[᭘᭑ 81B]
᭘᭑
ᬗ᭄ᬲᬶ᭞ᬳᬶᬲᬃᬯ᭄ᬯᬪᬯ᭞ᬧᬥᬲᬸᬓᬬᬫᬦᬫ᭄ᬧᬶ᭟ᬬᬦ᭄ᬲᬯᬗᬂᬬᬳᬶᬲᬦ᭄ᬢᭀᬱᬮ᭄ᬯᬶᬃᬢᬭᬸᬫ᭄ᬧᬄ᭞ᬬᬦᬶᬂᬮᬸᬯᬲᬾᬚᬵᬢᬶ᭞ᬫᬗᬗ᭄ᬕᭀᬢᬭᬸᬫ᭄ᬧᬄ᭞ᬲᬶᬦᬄᬢ᭄ᬯᬭᬦᬧᬓ᭄ᬢᬦᬄ᭞ᬲᬃᬯ᭄ᬯᬫᭂᬮᬄᬓᬳᭂᬜ᭄ᬚᭂᬓᬶᬦ᭄᭞ᬩᬸᬤ᭄ᬥᬶ
ᬲᬦ᭄ᬢᭀᬱ᭞ᬓᬾᬢᭀᬯᬸᬧᬫᬶᬬᬂᬚᬦᬶ᭟ᬲᬂᬲᬦ᭄ᬢᭀᬱᬢ᭄ᬯᬄᬫᬦ᭄ᬤ᭄ᬭᬸᬯᬾᬦᬂᬫᬓᭂᬚᬂ᭞ᬲᬃᬯ᭄ᬯᬫᬳᬸᬭᬶᬧᬾᬤᬶᬦᬶ᭞ᬤᬶᬚᬕᬢ᭄ᬫᭀᬢ᭄ᬢᬫ᭞ᬳᬶᬬᬢ᭄ᬯᬭᬗᭂᬮᬄᬧᬓ᭄ᬱ᭞ᬳᬲᬶᬂᬢᬸᬤᬸᬄᬧᬥᬗᬶᬭᬶᬂ᭞ᬫᬜ᭄ᬭᬳᬂᬳᬯᬓ᭄᭞
ᬢ᭄ᬯᬶᬢᬦ᭄ᬳᬦ᭄ᬤᬺᬯᬾᬩᬸᬤ᭄ᬥᬶ᭟ᬨᬮᬯᬶᬚᬓᬢᭂᬓᬾᬂᬳᬶᬨᬮᬩᬸᬗ᭄ᬓᬄ᭞ᬫᬶᬯᬄᬫᬵᬲ᭄ᬲ᭄ᬮᬓᬍᬯᬶᬄ᭞ᬧᬰᬸᬯᬲ᭄ᬢ᭄ᬭᬲᭀᬘ᭞ᬳᬶᬲ᭄ᬢ᭄ᬭᬶᬳᬬᬸᬗᬬᬂᬳᬬᬂ᭞ᬢ᭄ᬯᬭᬢᬸᬗ᭄ᬕᬮ᭄ᬫᬦᭂᬫᭂᬦᬶᬦ᭄᭞ᬧᬶᬢ᭄ᬯᬶᬜᬶᬤ᭄ᬥᬬᬂ᭞ᬓᬕᭂᬮᬄᬩᬦ᭄ᬫ
ᬓᬲᬫᬶ᭟ᬲᬸᬩᬲᬸᬕᬶᬄᬯᬶᬃᬬ᭄ᬬᬢ᭄ᬯᬭᬓ᭄ᬯᬗᬦ᭄ᬳᬧ᭞ᬓᬤᬾᬦ᭄ᬲᬚᬦ᭄ᬦᭂᬫᬸᬩᭂᬘᬶᬓ᭄ᬧᬫᬸᬧᬸᬢ᭄ᬳᬶᬯᬶᬃᬬ᭄ᬬ᭞ᬫᬓ᭄ᬭᬡᬩᬸᬗᭂᬂᬭᬶᬂᬫᬦᬄ᭞ᬳᬶᬮᭀᬪᬓᬤᬾᬦ᭄ᬫᬕᭂᬤᬶ᭞ᬩᬵᬦ᭄ᬲᬸᬩᬗᭂᬮᬄ᭞ᬓᬤᬾᬦ᭄ᬢ᭄ᬯᬭᬩᬸᬯᬶ
[᭘᭒ 82A]
ᬦ᭄ᬗᬮᬶᬄ᭟ᬓ᭄ᬭᬡᬳᬶᬤᬲᬂᬧᬡ᭄ᬥᬶᬢᬮᬶᬦ᭄ᬢᬂᬬᬢ᭄ᬦ᭞ᬳᬶᬓᬲᬦ᭄ᬢᭀᬲᬦ᭄ᬧᬶᬦ᭄ᬭᬶᬄ᭞ᬫᬗ᭄ᬕᬾᬦ᭄ᬓᬲᬸᬕᬶᬳᬦ᭄᭞ᬫᬓᬩᭂᬓᭂᬮᬾ ᬲᬢᬢ᭞ᬢᭀᬤᬶᬚᬲᭂᬗ᭄ᬓᬮᬧᬗ᭄ᬕᬶᬄ᭞ᬳᬲᬶᬂᬲᬧᬭᬦ᭄᭞ᬳᬾᬮᬄᬢ᭄ᬯᬭᬩᬶᬱᬧᬮᬶᬂ᭟
ᬲᬂᬧᬡ᭄ᬥᬶᬢᬤᬳᬢ᭄ᬧ᭄ᬭᬚ᭄ᬜᬦ᭄ᬫᬯᬶᬯᬾᬓ᭞ᬭᬶᬂᬲᬮ᭄ᬯᬶᬭᬶᬂᬤᬶᬕᬸᬫᬶ᭞ᬢ᭄ᬯᬭᬓᬳᬶᬮᬶᬗᬂ᭞ᬦᬾᬦᬾ ᬓᬤᭀᬂᬲᬸᬩᬮᬶᬯᬢ᭄᭞ᬭᬱᬚᬳᭂᬦ᭄ᬕᬸᬡᬩᭂᬘᬶᬓ᭄᭞ᬢᬺᬱ᭄ᬡᬦᬾ ᬳᬶᬮᬂ᭞ᬲᬶᬦᬄᬢ᭄ᬯᬭᬳᬮᬂᬳᬾᬮᬶᬂ᭟ᬬᬦᬶᬂᬳᬤᬳᬦ
ᬓ᭄ᬩ᭄ᬮᬲ᭄ᬢᭂᬓᬾᬦᬶᬂᬲᭀᬫᬄ᭞ᬳᭂᬦᬸᬳᬶᬗᭂᬢ᭄ᬢᬺᬱ᭄ᬡᬳᬲᬶᬄ᭞ᬢᬸᬭᬶᬂᬫᬗᬶᬗᭂᬢᬂ᭞ᬢᭂᬓᬾᬦ᭄ᬓᬸᬦᬲᭀᬮᬄᬲᭀᬫᬄ᭞ᬲᬶᬦᬄᬮᬭᬦᬾ ᬓᬧᬗ᭄ᬕᬶᬄ᭞ᬤᬸᬄᬓᬢᬫ᭄ᬧᭂᬤᬂ᭞ᬲᬓᬶᬢ᭄ᬳᬾᬭᬂᬢᬦ᭄ᬲᬶᬦᬶᬧᬶ᭟ᬓᬧᬢᬸᬢᬾᬤᭀᬱ
ᬳᬮᬦᬾ ᬳᬶᬗᭂᬢᬂ᭞ᬳᭂᬦ᭄ᬢᭀᬧᬶᬦᭂᬳᬶᬦ᭄ᬲᬳᬶ᭞ᬢᬺᬱ᭄ᬡᬦᬾ ᬢᭀᬓᬸᬢᬂ᭞ᬲᬶᬦᬄᬢ᭄ᬯᬭᬓᬤᬸᬄᬓᬶᬢᬦ᭄᭞ᬓᬾᬢᭀᬓᬦ᭄ᬤᬦ᭄ᬫᭂᬕᬢ᭄ᬳᬲᬶᬄ᭞ᬫᬗ᭄ᬤᬦᬾ ᬲᬶᬤ᭄ᬥ᭞ᬫᬗ᭄ᬕᬸᬳᬂᬳᬸᬢ᭄ᬢᬫᬚᬵᬢᬶ᭟ᬳᬶᬮᬳᬶᬮ
Kaca:Bali-lontar-gaguritan-paparikan-sarasamuscaya-300ppi.pdf/82
Kaca puniki sampun kauji-wacén
