[ ᭓᭒ 32B]
᭓᭒᭞
ᬭᬶᬂᬧᬓᬵᬃᬫ᭄ᬫ᭞ᬫᬗ᭄ᬤᬾᬦ᭄ᬳᬤᭀᬄᬲᬭᬹᬧᬵᬦᬶᬂᬲᬭᬸᬲᬭᬸ᭞ᬫᬶᬯᬄᬋᬕᭂᬥᬶᬂᬚᬕᬢ᭄᭞ᬤᬸᬫᬤᬓ᭄ᬫᬕᬦ᭄ᬢᬶᬲᬸᬘᬶ᭟ᬫᬮᬶᬄᬗᬯᬶᬢᬂᬜᬭᬶᬢ᭞ᬓᭀᬚᬭᬦᬾᬲᭀᬮᬄᬫᬦᬳᬾᬲᬶᬲᬶᬧ᭄᭞ᬦᬾᬓᬗ᭄ᬓᬾᬦ᭄ᬰᬢ᭄ᬭᬸᬦᬶᬗᬬᬸ᭞ᬗ᭄ᬤᭀᬳᬂᬓᬉᬢ᭄ᬢᬫᬦ᭄᭞ᬳᬲ᭄ᬢ
ᬤᬾᬯᬶᬯᬵᬱ᭄ᬝᬦᬾᬓᭀᬚᬭᬦ᭄ᬢᬸᬢᬹᬃ᭞ᬧᬸᬦᬶᬓᬧᬵᬢᬹᬢ᭄ᬓᬲᭀᬭᬂ᭞ᬫᬗ᭄ᬤᬾᬦ᭄ᬲᬶᬤ᭄ᬥᬦᬸᬗ᭄ᬓᬧ᭄ᬍᬯᬶᬄ᭚᭜᭚ᬧᬸᬄᬕᬫ᭄ᬩᬸᬄ᭚᭜᭚ᬲᬮᬶᬦᬶᬦ᭄ᬢᭂᬫ᭄ᬩᬂᬕᬫ᭄ᬩᬸᬄ᭞ᬕᭂᬦ᭄ᬥᬶᬂᬚᬯᬶᬩᬮᬶᬤᬵᬱᬦ᭄ᬳᬶᬧᬸᬦ᭄᭞ᬫᬦᬸᬢᬸᬭᬂᬦᬾᬫᬯᬵᬱ᭄ᬝᬳᬲ᭄ᬢᬤᬾᬯᬶ᭞ᬩᬘᬓ
ᬦ᭄ᬳᬶᬧᬸᬦ᭄ᬳᬓᬸᬢᬸᬲ᭄᭞ᬫᬫᬶᬗᬸᬗᬂᬫᬦᬄᬩ᭄ᬮᭀᬕ᭄᭟ᬚᬬᬲᬶᬤ᭄ᬥᬶᬓᬲᬢᬸ᭞ᬲᬢᬸᬭᬱᬶᬡᬶᬧᬶᬂᬓᬮᬶᬄᬳᬶᬧᬸᬦ᭄᭞ᬓᬧᬶᬂᬢᬶᬕᬵᬦᬾᬫᬯᬵᬱ᭄ᬝᬳᬸᬫᬤᬾᬯᬶ᭞ᬘᬫᬸᬦ᭄ᬥᬶᬓᬧᬶᬂᬧᬵᬢ᭄ᬳᬶᬧᬸᬦ᭄᭞ᬫᬓ᭄ᬭᭀᬤᬶᬧᬶᬂᬮᬶᬫᬋᬓᭀ᭟ᬦᭂᬫ᭄ᬤᬹᬃᬕ᭄ᬕᬤᬾᬯᬶᬳᬶᬓᬸ᭞
ᬢᬦ᭄ᬲᬶᬦᬶᬦᬾᬧᬸᬦᬶᬓᬧᬧᬶᬢᬸ᭞ᬭᬶᬧᬸᬧᬸᬢᬾᬓᬧᬶᬂᬓᬸᬢᬸᬲ᭄ᬓᬯᬶᬮᬗᬶᬦ᭄᭞ᬯᬵᬱ᭄ᬝᬦᬾᬯᬶᬖ᭄ᬦᬵᬓᬲ᭄ᬗᬸᬢ᭄᭞ᬓᬂᬓᬶᬦᬗ᭄ᬓᭂᬦ᭄ᬫᬸᬲᬸᬄᬳᬩᭀᬢ᭄᭟ᬯᬶᬯᬶᬢᬶᬦ᭄ᬫᬮᬶᬄᬗᬶᬢᬸᬂ᭞ᬚᬬᬲᬶᬤ᭄ᬥᬶᬩᬶᬱᬲᬸᬕᬶᬄᬳᬕᬸᬂ᭞ᬧᬗᬸᬘᬧᬾᬳᬓᬸᬲᬸᬕᬶᬄᬍ
[ ᭓᭓ 33A]
ᬯᬶᬄᬰᬓ᭄ᬢᬶ᭞ᬗᬕᬸᬕᬸᬡᬵᬯᬗ᭄ᬰᬮᬸᬳᬸᬃ᭞ᬦᬵᬗ᭄ᬳᬶᬂᬧᬗᬗ᭄ᬓᭂᬦ᭄ᬮᬶᬜᭀᬓ᭄᭟ᬍᬯᬶᬄᬰᬵᬓ᭄ᬢᬶᬢᬦ᭄ᬢᬸᬳᬸ᭞ᬢᬹᬃᬢᬦ᭄ᬳᬲᬶᬄᬭᬶᬂᬚᬕᬢ᭄ᬯᭀᬗᬶᬓᬸ᭞ᬩᭀᬮᬾᬄᬩᬶᬮᬂᬲᬸᬤᬄᬫᬲᬸᬓ᭄᭞ᬚᬬᬲᬶᬤ᭄ᬥᬶ᭞ᬲᬢᬸᬭᬱᬶᬡᬶᬧᬸᬦᬶᬓᬸ᭞ᬧ᭄ᬭᬢᬶᬗ᭄ᬓᬳᬾᬦᬾᬓᬩ
ᬯᭀᬲ᭄᭟ᬗ᭄ᬕᬯᬾᬳᬾᬮᬶᬓ᭄ᬱᬢᬸᬯᬸᬓ᭄᭞ᬳᬾᬮᬶᬓᬶᬂᬚᬕᬢ᭄ᬲᭀᬮᬄᬯᭀᬗᬶᬓᬸ᭞ᬢᬹᬃᬲᬵᬨᬮᬳᬸᬮᬳᬾᬭᬶᬂᬩᬧᬵᬩᬶᬩᬶ᭞ᬬᬤ᭄ᬬᬦ᭄ᬭᬶᬂᬲᬫᬦ᭄ᬳᬶᬧᬸᬦ᭄᭞ᬗᬸᬗ᭄ᬓᬸᬮᬂᬤ᭄ᬕᬕ᭄ᬓᬾᬫᬯᭀᬦ᭄᭟ᬉᬫᬵᬤᬾᬯᬶᬦᬾᬇᬓᬸ᭞ᬲᭀᬮᬄᬢᬶᬗ᭄ᬓᬄᬳᬾᬫ
ᬗᬓᬸᬳᬓᬸ᭞ᬲᬵᬫ᭄ᬧᬸᬦ᭄ᬫᬵᬯᬓ᭄ᬢ᭄ᬬᬂᬲᬹᬓ᭄ᬱ᭄ᬫᬭᬶᬤᬍᬫ᭄ᬳᬢᬶ᭞ᬗᬶᬗ᭄ᬕᬶᬮᬂᬤᬾᬯᬾᬓ᭄ᬲᬢᬸᬯᬸᬓ᭄᭞ᬧᬸᬦᬶᬓᬧᬧᬶᬦᭂᬄᬩᬸᬭᭀᬓ᭄᭟ᬘᬫᬸᬦ᭄ᬥᬶᬯᬵᬱ᭄ᬝᬦ᭄ᬳᬶᬧᬸᬦ᭄᭞ᬧᬫᬶᬦᭂᬳᬾᬓᬩ᭄ᬬᬧᬭᬦ᭄ᬩᬶᬗᬸᬂ᭞ᬦᭀᬭᬫᬦᬹᬢ᭄ᬭᬶᬂᬓᬉᬢ᭄ᬢᬫᬦᬶᬂᬩᬸᬤ᭄ᬥᬶ᭞ᬧᬗᬸᬘᬧᬾᬲᬲᬃᬲᬸᬲᬸᬃ᭞
ᬧᬸᬦᬶᬓᬢᬦ᭄ᬧᬵᬢᬹᬢ᭄ᬳᬗ᭄ᬕᭀᬦ᭄᭟ᬫᬦ᭄ᬭᭀᬤᬶᬦᬾᬧᬸᬦᬶᬓᬸ᭞ᬩᬺᬬᭂᬕᬦ᭄ᬫᬦᬄᬲ᭄ᬭᬶᬂᬩᭂᬲᬸᬲ᭄᭞ᬦᭀᬭᬳᬃᬱᬧᬵᬢᬹᬢ᭄ᬭᬶᬂᬯᭀᬂᬮ᭄ᬬᬦ᭄᭞ᬫᬮᬶᬄᬗᬸᬩᬸᬳᬶᬦ᭄ᬩ᭄ᬭᬗ᭄ᬢᬶᬲᬢᬸᬯᬸᬓ᭄᭞ᬢᬦ᭄ᬳᬸᬦᬶᬂᬭᬶᬗ᭄ᬳᬢᬶᬧᭀᬮᭀᬲ᭄᭟ᬩᬸᬤ᭄ᬥᬶᬦᬾᬲᬦ᭄ᬤᭂᬄᬚ
Kaca:Bali-lontar-gaguritan-prasrddha-niti-300ppi.pdf/33
Kaca puniki sampun kauji-wacén
