[᭘᭘ 88B]
᭘᭘
ᬓᬤᬾᬦ᭄ᬧᬕᭂᬄᬢᭂᬦᬸᬳᬸᬭᬶᬧ᭄᭟ᬳᭂᬜᬾᬦ᭄ᬲᬶᬤ᭄ᬥᬫᬗᭂᬩᭂᬓᬶᬦ᭄ᬫᬦᬄᬢᬺᬱ᭄ᬡ᭞ᬳᬶᬢᬺᬱ᭄ᬡᬲᬓ᭄ᬱᬢ᭄ᬧᬲᬶᬄ᭞ᬩᬶᬦ᭄ᬧᬶᬤᬦ᭄ᬓᬲᬶᬤ᭄ᬥᬦ᭄᭞ᬳᭂᬩᭂᬓ᭄ᬩᬳᬦ᭄ᬳᭂᬬᬾᬄᬢᬸᬓᬤ᭄᭞ᬳᬶᬚᬦ᭄ᬫᬓᬾᬢᭀᬳᬸᬧᬫᬶ᭞ᬳᬕᬸ
ᬗᬶᬂᬢᬺᬱ᭄ᬡ᭞ᬢᬺᬱ᭄ᬡᬦᬾ ᬲᬳᬶᬓᬸᬩᬸᬗᬶᬦ᭄᭟ᬢ᭄ᬯᬄᬳᬶᬢᬺᬱ᭄ᬡᬫᬯᭂᬯᭂᬄᬲᬸᬓᬯᬶᬪᬯ᭞ᬳᬲᬶᬂᬭᬸᬧᬓᬢᬺᬱ᭄ᬡᬳᬶᬦ᭄᭞ᬳᬩᬫᬳᬶᬦ᭄ᬤᭂᬗᬦ᭄᭞ᬓᬤᬶᬢᬦ᭄ᬤᬸᬓ᭄ᬳᬶᬫᬜ᭄ᬚᬗᬦ᭄᭞ᬓᬲᬸᬯᬾᬦ᭄ᬫᬘᬗ᭄ᬕᬄᬮᬜᬶᬂ᭞ᬳᬶᬩᬸᬤ᭄ᬥᬶ
ᬢᬺᬱ᭄ᬡ᭞ᬗᬯᬾᬲᬭᬢ᭄ᬲᬳᬶᬲᬳᬶ᭟ᬢ᭄ᬯᬭᬩᬶᬦᬳᬶᬢᬺᬱ᭄ᬡᬭᬶᬂᬳᬶᬲ᭄ᬢ᭄ᬭᬶᬓᬲ᭄ᬫᬮ᭞ᬫᬦᬶᬢᬄᬳᬦᬓᬾ ᬫ᭄ᬯᬦᬶ᭞ᬲᬶᬦᬄᬫᬜᬶᬤ᭄ᬥᬬᬂ᭞ᬫᬦᬸᬤᬸᬳᬂᬳᬶᬲᭀᬫᬄ᭞ᬫᬗ᭄ᬤᬦᬾ ᬫᬲᭀᬮᬄᬧᭂᬮᬶᬄ᭞ᬢ᭄ᬯᬭᬚᭂᬗᬳᬦ᭄᭞
ᬜᬮᬦᬶᬦ᭄ᬳᬶᬧᬵᬧᬩᬸᬤ᭄ᬥᬶ᭟ᬢ᭄ᬯᬄᬳᬶᬢᬺᬱ᭄ᬡᬧᬦᬶᬢᬳᬾ ᬲᬃᬯ᭄ᬯᬫᬮ᭞ᬓ᭄ᬭᬡᬳᬤ᭄ᬳᬧ᭄ᬭᬂᬦᬶᬦ᭄ᬤᬶᬄ᭞ᬫᬶᬯᬄᬫᬢᬸᬗ᭄ᬓᬲᬦ᭄᭞ᬲᬃᬯ᭄ᬯᬳᬫ᭄ᬩᭂᬓᬾ ᬳᬮ᭞ᬧᬦᬶᬢᬄᬳᬶᬢᬺᬱ᭄ᬡᬲᬫᬶ᭞ᬭᬶᬂᬚᬕᬢᬶᬕ᭞ᬓᬾᬢᭀ
[᭘᭙ 89A]
ᬓᬢᬸᬢᬸᬭᬜ᭄ᬚᬢᬶ᭟ᬲᬂᬜᬶᬤ᭄ᬥᬬᬂᬲᬤ᭄ᬬᬲᬤ᭄ᬬᬫᬫᭂᬕᬢ᭄ᬳᬶᬢᬺᬱ᭄ᬡ᭞ᬲᬶᬦᬄᬭᬳᬬᬸᬓᬧᬗ᭄ᬕᬶᬄ᭞ᬢ᭄ᬯᬭᬳᬤᬪᬬ᭞ᬢᭀᬤᬶᬓᬧᬦ᭄ᬧᬘᬂᬢᬶᬯᬲ᭄᭞ᬲᬢᬸᬳᬸᬳᬾᬦᭂᬫᬸᬲᬸᬕᬶᬄ᭞ᬳᬧᬲᭂᬗᬶᬢᬂ᭞ᬢ᭄ᬯᬭᬢ
ᬳᬾᬦ᭄ᬓᬧ᭄ᬭᬶᬬᬢᬶᬦ᭄᭟ᬬᬳᬶᬢᬺᬱ᭄ᬡᬭᬸᬧᬫᬯᬓ᭄ᬢᬦ᭄ᬧᬳᬯᬓ᭄᭞ᬫᬢᬓᬸᬧᬶᬗᬾ ᬢᭂᬓᭂᬧᬶᬦ᭄᭞ᬲᬶᬦᬄᬳᬶᬬᬗᭂᬦᬄ᭞ᬢ᭄ᬯᬭᬗᬸᬲᬸᬤ᭄ᬳᬯᬓ᭄᭞ᬤᬤᬶᬗᭂᬢᭀᬃᬯᭂᬢᬸᬕᬶᬤᬶᬄ᭞ᬚᭂᬚᭂᬄᬫᬭᬱ᭞ᬭᬲᬬᬂ
ᬲᬸᬩᬫᬲᬦ᭄ᬤᬶᬂ᭟ᬬᬦ᭄ᬓᬶᬲᬶᬤᬂᬳᬶᬢᬺᬱ᭄ᬡᬢ᭄ᬯᬭᬫᬢᬶᬗ᭄ᬕᬮ᭄᭞ᬬᬦ᭄ᬳᭂᬗ᭄ᬲᬧᬂᬢ᭄ᬯᬭᬮᬮᬶ᭞ᬫᬦᭂᬓᭂᬢ᭄ᬤᬶᬳᬯᬓ᭄ᬳᬯᬓᬾ ᬓᭀᬲᭀᬓ᭄ᬩᬺᬲᬶᬳᬂ᭞ᬳᬶᬢᬺᬱ᭄ᬡᬢ᭄ᬯᬭᬫᬕᭂᬤᬶ᭞ᬢᬸᬦ᭄ᬤᬸᬂᬲᬭᬢᬂ᭞ᬫᬲᬶᬄᬳᭂᬦᬸ
ᬧᭂᬗ᭄ᬓᬸᬂᬦᭂᬗᬶᬮ᭄᭟ᬦᬄᬢᬸᬦᬲᬂᬓᬾᬦ᭄ᬓᬾᬦᬂᬩᬳᬦ᭄ᬫᬤᬬ᭞ᬫᬗ᭄ᬤᬾᬳᬶᬢᬺᬱ᭄ᬡᬫᬕᭂᬤᬶ᭞ᬬᬦᬶᬂᬲᬸᬩᬢᬶᬗ᭄ᬕᬮ᭄᭞ᬤᬶᬢᬸᬲᬸᬓᬦᬾ ᬮᬶᬯᬢ᭄᭞ᬳᬧᬩᬸᬯᬶᬦ᭄ᬫᬜᬓᬶᬢᬶᬦ᭄᭞ᬲᬸᬓᬲᬢᬢ᭞ᬳᬲᬶᬂᬗ᭄ᬕ
Kaca:Bali-lontar-gaguritan-paparikan-sarasamuscaya-300ppi.pdf/89
Kaca puniki sampun kauji-wacén
