[᭗ 7B]
᭗
ᬲᬗᬬᬸᬳᬗ᭄ᬕᬾᬦ᭄ᬗᭂᬦ᭄ᬢᭀᬲᬶᬦ᭄᭟ᬯᬶᬭᬾᬄᬳᬶᬤᬲᬗ᭄ᬳ᭄ᬬᬂᬓᬮ᭞ᬲᬃᬯ᭄ᬯᬲᬓᬶᬢ᭄ᬧᬸᬦᬶᬓᬫᬳᬗ᭄ᬕᬾᬮ᭄ᬰᬭᬝᬶ᭞ᬳᬸᬭᬶᬧᬾᬬᬲᬬᬦ᭄ᬳᭂᬦ᭄ᬤᬸᬓ᭄᭞ᬤᬾᬦᬵᬳᬶᬂᬓᬳᬸᬫᬤ᭄ᬲᬢᬢ᭞ᬳᭂᬦ᭄ᬢᭀᬓ᭄ᬭᬡ᭞ᬳᭂᬤᬳ
ᬫ᭄ᬧᬄᬗᭂᬢᬸᬢ᭄ᬳᬬᬸ᭞ᬯᬶᬭᬾᬄᬳᬬᬸᬦᬾ ᬫᬦᬵᬦ᭄ᬤᬦ᭄᭞ᬦᬦ᭄ᬤᬦᬶᬦ᭄ᬫᬗᬸᬗ᭄ᬲᬶᬍᬯᬶᬄ᭟ᬳᬶᬭᬭᬾᬜᬦ᭄ᬤᬂᬗᬶᬦ᭄ᬓᬶᬦᬂ᭞ᬫᬗᬯᬾᬦᬶᬦᬾᬭᬳᬬᬸᬧᬮᬧᬦᬶᬦ᭄᭞ᬲᬓᬶᬂᬘᭂᬭᬶᬓ᭄ᬗᬸᬮᬄᬳᬬᬸ᭞ᬳᬧᬂᬤᬚ᭄ᬯᬵᬓ
ᬲᬾᬧᬦ᭄᭞ᬯᬶᬭᬾᬄᬲᬶᬦᬄᬲᬗ᭄ᬳ᭄ᬬᬂᬳᬸᬭᬶᬧ᭄ᬘᬂᬫᬦ᭄ᬢᬸᬓ᭄᭞ᬫᬢᬶᬦᬾᬳᭂᬜᬾᬦ᭄ᬫᬦᬯᬂ᭞ᬫᬶᬯᬄᬳᭂᬜᬾᬦ᭄ᬫᬗᭀᬭᬳᬶᬦ᭄᭟ᬳᬶᬓᬤᬂᬯᬃᬕ᭄ᬕᬲᬓᬮ᭞ᬫᬦᬸᬕᬓᬂᬢᬺᬱ᭄ᬡᬦ᭄ᬜᬦᬾ ᬫᬓᬲᬫᬶ᭞ᬳᭀᬮᬲ᭄ᬮ
ᬲ᭄ᬬᬢᬺᬱ᭄ᬡᬦᬸᬢᬸᬕ᭄᭞ᬫᬦ᭄ᬢᬲ᭄ᬫᬦᭂᬓᭂᬤᬶᬲᭂᬫ᭞ᬳᭀᬮᬲ᭄ᬮᬮᬶᬲ᭄ᬫᭂᬓᭂᬮᬶᬦ᭄ᬩᬦ᭄ᬫᬦᬄᬲᬸᬗ᭄ᬲᬸᬢ᭄᭞ᬮᬶᬂᬳᬗ᭄ᬕᭀᬦ᭄ᬜᬦᬾᬢᬺᬱ᭄ᬡ᭞ᬤᬶᬓᬧᬦ᭄ᬫᬓ᭄ᬭᬡᬦ᭄ᬩᭂᬘᬶᬓ᭄᭟ᬫᬓ᭄ᬭᬡᬚᬦᬶᬩᭂᬘᬶᬓᬂ᭞ᬳᭂᬦ᭄ᬢᭀᬳ
[᭘ 8A]
ᬮᬶᬄᬳᬶᬓᬤᬂᬦᬾᬳᬚᬓ᭄ᬫᬢᬶ᭞ᬤᬾᬦᬶᬂᬳᭂᬳᬦ᭄ᬢᭀᬲᬶᬦᬄᬦᬸᬢᬸᬕ᭄᭞ᬲᭀᬮᬄᬳᬬᬸᬫᬶᬯᬄᬳᬮ᭞ᬳᬲᬶᬂᬧᬭᬦ᭄ᬫᬓᬓᬦ᭄ᬢᬶᬳᬲᬶᬂᬮᬓᬸ᭞ᬤᬤᬶᬓᬮᬤᬤᬶᬤᬾᬯ᭞ᬗᬩᬢᬶᬢᬄᬢᬸᬤᬸᬄᬯᬶᬤᬶ᭟ᬓᬾᬢᭀ
ᬢᬢ᭄ᬯᬦ᭄ᬳᬶᬓᬥᬂᬓᬵᬮᬫᬢᬶᬳᬯᬓᬾᬫᬓᬸᬢᬂᬤᬶᬦᬶ᭞ᬉᬢ᭄ᬢᬫᬦᬾᬢ᭄ᬯᬭᬳᭂᬦᬸ᭞ᬢᬦᬸᬭᬸᬂᬧᬬᬸᬫᬤᬕ᭄ᬮᬂ᭞ᬬᬦᬸᬧᬫᬧᬬᬸᬓ᭄ᬩᭂᬮᬄᬫᬗᬮᬸᬮᬸᬓ᭄᭞ᬓᬲᬸᬗ᭄ᬓᭂᬫᬶᬦ᭄ᬩᬦᬶᬓᬥᬂ᭞ᬳᬩᬺᬱᬶᬳᬶᬦ᭄ᬓᬩᬦ᭄ᬢᭂᬦᬶ
ᬦ᭄᭟ᬗᬦ᭄ᬢᬶᬤᬶᬦᬵᬧᬤᭂᬯᬲᬦ᭄ᬓᬳᬩᬾᬦᬂᬗᭀᬗᭀᬂᬪ᭄ᬭᬡᬢᬦᬶᬓᬶᬓᬶᬢ᭄᭞ᬓᬦ᭄ᬢᬶᬫᬕᬤᬾᬫᬢᬸᬗᬹ᭞ᬦᬸᬢᬸᬕ᭄ᬢᭂᬋᬱ᭄ᬡᬦ᭄ᬫᬓᬤᬂ᭞ᬫᬓᬯᬶᬢᬦ᭄ᬓ᭄ᬭᬡᬢᬭᬗᬶᬢᬂᬗᬶᬢᬸᬂ᭞ᬫᬜ
ᬮᬦᬂᬓᬧᬶᬢᬺᬱ᭄ᬡᬦ᭄᭞ᬢᬦᬸᬭᬸᬂᬓᬸᬫᬦ᭄ᬤᬂᬤᬤᬶ᭟ᬯᬶᬭᬾᬄᬳᬶᬥᭂᬧᬥᬕᬯᬂ᭞ᬢ᭄ᬯᬭᬗᭂᬮᬄᬢᬶᬢᬶᬮᬶᬂᬳᬶᬥᭂᬧᬾ ᬧᬮᬶᬂ᭞ᬳᬯᬓ᭄ᬩᭂᬮᭀᬕ᭄ᬫᬧᬶᬯ᭄ᬭᬸᬄ᭞ᬳᬶᬲᭂᬂᬫᬜᬓᬸᬧᬂᬮᬶᬫ᭞ᬮᬯᬸ
Kaca:Bali-lontar-gaguritan-paparikan-sarasamuscaya-300ppi.pdf/8
Kaca puniki sampun kauji-wacén
