[᭘᭖ 86B]
᭘᭖
ᬫᬓᭂᬩᬶᬭᬦ᭄᭞ᬧᭂᬳᭂᬩᬢᬶᬲ᭄ᬓᬢᭀᬦ᭄ᬧᬸᬢᬶᬄ᭞ᬫᬗ᭄ᬕᬯᬾᬧᬸᬲᬂ᭞ᬳᭂᬦ᭄ᬢᭀᬳᬶᬤ᭄ᬳᬫᬦᬶᬗ᭄ᬳᬮᬶᬦ᭄᭟ᬳᬸᬮᬶᬂᬚᬦᬶᬜᬦ᭄ᬤ᭄ᬦᬕ᭄ᬧᬥᬫᬢᬗᬭᬦ᭄᭞ᬳᭂᬤᬫᬯᬶᬭᬱᬲᬳᬶ᭞ᬢᭂᬓᬾᬦ᭄ᬫᬾᬫᬾ ᬩᬵᬧ᭞
ᬍᬫᬄᬧᭂᬢᭂᬂᬧᬤᬤ᭄ᬯᬦᬦ᭄᭞ᬬᬤᬶᬦ᭄ᬢᭂᬓᬾᬦ᭄ᬧ᭄ᬬᬦᬓ᭄ᬚᬢᬶ᭞ᬤᬳᬢᬶᬂᬳᬾᬗ᭄ᬕᬮ᭄᭞ᬳᬶᬦ᭄ᬤ᭄ᬭᬶᬬᬲ᭄ᬫᬭᬜᬸᬲᬸᬧᬶᬦ᭄᭟ᬲᬶᬦᬄᬕᭂᬲᭂᬂᬳᬶᬓᬬᬸᬲᬕᭂᬤᬾᬕᭂᬤᬾᬦᬾ᭞ᬕᬯᭀᬓ᭄ᬜᬦᬾ ᬚᬗᬶᬦ᭄ᬳᬧᬸᬯᬶ᭞
ᬳᭂᬤᭀᬦ᭄ᬳᬓᬄᬘᬭᬂ᭞ᬲᬶᬦᬄᬧᬸᬳᬸᬦ᭄ᬢᬦ᭄ᬕᬦ᭄ᬢᬸᬮᬦ᭄᭞ᬦᬄᬓᬾᬢᭀᬳᬗ᭄ᬕᭀᬦ᭄ᬳᬸᬧᬫᬶ᭞ᬳᬶᬭᬕᬤᬸᬯᬾᬰ᭞ᬫᬗ᭄ᬭᬸᬲᬓ᭄ᬳᬯᬓᬾ ᬲᬳᬶ᭟ᬬᬦᬶᬂᬲᬸᬩᬲᬭᬦ᭄ᬤᬸᬦ᭄ᬳᬯᬓᬾ ᬭᬸᬲᬓ᭄᭞ᬲᬃᬯ᭄ᬯᬳᬬᬸᬳᬶᬮᬂ
ᬮᬶᬮᬶᬄ᭞ᬥᬃᬫ᭄ᬫᬳᬃᬣ᭄ᬳᬫᭀᬓ᭄ᬱ᭞ᬓᬕᭂᬩᬸᬕ᭄ᬩᬦ᭄ᬭᬵᬕᬤ᭄ᬯᬾᬲᬧᬥᬕᭂᬫ᭄ᬧᬸᬂᬥᬕ᭄ᬥᬪᬰ᭄ᬫᬶ᭞ᬲᭂᬫᬭᬦᬵᬮ᭞ᬧᬗᭂᬲᭂᬗᬦ᭄ᬕᬸᬫᬶᬲᬫᬶ᭟ᬭᬕᬤ᭄ᬯᬾᬰᬳᭂᬦ᭄ᬢᭀᬢᬮᬶᬧᬦᭂᬕᬸᬮᬦ᭄᭞ᬳᬯᬓ᭄
[᭘᭗ 87A]
ᬲᬸᬩᬫᬶᬫ᭄ᬧᬸᬲᬫᬶ᭞ᬦᬗ᭄ᬳᬶᬂᬬᬦ᭄ᬜᬶᬤ᭄ᬥᬬᬂ᭞ᬧᬗᭂᬮᬸᬲ᭄ᬢᬮᬶᬦ᭄ᬲ᭄ᬫᬭ᭞ᬲᬶᬦᬄᬗᬸᬗ᭄ᬲᬶᬲ᭄ᬯᬃᬕ᭄ᬕᬍᬯᬶᬄ᭞ᬭᬶᬂᬲ᭄ᬯᬃᬕ᭄ᬕᬦ᭄ᬩ᭄ᬭᬳ᭄ᬫᬵ᭞ᬤᬶᬢᬸᬓᬲᬸᬓᬦᬾ ᬢᬫ᭄ᬧᬶ᭟ᬲᬸᬓᬯᬶᬩᬸᬄᬧᬦᭀᬗᭀᬲ᭄ᬳᬶᬲ᭄ᬯᬃᬕ᭄ᬕᬩ᭄ᬭᬳ᭄ᬫ᭞ᬧᬭᬫᬲᬸᬓ
ᬓᬵᬤᬦᬶᬦ᭄᭞ᬢᬦ᭄ᬫᬩᬮᬶᬓ᭄ᬤᬸᬄᬓ᭞ᬢᬦ᭄ᬓᬢᬫᬦ᭄ᬫᬢᬶᬢᬸᬳ᭞ᬪᬬᬮᬭᬢᬦ᭄ᬓᬢᬫ᭄ᬧᬶ᭞ᬲ᭄ᬯᬃᬕ᭄ᬕᬦᬶᬭ᭄ᬯᬡ᭞ᬧᬭᬦ᭄ᬲᬶᬄᬳᬸᬘᬧᬂᬫᬮᬶᬄ᭟ᬧᬶᬓᬦ᭄ᬢᭂᬦᬦ᭄ᬲᬂᬜᬶᬤ᭄ᬥᬬᬂᬫᭂᬕᬢ᭄ᬲ᭄ᬫᬭ᭞ᬳᬶᬓ᭄ᬭᭀᬥᬲᬶᬦᬄ
ᬫᬢᬶ᭞ᬲᬶᬦᬄᬲᬸᬩᬓ᭄ᬮᬦ᭄᭞ᬭᬶᬂᬳᬮᬳᬬᬸᬦᬶᬂᬳᬸᬚᬃ᭞ᬕᬕᭀᬥᬦ᭄ᬢ᭄ᬯᬭᬜᬓᬶᬢᬶᬦ᭄,ᬳᭂᬦ᭄ᬢᭀᬓᬵᬤᬦᬦ᭄᭞ᬲ᭄ᬫᬭᬲᬸᬩᬫᬕᬶᬲᬶ᭟ᬳᭂᬤᬓ᭄ᬭᭀᬥᬬᬾᬦᬶᬂᬩᭂᬦᭂᬄᬓᬧᭂᬮᬶᬳᬂ᭞ᬳᬧᬩᬸᬯᬶᬦᬸᬚᬸᬧᭂᬮᬶᬄ᭞
ᬤᬾᬦᬶᬂᬢ᭄ᬯᬭᬢᬯᬂ᭞ᬧᭂᬮᬶᬄᬳᬯᬓᬾ ᬲᬸᬩ᭞ᬓ᭄ᬭᬡᬚᬦᬶᬦᬫ᭄ᬧᬶᬧᭂᬮᬶᬄ᭞ᬤᭀᬲᬦᬾ ᬲᬸᬩ᭞ᬳᭂᬦ᭄ᬢᭀᬳᬩᬓᬬᬂᬚᬦᬶ᭟ᬓᬤᬾᬦᬵᬲᬥ᭄ᬬᬫᬭᬧᭂᬮᬶᬄᬢ᭄ᬯᬭᬗᭂᬦᬄ᭞ᬬᬦ᭄ᬲᬸᬯᬸᬂᬓᬤᬾᬦᬂᬲᭂᬧᬶ᭞
Kaca:Bali-lontar-gaguritan-paparikan-sarasamuscaya-300ppi.pdf/87
Kaca puniki sampun kauji-wacén
