[᭘᭓ 83B]
᭘᭓
ᬲᬓᬶᬂᬧᬗᭂᬤᭂᬂᬲᬂᬳᬶᬲ᭄ᬢ᭄ᬭᬶ᭞ᬍᬓᬶᬕ᭄ᬦᬗᬸᬦ᭄ᬢᬧ᭞ᬫᬶᬯᬄᬳᬲᬶᬂᬮᬓ᭄ᬱᬦᬬᬂ᭞ᬲᬶᬤ᭄ᬥᬮᬦ᭄ᬢᬸᬦ᭄ᬲᬓᬶᬂᬳᬶᬲ᭄ᬢ᭄ᬭᬶ᭞ᬫᬗᬯᬾ ᬭᬦ᭄ᬤᬢ᭄᭞ᬓ᭄ᬭᬡᬳᬮᬫ᭄ᬩᬸᬮᬓ᭄ᬩᬮᬶᬓ᭄᭟ᬦᬾ ᬳᬶᬫᬢᬶᬫᬶᬯᬄᬳᬗᬶᬦ᭄ᬓᬧ᭄ᬭᬘᬡ᭄ᬥᬦ᭄᭞ᬢᬦ᭄ᬧᬗ᭄ᬓᬸᬭ
ᬮᬶᬦᬸᬲ᭄ᬢᬭᬶᬦ᭄᭞ᬫᬶᬯᬄᬲᬗ᭄ᬳ᭄ᬬᬂᬓᬮ᭞ᬢᭂᬓᬦᬶᬂᬩᭂᬤᬯᬂᬦᬮ᭞ᬳᬶᬚᬭᬦ᭄ᬫᬩᬸᬮᬸᬖ᭄ᬦᬶ᭞ᬲᭀᬭᬶᬂᬧᬢᬮ᭞ᬧᬥᬫᬗᬗᭀᬩᬶᬦ᭄ᬳᬢᬶ᭟ᬳ᭄ᬦᬾᬩ᭄ᬯᬶᬦ᭄ᬯᬶᬱ᭄ᬬᬦ᭄ᬲᬗ᭄ᬳ᭄ᬬᬂᬓᬮᬓᬸᬣᬬ᭞ᬳᬶᬯ᭄ᬬᬮᬲᬃᬧ᭄ᬧᬫᬮᬶᬄᬫ᭄ᬯᬄᬳᬧᬶ
ᬤᬸᬫᬶᬮᬄ᭞ᬢᬸᬭᬸᬦ᭄ᬳᬶᬤᬫᬓᭂᬚᬂ᭞ᬫᬜᬸᬚᬸᬭᬶᬂᬳᬦᬓ᭄ᬳᬶᬲ᭄ᬢ᭄ᬭᬶ᭞ᬲᬶᬦᬮᬶᬄᬢᬸᬗ᭄ᬕᬮ᭄᭞ᬯᬶᬱ᭄ᬬᬦ᭄ᬜᬦᬾᬫᬜᬓᬶᬢᬶᬦ᭄᭟ᬳᬦᬓ᭄ᬮᬸᬄᬬᬦ᭄ᬢᬺᬱ᭄ᬡᬦᬶᬦ᭄ᬲᬬᬦ᭄ᬢᬺᬱ᭄ᬡ᭞ᬢᬺᬱ᭄ᬡᬦ᭄ᬜᬦᬾᬲᬬᬦ᭄ᬫᬸᬗᬶᬮ᭄᭞ᬧᬢᬸᬄᬩᬸᬓᬮ
ᬯᬢ᭄᭞ᬬᬦ᭄ᬳᬯᬓᬾ ᬧᬶᬤᬩ᭄ᬤᬩ᭄᭞ᬮᬯᬢᬾ ᬫᬯᬸᬯᬸᬄᬩᭂᬘᬶᬓ᭄᭞ᬓᭂᬮᬸᬓᬸᬄᬲᬸᬮᬫ᭄᭞ᬫᬯᬸᬯᬸᬄᬢᭂᬓᭂᬓ᭄ᬢᬸᬃᬕᬶᬦ᭄ᬢᬶᬮ᭄᭟ᬩᬦ᭄ᬩᭂᬮᭀᬕᬾᬜᬮᬦᬂᬳᬶᬓᬫᭀᬫᭀᬳᬦ᭄᭞ᬲ᭄ᬫᬭᬦᬾ ᬫᬜᬓᬶ
[᭘᭔ 84A]
ᬓᬶᬢᬶᬦ᭄᭞ᬳᬸᬧᬫᬶᬬᬂᬧᭂᬜ᭄ᬘᬃ᭞ᬫᬗᭂᬚᬸᬓ᭄ᬩᬾᬦᬾ ᬫᬓᭂᬚᬂ᭞ᬢᭀᬓᬸᬤ᭄ᬬᬂᬚᬦᬶᬗᭂᬮᬶᬤᬶᬦ᭄᭞ᬳᬧᬂᬜᬶᬤ᭄ᬥᬬᬂ᭞ᬗᭂᬮᬾᬲᬂᬳᬶᬢᬫ᭄ᬧᬸᬲ᭄ᬚᬭᬶᬂ᭟ᬢᬦ᭄ᬧᬢᬸᬢᬗᬮᬶᬄᬫᬲᬶᬄᬓᬧᬭᬦᬦ᭄᭞ᬬᬦᬶᬂᬲᬸᬩᬓᬧᬭᬦᬶᬦ᭄
ᬯ᭄ᬯᬂᬳᬶᬲ᭄ᬢ᭄ᬭᬶᬳᬶᬦᬸᬘᬧ᭄᭞ᬩᬕᬸᬲ᭄ᬩᭀᬘᭀᬓ᭄ᬢ᭄ᬯᬭᬢᬯᬂ᭞ᬢ᭄ᬯᬩᬚᬂᬢᬦ᭄ᬓᬶᬢᬸᬗᬶᬦ᭄᭞ᬳᬶᬓᬲ᭄ᬫᬭᬦ᭄᭞ᬧᬢᬸᬄᬢ᭄ᬯᬄᬮᬸᬄᬫ᭄ᬯᬦᬶ᭟ᬧᬶᬓᬦ᭄ᬢᭂᬦᬦ᭄ᬬᬦ᭄ᬳᬶᬥᭂᬧ᭄ᬮᬸᬳᬾ ᬬᬦ᭄ᬢᬸᬢᬸᬭᬂ᭞ᬧᬶᬢ᭄ᬯᬶᬲᭂᬗ᭄ᬓᭂᬭᬶᬦ᭄ᬧᬲ᭄ᬢᬶ᭞ᬢᬸᬢᬸ
ᬭᬶᬦ᭄ᬳᬸᬢ᭄ᬢᬫ᭞ᬫᬶᬭᬶᬩ᭄ᬳᬶᬬᬦᬸᬳᬸᬢᬂ᭞ᬫᬗᬸᬦ᭄ᬢᬸᬓ᭄ᬘᬭᬗᬸᬪᬓ᭄ᬢᬶ᭞ᬢᬓᬸᬢ᭄ᬫᬢᬸᬗ᭄ᬓᬲ᭄᭞ᬦᬗ᭄ᬳᬶᬂᬳᬶᬥᭂᬧ᭄ᬜᬦᬾ ᬩᬦᬶ᭟ᬲᬗ᭄ᬳ᭄ᬬᬂᬳᬚᬶᬧᬓᬃᬤ᭄ᬥᬶᬦ᭄ᬪᬕᬯᬵᬦ᭄ᬰᬸᬓ᭄ᬭ᭞ᬫ᭄ᬯᬄᬪᬕᬯᬦ᭄ᬯᬺᬳᬲ᭄ᬧᬢᬶ᭞ᬫᬓᬓ
ᬮᬶᬄᬲᬬᬂ᭞ᬲᬲᬳᬶᬲᬸᬩᬳᬸᬜ᭄ᬘᬭᬂ᭞ᬫᬲᬶᬄᬧᬸᬦᬄᬫᬓᬓᬮᬶᬄ᭞ᬩᬳᬦ᭄ᬲ᭄ᬫᬭ᭞ᬳᬦᬓᬾ ᬳᭂᬮᬸᬄᬜᬓᬶᬢᬶᬦ᭄᭟ᬢ᭄ᬯᬭᬩᬦᬶᬗᬓᬸᬳᬯᬓ᭄ᬫᬜᬶᬤ᭄ᬥᬬᬂ᭞ᬦᬶᬢᬄᬳᬶᬲ᭄ᬫᬭᬖ᭄ᬦᬶ᭞ᬳᭂᬤᬗ
Kaca:Bali-lontar-gaguritan-paparikan-sarasamuscaya-300ppi.pdf/84
Kaca puniki sampun kauji-wacén
