[᭘᭕ 85B]
᭘᭕
ᬲᭂᬗ᭄ᬓᬮᬦ᭄᭞ᬬᬦ᭄ᬓᬢᬶᬢᬄᬤᬾᬦᬶᬂᬳᬶᬲ᭄ᬢ᭄ᬭᬶ᭞ᬫᬗ᭄ᬕᬸᬄᬓᬲ᭄ᬫᬮ᭞ᬩᬳᬦ᭄ᬳᬶᬓᬸᬮᬶᬢ᭄ᬫᬍᬧᬶᬢ᭄᭟ᬚ᭄ᬭᭀᬦᬶᬂᬓᬸᬮᬶᬢ᭄ᬳᬤᬢᬢᬸᬢᬦ᭄ᬓᭂᬦᬾᬂᬯᬭᬲ᭄᭞ᬳᭂᬗ᭄ᬕᬂᬲᬲᬳᬶᬗᬚᭂᬗᬶᬢ᭄᭞ᬋᬕᭂᬤᬾᬫᬗᬫ᭄ᬩᬄ᭞ᬳᬫ᭄ᬩᬄ
ᬩᬜᬸᬫᬶᬯᬄᬭᬄ᭞ᬩᬜᭂᬳᬾ ᬫᬫᭂᬋᬲ᭄ᬲᬳᬶ᭞ᬫ᭄ᬯᬄᬲᬃᬯ᭄ᬯᬫᬮ᭞ᬳᭂᬦ᭄ᬢᭀᬗᬯᬾ ᬩᬸᬤᬸᬄᬧᬮᬶᬂ᭟ᬤᬶᬕᬸᬫᬶᬦᬾ ᬳᭂᬦ᭄ᬢᭀᬗᬯᬾᬩᭀᬗᭀᬮ᭄ᬩᬸᬢ᭞ᬓ᭄ᬭᬡᬳᭂᬗ᭄ᬲᬧ᭄ᬩᭂᬮᭀᬕ᭄ᬤᬤᬶ᭞ᬳᭀᬮᬶᬄᬢᬢᬸᬲᬲᬃ᭞ᬳᬸᬬᬂᬤ
ᬤᬶᬫᬧᬸᬮᬶᬲᬄ᭞ᬧᬗ᭄ᬯᬾᬲᬦ᭄ᬳᬶᬲ᭄ᬫᬭᬖ᭄ᬦᬶ᭞ᬲᬶᬦᬄᬲᭂᬗ᭄ᬓᬮ᭞ᬓᬩᭀᬃᬩᭀᬃᬓᬢᬸᬜ᭄ᬚᭂᬮ᭄ᬲᬳᬶ᭟ᬬᬦᬶᬂᬳᬶᬢᬢᬸᬲᬳᬶᬓᭀᬲᭀᬄᬧᬸᬲᬸᬲ᭄ᬳᬩᬲ᭄᭞ᬢ᭄ᬯᬭᬫᬓᭂᬚᭂᬳᬦ᭄ᬲᬓᬶᬢ᭄᭞ᬢ᭄ᬯᬫᬶᬢ᭄ᬭᬭᬸᬲᬓ᭄᭞ᬫᬯᭂᬯᭂᬄᬓᬸᬓᬸᬄ
ᬫᬗ᭄ᬮᬯᬦ᭄᭞ᬦᬾ ᬤᬶᬢᭂᬗᬄᬢ᭄ᬯᬭᬧᬗ᭄ᬕᬶᬄ᭞ᬬᬤᬶᬦ᭄ᬲᬭᬢᬂ᭞ᬳᬸᬕᬸᬕ᭄ᬧᬸᬢᭂᬭᬂᬲᬲᬳᬶ᭟ᬲᬂᬫᬗ᭄ᬭᬸᬭᬸᬄᬤᬤᬶᬗᭂᬫᬃᬓᬓᬾᬯᭂᬳᬦ᭄᭞ᬳᬶᬮᬂᬕᬸᬡᬵᬢᭂᬕᬸᬄᬲᬓ᭄ᬢᬶ᭞ᬫᬶᬯᬄᬓᬧ᭄ᬭᬚ᭄ᬜᬦᬦ᭄᭞ᬓᬢᭂᬓᬾᬂᬳᬶᬭᬚᬪ᭄ᬭᬡ᭞
[᭘᭖ 86A]
sᬳᬬᬦ᭄ᬋᬋᬤ᭄ᬧᬸᬦᬄᬲᬳᬶ᭞ᬬᬤᬤᬶᬩᬾᬮ᭞ᬫᬾᬮᬦᬶᬦ᭄ᬳᬶᬢᬸᬬᬸᬄᬲᬳᬶ᭟ᬲᬂᬧᬡ᭄ᬥᬶᬢᬳᬗᭀᬩ᭄ᬳᬶᬤ᭄ᬳᬫᬯᬘᬦ᭞ᬳᭂᬦ᭄ᬢᭀᬢᬢᬸᬤᬳᬢ᭄ᬧᭂᬗᬶᬢ᭄᭞ᬫᬫᬲᬸᬯᬂᬫᬮ᭞ᬫᬮᬦ᭄ᬤᬾᬯᬾᬓ᭄ᬫᬶᬯᬄᬩᬲᬂ᭞
ᬫᬗ᭄ᬭᬡᬬᬂᬮᬸᬮᬸᬢ᭄ᬧᬮᬶᬂ᭞ᬗᬸᬩᭂᬃᬫᬸᬮᬶᬲᬄ᭞ᬳᬗᭀᬩᬧᬢᬦ᭄ᬲᬶᬦᬶᬧᬶ᭟ᬓᬩᭂᬜ᭄ᬘᬦᬕᬸᬫᬶᬦᬾ ᬧᬥᬫᬓᭂᬚᬂ᭞ᬧᬶᬢ᭄ᬯᬶᬦᬾ ᬲᬚᬤᬶᬦᬶ᭞ᬤᬶᬕᬸᬫᬶᬦᬾ ᬓᬲᬃ᭞ᬦᬾᬦᬾ ᬍᬢᭂᬄᬫᬯᬓ᭄ᬫᭂᬮᬄ᭞ᬳᬶ
ᬳᬶᬩᭂᬮᭀᬕ᭄ᬫᬳᬩᭂᬢ᭄ᬭᬶᬭᬶᬄ᭞ᬳᬶᬤᬲᬂᬧ᭄ᬭᬚ᭄ᬜᬦ᭄᭞ᬲᭂᬗ᭄ᬕᬸᬄᬭᬗ᭄ᬲᭂᬂᬧᭂᬗ᭄ᬓᬸᬂᬧᬮᬶᬂ᭟ᬳᭂᬦ᭄ᬢᭀᬓ᭄ᬭᬡᬳᬶᬲ᭄ᬢ᭄ᬭᬶᬦᬾ ᬚᬦᬶᬳᭂᬚᭀᬳᬂᬳᭂᬤᬗᬭᬸᬗᬹᬤᬶᬓᬸᬧᬶᬂ᭞ᬬᬦᬶᬂᬬᬫᬗᬸᬘᬧ᭄᭞ᬫᬶᬯᬄᬬᬦ᭄ᬫᬩᬶᬲᬶᬓ᭄ᬫᬗᬸᬘᬧ᭄᭞
ᬳᭂᬦ᭄ᬢᭀᬳᭂᬤᬫᬫᬳᭂᬓᬶᬦ᭄᭞ᬳᭂᬤᬗᬶᬗᭂᬢᬂ᭞ᬭᬹᬧᬦ᭄ᬲᭀᬮᬳ᭄ᬜᬦᬾ ᬩᭂᬘᬶᬓ᭄᭟ᬬᬦ᭄ᬓᬮᬲᬸᬲᬸᬩᬗ᭄ᬓ᭄ᬬᬗᬾ ᬓᬮᬸᬕᬲ᭄᭞ᬬᬳᭂᬦ᭄ᬢᭀᬩᬓᬢᬶᬗ᭄ᬳᬮᬶᬦ᭄᭞ᬫᬸᬜᬶᬦᬾ ᬭᬸᬗᬸᬯᬂ᭞ᬓᬫ᭄ᬩᭂᬦ᭄ᬲᬶᬜ᭄ᬚᬂ
Kaca:Bali-lontar-gaguritan-paparikan-sarasamuscaya-300ppi.pdf/86
Kaca puniki sampun kauji-wacén
