[᭘᭙ 89B]
᭘᭙
ᬯᬾᬲᬶᬤ᭄ᬥᬤᬤᬶ᭟ᬢ᭄ᬯᬄᬳᬶᬲᬸᬓᬓᬯᬗᬸᬦ᭄ᬩᬦ᭄ᬧᬜ᭄ᬘᬾᬦ᭄ᬤ᭄ᬭᬶᬬ᭞ᬲᬸᬓᬭᬶᬂᬚᬕᬢᬾᬤᬶᬦᬶ᭞ᬫ᭄ᬯᬄᬲᬸᬓᬭᬶᬂᬲ᭄ᬯᬃᬕ᭄ᬕᬦ᭄᭞ᬫᬯᬶᬮᬂᬲᬸᬓᬤᬤ᭄ᬯ᭞ᬳᭂᬦ᭄ᬢᭀᬢᬶᬫ᭄ᬩᬂᬫᬓᬓᬮᬶᬄ᭞ᬳᭂᬗ᭄ᬓᬾᬦ᭄ᬫᭂᬮᬳᬦ᭄᭞ᬳᬶᬦ᭄ᬤ᭄ᬭᬶᬬᬲᬸᬓ
ᬦᬾ ᬓᬮᬶᬄ᭟ᬬᬦ᭄ᬳᬶᬢᬺᬱ᭄ᬡᬢᬦ᭄ᬲᬄᬗᭂᬦ᭄ᬢᬶᬓᬂᬓᬮᭀᬩᬵᬦ᭄᭞ᬮ᭄ᬯᬶᬃᬳᬸᬪᬬᬦᬾ ᬧᬲ᭄ᬢᬶ᭞ᬳᭂᬦ᭄ᬢᭀᬢ᭄ᬯᬄᬫᬗ᭄ᬭᬸᬲᬓ᭄᭞ᬫᬗ᭄ᬯᬗᬸᬦ᭄ᬗᬯᬾ ᬲᬗ᭄ᬲᬭ᭞ᬳᬶᬢᬺᬱ᭄ᬡᬳᬸᬪᬬᬧᬲ᭄ᬢᬶ᭞ᬗᭂᬦ᭄ᬢᬶᬓᬂᬧᬵᬳᬧ᭞ᬗᬶᬮᬗᬂᬳᬶ
ᬥᬃᬫ᭄ᬫᬚᬢᬶ᭟ᬬᬦ᭄ᬳᬶᬥᬃᬫ᭄ᬫᬳᬶᬮᬂᬩᬳᬦ᭄ᬳᬶᬮᭀᬪ᭟ᬲᬶᬦᬄᬧᬵᬧᬦᬾ ᬓᬪᬸᬓ᭄ᬢᬶ᭞ᬤᬤᬶᬢᬦ᭄ᬲᬦ᭄ᬢᭀᬱ᭞ᬓᬧ᭄ᬭᬶᬬᬢᬶᬦ᭄ᬫᭂᬜ᭄ᬚᬦ᭄ᬫ᭞ᬳᬶᬦ᭄ᬤ᭄ᬭᬶᬬᬦᬾ ᬲᬬᬦ᭄ᬯᬺᬤ᭄ᬥᬶ᭞ᬩᬳᬦ᭄ᬳᬶᬮᭀᬪ᭞ᬫᬦᬶᬢᬄᬲᬳᬶ
ᬜᬓᬶᬢᬶᬦ᭄᭟ᬬᬦ᭄ᬳᬶᬦ᭄ᬤ᭄ᬭᬶᬬᬦᬾ ᬲᬸᬩᬫᬦᬶᬢᬄᬫᬫᬹᬃᬢ᭄ᬢ᭄ᬬ᭞ᬲᬂᬧ᭄ᬭᬚ᭄ᬜᬦ᭄ᬤᬤᬶᬮᬶᬮᬶᬄ᭞ᬫᬶᬯᬄᬲᬗ᭄ᬳ᭄ᬬᬂᬲᬲ᭄ᬢ᭄ᬭ᭞ᬲᬗ᭄ᬳ᭄ᬬᬂᬳᬚᬶᬢᬢ᭄ᬯᬢᬢ᭄ᬯ᭞ᬢᬶᬗ᭄ᬕᬮ᭄ᬳᬶᬤ᭄ᬳᬤᬳ᭄ᬢ᭄ᬚ᭄ᬭᬶᬄ᭞ᬤᬾᬦᬶᬂᬳᬶᬮᭀᬪ᭞ᬫᬗᬜᬸ
[᭙᭐ 90A]
ᬤᬂᬲᬃᬯ᭄ᬯᬍᬯᬶᬄ᭟ᬮᬶᬦ᭄ᬢᬂᬫᬾᬯᭂᬄᬓᬜᬮᬦᬂᬓᬮᭀᬪᬦ᭄᭞ᬫᬦᬸᬧ᭄ᬢᬸᬧᬂᬳᬶᬫᬵᬲ᭄ᬧᬶᬧᬶᬲ᭄᭞ᬬᬦ᭄ᬲᬸᬩᬓᬲᬶᬤ᭄ᬥᬦ᭄᭞ᬮᭀᬪᬦᬾ ᬫᬜᬶᬤ᭄ᬥᬬᬂ᭞ᬗᭂᬮᬄᬪ᭄ᬭᬡᬢᬦ᭄ᬓᬶᬦᬸᬢᬶ᭞ᬗ᭄ᬕᬯᬾᬲᭂᬗ᭄ᬓᬮ᭞ᬤ
ᬦᬾ ᬳᭂᬦᬸᬦᬸᬢᬸᬢᬶᬦ᭄᭟ᬳᬯᬓ᭄ᬮᭀᬪᬲᬶᬦᬄᬓᬾᬯᭂᬄᬧᬹᬡ᭄ᬬ᭞ᬤᬶᬦᬶᬓ᭄ᬭᭀᬥᬤᬤᬶᬳᬶᬭᬶ᭞ᬤᬶᬲᬸᬩᬦᬾ ᬗᭂᬮᬄ᭞ᬭᬚᬪ᭄ᬭᬡᬫᬯᬓ᭄ᬫᬮ᭞ᬢᬺᬱ᭄ᬡᬮᭀᬩᬦᬾ ᬫᬦᬶᬦ᭄ᬤᬶᬄ᭞ᬤᬤᬶᬫᬗᬯᬕ᭄᭞ᬢ᭄ᬯᬭᬦᬯᬂ
ᬩᭂᬦᭂᬄᬧᭂᬮᬶᬄ᭟ᬤᬤᬶᬳᭂᬗ᭄ᬲᬧ᭄ᬢ᭄ᬯᬭᬳᭂᬜᬓ᭄ᬦᬗᬸᬦ᭄ᬧᬸᬡ᭄ᬬ᭞ᬬᬦᬶᬂᬫᬲᬦᬺᬋᬤ᭄ᬦᬫ᭄ᬧᬶ᭞ᬧᬗᬶᬮᬗᬶᬂᬪ᭄ᬭᬡ᭞ᬲᬸᬩᬲᬶᬦᬄᬧᬘ᭄ᬦᬕ᭄ᬢᭂᬮᬄ᭞ᬤᬶᬢᬸᬩᬸᬯᬶᬦ᭄ᬦᬫ᭄ᬧᬶᬲᬓᬶᬢ᭄᭞ᬓᬕᭂᬮᬕᭂᬮ᭞ᬦᬸᬢᬸᬭᬂᬗᭂᬫᬵ
ᬲᬶᬦ᭄ᬫᬢᬶ᭟ᬢ᭄ᬯᬄᬳᬶᬳᬃᬣᬫᬗᬸᬦᬂᬭᬕᬓᬲ᭄ᬫᬮ᭞ᬓ᭄ᬭᬡᬳᬸᬮᬗᬸᬦ᭄ᬧ᭄ᬭᬶᬬᬢᬶᬦ᭄᭞ᬲᬚᬢ᭄ᬯᬄᬳᬶᬪᭀᬕ᭞ᬫᬗ᭄ᬕᬯᬾᬦᬶᬦ᭄ᬓᬲᬸᬓᬦ᭄᭞ᬧᬗᬮᬶᬳᬾᬢᬸᬬᬸᬄᬲᬳᬶ᭞ᬲᬶᬦᬄᬫᬶᬮᬭ᭞
Kaca:Bali-lontar-gaguritan-paparikan-sarasamuscaya-300ppi.pdf/90
Kaca puniki sampun kauji-wacén
