[᭙᭒ 92B]
᭙᭒
ᬫᬲ᭄ᬢᬶᬬᬂ᭞ᬬᬦ᭄ᬩᬸᬯᬢ᭄ᬳᬶᬭᬚᬪ᭄ᬭᬡ᭞ᬲᬶᬦᬄᬧᬘᬂᬩᭂᬮᬲ᭄ᬤᬤᬶ᭞ᬩᬶᬮᬶᬄᬳᬶᬤᬾᬯᬾᬓ᭄ᬫᬮᬸᬯᬦ᭄᭞ᬫᬗᬮᬳᬶᬦ᭄ᬧᬘᬂᬮᬫ᭄ᬧᬸᬲ᭄᭞ᬤᬶᬓᬾᬦ᭄ᬓᬾᬦᬾ ᬳᬶᬬᬢᭂᬮᬲ᭄᭞ᬫᬗᬮᬳᬶᬦ᭄᭞ᬳᬶᬭᬚᬪ᭄ᬭᬡᬫ
ᬮᬸᬯᬦ᭄᭟ᬓ᭄ᬭᬡᬳᭂᬤᬩᬦᬶᬲ᭄ᬦᭂᬍᬩᬂ᭞ᬗᬮᬶᬄᬓᬯᬶᬪᬯᬦ᭄ᬤᬶᬦᬶ᭞ᬤᬾᬦᬶᬂᬲᬶᬦᬄᬢ᭄ᬯᬭᬮᬦ᭞ᬬᬫᬶᬢ᭄ᬭᬫᬯᬓ᭄ᬱᬢ᭄ᬭᬸ᭞ᬳᭂᬤᬧᬮᬶᬂᬢᭂᬓᬾᬦ᭄ᬳᬯᬓ᭄᭞ᬫᬗᬶᬗᭂᬢᬶᬦ᭄ᬰᬢ᭄ᬭᬸᬫᬶᬢ᭄ᬭᬦᬾ ᬤᬶᬳᬯᬓ᭄᭟
ᬳᬤᬳᬦᬓ᭄ᬢᬦ᭄ᬧᬡ᭄ᬥᬶᬢ᭞ᬲᬸᬩᬓᬃᬯ᭄ᬯᬦ᭄ᬦᬫ᭄ᬧᬶᬂᬖ᭄ᬦᬶ᭞ᬗᬶᬍᬳᬶᬦ᭄ᬤᬾᬯᬾᬓ᭄ᬋᬓᭀ᭞ᬫᬲᬶᬄᬯᬦᬾᬦ᭄ᬳ᭄ᬬᬫᬦᬸᬳᬸᬓ᭄᭞ᬬᬦᬶᬂᬳᬶᬤ᭄ᬳᬲᬂᬧᬡ᭄ᬥᬶᬢ᭞ᬗᬤᬸᬚᬸᬭᬶᬢ᭄᭞ᬕᭂᬦᬶᬦᬾ ᬮᬯᬸᬢ᭄ᬓᬶᬘᬮᬂ᭟
ᬦᬄᬓᬾᬢᭀᬳᬶᬗᭂᬢᬂᬧᬶᬲᬦ᭄᭞ᬧᬶᬢᬸᬢᬸᬃᬩᬧᬳᬓᬶᬤᬶᬓ᭄᭞ᬳᭂᬤᬘᭂᬦᬶᬂᬗᬾᬮᬄᬳᬫ᭄ᬧᬄ᭞ᬫᬸᬂᬧᬸᬂᬓᬢᬸᬗ᭄ᬕᬸᬩᬦ᭄ᬳᬶᬤᬸᬧ᭄᭞ᬲᭂᬍᬕᬂᬳᬸᬕᬶᬫᬮᬚᬄ᭞ᬳᬧᬂᬚᬵᬢᬶ
[᭙᭓ 93A]
ᬗᬮᬶᬄᬕᬸᬭᬸᬧᬶᬲᭂᬓᭂᬦᬂ᭟ᬩᬧᬫᬦᬯᭂᬕᬂᬧᬶᬲᬦ᭄᭞ᬢᭂᬓᬾᬜ᭄ᬘᭂᬦᬶᬂᬩᬸᬓᬚᬦᬶ᭞ᬓᭂᬦᬘᭂᬦᬶᬂᬗᬓ᭄ᬱᬫᬬᬂ᭞ᬫᬭᬶᬂᬳᬶᬤ᭄ᬳᬤᬦᬾ ᬳᬶᬧᬸᬦ᭄᭞ᬳᬦ᭄ᬢᬸᬓ᭄ᬮᬘᬸᬭᬾᬓᬮᬶᬯᬢ᭄᭞ᬩᭂᬮᭀᬕ᭄ᬚᬢᬶ᭞ᬓᬾ
ᬯᬮᬫᬤᬲᬃᬧᭀᬗᬄ᭟ᬧᭀᬗᬄᬩᬧᬦᬾ ᬓᬮᬶᬯᬢ᭄᭞ᬤᭂᬫᭂᬦ᭄ᬳᬚᬸᬫ᭄ᬓᬤᬾᬦ᭄ᬭᬶᬭᬶᬄ᭞ᬢ᭄ᬯᬭᬢᬳᬸᬢᭂᬓᬾᬦ᭄ᬳᬯᬓ᭄᭞ᬲᬢᬢᬫᬗ᭄ᬕᬶᬄᬧᬓᬾᬯᬸᬄ᭞ᬳᬸᬮᬶᬂᬘᭂᬦᬶᬓ᭄ᬧᬶᬦᬄᬢᬸᬯ᭞ᬓᬬᬂᬫᬢᬶ᭞
ᬢᬦᬸᬭᬸᬂᬫᬗ᭄ᬕᬶᬳᬂᬧᬵᬧ᭟ᬩᬧᬍᬓᬤ᭄ᬤᬶᬘᬸᬘᬸᬓᬦ᭄᭞ᬓᭀᬘᬧ᭄ᬳᭂᬦᬸᬭᬚᭂᬕ᭄ᬩᬮᬶ᭞ᬦᬗ᭄ᬳᬶᬂᬩᬧᬢ᭄ᬯᬭᬦᬯᬂ᭞ᬳᬾᬗ᭄ᬕᬮᬦ᭄ᬕᬸᬫᬶᬦᬾ ᬳᬸᬯᬸᬕ᭄᭞ᬳᬶᬗᭂᬢ᭄ᬩᬧᬲᬸᬩᬢᭂᬭᬂ᭞ᬓᬕᭂᬦ᭄ᬢᭀᬲᬶᬦ᭄᭞
ᬳᬦ᭄ᬢᬸᬓ᭄ᬭᬢᬸᬲ᭄ᬭᬶᬳᭀᬮᬦ᭄ᬥ᭟ᬩᬧᬳᬶᬤᬸᬧ᭄ᬓᬲᬗ᭄ᬲᬭᬦ᭄᭞ᬢᬸᬦᬲᬗᬸᬳᬸᬮᬶᬂᬘᭂᬭᬶᬓ᭄᭞ᬲᬶᬂᬚᬮᬜ᭄ᬚᬮᬦ᭄ᬫᬦᭀᬗᭀᬲ᭄᭞ᬫᬫᬸᬯᬢᬂᬗᬶᬤᬶᬄᬲᬗᬸ᭞ᬤᬶᬚᬳᬤᬳᬦᬓ᭄ᬳᭀᬮᬲ᭄᭞ᬫᬗᬸᬩᬸ
Kaca:Bali-lontar-gaguritan-paparikan-sarasamuscaya-300ppi.pdf/93
Kaca puniki sampun kauji-wacén
