[᭘᭒ 82B]
᭘᭒
ᬬᬦᬶᬂᬢᬭᬹᬦᬾ ᬩᬲ᭄ᬮᬶᬯᬢ᭄᭞ᬓ᭄ᬭᬡᬭᬚᬄᬢᬫᬓ᭄ᬫᭂᬦ᭄ᬢᬶᬓ᭄᭞ᬮᬶᬬᬸᬤᬤᬶᬳᬶᬧ᭄ᬬᬦ᭄᭞ᬳᭂᬦ᭄ᬢᭀᬫᬫᬗᬸᬦᬂᬳᬮ᭞ᬤᬤᬶᬭᬸᬫ᭄ᬩᬂᬤᬤᬶᬧᬮᬶᬂ᭞ᬳᬶᬧ᭄ᬬᬦᬾ ᬍᬫᬄ᭞ᬓ᭄ᬭᬡᬭᬚᬄᬢᬫᬄᬲᬓ᭄ᬢᬶ᭟ᬳᬦ᭄ᬢᬸᬓ᭄ᬳᬶ
ᬤᬲᬂᬫᬫᬾᬢ᭄ᬳᬬᬸᬭᬶᬂᬚᬕᬢ᭄ᬪ᭄ᬬᬸᬤᬬᬫᬳᬰᬓ᭄ᬢᬶ᭞ᬫᬶᬯᬄᬓᬤᬶᬰ᭄ᬭᬾᬬᬰᬦ᭄᭞ᬳᬮᬓᬩᬯᭀᬲᬂ᭞ᬫᬫᬃᬕ᭄ᬕᬶᬭᬶᬓᬵᬮᬯᭂᬗᬶ᭞ᬢᬸᬭᬹ ᬭᬳᬶᬦᬵ᭞ᬳᬶᬮᬓᬳᬸᬘᬧ᭄ᬭᬶᬂᬳᬚᬶ᭟ᬢ᭄ᬯᬭᬤᬤᬶᬗᭂᬫᬃᬗᭂ
ᬓᭀᬄᬫᬓᭂᬦᭂᬳᬦ᭄᭞ᬫᬲᬗ᭄ᬕᬫᬭᬶᬂᬭᬩᬶ᭞ᬳᭂᬤᬩᬲ᭄ᬦᭂᬍᬩᬂ᭞ᬳᭂᬤᬲᬭᬢ᭄ᬫᬶᬦᬸᬫ᭄ᬢᬸᬯᬓ᭄᭞ᬲᭀᬮᬄᬭᬸᬲᬸᬄᬢ᭄ᬯᬭᬤᬤᬶ᭞ᬫᬸᬲ᭄ᬢᬶᬲᬭᬢᬂ᭞ᬳᬶᬦ᭄ᬤ᭄ᬭᬶᬬᬦᬾ ᬜᬦ᭄ᬤᬂᬳᭂᬋᬢᬶᬦ᭄᭟ᬢ᭄ᬯᬄᬳᬶᬫᬦᬄᬳᬧᬂ
ᬧᬶᬬᭂᬃᬫᬗ᭄ᬤᬾᬲᬚ᭞ᬬᬦ᭄ᬳᬶᬫᬦᬄᬢᬦ᭄ᬳᬺᬢᬶᬦ᭄᭞ᬫᬓ᭄ᬭᬡᬫᬗ᭄ᬮᬶᬫ᭄ᬩᬓ᭄᭞ᬳᬶᬦ᭄ᬤ᭄ᬭᬶᬬᬦᬾ ᬤᬶᬘᬧᬮ᭞ᬳᬶᬲᭀᬮᬄᬧ᭄ᬭᭀᬓᭀᬱᬤᬤᬶ᭞ᬯᬶᬱᬬᬤᬸᬱ᭄ᬝ᭞ᬤᬸᬄᬓᬮᬭᬦᬾ ᬓᬢᬫ᭄ᬧᬶ᭟
[᭘᭓ 83A]
ᬬᬦ᭄ᬢᬸᬳᬸᬢᬂᬳᬶᬦ᭄ᬤ᭄ᬭᬶᬬᬫᬶᬯᬄᬯᬶᬲᬬ᭞ᬢ᭄ᬯᬭᬩᬶᬲᬳᭀᬜᬲᬳᬶ᭞ᬲᬢᬢᬓᬸᬯᬗᬦ᭄᭞ᬢᭀᬩᬶᬦ᭄ᬧᬶᬤᬦ᭄ᬫᬤᭂᬕ᭄ᬤᭂᬕᬦ᭄᭞ᬓᬤᬶᬓᬾᬓᬾᬃᬬᬦ᭄ᬳᬸᬧᬫᬶ᭞ᬫᬲᬦᬶᬂᬧᬦᭂᬲ᭄᭞ᬦᬸᬢᬸᬕ᭄ᬲᬶᬓᭂᬧ᭄ᬗᬮᬶᬄᬳᭂᬢᬶᬲ᭄᭟
ᬳᬶᬲ᭄ᬫᬭᬢ᭄ᬯᬭᬳᭂᬫᭂᬤ᭄ᬬᬜ᭄ᬚᬮᬦᬂᬳᬲᬶᬂᬓᬢᬕᬶᬄᬢᬸᬳᬸᬓᬶᬦ᭄᭞ᬩ᭄ᬯᬶᬦ᭄ᬳᬶᬬᬦᬕᬶᬳᬂ᭞ᬮᬫᬸᬦ᭄ᬓᬺᬗᬾᬗᭂᬫᬳᬂ᭞ᬲᬬᬦ᭄ᬫᭀᬫᭀᬳᬶᬬᬦᬕᬶᬄ᭞ᬬᬦᬶᬂᬳᬸᬧᬫ᭞ᬓᬤᬶᬖᭂᬦᬶᬢᬶᬩᬾᬦ᭄ᬍᬗᬶᬲ᭄᭟ᬤᬾᬦᬶᬂ
ᬮᬶᬯᬢ᭄ᬳᬕᬸᬂᬲ᭄ᬫᬭᬳᬦ᭄ᬧᬥ᭞ᬮᬶᬬᬸᬦᬾᬦᬾ ᬓᬤᭂᬫᭂᬦᬶᬦ᭄᭞ᬦᬄᬚᬦᬶᬧᬶᬦᭂᬳᬂ᭞ᬢ᭄ᬯᬶᬢᭀᬲᬶᬂᬳᬤᬮᬾᬦᬦ᭄᭞ᬳᬦᬔᭂᬮᬸᬄᬧᬮᬶᬂᬮᬸᬯᬶᬄ᭞ᬫᬗᬯᬾ ᬧᬧ᭞ᬓ᭄ᬭᬡᬤᬸᬄᬓᬶᬢᬦᬾ ᬢᬫ᭄ᬧᬶ᭟ᬳᬦᬓ᭄ᬳᭂᬮᬸᬄᬰᬢ᭄ᬭᬸᬯᬶᬰᬾᬱ
ᬭᬶᬂᬚᬕᬢ᭄᭞ᬧᬦᬗ᭄ᬓᬦ᭄ᬳᬮᬦᬾ ᬲᬫᬶ᭞ᬓᬾᬯᭂᬄᬫᬗᬮᬳᬂ᭞ᬓ᭄ᬭᬡᬳᬶᬤᬲᬂᬧᬡ᭄ᬥᬶᬢ᭞ᬦᬗᬸᬦ᭄ᬩ᭄ᬭᬢᬢᬦ᭄ᬧᬭᬩᬶ᭞ᬢ᭄ᬯᬭᬫᬶᬦᭂᬳᬂ᭞ᬳᬸᬢ᭄ᬢᬫᬦ᭄ᬳᬦᬓᬾ ᬳᬶᬲ᭄ᬢ᭄ᬭᬶ᭟ᬓ᭄ᬭᬡᬚᭂᬦᭂᬓ᭄ᬫᬦᭀᬗᭀᬲ᭄ᬢᬦ᭄ᬲᬄᬤᬶᬚᬸᬫᬄ
Kaca:Bali-lontar-gaguritan-paparikan-sarasamuscaya-300ppi.pdf/83
Kaca puniki sampun kauji-wacén
