[᭘᭔ 84B]
᭘᭔
ᬓᬸᬩᬶᬲ᭞ᬬᬦᬶᬂᬳᭂᬦᬸᬓᬲ᭄ᬫᬭᬦ᭄᭞ᬦᬄᬓᬸᬤ᭄ᬬᬂᬓᬾᬦ᭄ᬓᬾᬦᬂᬚᬦᬶ᭞ᬩᬳᬦ᭄ᬫᬗᬶᬲ᭄ᬬᬂ᭞ᬳᬧᬂᬳᭂᬤᬓᬢᬓᬸᬢᬶᬦ᭄᭟ᬢ᭄ᬯᬭᬯᬦᬾᬄᬲᬗ᭄ᬳ᭄ᬬᬂᬖ᭄ᬦᬶᬫᭀᬃᬩᭀᬃᬲᬳᬂ᭞ᬲᬃᬯ᭄ᬯᬓᬬᬸᬦᬾ ᬫᭂᬦ᭄ᬢᬶᬓ᭄᭞ᬦᬾᬤᬶ
ᬦᬶᬤᬶᬚᬮᬦ᭄᭞ᬢᬶᬩᬦᬶᬦ᭄ᬲᬬᬦ᭄ᬤᬸᬫᬶᬮᬄ᭞ᬫᬗᭂᬦ᭄ᬤᬶᬄᬗᭂᬩᭂᬓᬶᬦ᭄ᬕᬸᬫᬶ᭞ᬓᬤᬶᬲᭂᬕᬭ᭞ᬓᬸᬤᬂᬢᬸᬓᬤ᭄ᬫᬗᭂᬫ᭄ᬩᬳᬶᬦ᭄᭟ᬲᬗ᭄ᬳ᭄ᬬᬂᬓᬮᬢ᭄ᬯᬭᬯᬦᬾᬄᬦᬥᬄᬚᬕᬢ᭄᭞ᬳᬓᬸᬤᬲᬃᬯ᭄ᬯᬫᬳᬸᬭᬶᬧ᭄᭞ᬢ᭄ᬯᬭᬓᬫᬾ
ᬯᭂᬳᬂ᭞ᬦᬾᬄᬓᬾᬢᭀᬳᬸᬕᬶᬳᬸᬧᬫ᭞ᬳᬦᬓᬾ ᬳᭂᬮᬸᬄᬫᬦᬕᬶᬄ᭞ᬳᬶᬧᬲᬂᬕᬫᬦ᭄᭞ᬢᬦ᭄ᬲᬄᬓᬓᬸᬭᬗᬦ᭄ᬲᬳᬶ᭟ᬢᬦ᭄ᬧᭂᬕᬢᬦ᭄ᬧᬫ᭄ᬭᬶᬄᬳᬶᬲ᭄ᬢ᭄ᬭᬶᬦᬾ ᬲᬲᬭᬢ᭄᭞ᬢᬦ᭄ᬲᬶᬤ᭄ᬥᬩᬦ᭄ᬫᬗ᭄ᬯᬶᬮᬗᬶᬦ᭄᭞ᬬᬤᬶᬦ᭄ᬲ᭄ᬬᬸ
ᬫᬮᬶᬤᬄ᭞ᬫᬢᬸᬯᬸᬄᬲᬢᬸᬲ᭄ᬢᬶᬩᬦ᭄᭞ᬳᭂᬦ᭄ᬢᭀᬢᬸᬢᬸᬭᬂᬲᬲᬳᬶ᭞ᬳᬶᬯᬯᬤᭀᬦᬦ᭄᭞ᬢᬸᬯᬸᬳᬾᬳᬾᬗ᭄ᬕᬮᬦ᭄ᬫᬢᬶ᭟ᬳᬦᬓ᭄ᬮᬸᬄᬳᬸᬧᬫᬶᬕᭂᬦᬶᬦᬾ ᬫᬤᬾᬮ᭞ᬳᬶᬫ᭄ᬯᬦᬶᬳᬸᬧᬫᬍᬗᬶᬲ᭄᭞ᬬᬦᬶᬂᬫᬧ
[᭘᭕ 85A]
ᬳᭂᬓᬦ᭄᭞ᬲᬶᬦᬄᬳᬶᬍᬗᬶᬲ᭄ᬗᭂᬢᬾᬮ᭄ᬳᭂᬜᬓ᭄᭞ᬲᬶᬦᬄᬓᬾᬯᭂᬳᬾ ᬓᬧᬗ᭄ᬕᬶᬄ᭞ᬚᬦᬶᬧᬕᭂᬳᬂ᭞ᬳᬬᬸᬲᬶᬱ᭄ᬝᬘᬵᬭᬕᬶᬲᬶ᭟ᬳᬦᬓ᭄ᬮᬸᬄᬫᬳᬯᬓ᭄ᬱᬲᬸᬮᬧ᭄ᬩᬜ᭄ᬘᬦ᭞ᬫᬯᬓ᭄ᬭᭀᬤ᭄ᬥᬳᬶᬭᬶᬳᬢᬶ᭞ᬓ᭄ᬭᬡᬲᬂᬧᬡ᭄ᬥᬶ
ᬢ᭞ᬲᬭᬢ᭄ᬳᬶᬤᬫᬗᬶᬫ᭄ᬧᬲᬂ᭞ᬮ᭄ᬯᬶᬃᬳᬫᬾᬤ᭄ᬥ᭄ᬬᬦᬾ ᬧᭂᬗᬶᬢ᭄᭞ᬫ᭄ᬯᬄᬯᬶᬪᬓ᭄ᬱ᭞ᬲᬃᬯ᭄ᬯᬍᬢᬸᬄᬘᬫ᭄ᬧᬸᬃᬲᬫᬶ᭟ᬚᬦ᭄ᬫᬮᬸᬄᬫᬓᬧᬗᭂᬍᬢᭂᬄᬳᬶᬫᬦᬸᬱ᭞ᬫᬓ᭄ᬭᬡᬲᬓᬶᬢ᭄ᬧ᭄ᬭᬶᬬᬢᬶ᭞ᬫᬗᬦ᭄ᬤᭂᬕᬂᬓᬃᬬ᭄ᬬ᭞
ᬳᬾᬮᬶᬂᬳᬶᬤᬲᬂᬧᬡ᭄ᬥᬶᬢ᭞ᬓ᭄ᬭᬡᬳᬶᬤᬫᬦᬗᬭᬶᬦ᭄᭞ᬭᬶᬂᬳᬶᬕᬕᭀᬤᬦ᭄᭞ᬕᬕᭀᬤᬦ᭄ᬲᬂᬧᬭᬳᬶᬲ᭄ᬢ᭄ᬭᬶ᭟ᬳᬤᬩᬗ᭄ᬓᬾ ᬭᬶᬂᬳᬯᬓ᭄ᬳᬶᬲ᭄ᬢ᭄ᬭᬶᬦᬾ ᬫᬕᭂᬦᬄ᭞ᬩᭂᬜᭂᬄᬫᬗ᭄ᬓᬸᬕ᭄ᬢᬦ᭄ᬲᬶᬧᬶ᭞ᬧᬵᬢᬹᬢ᭄ᬓᬕᭂᬤᭂᬕᬂ᭞ᬢᬸᬃᬜ
ᬦ᭄ᬤᬂᬓᬲᬫ᭄ᬧᬶᬗᬂ᭞ᬳᭂᬦ᭄ᬢᭀᬤᬤᬶᬗᬯᬾᬲᬓᬶᬢ᭄᭞ᬲᬂᬓᬚᭂᬦᭂᬓᬂ᭞ᬤᭂᬫᭂᬦ᭄ᬳᬸᬮᬗᬸᬦ᭄ᬜᬓᬶᬢᬶᬦ᭄᭟ᬬᬦᬶᬂᬤᬶᬦᬶᬤᬶᬫᬥ᭄ᬬᬧᬥᬫᭀᬢ᭄ᬢᬫ᭞ᬳᬶᬤᬲᬂᬧᬡ᭄ᬥᬶᬢᬍᬯᬶᬄ᭞ᬧᬶᬦᬶᬄᬯᬶᬘᬓ᭄ᬱᬡ᭞ᬲᬶᬦᬄᬳᬶᬤᬓ
Kaca:Bali-lontar-gaguritan-paparikan-sarasamuscaya-300ppi.pdf/85
Kaca puniki sampun kauji-wacén
