[᭘ 8B]
᭘
ᬢ᭄ᬜᬸᬫ᭄ᬩᬄᬬᬦ᭄ᬓᬾᬦᬵᬓᬾᬦ᭄ᬳᬶᬥᭂᬧᬾᬤᬶᬢᬸ᭞ᬓᬤᬾᬦ᭄ᬳᭂᬦ᭄ᬢᭀᬫᬗ᭄ᬭᬦᬬᬂ᭞ᬨᬘᬂᬦᬸᬗ᭄ᬓᬧ᭄ᬲ᭄ᬯᬃᬕ᭄ᬕᬍᬯᬶᬄ᭟ᬲᬸᬯᬸᬤ᭄ᬜᬸᬫ᭄ᬩᬄᬮᬯᬸᬢ᭄ᬩᬸᬤᬮ᭄᭞ᬫᭂᬜ᭄ᬚᬸᬄᬯᬸᬭᬶᬧᬥᬫᬗᬮᬳᬶᬦ᭄ᬫᬸᬮᬶᬄ᭞ᬲᬂᬳᬢ᭄ᬫᬫᬲᬶᬄᬫᬗ᭄ᬮ
ᬧᬸᬢ᭄᭞ᬫᬫᬃᬕ᭄ᬕᬢᬸᬮᬸᬲ᭄ᬗᬭᬕ᭟ᬫᬲᬶᬄᬳᭂᬦᬸᬗᬩᬲᭀᬮᬄᬳᬮᬳᬬᬸ᭞ᬳᭂᬦ᭄ᬢᭀᬢ᭄ᬯᬄᬓᬩᭂᬓᭂᬮᬂ᭞ᬧᬶᬢᬸᬯᬶᬦ᭄ᬦᬾᬩᬸᬮᬓ᭄ᬩᬮᬶᬓ᭄᭟ᬓᬾᬯᬮᬯᬦ᭄ᬢᬄᬳᬶᬥᬃᬫ᭄ᬫ᭞ᬳᭂᬦ᭄ᬢᭀᬳᬬᬸᬭᬶᬲᬲᬢᬂ
ᬳᬕᬸᬂᬲᬸᬕᬶᬄ᭞ᬫᬦᬄᬍᬩᬳᬃᬣᬶᬦ᭄ᬳᬶᬧᬸᬦ᭄᭞ᬦ᭄ᬭᬶᬫᬢ᭄ᬯᬄᬲᬸᬓᬤᬸᬄᬓᬵ᭞ᬳᬶᬥᭂᬧᬼᬩᭀᬢᬫ᭄ᬩᬵ᭞ᬍᬯᬶᬄᬯᬱ᭄ᬝᬦ᭄ᬳᬶᬧᬸᬦ᭄᭞ᬧ᭄ᬭᬲᬰ᭄ᬘᬶᬢᬓᬳᬸᬘᬧᬂ᭞ᬧᬫᬥᭂᬫ᭄ᬮᬭᬦᬶᬂᬳᬢᬶ᭟ᬲᬫ᭄ᬬᬚ᭄ᬜᬦᬧᬶ
ᬢᭂᬕᭂᬲᬶᬂ᭞ᬧᬥᬳᬤᬸᬂᬳᬶᬥᭂᬧ᭄ᬯ᭄ᬭᬸᬄᬮᬯᬦ᭄ᬳᬚᬶ᭞ᬢᬢ᭄ᬯᬢᬸᬢᬸᬃᬧᬥᬳᬤᬸᬂ᭞ᬢ᭄ᬯᬭᬩᬶᬲᬫᬫ᭄ᬩᭂᬓᭂᬭᭀᬥ᭞ᬢ᭄ᬯᬭᬳᬾᬦᬔᬫᬢᬶᬫᬢᬶᬫᬗ᭄ᬮᬂᬓᬸᬂ᭞ᬲᬶᬦᬄᬲᬸᬓᬦᬾ ᬓᬢᬫ᭞ᬓᬾᬢᭀ
[᭙ 9A]
ᬓᬢᬸᬢᬸᬭᬜ᭄ᬚᬢᬶ᭟ᬬᬦᬶᬂᬲᬸᬩᬢᬢᬲ᭄ᬩᬶᬲ᭞ᬫᬦᬸᬗ᭄ᬕᬮᬂᬳᬕᬫᬓᬭᬶᬗ᭄ᬓᭂᬲᬫᬶ᭞ᬳᭂᬦ᭄ᬢᭀᬢ᭄ᬯᬄᬓᬲᭂᬗ᭄ᬕᬸᬄᬳᬬᬸ᭞ᬳᭂᬦ᭄ᬢᭀᬫᬤᬦ᭄ᬲ᭄ᬯᬃᬕ᭄ᬕᬓᬤᬂ᭞ᬬᬳᬶᬓᬤᬂᬮᬶᬬᬸᬢᭂᬓᬧᬕᬭᬸᬤᬸᬕ᭄᭞
ᬧᬢᬓᭀᬦ᭄ᬦᬾ ᬫᬳᬾᬦ᭄ᬤᬳᬦ᭄᭞ᬲᬶᬦᬄᬩᬶᬗᬸᬂᬫᬦᬸᬢᬸᬭᬶᬦ᭄᭟ᬲᬗ᭄ᬳ᭄ᬬᬂᬳᬬᬸᬤᬤᬶᬲᬯᬢ᭄᭞ᬢᬸᬃᬫᬮᬶᬗ᭄ᬕᬶᬄᬭᬶᬂᬢᭂᬗᬄᬕᭀᬯᬦᬾ ᬲ᭄ᬭᬶᬧᬶᬢ᭄᭞ᬲᬶᬦᬄᬲᭂᬗ᭄ᬓᬚ᭄ᬯᬗᬭᬸᬭᬸᬄ᭞ᬤᬾᬦᬵᬳᬶᬂᬧᬳᬶᬥᭂ
ᬧᬾᬳᭀᬩᬄ᭞ᬫᬓᬓᭂᬜ᭄ᬘᬦ᭄ᬫᬦᬶᬫ᭄ᬩᬂᬦᬾ ᬳᬶᬯᬂᬧᬢᬸᬢ᭄᭞ᬳᬯᬓ᭄ᬳᬚᬸᬫ᭄ᬗᬓᬸᬩᬶᬲ᭞ᬓᬳᬸᬘᬧᬂᬫ᭄ᬩ᭄ᬭᬸᬓ᭄ᬢᬓᬶᬮ᭄᭟ᬳᬸᬤᬸᬄᬘᭂᬦᬶᬂᬧ᭄ᬬ
ᬦᬓ᭄ᬩᬧ᭞ᬳᭂᬤᬧᬶᬲᬦ᭄ᬳᬶᬘᭂᬦᬶᬂᬧᬺᬱᬗ᭄ᬕᬩᬦᬶ᭞ᬭᬶᬂᬳᬶᬤᬲᬂᬫ᭄ᬭᬕᬧᬸᬢᬸᬲ᭄᭞ᬫᬓᬤᬶᬭᬶᬂᬲᬂᬓᬯᬶᬢᬦ᭄᭞ᬳᬦᬓ᭄ᬮᬶᬗ᭄ᬲᬶᬃᬲᭂᬍᬕᬂᬫᬢᬸᬃᬫᬗ᭄ᬮᬸᬗ᭄ᬲᬸᬃ᭞ᬫᬗ᭄ᬤᬳᬶᬘ᭄ᬙᬮᬸᬕ᭄ᬭᬯᬭᬄ᭞
Kaca:Bali-lontar-gaguritan-paparikan-sarasamuscaya-300ppi.pdf/9
Kaca puniki sampun kauji-wacén
