[᭘᭐ 80B]
᭘᭐
ᬳᬶᬮᬗᬂᬦᬾ ᬚᬦᬶ᭞ᬩᬳᬦ᭄ᬳᬶᬓᭀᬢ᭄ᬲᬳᬦ᭄᭞ᬳᬶᬭᬚᬄᬳᬸᬕᬶᬩᬗᬸᬦᬂ᭞ᬲᬭᬢᬂᬧᬶᬦᭂᬳᬂᬚᬦᬶ᭞ᬳᬧᬕᬸᬡᬦ᭞ᬓᬳᬸᬢᬸᬲ᭄ᬫᬳᬶᬦᬸᬫᬶᬢᬶᬲ᭄᭟ᬓᭂᬦᭂᬄᬳᬫ᭄ᬧᬄᬢ᭄ᬯᬭᬗᬸᬕᬸᬭᬶᬂᬦᬶᬲ᭄ᬓᬮ᭞ᬳᭂᬦ᭄ᬢᭀᬲᬧᬸᬳᬂ
ᬳᬸᬕᬶ᭞ᬩᬳᬦ᭄ᬓᬧ᭄ᬭᬘᬬᬦ᭄᭞ᬭᬶᬂᬫᬵᬬᬢᬢ᭄ᬯᬲᬹᬓ᭄ᬱ᭄ᬫ᭞ᬲᬫ᭄ᬬᬚ᭄ᬜᬡᬫᬜᬋᬗᬶᬦ᭄᭞ᬳᬧᬂᬢᭂᬍᬩᬂ᭞ᬮᬯᬢ᭄ᬳᬸᬧᬫᬦᬾ ᬲᬫᬶ᭟ᬬᬦ᭄ᬮᬲ᭄ᬬᬪᬶᬫᬦᬦ᭄ᬫᬦᬳᬾ ᬳᬶᬮᬂ᭞ᬚᬦᬧ᭄ᬭᬶᬬᬓᬯᬱ᭄ᬝᬦᬶᬦ᭄᭞
ᬓᬤᭂᬫᭂᬦᬶᬦ᭄ᬩᬵᬜ᭄ᬚᬕᬢ᭄᭞ᬬᬦ᭄ᬓᬲ᭄ᬫᬭᬦᬾ ᬳᬶᬮᬂ᭞ᬳᬸᬢ᭄ᬢᬫᬲᬸᬓᬓᬧᬗ᭄ᬕᬶᬄ᭞ᬢ᭄ᬯᬄᬳᬶᬲ᭄ᬫᬭ᭞ᬗᬩᬤᬸᬄᬓᬶᬢᬦᬾ ᬲᬫᬶ᭟ᬬᬦ᭄ᬳᬶᬓ᭄ᬭᭀᬥᬲᬶᬤ᭄ᬥᬩᬳᬦ᭄ᬫᬗᬶᬮᬗᬂ᭞ᬲᬶᬦᬄᬫᬶᬢ᭄ᬭᬦᬾ ᬓᬧᬗ᭄ᬕᬶᬄ᭞ᬳᬲᬶᬂᬰᬢ᭄ᬭᬸᬳᬶᬮᬂ᭞
ᬢ᭄ᬯᬭᬳᬤᬓᬲᬂᬰᬬᬦ᭄᭞ᬬᬦ᭄ᬳᬶᬮᬂᬳᬶᬢᬺᬱ᭄ᬡ᭄ᬳᬩᬸᬤ᭄ᬥᬶ᭞ᬕᬯᬾᬦᬾ ᬳᬾᬮᬄ᭞ᬢ᭄ᬯᬭᬳᬤᬫᬜᬦ᭄ᬢᬸᬮᬶᬦ᭄᭟ᬤᬤᬶᬫᬢᬶᬳᬶᬦ᭄ᬤ᭄ᬭᬶᬬᬦᬾ ᬧᬤ᭄ᬥᬫᬓᭂᬚᬂ᭞ᬬᬦ᭄ᬲᬸᬩᬢ᭄ᬯᬄᬫᬢᬶᬢᬶᬲ᭄᭞ᬳᬶᬯᬶᬱᬬᬲᭀᬯᬂ᭞
[᭘᭑ 81A]
ᬦᬶᬦᬸᬢᬶᬦ᭄ᬧᬕᬯᬾᬲᬚ᭞ᬗᬶᬭᬶᬂᬯᬘᬦᬦ᭄ᬲᬂᬮᬸᬯᬶᬄ᭞ᬲᬶᬤ᭄ᬥᬗᬶᬫ᭄ᬧᬲᬂ᭞ᬳᬲᬶᬂᬢᬦ᭄ᬧᬕᬸᬡᬲᬫᬶ᭟ᬳᭂᬤᬧᬶᬲᬦ᭄ᬗᬢᬶᬳᬢᬶᬦᬾ ᬢ᭄ᬯᬭᬳᬤ᭞ᬳᭂᬤᬢᭂᬍᬩ᭄ᬗᭂᬦᭂᬳᬶᬦ᭄᭞ᬗᬗᭂᬦ᭄ᬢ᭄ᬯᬭᬕᭂᬮᬄ᭞ᬳᭂᬤ᭄ᬳᬢᭂᬍᬩ᭄ᬫ
ᬮᬶᬬᬢ᭄᭞ᬳᭂᬤᬗᬸᬲᬸᬤ᭄ᬗᬤᭂᬓ᭄ᬳᬤᭂᬓᬶᬦ᭄᭞ᬓᬾᬢᭀᬓᬦ᭄ᬥᬦ᭄ᬜ᭞ᬗᬶᬮᬗᬂᬲ᭄ᬫᬭᬵᬖ᭄ᬦᬶ᭟ᬲ᭄ᬫᬭᬦᬾᬫᬓ᭄ᬭᬡᬲᬓᬾᬂᬧ᭄ᬭᬧᬜ᭄ᬘ᭞ᬬᬦᬶᬂᬢ᭄ᬯᬭᬓᬳᬺᬢᬶᬦ᭄᭞ᬫᬦᬤᬶᬫᬗ᭄ᬮᬶᬫ᭄ᬩᬓ᭄᭞ᬲᬂᬧᬵᬡ᭄ᬥᬶᬢᬫᬜᬭᬢᬂ᭞ᬫᬫᬸᬗ᭄ᬕᭂᬮ᭄
ᬲᭂᬫᬭᬖ᭄ᬦᬶ᭞ᬳᬶᬦᬸᬘᬧ᭄ᬤᭀᬲ᭞ᬭᬶᬂᬢᬢ᭄ᬯᬦᬾ ᬲᬸᬦ᭄ᬤᬃᬗᭂᬦ᭄ᬤᬶᬄ᭟ᬓ᭄ᬭᬡᬜᬦ᭄ᬤᬂᬢᬗᬭᬶᬦ᭄ᬳᬸᬕᬶᬭᬶᬂᬢᬢ᭄ᬯ᭞ᬢᬢ᭄ᬯᬳᬚᬶᬫᬜᬾᬤᬦᬶᬦ᭄᭞ᬤᬶᬢᬸᬮᭀᬓᬶᬓᬬᬂ᭞ᬬᬦᬶᬂᬳᬶᬮᭀᬓᬶᬓᬲᬶᬤ᭄ᬥ᭞ᬢᬸᬃᬧᬕᭂᬄᬩᬶᬲᬜᬮᬦᬶᬦ᭄᭞
ᬫᬢ᭄ᬭᬢᬦ᭄ᬳᭀᬩᬄ᭞ᬓᬢᭂᬫᬸᬳᬲᬶᬂᬓᬶᬦᬧ᭄ᬢᬶ᭟ᬲᬓᬶᬂᬲᬢ᭄ᬯᬾᬓ᭄ᬭᬡᬫᬗ᭄ᬕᬸᬄᬓᬲᬦ᭄ᬢᭀᬱᬦ᭄᭞ᬳᬶᬲᬦ᭄ᬢᭀᬲᬲᬸᬩᬵᬚᬢᬶ᭞ᬫᬓ᭄ᬭᬡᬫᬗ᭄ᬮᬶᬫ᭄ᬩᬓ᭄᭞ᬯᬶᬪᬯᬲᬸᬓᬭᬶᬂᬭᬵᬢ᭄᭞ᬫᬗ᭄ᬕᬸᬄᬪᭀᬕᬳᬲᬶᬂᬳᬸ
Kaca:Bali-lontar-gaguritan-paparikan-sarasamuscaya-300ppi.pdf/81
Kaca puniki sampun kauji-wacén
