[᭗᭙ 79B]
᭗᭙
ᬤ᭄ᬥᬦ᭄ᬩᬦ᭄ᬜᬮᬦᬶᬦ᭄᭞ᬓᬾᬢᭀᬳᬶᬥᭂᬧ᭄ᬬᬳᬶᬘᭀᬭᬄ᭞ᬦᬾ ᬳᬮᬓᬧᬶᬦᭂᬄᬩᭂᬘᬶᬓ᭄᭟ᬤᬶᬚᬗᬮᬶᬄᬳᬶᬥᭂᬧ᭄ᬧᬢᬸᬄ᭞ᬳᬶᬘᭀᬭᬄᬮᬯᬦ᭄ᬲᬂᬍᬯᬶᬄ᭞ᬍᬯᬶᬄᬲᬥᬸᬦᬾ ᬭᬶᬂᬚᬕᬢ᭄᭞ᬧᬥᬫᬪᬾᬤᬬᬦ᭄ᬲᬫᬶ᭞ᬤᬶᬦᬶᬳᬮ
ᬤᬶᬢᬸᬫᭂᬮᬄ᭞ᬦᬸᬭᬸᬢ᭄ᬤᬸᬃᬫᬗ᭄ᬕᬮᬲᬫᬶ᭟ᬤᬸᬃᬫ᭄ᬫ᭟ᬲᬮᬶᬦ᭄ᬢᭂᬫ᭄ᬩᬂᬳᬶᬤᬸᬃᬫ᭄ᬫᬚᬦᬶᬦᬸᬢᬸᬭᬂ᭞ᬓᬾᬦᬾ ᬓᬡ᭄ᬥᬦᬾ ᬚᬢᬶ᭞ᬬᬦ᭄ᬗᬶᬮᬗᬂᬓ᭄ᬭᭀᬥ᭞ᬳᭂᬤᬧᬢᬶᬭᬸᬗᬸᬭᬸᬗ᭄ᬯᬂ᭞ᬓ᭄ᬯᬢ᭄ᬦᬦ᭄ᬥᬂᬧᬦᭂᬲ᭄ᬳᭂᬢᬶᬲ᭄᭞ᬢᭀᬯᬄᬲᭂᬓᭂᬮᬦ᭄᭞ᬜ
ᬧᬸᬳᬂᬳᬶᬓ᭄ᬭᭀᬥᬲᬫᬶ᭟ᬬᬦ᭄ᬗᬶᬗᬗᬂᬫᬦᬳᬾ ᬦᬾᬦᬾ ᬓᬲ᭄ᬫᬭᬦ᭄᭞ᬳᭂᬦ᭄ᬢᭀᬳᬶᬧ᭄ᬭᬧᬜ᭄ᬘᬩᬸᬤ᭄ᬥᬶ᭞ᬳᬾᬗ᭄ᬕᬮᬂᬕᭂᬤᬶᬬᬂ᭞ᬳᭂᬤᬳᬸᬮᬢ᭄ᬦᬍᬓ᭄ᬢᭂᬓᬂ᭞ᬳᬲᬶᬂᬯᬃᬡ᭄ᬦᬫᬗ᭄ᬳ᭄ᬬᬸᬦ᭄ᬗ᭄ᬳ᭄ᬬᬸᬦᬶᬦ᭄᭞ᬳᭂᬤᬗᬶᬗᭂᬢᬂ᭞ᬫᬸᬜᬶᬧᬗ᭄ᬭᬸᬫ᭄ᬭᬸ
ᬫᬾ ᬚᬗᬶᬄ᭟ᬬᬦ᭄ᬗᬶᬮᬗᬂᬧᬦᬄᬮᭀᬪᬫ᭄ᬯᬄᬫᭀᬳ᭟ᬢᬦ᭄ᬲᬄᬲᬦ᭄ᬢᭀᬱᬳᬶᬩᬸᬤ᭄ᬥᬶ᭞ᬳᭂᬮᬲ᭄ᬢᭂᬓᬾᬦ᭄ᬪ᭄ᬭᬡᬤᬾᬦᬶᬂᬢᬢᬲ᭄ᬫᬦᬯᬂ᭞ᬓᬃᬫ᭄ᬫᬨᬮᬩᬸᬮᬓ᭄ᬩᬮᬶᬓ᭄᭞ᬕᬯᬾᬦᬾ ᬲᬸᬩ᭞ᬓ᭄ᬭᬡᬢᬶᬯᬲ᭄ᬫᬶᬯᬄᬲᬸᬕᬶᬄ᭟
[᭘᭐ 80A]
ᬬᬦ᭄ᬗᬶᬮᬗᬂᬲᬮ᭄ᬯᬶᬭᬶᬂᬫᬤᬦ᭄ᬯᬶᬱᬬ᭞ᬰᬩ᭄ᬤᬯᬃᬡ᭄ᬦᬫ᭄ᬯᬄᬯᬃᬡ᭄ᬦᬶ᭞ᬕᬦ᭄ᬤᬫ᭄ᬯᬄᬲᬧᬃᬱ᭞ᬲᬂᬯ᭄ᬭᬸᬄᬭᬶᬂᬢᬢ᭄ᬯᬢᬢ᭄ᬯ᭞ᬳᭂᬦ᭄ᬢᭀᬫᬗᬶᬮᬗᬂᬲ᭄ᬫᬳᬶ᭞ᬳᬶᬦ᭄ᬤ᭄ᬭᬶᬬᬯᬶᬱᬬ᭞ᬳᬶᬮᬂᬳᬜᬸᬤ᭄ᬢᬦ᭄ᬜᬓᬶᬢᬶᬦ᭄᭟ᬬᬦᬶᬂᬲᬸᬫ᭄ᬩᬃᬧᬫ᭄ᬭᬶᬳᬾᬩᬲ᭄ᬓᬮᬶ
ᬯᬢ᭄᭞ᬲᬗ᭄ᬳ᭄ᬬᬂᬯᬶᬥᬶᬜᬧᬸᬄᬲᬫᬶ᭞ᬬᬦᬶᬂᬲᬶᬤ᭄ᬥᬦᬶᬂᬬᭀᬕ᭞ᬩᬤᭀᬳᭀᬲᬾ ᬤᬤᬶᬳᬶᬮᬂ᭞ᬳᬶᬤᬲᬂᬧᬵᬡ᭄ᬥᬶᬢᬍᬯᬶᬄ᭞ᬲᬫᬶᬫᬦᬶᬢᬄ᭞ᬫᬗᬺᬢ᭄ᬲᬮ᭄ᬯᬶᬭᬶᬂᬩᬸᬤ᭄ᬥᬶ᭟ᬳᬶᬩ᭄ᬭᬓᬧᬓ᭄ᬕᭂᬫᭂᬲ᭄ᬢᭂᬓᬾᬦ᭄ᬳᬧᬳᬧ᭞
ᬓᬭᬸᬡᬳᭀᬮᬲ᭄ᬳᬲᬶᬄ᭞ᬬᭀᬕ᭄ᬬᬫᬗᬶᬮᬗᬂ᭞ᬳᬶᬗᭂᬢ᭄ᬢᭂᬓᬾᬦ᭄ᬳᬸᬭᬶᬧ᭄ᬢᬸᬗ᭄ᬕᬮ᭄᭞ᬳᬭᬶᬫ᭄ᬩᬯᬫᬶᬦᬓᬤᬶ᭞ᬲᬶᬦᬄᬫᬍᬘᬢ᭄᭞ᬲᬂᬪᬶᬫᬦᬵᬖᬩᬸᬤ᭄ᬥᬶ᭟ᬬᬦ᭄ᬩᬶᬮᬗᬂᬩᬸᬤ᭄ᬥᬶᬢᬺᬱ᭄ᬡᬦᬾ ᬲᬢᬢ᭞ᬲᬂᬧᬭᬶ
ᬦ᭄ᬢᭀᬲᬶᬂᬩᬸᬤ᭄ᬥᬶ᭞ᬳᭂᬦ᭄ᬢᭀᬢ᭄ᬯᬄᬜᬧᬸᬳᬂ᭞ᬲᬕᬸᬗᬶᬂᬩᬸᬤ᭄ᬥᬶᬢᬺᬱ᭄ᬡ᭞ᬳᬲᬶᬂᬧᬕᬯᬾᬦᬾ ᬩᭂᬘᬶᬓ᭄᭞ᬦᬾ ᬲᬸᬩᬮᬶᬯᬢ᭄᭞ᬫᬗ᭄ᬤᬓᬳᭂᬗ᭄ᬲᬧᬶᬦ᭄ᬲᬫᬶ᭟ᬩᬸᬤ᭄ᬥᬶᬓᭀᬫᭂᬤ᭄ᬍᬫᬄᬓᬭᬗ᭄ᬲᬸᬓᬦ᭄ᬢᬫᬄ᭞ᬳᭂᬦ᭄ᬢᭀ
Kaca:Bali-lontar-gaguritan-paparikan-sarasamuscaya-300ppi.pdf/80
Kaca puniki sampun kauji-wacén
