬄᬫᬗ᭄ᬕᬯᬾ ᬍᬕ᭞ᬬᬦ᭄ᬓᬲᬶ
Kaca:Bali-lontar-gaguritan-paparikan-sarasamuscaya-300ppi.pdf/79
Kaca puniki sampun kauji-wacén
